సినీ పరిశ్రమలోనున్న ప్రముఖులు, ఇటు ఎన్టీఆర్ అభిమానులు ‘రభస’ సినిమా పాటల విడుదల కోసం ఎదురుచూస్తున్నారు. మొదట ఈ చిత్రం ఆడియోను జులై మొదటి వారంలో విడుదల చేయాలనుకున్నారు. కాని అనుకోని పరిస్థితుల వల్ల ఆడియోను 25కు వాయిదా వేశారు. అలాగే జులై 27కి పోస్ట్ పోన్ అయిందని కూడా వార్తలు వచ్చాయి. ఈ వార్తలతో ఈ సినిమా ఆడియో రిలీజ్ పై అభిమానుల్లో అస్పష్టత నెలకొంది. అయితే, తాజాగా తెలిసిన సమాచారం ప్రకారం ఈ సినిమా ఆడియో ఆగష్టు 1న రిలీజ్ అవుతుందని తెలుస్తోంది. ఇప్పటికే శిల్పకళావేదికను ఆడియో వెన్యూగా నిర్ణయించినట్లు తెలుస్తోంది. సమంత, ప్రణీత హీరోయిన్లుగా నటించిన ఈ చిత్రానికి తమన్ సంగీతం అందించాడు. ఈ చిత్రంలో ఎన్టీఆర్ ఒక పాట పాడటం విశేషం. ఆగస్టు 14న రాబోతున్న ఈ చిత్రంపై నందమూరి అభిమానులు భారీ అంచనాలు పెట్టుకున్నారు.
.gif)
.webp)
