జగన్ ఆస్తుల కేసులో మరో చార్జిషీట్

జగన్ అక్రమాస్తుల కేసులో సీబీఐ మరో చార్జిషీట్ దాఖలు చేయనుంది. మొదటి చార్జ్‌షీట్‌కు అనుబంద చార్జిషీట్‌నే రేపు దాఖలు చేయనున్నట్లు కోర్టుకు సీబీఐ తెలిపింది. ఇప్పటికే ఈ కేసుకు సంబంధించి కేవీపీ సహా పలువురిని సీబీఐ విచారించింది. ఈ కేసులో ఇప్పటి వరకు సీబీఐ నాలుగు అనుబంధ చార్జిషీట్‌లను దాఖలు చేసింది. ఈ నేపథ్యంలో రేపు దాఖలు చేసే చార్జిషీట్ కీలకం కానుంది. ఫార్మా కంపెనీల పాత్రనూ సీబీఐ దర్యాప్తులో వెల్లడించనుంది. అటు ఈ కేసులో మంత్రి ధర్మానప్రసాద్‌రావు ఈ ఉదయం నాంపల్లి సీబీఐ కోర్టుకు హాజరయ్యారు. మరోవైపు ఢిల్లీలోని ఈడీ న్యాయప్రాదిక సంస్థ ఎదుట జగన్ ఆస్తుల జప్తుపై మధ్యాహ్నం 2:30 గంటలకు విచారణ జరుగనుంది.