టోల్ కట్టమన్నందుకు..బస్సుతో గుద్దబోయాడు

టోల్‌ కట్టమన్నందుకు ఏకంగా ఒక వ్యక్తినే ఢీకొట్టబోయాడు ఒక బస్సు డ్రైవర్. గుర్గావ్‌లోని ఖేర్కీ ధౌలా టోల్‌ప్లాజా దగ్గర టోల్ టాక్స్ రూ.60 కట్టడానికి ఓ ప్రైవేట్ బస్సు డ్రైవర్ నిరాకరించాడు. టోల్ ట్యాక్స్ కట్టాల్సిందిగా నిలదీయడంతో బస్సు డ్రైవర్ కట్టకుండా పారిపోవడానికి ప్రయత్నించాడు. అతన్ని అడ్డుకునేందుకు టోల్ ప్లాజా మేనేజర్ ప్రయత్నించాడు. దీంతో అతన్ని ఢీ కొట్టడానికి కూడా సదరు డ్రైవర్ వెనుకాడకపోవడంతో అతను వెంటనే పక్కకు దూకాడు. ఈ మొత్తం వ్యవహారం అక్కడి సీసీ కెమెరాలో రికార్డయ్యింది. జరిగిన ఘటనపై టోల్‌ప్లాజా నిర్వాహకులు పోలీసులకు ఫిర్యాదు చేశారు. ఇక్కడ ఇలాంటి సంఘటనలు కామన్. గతంలో కూడా ఇలాగే టోల్ కట్టమన్నందుకు కొందరు వ్యక్తులు టోల్ సిబ్బందిపై దాడికి దిగారు.