3.   "పాము కుబుసమును - దిగవిడిచినటుల
             నరుడు కోపమును - వదలుకో వలె |
                                   జలముచేత అ | గ్ని నార్పినటుల
                                   బుద్ధి చేత కో | పాగ్ని నణచవలె
            కోపములేని ప్ర | శాంత చిత్తులు
            ఉత్తమ పురుషులు - ధన్యజీవు" లని
                            మారుతి వగచె తా - చేసిన పని గని
                            తన కోపమె తన - శత్రువాయేనని   ....    ||శ్రీ||
    4.   "సీతా మాత - క్షేమము మరచితి
            కోప తాపమున - లంక దాహించితి |
                           లంకాపురము - సర్వము పోగా
                           ఇంకా జానకి - మిగిలి యుందునా
            సిగ్గుమాలిన - స్వామిద్రోహిని
             సీతను జంపిన | మహాపాపి" నని
                            మారుతి వగచె తా - చేసిన పని గని
                            తన కోపమె తన - శత్రువాయేనని   ....    ||శ్రీ||
    5.   "సీతలేనిదే - రాముడుండడు
             రాముడు లేనిదే - లక్ష్మణుడుండడు |
                              భరత శతృఘ్న - సుగ్రీవాదులు
                              ఈ దుర్వార్త వి | ని బ్రతుక జాలరు |
             ఈ ఘోరమునకు - కారణమైతిని
              నాకు మరణమే - శరణ్య" మని
                              మారుతి వగచె తా - చేసిన పని గని
                              తన కోపమె తన - శత్రువాయేనని   ....    ||శ్రీ||
    6.   "శ్రీరఘురాముని - ప్రియసతి సీత
            అగ్ని వంటి మ | హా పతివ్రత |
                         అగ్నిని అగ్ని ద | హింప నేర్చునా
                          అయోనిజను - అగ్ని దహించునా ?
            నను కరుణించిన - అగ్నిదేవుడు
           సీతను చల్లగ - చూడకుండునా ?"
                          అని హనుమంతుడు - తలచుచుండగ
                          శుభ శకునములు - తోచె ప్రీతిగ   ....    ||శ్రీ||
    7.   ఎల్ల రాక్షసుల - సిరిసంపదలు
           మంటల పాలై - దహన మాయెనని |
                              అశోక వనము - ధ్వంసమైనను
                              జానకి మాత్రము - క్షేమమేనని |
          లంకాపురము - రూపు మాసినను
          విభీషణు గృహ | ము నిలచి యుండెనని |
                            అంబర వీధిని - సిద్ధ చారణులు
                            పలుకగా విని - మారుతి పొంగె   .....   ||శ్రీ||

                           __: 55 వ. సంపూర్ణము :__
                         56 వ. సర్గ
    1.   అశోక వనము - మారుతి చేరెను
           ఆనందాశ్రుల - సీతను గాంచెను |
                          తల్లీ నీవు నా - భాగ్యవశమున
                          క్షేమముంటివని - పదముల వ్రాలెను |
           పోయివత్తునిక - సెలవు నిమ్మని |
          అంజలి ఘటించి - చెంత నిలచెను |
                           సీతామాత - హనుమంతునితో
                           ప్రీతిగ పలికెను - ఆనందముతో  ....    ||శ్రీ||
            సీత మారుతితో ;
    2.   "హనుమా ! అతులిత - బలధామా
           శత్రు కర్శనా - శాంతి నిదానా |
                           ఇందుండి నన్ను - ఈ క్షణమందే
                           కొని పోగల స | మర్దుడ నీవె |
           రాముని వేగమె - తోడ్కొని రమ్ము
            రాక్షస చర  నా | కు తొలగింపుము |"
                            అని పల్కె సీత - హనుమంతునితో
                             సంపూర్ణమై | న విశ్వాసముతో   ....   ||శ్రీ||
    3.   "పోనీ హనుమా - నేటికి నిలుమా
             బడలిక తీరగ - రేపు పొమ్మా |
                             నీ విందుండిన - స్వల్ప కాలము
                             నాలో తరిగెను - శోకభారము |
             నిన్నంపుట నా | కు మరో దుఃఖము
              ఎటు భరింతునో - ఈ పరితాపము |"
                               అని పల్కె సీత - హనుమంతునితో
                               సంపూర్ణమై | న విశ్వాసముతో   ....   ||శ్రీ|| 
              మారుతి సీతతో :
    4.   "తల్లీ నిన్ను - చూచిన దాదిగ
            త్వరపడు చుంటిని - మరలిపోవగ |
                             భీతి నొందకుము - నెమ్మది నుండుము
                             త్వరలో నీకు - శుభములు కలుగు
            రామ లక్ష్మణ సు | గ్రీ వాదులను
           అతి శీఘ్రముగా - కొని రాగలను |"
                              అని మారుతి సీ | త పదముల వ్రాలె
                              సెలవు గైకొని | రివ్వున మరలె  ....   ||శ్రీ||
                          __: 56 వ. స. సంపూర్ణము :__