రేవంత్ రెడ్డి కూతురి నిశ్చితార్ధానికి గాను రేవంత్ కు ఇచ్చిన బెయిల్ గడువు ముగిసింది. రేవంత్ రెడ్డికి ఇంకా రెండు గంటలు సమయం ఉన్నప్పటికీ నగరం నుండి జైలు దూరంగా ఉండటం వలన.. ట్రాఫిక్ కారణంగా ఆలస్యం అవుతుందని.. ఇచ్చిన గడువులోనే జైలుకు వెళ్లేందుకు ఆయన ముందే బయల్దేరారు. ఉదయం నుండి కూతురి నిశ్చితార్ధ కార్యక్రమంలో ఉన్న ఆయన చుట్టూ నిఘా ఉన్నా కూడా ముఖంలో ఎటువంటి భయం, ఆందోళన లేకుండా అందరిని చక్కగా నవ్వుకుంటూ పలకరించారు. తరువాత ఇంటికి చేరుకున్న రేవంత్ రెడ్డి అక్కడ కొంతమంది కుటుంబసభ్యులు, నాయకులతో గడిపారు. అయితే సరిగ్గా నాలుగు గంటలకు ఆయనే స్వచ్ఛందంగా వచ్చి జైలుకు తరలించే వాహనంలోకి ఎక్కారు. ఆ వెంటనే ఎస్కార్ట్ సిబ్బందితో ఆయన చర్లపల్లి జైలుకు బయల్దేరారు.