తెలంగాణ నా ఇల్లు: శ్రీహరి

తెలంగాణ నా ఇల్లు. అలాంటిది ఇల్లు గురించి అడిగితే ఏం చెబుతాను అని ప్రముఖ నటుడు రియల్‌స్టార్ శ్రీహరి అన్నారు. సినీ జీవితంలో విజయం సాధించాను..అలాగే రాజకీయాల్లో కూడా ఎదుగుతానని చెప్పారు. కాంగ్రెస్ పార్టీ నుండి నేను ప్రజలకు సేవ చేయగలనని అనుకుంటున్నానని, ముందు ఆ పార్టీలో చేరి ప్రజలకు సేవ చేస్తానని ఆ తరువాత అవకాశాన్ని బట్టి కూకట్ పల్లి నియోజకవర్గం నుండి ఎమ్మెల్యే పోటీ చేసే విషయం ఆలోచిస్తానని అన్నారు. దివంగత వైయస్ రాజశేఖర రెడ్డి మీద ఉన్న అభిమానంతోనే తాను జగన్‌ను కలిశానని చెప్పారు. అయితే శ్రీహరి తొలుత వైయస్సార్ కాంగ్రెసు పార్టీలో చేరడం కోసం చంచల్‌గూడ జైలులో ఉన్న వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిని కలిశారు. ఇటీవల రాజకీయ పరిణామాల నేపథ్యంలో ఆయన కాంగ్రెసు నుండి పోటీ చేసేందుకు ఆసక్తి చూపిస్తున్నారు.