రాహుల్ సభలో గన్ కలకలం

ఏఐసీసీ ఉపాధ్యక్షుడు రాహుల్ గాంధీ...బీహార్ ఎన్నికల ప్రచారంలో ఓ యువకుడు ఎయిర్ గన్ తో తిరుగుతూ తీవ్ర కలకలం రేపాడు. చంపారన్ రామ్ నగర్ లో రాహుల్ ర్యాలీ నిర్వహిస్తుండగా అక్కడికి వచ్చిన ఓ యువకుడు ఎయిర్ గన్ పట్టుకుని ఉండటాన్ని గమనించి అదుపులోకి తీసుకున్నారు, అయితే నిందితుడు తయ్యబ్ జాన్ మానసిక స్థితి సరిగా లేదని, విచారణలో వివరాలు చెప్పలేకపోతున్నాడని ఎస్పీ ఆనంద్ కుమార్ సింగ్ తెలిపారు. తయ్యబ్ నుంచి ఓ బ్యాగును కూడా స్వాధీనం చేసుకున్నామని తెలిపిన పోలీసులు, అతను ఉద్దేశపూర్వకంగానే ఎయిర్ గన్ తో రాహుల్ సభకు వచ్చాడా లేదా అనేది తేలాల్సి ఉందంటున్నారు.