53 వ. సర్గ
     1.   "కపులకు వానము - ప్రియభూషణము
            కావున కాల్చుడు - వీని వాలము |
                            వాడ వాడల - ఊరేగింపుడు
                            | పరాభవించి - వదలివేయుడు |
           కాలిన తోకతో - వీడేడు గాక
          అంపిన వారికి | తల వొంపుకాగ |"
                         అని రావణుడు వి | భీషణునిగని
                         ఆజ్ఞాపించెను - కోపమణచుకోని     ....   ||శ్రీ||
    2.   జీర్ణాంబరములు - అసురులు దెచ్చిరి
           వాయుకుమారుని - తోకకు జుట్టిరి |
                          నూనెతో తడిపి - నిప్పంటించిరి
                          మంటలు మండగ - సంతసించిరి |
          కపి కుంజరుని - ఈడ్చుకుబోయిరి
          నడివీధులలో - ఊరేగించిరి |
                          మారుతి మాత్రము - మిన్నకుండెను
                           సమయము కాదని - సాగిపోయెను   ....  ||శ్రీ||
    3.   నడివీధుల ని | నాదము జేయుచు
          కూడలి స్తలముల - ఆగుచు సాగుచు |
                            రామదూత ఇత | డీతడే యనుచు
                            దూషణలాడుచు - హేళన జేయుచు |
          రాజభటులు మహా - వీరులనగ
          వానరోత్తముని - వీధులద్రిప్పగ |
                            పిన్నలు పెద్దలు - అసురులు చేరి
                            దారి పొడవున - వేడుక గాంచిరి   ....   ||శ్రీ||
    4.   కపిని బంధించి తోక గాల్చిరని
          నడివీధులలో - త్రిప్పుచుండిరని |
                          రాక్షస వనితలు - వేడుక మీరగ
                          పరుగున పోయి - సీతకు దెల్పగ |
          అంతటి ఆపద - తన మూలమున
          వాయు సుతునకు - వాటిల్లెనని |
                          సీతామాత - కడు చింతించెను
                          అగ్ని దేవుని - ప్రార్ధన జేసెను  ....   ||శ్రీ||
    5.   ఓర్వరానివై - మండిన మంటలు
           ఒక్కసారిగా - చల్లగ దోచెను |
                           అగ్ని దేవునకు - నా జనకునకు
                           అన్యోన్యమైన - మైత్రి చేతనో |
           రామదూతనై - వచ్చుట చేతనో |
           సీతామాత - మహిమ చేతనో |
                           మండేజ్వాలలు - పిల్లగాలులై
                           వీవసాగెనని - మారుతి పొంగెను   ....   ||శ్రీ||
    6.   ఆనందముతో - కాయము బెంచెను
           బంధములన్నీ - తెగిపడిపోయెను |
                            అడ్డగించిన - అసురులందరిని
                            అరచేత చరచి - అట్టడగించేను |
           గిరి శిఖరము వలె - ఎత్తుగనున్న
           నగర ద్వార - గోపురమందున |
                             స్తంభము పైకి - మారుతి ఎగసెను
                             లంకాపురమును - పరివీక్షించెను    ....   ||శ్రీ||
                                     __: 53 వ. స. సంపూర్ణము :__

                       54 వ. సర్గ
             లంకా దహనము :-
    1.   "ఏ మంటల నా - వాలము గాల్చిరో
            ఆ మంటల నే - లంక గాల్తు" నని |

                           భీమరూపుడై - గర్జన జేయుచు
                           రుద్ర రూపుడై - మంటల జిమ్ముచు |
          మేడ మిద్దెల వ | నాల భవనాల
          వెలిగించెను జ్వా | లా తోరణాల |
                           చూచి రమ్మనిన - కాల్చివచ్చిన
                            ఘన విఖ్యాతి గ | డించె మారుతి  ....   ||శ్రీ||
    2.   మంత్రి ప్రహస్త | మహాపార్శ్వుల
           విరూపాక్ష - వజ్రదంష్ట్రుల |
                          ఇంద్రజిత్తు సు | మాలి జంబుల
                          శోణితాక్ష మక | రాక్ష కరాశుల |
           కుంభ నికుంభ - కుంభకర్ణుల
           శుక సారణాది - రాక్షస గృహముల |
                             చూచి రమ్మనిన - కాల్చివచ్చిన
                              ఘన విఖ్యాతి గ | డించె మారుతి  ....   ||శ్రీ||
       
   
                                                               "ఏ మంటల నా వాలము గాల్చిరో
                                                                ఆ మంటలనే లంక గాల్తు" నని
                                                                          చూచి రమ్మనిన - కాల్చివచ్చిన
                                                                           ఘనవిఖ్యాతి గ డించె మారుతి|