సమాజంలో నిత్యం మహిళలు సమస్యలు ఎదురుకుంటున్నారు. వారిపై రోజు రోజు అఘాయిత్యాలు పెరిగిపోతున్నాయి. అటు ఇంట్లోనూ ఇటు సమాజంలోనే మహిళలకు సేఫ్టీ ఉండడం లేదు. గుడి, బడి, ఆఫీస్, రోడ్డు  ఇలా ఎక్కడ పడితే అక్కడ మగాళ్లు మృగాళ్లు గా మారి మహిళలను వేధిస్తున్నారు. ఇక సమాజంలో అందరికీ ఆదర్శంగా ఉండాల్సిన అధికారులు, ఉపాధ్యాయులు ఉండడం విచారకరం. తాజాగా ఒక ప్రొఫెసర్ తన మహిళా సహోద్యోగిని లైంగికంగా వేధించిన ఘటన ఆలస్యంగా వెలుగుచూసింది. అందులోనూ ఈ ఘటన సీఎం జగన్ ఇలాకా లో జరగడం సంచలనంగా మారింది.

వివరాల్లోకి  వెళితే.. అది ఆంధ్రప్రదేశ్. సీఎం సొంత జిల్లా కడపలోని. యోగి వేమన విశ్వవిద్యాలయంలో ఓ ప్రబుద్ధ  ప్రొఫెసర్ రాసలీలల బాగోతం బయటపడింది. యోగి వేమన విశ్వవిద్యాలయంలో ఒక డిపార్టుమెంట్ లో ప్రొఫెసర్ గా పనిచేస్తున్న ఓ వ్యక్తి  ఆయనకు  46  సంవత్సరాలు.. అతని బుద్ధి ఎలాంటిదో లేక ఆరోజు అతనికి అలా అనిపించిందో ఏమో గానీ అతని మైండ్ లో ఒక పాడుబుడ్డి పుట్టింది. వెంటనే ఆ విషపు ఆలోచన అమలు చేయాలనుకున్నాడు. అందుకు  ఒక పథకం వేశాడు. అదే డిపార్టుమెంట్ కి చెందిన మహిళా ప్రొఫెసర్ ని ఆదివారం కాలేజ్ కి రమ్మని తెలిపాడు. ఆదివారం సెలవు కదా అని అడిగితే..  మరో సారి ఆర్డర్ వేసినట్లు అత్యవసరంగా పూర్తి చేయాల్సిన పని ఉందని తప్పకుండా రావాలి అంటూ ఆదేశాలు జారీ చేశాడు. ఆమె పై అధికారి అందులో  ప్రొఫెసర్ రమ్మంటే రాను అని ఎదురు చెప్పలేక ఆమె సరే అని తల ఊపింది. 

క్యాంపస్ కి వెళ్లిన ఆమెను  ప్రొఫెసర్ తన పర్సనల్ రూమ్ కి తీసుకువెళ్లి ఆమెతో అసభ్యంగా మాట్లాడుతూ.. అక్కడక్కడా చేతులు వేయడం ప్రారంభించాడు. అప్పటికే  ప్రొఫెసర్ వ్యవహారం పసికట్టిన  ఆమె అడ్డుచెప్పడంతో ఇక  ప్రొఫెసర్ తన కోరిక తెరిచాకపోతే ఉద్యోగం పోతుందని వార్నింగ్ ఇచ్చాడు. దీంతో మహిళా ప్రొఫెసర్ తన ఫోన్ లో ఆ మాటలను రికార్డ్ చేసి సహోద్యుగులకు పంపడంతో ఈ విషయం వెలుగు చూసింది. అక్కడితో  ప్రొఫెసర్ మరిన్ని రాసలీలలు బయట పడ్డాయి. అంతకు ముందు తమను కూడా ఇలాగే వేధించాడని  ఇతర ఉద్యోగినిలు కూడా తెలపడంతో అతడిపై  విశ్వవిద్యాలయం ఉమన్‌ ఎంపవర్‌మెంట్‌ కమిటీ సభ్యులు విచారణ చేపట్టారు.