3.   |"మహాకాంతితో | వెలుగొందు నీవు
          | మామూలు కోతివి - కానేకావు
                            కోతి రూపమున - కనిపించు నీవు
                            ఎవడవో కాని - కామరూపుడవు |
           లంకేశ్వరుని - మందిర మందు
           ఎందులకై ప్ర | వేశించినావు ?
                              నిజము బల్కుచో - బ్రతికిపోదు " వని
                              మంత్రి ప్రహస్తుడు - మారుతి నడిగెను     ||శ్రీ||
          మారుతి సమాధానము :
    4.   "యమ కుబేర ఇం | ద్రాదులెవ్వరికి
            దూతను గాను - దాసుడ గాను |
                              సహజమైన వా | నరుడను నేను
                              ఆలకింపుము - నిజముబల్కేదను |
          రాముని దూతగ - ఇటు వచ్చినాను
          రావణుజూడగ - ఇటు జేసినాను | "
                            అని మారుపల్కే - మారుతి దిటవుగ
                            లంకేశ్వరుని - వినుమని సూటిగ  .....   ||శ్రీ||
    5.   "అశోక వనము - ధ్వంసము చేసితి
           రాక్షసవీరుల - సంహరించితి |
                          నాతో సమరము - చేయవచ్చిన
                          అసుర వీరులను - వరుసగ గూల్చితి |
          ఈ వంకనైన - లంకేశునితో
         సంవాదము ల | భించ నెంచితి |"
                           అని మారుపల్కే - మారుతి దిటవుగ
                           లంకేశ్వరుని - వినుమని సూటిగ  .....   ||శ్రీ||"
                            __: 50 వ. స. సంపూర్ణము :__
                     51 వ. సర్గ
    1.   "దశరధ రాజ కు | మారుడు రాముడు
            తండ్రిమాట జవ | దాటని వాడు |
                              అనుకూలవతి | సతీ సీతతో
                               ప్రియసోదరుడు - సౌమిత్రితో |
           తండ్రిమాట నిలు | ప రాజ్యము వీడె
            పడునాల్గెండ్లు - వనవాసమేగే |"
                              అని మారుపల్కే - మారుతి దిటవుగ
                              లంకేశ్వరుని - వినుమని సూటిగ  .....   ||శ్రీ||
    2.   "| సీతాపహరణము - జరిగె వనమున
            రామలక్ష్మణులు - లేచి సమయమున |
                              రామలక్ష్మణులు - సీతను వెదకుచు
                              ఋష్యమూకమున - మమ్ము కలిసిరి |
            రామ సుగ్రీవులు - సన్నిహితులైరి
            మిత్రులైరి ప్ర | తిజ్ఞల బూనిరి |"
                               అని మారుపల్కే - మారుతి దిటవుగ
                               లంకేశ్వరుని - వినుమని సూటిగ  .....   ||శ్రీ||
    3.   "శ్రీరఘురాముడు - వాలిని గూల్చెను
           సుగ్రీవుని కపి | రాజుగ జేసెను |

                             సీత జాడగన - కపివీరులను
                             నలుదిశలకు సు | గ్రీవుడంపెను |
             శత యోజనముల - వారిధి దాటి
             ఒంటిగ నేను - లంక జేరితి |"
                             అని మారుపల్కే - మారుతి దిటవుగ
                             లంకేశ్వరుని - వినుమని సూటిగ  .....   ||శ్రీ||
    4.   "అడుగడుగున ఈ - లంక వెదకితి
            నీ భవనముల - పరిశీలించితి |
                            నీ సంగతి నీ | వారల సంగతి
                            సంపూర్ణముగా గ్రహియించితి |
            సీతను చివరకు - కాంచగలిగితి
            రాముని దూతగ - కీర్తిబొందితి |"
                              అని మారుపల్కే - మారుతి దిటవుగ
                              లంకేశ్వరుని - వినుమని సూటిగ  .....   ||శ్రీ||
    5.   "నన్ను మించిన - వానర వీరులు
             వెదకుచున్నారు - ముల్లోకములు |
                           గరుడుని మించిన - కడు బలవంతులు
                           పవనుని మించిన - వేగవంతులు |
            నా కబురందిన - మరు నిముసమున
            రాగలరిటకు | రణోత్సాహమున |"
                             అని మారుపల్కే - మారుతి దిటవుగ
                             లంకేశ్వరుని - వినుమని సూటిగ  .....   ||శ్రీ|
    6.   "ఓ అసురేంద్రా - విశ్వసింపుము
            నీ క్షేమము నే - తెల్పెద వినుము |
                          బలవంతుడవు | తపోవంతుడవు
                          ముల్లోకముల మె | ప్పించినవాడవు |
            ధర్మార్ధముల - ఎరిగిన వాడవు
             పరకాంతల ఆ | సించగా తగదు |"
                           అని మారుపల్కే - మారుతి దిటవుగ
                           లంకేశ్వరుని - వినుమని సూటిగ  .....   ||శ్రీ||