రాముడికి సీత ఒక్కటే పెళ్ళాం. కలియుగ దేవుడు శ్రీ వెంకన్న స్వామికి ఇద్దరు భార్యలు, శివుడికి ఇద్దరు భార్యలు, శ్రీకృష్ణుడికి ఎనిమిది మంది భార్యలు, ఇక మనుషుల విషయానికి వస్తే పెళ్లి విషయంలో కొంత మంది రాముడిని ఫాలో అయితే ఇంకొందరు, వెంకన్న శివుడ్ని ఫాలో అయ్యి ఇద్దరు పెళ్లాలను చేసుకుంటారు.. ఇంకొంత మంది వాళ్ళు సంఖ్యను బ్రేక్ చేసిన వాళ్ళు కూడా ఉన్నారు.. అలాగే శ్రీకిష్ణుడిని సంఖ్యను బ్రేక్ చేసిన వ్యక్తి ఒకరు ఉన్నారు.. శ్రీ కృష్ణుడి సంఖ్యను బ్రేక్ చేయడం అంటే 9 మందిని పెళ్లిచేసుకోవడం కాదు.. 16 మందిని పెళ్లి చేసుకోవడం కాదు ఇతను ఏకంగా  38 మందిని పెళ్లి చేసుకున్నారు. ఒక్క పెళ్ళని పెళ్లి చేసుకుని దాని పోరు పడడం కష్టం అనుకుంటే ఇంత మందిని ఎలా మెయింటేన్ చేశాడో మహానుభావుడు అని అనుకుంటున్నారా..? ఆ విషయాలు తెలియాలంటే ఇంకా ముందుకు వెళ్ళాలి.. సరే ఆ విషయం వదిలేస్తే పెళ్ళాలు అంతమంది ఉంటే మరి పిల్లలు ఇంకెంత మంది ఉంటారు అని అనుకుంటున్నారా..? 89  ఉన్నారు. 33 మందు  మనవళ్లు, మనవరాళ్లు ఉన్నారు. అంటే దాదాపు అతని మొత్తం ఫ్యామిలీ ప్యాకేజీ 160 మంది ఉన్నారు. అంతే కాదు ప్రపంచంలోనే అతిపెద్ద కుటుంబంగా గుర్తింపు పొందింది ఆ కుటుంబం, వారు ఉన్న ఊరు  పర్యాటక ప్రాంతంగానూ మారింది. తాజాగా ఆ ఇంటి పెద్ద ఆదివారం కన్నుమూశారు.  వివరాలు ఇలా ఉన్నాయి. 

అది మిజోరాం రాష్ట్రము. బక్తావంగ్ త్లాంగ్‌నమ్ గ్రామం అతని పేరు  జియోన చనా. అతని  వయసు  76 సంవత్సరాలు.  మిజోరాంలోని మధ్య సెర్‌చిప్ జిల్లా బక్తావంగ్ త్లాంగ్‌నమ్‌ గ్రామానికి చెందిన జియోన చనాకు 38 మంది భార్యలు, 89 మంది పిల్లలు, 33 మంది మనవళ్లు, మనవరాళ్లు ఉన్నారు. చనా మృతిపై మిజోరం ప్రభుత్వం తరఫున ఆ రాష్ట్ర ముఖ్యమంత్రి జోరాంతంగ భారమైన హృదయంతో సంతాపం తెలిపారు. ‘మీ కుటుంబం కారణంగానే రాష్ట్రంలో పెద్ద పర్యాటక కేంద్రంగా మీ గ్రామం ఉండేది. మీ ఆత్మకు శాంతి చేకూరాలి’ అని ట్వీట్‌ చేశారు.

డయాబెటిస్‌, బీపీలతో బాధపడుతున్న జియోన మిజోరం రాజధాని ఐజ్వాల్‌లోని ట్రినిటీ ఆసుపత్రిలో ఆదివారం మధ్యాహ్నం మృతిచెందారు. స్వగ్రామం బక్తావంగ్‌ త్లాంగ్‌నామ్‌లోని చనాస్‌ వర్గానికి ఈయనే పెద్ద. జులై 21, 1945లో జన్మించిన జియోన పదిహేడేళ్ల వయసులో తొలి వివాహం చేసుకున్నారు. మొదటి భార్య జతియంగ్ ఆయన కంటే మూడేళ్లు పెద్దది కావడం విశేషం. వంద గదులున్న నాలుగంతస్తుల భవనంలో ఈ కుటుంబం నివసిస్తోంది. విశ్రాంత గదులు వేరైనా అందరికీ వంటగది ఒక్కటే.

జియోన పడకగదికి దగ్గరలోని డార్మెటరీలో ఆయన భార్యలు ఉండేవారు. కుటుంబ పోషణకు సరిపడా ఆర్థిక వనరులున్నా బయటి నుంచి కూడా విరాళాలు అందేవి. ‘నా మతాన్ని విస్తరించే క్రమంలో నేను వివాహం చేసుకోవడానికి అమెరికా కూడా వెళ్లేందుకు సిద్ధంగా ఉన్నాను’ అని ఒకప్పుడు చనా చెప్పేవారు. కాగా, ఓ ఇంటర్వ్యూలో చనా కుమారులు మాట్లాడుతూ.. తమ తాత ముత్తాలకు కూడా చాలా మంది భార్యలు ఉండేవారని అన్నారు. పేద మహిళలను చూసి పెళ్లిచేసుకోనేవారని తెలిపారు. కాగా, చనా కుటుంబం వల్ల బక్తావంగ్ త్లాంగ్‌నమ్ మిజోరంలో ప్రముఖ పర్యాటక కేంద్రంగా మారింది. అయ్యో పాపం ఆయన ఆత్మకు శాంతి కలుగ వలెను అని, వారి కుటుంబ సభ్యుల కు ధైర్యం రావాలని భగవంతుని దేవ దేవుని స్వామి నీ ప్రార్ధన చేస్తూ ఉన్నాను