వింత శిశువు జననం: కపాలం లేదు

విజయనగరం జిల్లా శృంగవరపుకోటలో వింత శిశువు జన్మించాడు. ఈ శిశువు కపాలం లేకుండా జన్మించాడు. విజయనగరం జిల్లా వేపాడ మండలం కేజీపూడి గ్రామానికి చెందిన దేవుడమ్మను ప్రసవం కోసం 108 వాహనంలో శృంగవరపు కోట ప్రభుత్వ ఆస్పత్రికి తరలిస్తూ వుండగా ఈ వింత మగ శిశువుకు ఆమె జన్మనిచ్చింది. ఈ పసికందు కపాలం లేకుండా మెదడంతా బయటకి వచ్చి కనిపించడంతో అందరూ షాకయ్యారు. తల్లీ బిడ్డను హుటాహుటిగా శృంగవరపు కోట ప్రభుత్వ ఆస్పత్రికి తరలించారు. వీరిద్దరినీ శుక్రవారం నాడే విశాఖలోని కేజీహెచ్‌కి తరలించనున్నామని వైద్యులు తెలిపారు.