7.   "అతి బలశాలిని - వాలిని గూల్చి
             సుగ్రీవుని కపి | రాజుగ జేసిన |
                            ఒకే భార్యయు - ఒకే మాటయు
                             ఒకే బాణమను - కీర్తి వహించిన
             జానకీపతి - పురుషోత్తముడు
             శ్రితజనపాలుడు - ధర్మరక్షకుడు |"
                               అని మారుపల్కే - మారుతి దిటవుగ
                               లంకేశ్వరుని - వినుమని సూటిగ  .....   ||శ్రీ||
    8.   "సీతామాతను - అపహరించితివి
             లంకకు దెచ్చి - బంధించితివి |
                             జానకీమాత - అవనీజాత
                             పావన చరిత్ర | మహా పతివ్రత |
             ఆమెను వేల్చు వి | యోగజ్వాల
             నీ సర్వమును ద | హించగల కీల |"
                                అని మారుపల్కే - మారుతి దిటవుగ
                                లంకేశ్వరుని - వినుమని సూటిగ  .....   ||శ్రీ||
    9.   "ఇంద్రుడేని చ | తుర్ముఖుడేని
             ఎవ్వడేని మరి | త్రినేత్రుడేని |
                              తిరుగులేని శ్రీ - రామబాణమును
                              ఎదిరించి నిలిచి - బ్రతుకనేర్తురే |
              ఇంతటనైన - సీతమాతను
              రామున కొసగి - శరణు వేడుము |"
                                అని మారుపల్కే - మారుతి దిటవుగ
                                లంకేశ్వరుని - వినుమని సూటిగ  .....   ||శ్రీ||
            రావణుడు ఆజ్ఞాపించుట :-
    10.   "సూటి పోటిగ - హితము దెల్పెడు 
               చాటు మాటుగ - భేదము గొల్పెడు |
                                  ఈ వానరుని - పలుకులు ములుకులు
                                   వినజాలము క | ర్ణ కఠోరములు |
 మన యెడ ద్రోహము - చేసిన పాపుడు
               వేగమె వీని వ | ధించి వేయుడు |"
                                   అని రావణుడు - గర్జన చేయగ
                                  మారుతి నిలచె - కడు నిబ్బరముగ   .....   ||శ్రీ||
                               __: 51 వ. స. సంపూర్ణము :__
                    52 వ. సర్గ
         విభీషణుడు రావణునితో :-
    1.   "అన్నా ! రావణ - తెలిసినవాడవు
            శాంతముగా నా - మనవిని వినుమా |
                              దూతను జంపుట - ధర్మము గానిది
                              లోకముచే గ | ర్హింపబడునది |
           శూరుడవైన - నీకు తగనిది
           రాజధర్మ వి | దుద్దమైనది |"
                              అని విభీషణుడు - లంకేశునితో
                              దూతను జంపుట - తగదని తెల్పెను   ....  ||శ్రీ|| 
           రావణుడు విభీషణునితో :-
    2.    హితవు దెలిపిన - సోదరునిగని
           రావణుండు రో | షాన మండిపడి |
                           "దూతగ వచ్చిన - ఈ వనచరుడు
                            మన ఎడ ద్రోహము - చేసిన పాపుడు |
           పాపిని జంపుట - పాపము గాదు
          ద్రోహిని వదలుట - ధర్మముగాదు |"
                            అని రావణుడు మ | హోగ్రడై నిలిచె
                            కపిని బట్టి వ | దింపగ బలికె    ....     ||శ్రీ||
             విభీషణుడు రావణునితో :-
    3.   "అన్నా ! రావణా - కరుణ జూపుమా
            ప్రసన్నుడవై - ఆలకింపుమా |
                             మంత్రి సుతులను - సేనాపతులను
                             అక్షకుమారుని - ఈ కపి చంపెను |
           మనకీతడు శ | త్రువేను నిజముగ
           అయినను దూతగ - వచ్చినాడుగ |"
                            అని విభీషణుడు - లంకేశునితో
                            దూతను జంపుట - తగదని తెల్పెను   ....     ||శ్రీ||
    4.   "అన్నా ! వీనిని - వధియింపకుమా
             తగురీతిని దం | డించి పంపుమా |
                             దూతయెడల వి | దింపబడినవి
                             వధ గాక తగిన - దండనలున్నవి |
            తల గొరిగించుట - చబుకు వేయుట
            గురుతు వేయుట | వికలాంగు జేయుట |"
                            అని విభీషణుడు - లంకేశునితో
                            దూతను జంపుట - తగదని తెల్పెను   ....     ||శ్రీ||
    5.   "ఈ వానరము | పరబ్రహ్మమో
            దివ్యతేజమో - సత్యరూపమో | 
                              యమ కుబేర ఇం | ద్రాది దేవతలు
                             తపో బలమున - పంపిన భూతమో |
           వైష్ణవ మాయ - కపి రూపమున
           నను వంచించి వ |  దింప వచ్చెనో | "
                               అని దశకంఠుడు - తర్కించుకొనెను
                               పరిపరి విధముల - తనలో తాను   ....   ||శ్రీ||
                                    _: 52 వ. స. సంపూర్ణము :__