తేలు మంత్రం రానివాడు.  పాము నోట్లో వేలు పెట్టినట్లు.  కొండనాలుకకు మందేస్తే ఉన్న నాలుక ఊడిందన్న సామెతలకు చాలా దగ్గర పోలిక ఉంది ఈ ఇన్సిడెంట్. డాక్టర్స్ అంటే దేవుడితో సమానం.. వాళ్ళుకూడా తప్పులు చేస్తున్నారు. వైద్య వృత్తిని పక్కద్రోవ పట్టిస్తున్నారు. కొన్ని రోజుల క్రితం వరంగల్ లో యూట్యూబ్ లో చూసి ఆపరేషన్ చేశాడు ఒక వైద్యుడు.. అధికారులు అతని పై వేటు వేశారు.. తాజాగా మరో వైద్యుడు మరో తప్పు చేశాడు.. ఇలా ప్రాణాలు కాపాడాల్సిన వైద్యులే పేషేంట్స్ ల ప్రాణాలతో చెలగాటం ఆగుతున్నారు. వివరాల్లోకి వెళితే..  

రోడ్డు ప్రమాదంలో ఓ వ్యక్తి గాయపడటంతో  స్థానికులు అతణ్ని ఆస్పత్రికి తరలించారు. కాలు విరిగిందని చెప్పిన వైద్యులు, ఆపరేఫన్ చేశారు. అక్కడి వరకు బాగానే ఉంది. కానీ  సర్జరీ అనంతరం కళ్లు తెరిచి చూసిన బాధితుడు ఒక్కసారిగా టైడ్ యాడ్ లా  కంగుతిన్నాడు. అసలు ఏమైందంటే,  సిద్దిపేట జిల్లా ఉద్దేమర్రి గ్రామానికి చెందిన సురేశ్ పని నిమిత్తం వేరే ఊరు వెళ్లాడు. తిరిగి ఇంటికి వెళ్తున్న సమయంలో దేవుడి అనుగ్రహమే వాడి పోరపాటో తెలియదు గానీ యాక్సిడెంట్ జరిగింది. ఈ ఘటనలో సురేశ్ కాలుకి దెబ్బతగిలింది. గమనించిన స్థానికులు అతణ్ని మేడ్చల్ జిల్లా కాప్రా సర్కిల్ ఈసీఐఎల్​లోని ఓ ప్రైవేట్ హాస్పిటల్‌కి తరలించారు. విషయం తెలుసుకున్న కుటుంబ సభ్యులు హుటాహుటిన  ఆస్పత్రికి వచ్చారు. ప్రమాదంలో సురేశ్ కాలు విరగడంతో అతడికి శస్త్ర చికిత్స చేశామని చెప్పారు డాక్టర్లు. సెర్టిఫికెట్స్ డాక్టర్స్ సర్జరీకి రెడీ చేశారు. సర్జరీ  తర్వాత కళ్లు తెరిచిన పేషేంట్ సురేశ్.. తన కాలిని చూసి షాక్‌కు గురయ్యాడు. విరిగిన కాలికి కాకుండా.. మరో కాలికి శస్త్రచికిత్స చేయడం గమనించి ఖంగుతిన్నాడు. సురేశ్ బంధువులు, కుటుంబ సభ్యులు.. వైద్యులను నిలదీయగా.. పొరపాటు జరిగిందని చేసిన తప్పును ఒప్పుకున్నాడు. మళ్లీ విరిగిన కాలికి శస్త్రచికిత్స చేస్తామని వెల్లడించారు. ఈ క్రమంలో ఆస్పత్రి యాజమాన్యంతో సురేశ్ కుటుంబ సభ్యులు గొడవకు దిగారు. బాధితుని కుటుంబ సభ్యులు పోలీసులకు ఫిర్యాదు చేశారు. కేసు నమోదు చేసుకున్న పోలీసులు.. దర్యాప్తు చేస్తున్నారు. ఈ ఘటన స్థానికంగా చర్చనీయాంశమైంది. అసలు విరగని కాలికి సర్జరీ ఎలా చేశారన్నది మిస్టరీగా మారింది. కాలు కాబట్టి సరిపోయింది. అదే ఏ కడుపొ కన్నో ఐతే వాళ్ళ పరిస్థితి ఏంటి చెప్పండి..