3.   అగ్నికి వాయువు - తోడై రాగ
           లంకాపురమున - మంటలెగయగ |
                           ఎల్ల రాక్షసుల - గృహములు కాలి
                           నేల గూలెను - బూడిదపాలై |
           లంకావాసులు - భయపడిపోయిరి
            దీనారవముల - పరుగిడసాగిరి |
                             చూచి రమ్మనిన - కాల్చివచ్చిన
                             ఘన విఖ్యాతి గ | డించె మారుతి  ....   ||శ్రీ|| 
    4.   పసి పాపలను - కరముల నీడుకొని
           తల్లులు ఏడ్చుచు - పరుగిడసాగిరి |
                              మంటలు మండే - మేడల నుండి
                              క్రిందకు దుమికిరి - యువతులు తెగబడి |
           అగ్నిహోత్రుడై - ఈ వానరుడని
           అసురులందరు - ఆక్రందించిరి |
                           చూచి రమ్మనిన - కాల్చివచ్చిన
                            ఘన విఖ్యాతి గ | డించె మారుతి  ....   ||శ్రీ|| 
    5.   సర్వమంగళ - సంశోభితము
           మందరగిరివలె - మహోన్నతము |
                          పతాకాంకిత - ధ్వజాకీర్ణము
                          చతురంగబల - పరివేష్టితము |
           లంకేశ్వరుని - దివ్యభవనము
           క్షణములో నాయె - జ్వాలామయము |
                            చూచి రమ్మనిన - కాల్చివచ్చిన
                            ఘన విఖ్యాతి గ | డించె మారుతి  ....   ||శ్రీ|| 
    6.   విమానములు - మంటలంటుకొని
            నేల గూలెను | తునాతునకలై |
                           మణిమయ స్వర్ణ సౌ - ధములు కాలి
                           కరిగి పారెను - బూడిదపాలై |
            సుందరమయిన - లంకాపురము
            రూపు మాసెను - మంటలపాలై |
                            చూచి రమ్మనిన - కాల్చివచ్చిన
                            ఘన విఖ్యాతి గ | డించె మారుతి  ....   ||శ్రీ|| 
    7.   త్రిపురంబుల త్రి | నేత్రుడు కాల్చగ
            ఎగసిన జ్వాలల - బోలిన మంటల |
                             రాక్షస మృత దే | హాలు ఆజ్యముగ
                             ధూమ రహితమై - మండిన మంటల |
            ఫెళ ఫెళ ఫెళ మను - నిధ్వానమ్ముల
            లంకాపురము - రగిలెను మంటల |
                              చూచి రమ్మనిన - కాల్చివచ్చిన
                              ఘన విఖ్యాతి గ | డించె మారుతి  ....   ||శ్రీ|| 
    8.   ఒకచో కుంకుమ - కుసుమ కాంతుల
            ఒక ఎడ బూరుగు - పుష్పచ్చాయల |
                            ఒకచో మోదుగు - విరుల తేజముల
                            ఒక ఎడ కరగిన - లోహపు వెలుగుల |
            కోటి సూర్య స | మాన కాంతుల
            లంకాపురము - రగిలెను మంటల |
                            చూచి రమ్మనిన - కాల్చివచ్చిన
                            ఘన విఖ్యాతి గ | డించె మారుతి  ....   ||శ్రీ|| 
    9.   భూమ్యాకాశము | లు ఏక జ్వాలగ
           లంకా దహనము - పూర్తికాగ |
                             ఇంతటి మారణ - హోమము జేసి
                             రాముని దలచును - మారుతి నిలువగ |
            దేవ గంధర్వ - సిద్దచారణులు
             పవన కుమారుని - పొగడిరి ఘనముగ |
                             చూచి రమ్మనిన - కాల్చివచ్చిన
                             ఘన విఖ్యాతి గ | డించె మారుతి  ....   ||శ్రీ|| 
                          __: 54 వ. స. సంపూర్ణము :__
                         55 వ. సర్గ
    1.   హనుమంతుడు స | ముద్ర జలాల
           చల్లార్చుకొనే | లాంగుల జ్వాల |
                              తలచిన కార్యము - నెరవేర్చితినని
                              తేరిపార జూచె - వెనుకకు తిరిగి |
            కనుపించెను ఘో | రాతి ఘోరము
            జ్వాలా భీలము - లంకాపురము |
                             మారుతి వగచె తాను చేసిన పనిగని
                             తన కోపమె తన - శత్రువాయేనని    ....   ||శ్రీ||
    2.   "కోపిష్టులు తమ - బుద్ధి నశించగ
           గురువులనైన - హింసించెదరు |
                           తగును తగదను - విచార మెరుగక
                           యోగ్యులనైన - తూలనాడుదురు |
           పాప పుణ్యముల - లెక్క చేయక
           ఎంతటి ఘోరము | లైన చేతు" రని |
                              మారుతి వగచె తా - చేసిన పని గని
                              తన కోపమె తన - శత్రువాయెనని   ....    ||శ్రీ||