57 వ. సర్గ
    1.   "అరిష్ట మను - గిరిపై నిలిచి
            మారుతి ఎగసెను - కాయము బెంచి |
                               పవన కుమారుని - పదఘట్టనకే
                               పర్వతమంతయు - పుడమిని క్రుంగే |
            సీతను గాంచిన - శుభవార్త వేగ
            శ్రీరామునకు - తెలియజేయగ
                             మారుతి మరలెను - అతి వేగముగ
                              ఉత్తర దిశగా - వారిధి దాటగ   ....   ||శ్రీ||
    2.   గరుడిని వోలె - శరవేగముగొని
           పెద్ద పెద్ద మే | ఘాలు దాటుకొని |
                            మార్గ మధ్యమున - మైనాకునిగని
                             ప్రేమ మీరగ - క్షేమము కనుగొని |
          దూరము నుండి మ | హేంద్ర శిఖరిని
          ఉత్సాహమున - ముందుగా గని |
                            విజయ సూచనగ - గర్జన చేయుచు
                            మారుతి సాగెను - వేగము పెంచుచు  ....  ||శ్రీ||
    3.   మహేంద్రగిరి - శిఖరాగ్రమున
           బారులు తీరిచి - వానరులుండిరి |
                             జాంబవదాది - వీరులందరు
                             ఎదురు తెన్నులు - కాయుచుండిరి |
          మారుతి జేసిన - సింహనాదమును
          విని గుర్తించి హ | ర్షించి హసించిరి |
                             తరుశాఖలపై | పైకి ఎగసిరి
                              జెండాల వోలె - రెమ్మల నూపిరి   ....    ||శ్రీ||
    4.   కపి వీరులను - చేర రమ్మని
           జాంబవంతుడు - పలికెను ప్రీతిని |
                              "ఆ వినుపించెడు భీకర నాదము
                              మారుతి చేసెడు - సింహ నాదము |
           ఊరక చేయడు - ఇంతటి నాదము
           సీతను కనుగొని - యుండుట  ఖాయము |"
                           అని తీరుగ బ | ల్కె జాంబవంతుడు
                           అందరిలోను - అనుభవజ్ఞుడు    ....    ||శ్రీ||
    5.   సుందరమైన మ | హేంద్రగిరిపైన
          సెలఏట దిగి - తానమాడి |
                           జాంబవదాది - పెద్దలందరికి
                            వాయు నందనుడు - వందనములిడి |
          "చూచితి సీతను - చూచితి సీతను"
           అను శుభవార్తను - ముందుగ బలికెను |
                              కపివీరులు హను | మంతుని బొగడిరి
                              ఫలముల నొసగి - సత్కరించిరి   .....   ||శ్రీ||
    6. "హనుమా నీవు | మహాశూరుడవు
          స్వామి భక్తి ప | రాయణుండవు |
                            వారిధి దాటి - లంకకు జేరి
                            సీతను జూచి - మరలి వచ్చితివి |
           ఒంటిగ ఇంతటి - సాహస కార్యము
           ఎటు చేసితివో - విన గోరుదుము"
                               అని కోర్కెబడిరి - అంగదాదులు
                                పరివేష్టించిరి - వానర వీరులు    ...    ||శ్రీ||
                           __: 57 వ. స. సంపూర్ణము :__
                      58, 59, 60 వ. సర్గలు
    1. మారుతి తన లం | కా యానమును
         వానరులకు వివ | రించి తెల్పెను |
                          అంగదాదులు - ఆలకించిరి
                          ఆనందముతో - పొంగిపోయిరి |
          రామ లక్ష్మణ సు | గ్రీవాదులకు
          ఈ శుభవార్తను - వేగదేల్పుటకు |
                            కపికుంజరుని - ముందు నిడుకొని
                            కపులందరు కి | ష్కింధకు సాగిరి    ....    ||శ్రీ||
                       __: 58, 59, 60 వ. స. సంపూర్ణము :__
                       61 వ.  సర్గ
    1.   సుగ్రీవుని మే | న మామ కలడు
           దధిముఖుండను - వానరోత్తముడు |
                          అతనిచే కా | పాడు బడునది
                          కపిరాజునకు - కడు ప్రియమైనది |
           దివ్యమైనది వి | శాలమైనది
           ఒరులు చొరరాని - మధువనమ్మది |
                         అంగదాదులా - వనమున బడిరి
                         అదుపాజ్ఞ లేక - అల్లరి చేసిరి     ....    ||శ్రీ||
    2.   మధువు గ్రోలి గ్రో | లి పారబోసిరి
           మధువనమునంత - బీడు చేసిరి |
                          అడ్డగించిన - దధిముఖాదులను
                          అడలబాది మరి - వెడల గొట్టిరి |
           ఆడిరి పాడిరి - గంతులు వేసిరి
           శాఖల విరిచి - తరువుల గూల్చిరి |
                             మధువనమును కపు | లందరు చేరి
                             అదుపాజ్ఞ లేక - ధ్వంసము చేసిరి   ...   ||శ్రీ||
                                      __: 61 వ. స. సంపూర్ణము :__