62 వ. సర్గ
           దధిముఖుడు సుగ్రీవునితో ;-
    1.   దధిముఖుండు పరి | వారము దోడ్కొని
           పరుగున బోయి కి | ష్కింధ జేరుకొని |
                          జాంబవ దంగద - హనుమదాదులు
                          మధువనమున బడి - మధువు గ్రోలి రని
          అడ్డగించిన - తమపై తలపడి
          ఉన్మాదమున హిం | సించినారని |
                            మధువనమునంత - బీడు చేసిరని
                            విన్నవించుకొనే - సుగ్రీవుని గని    ....   ||శ్రీ||
                         __: 62 వ. స. సంపూర్ణము :_
               సుగ్రీవుడు :-
    1.   జయహనుమంతుడు - సీత జాడ గని
           జయోత్సాహము | న మరలి యుండునని |
                         ఆనందముతో - అంగదాదులు
                          మధువనమునబడి - త్రాగి యుందురని |
            అడ్డగించిన - దధిముభాదులను
           మత్తిల్లివారు - కొట్టి యుందురని |
                            సుగ్రీవుడు కడు - సంతోషముతో
                            విన్నవించెను - రాజసుతులతో   ....    ||శ్రీ||
            శ్రీరాముడు :-
    2.   సీత జాడగని - ఉత్సాహమున
           మరలి వచ్చెడు - వానర వీరుల |
                             జాంబవ దంగద - హనుమ దాదుల
                             వేగమె రమ్మని - కబురంపమని |
           సీత క్షేమమును - తెలుపు సువార్తను
           మారుతి పలుక తా - వినవలయునని |
                            రామచంద్రుడు - సుగ్రీవునితో
                            దివ్యస్వరమున - పలికె ప్రీతితో   ....    ||శ్రీ||
            సుగ్రీవుడు ;-
    3.   సీతజాడగని - వచ్చుచుండిన
          కపివరులందరు - క్షమార్హులని |
                           వారితోడ ఇక - కలహము వలదని
                           జరిగిన దానిని - మరచి పొమ్మని |
          తడవు చేయక - మరలి పొమ్మని
          వారందరిని - వేగపంపుమని |
                            దధిముఖునితో సు | గ్రీవుడు బలికె
                            ఆదరించి మరి - ప్రీతిగ నంపే   ....    ||శ్రీ||
                             __: 63 వ. స. సంపూర్ణము :__
                                64 వ. సర్గ
    1.   కపి రాజంపిన - కబురందగ
           కపి వీరులు కి | ష్కంధకు వెడలగ 

                           జయహనుమంతుడు - ముందు నడువగ
                           జయజయ ధ్వనులతో - ముందుకు సాగగ 

          రాను రాను ఆ - కోలాహలము
          చేరుకొనెను కి | ష్కింధాపురము |

                          రామలక్ష్మణ - సుగ్రీవాదులు
                          ప్రస్రవణగిరి | పైన వేచిరి      ....    ||శ్రీ|| 
    2.   జాంబవ దంగద - హనుమదాదులు
          ప్రస్రవణగిరి - చేరినారు |
                         రామలక్ష్మణ సు | గ్రీవాదులకు
                         వినయముతో వం | దన మిడినారు |
       అంజనేయుడు - శ్రీరామునితో
      "చూచితి సీత" న | ని శుభ వార్త దెల్పె |
                             ఆనందాశ్రులు - రాలగ రాముడు
                             మారుతి నెంతో - అభినందించె     ....   ||శ్రీ|
  
                                             __: 64 వ. స. సంపూర్ణము :__
                      65 వ. సర్గ
    1.   నలువంకల ఉ | త్సాహము పొంగగ
          ప్రతి మోమున ఆ | నందము చిందగ |
                          రామలక్ష్మణ సు | గ్రీవాదులను
                          వానరులందరూ - పరివేష్టింపగ |
          "హనుమా ! సీతను - ఎట్లు గాంచితివి
            ఎట్లున్నది సీ | త - ఏమి తెల్పినది ?"
                              అని పలికిన శ్రీ | రామచంద్రునకు       
                              మారుతి తెల్పే త | న లంకాయానము   ....   ||శ్రీ||
          మారుతి శ్రీరామునితో :-
    2.   "దక్షిణ దిశగా - వారిధి నడుమ
            సుందరమైన - లంక యుత్నది |
                             శతయోజనముల - వారిధి దాటి
                             ఒంటిగ నేను - లంక జేరితి |
           అడుగడుగున నే - లంక వెదకితి
            ఆగి ఆగి నే - కలయ జూచితి |"
                           అని మారుతి తన | లంకాయానమును
                           రామచంద్రునకు - విన్నవించెను    ....   ||శ్రీ||