మాజీ మంత్రి గాలి ముద్దుకృష్ణమనాయుడు తెలంగాణ సీఎం కేసీఆర్ పై విమర్శల బాణాలు సంధించారు. నోటుకు ఓటు కేసులో స్టింగ్ ఆపరేషన్ చేసిన కేసీఆర్ పై మండిపడ్డారు. కేసీఆర్ కూడా ఒకప్పుడు తెలుగుదేశం పార్టీ నుండి వచ్చినోడే అని.. ఆవిషయం ఆయన మర్చిపోయినట్టు ఉన్నారని తిట్టిపోశారు. అసలు చంద్రబాబు దగ్గర జీతగాడుగా ఉన్న కేసీఆర్ ఇప్పుడు ఆయనపైనే స్టింగ్ ఆపరేషన్ చేయిస్తాడా అంటూ విమర్శించారు. తెలంగాణ ఉద్యమం పేరుతో కేసీఆర్, ఆయన కొడుకు, కూతురు, మేనల్లుడు కోట్లు సంపాదించారని విమర్శించారు. పిరికిపంద, అవినీతిపరుడు, పాస్పోర్టులు అమ్ముకుని జైలుకు పోయిన కేసీఆర్ ఇప్పుడు నీతుల గురించి మాట్లాడటం చాలా ఆశ్చర్యంగా ఉందని.. దెయ్యాలు వేదాలు వల్లించినట్టు ఉందని తీవ్రస్థాయిలో మండిపడ్డారు.