ఏపీ క్యాబినేట్.. వైఎస్సార్ కడప జిల్లా వద్దు కడపజిల్లానే

శనివారం ఏపీ క్యాబినేట్ సమావేశం జరిగింది. ఈసందర్బంగా పలు అంశాలపై మంత్రివర్గం చర్చించినట్టు తెలుస్తోంది. ముఖ్యంగా వైఎస్సార్ కడప జిల్లా గురించి చర్చకు వచ్చినట్టు తెలుస్తోంది. వైఎస్సార్ కడప జిల్లాను కడప జిల్లాగే ఉంచాలని మంత్రివర్గం అభిప్రాయపడింది. మంత్రి అచ్చెన్నాయుడు అసలు కడప జిల్లాకు దేవుని గడప పేరుతో వచ్చిందని.. ఇప్పుడు దేవుని పేరు తీసి వైఎస్సార్ కడప అని ఎలా మారుస్తారని ఈ అంశాన్ని లేవనెత్తారు. దీనికి చంద్రబాబు స్పందించి అయితే, దీని పైన ప్రజాభిప్రాయ సేకరణ చేద్దామని.. ప్రజాభిప్రాయం ప్రకారం వెళదామని చెప్పినట్టు తెలుస్తోంది.కాగా ఇసుక విధానంపై ప్రజల్లో అసంతృప్తి ఉందని కొందరు మంత్రులు ప్రస్తావించారు.