11.   వానరోత్తముని - దూషణ లాడుచు
            రావణు కడకు - ఈడ్చుకు బోవగ |
                              రక్త నేత్రముల - నిప్పులు రాల్చుచు
                              లంకేశుడు గ | ర్జించి పలుకగ |
            కపిని జంపి విం | దారగించుడని
           పలువురు చేరి - ప్రేలుచుండగ |
                          సభికులందరు - కేకలు వేయగ
                          మారుతి నిలచె - కడునిబ్బరముగ   ....  ||శ్రీ||
           మంత్రులు మారుతితో :
    12.   "ఎవడవు నీవు - ఎవని వాడవు
             ఎవని పంపున - ఏతెంచినావు ?
                             ఎవరి ప్రాపున - చేరినాడవు
                             ఎందులకిటుల - చేసినాడవు ?
            విషయములన్నీ - వివరింపుమని
            నిజము బల్కుచో - బ్రతికి పోదు " వని |
                                దశకంఠునిచే - నియమింపబడి
                                మారుతి నడిగిరి - మంత్రులు గూడి    ....   ||శ్రీ||
              మారుతి మంత్రులతో :-
    13.   వానరరాజు సు | గ్రీవుని మంత్రిని
            నన్ను బిలుతురు - హనుమంతుడని |
                               రాముని దూతగ - ఇటు వచ్చితిని
                                సుగ్రీవు నాన - ఇటు జేసితిని |
            సీతామాత - జాడ దెలిసితిని
           మిము బల్కరించి - పోదలచితిని |"
                               అని మారు బల్కె - మారుతి దిటవుగ
                               మంత్రి పుంగవుల - మతులు చేలింపగ ....   ||శ్రీ||
                        __: 48 వ. స. సంపూర్ణము :__
                         49 వ. సర్గ
    1.   మణిమయ రత్న కి | రీట శోభితుని
          నవరత్నఖచిత - భూషణ ధారుని |
                           రక్తచందన - చర్చిత గాత్రుని
                           శ్రేష్టమయిన పీ | తాంబర ధారుని |
          లోహితాక్షుని వి | శాల వక్షుని
          మేఘవర్ణుని - తేజోవంతుని |
                           లంకేశ్వరుని - మారుతి కనుగొని
                           అచ్చెరువొందే మ | హాత్ముడేనని   ....   ||శ్రీ||
    2.   ఇరువంకల జే | రి సుందరాంగనలు
          వింజామరలు - వీచుచుండగ |
                        దుర్ధర ప్రహస్త - నికుంభాదులు
                        మంత్రివర్యులు - పరివేష్టింపగ |
         రత్నఖచిత సిం | హాసన మందు
         ఇంద్రునివలె ఆ | సీనుడు  కాగ |
                            లంకేశ్వరుని - మారుతి కనుగొని
                            అచ్చెరువొందే మ | హాత్ముడేనని   ....   ||శ్రీ||
    3.   ముల్లోకముల ప్ర | తాపవంతుడు
            సర్వసులక్షణ - సంభాతుడు |
                            వేదశాస్త్రముల - ప్రతిభావంతుడు
                            మహాతేజుడు - మహాబలుడు |
             ధర్మవర్తియై - యుండి యుండిన
              స్వర్గాధిపతి - కాదగువాడని |
                                   లంకేశ్వరుని - మారుతి కనుగొని
                                   అచ్చెరువొందే మ | హాత్ముడేనని   ....   ||శ్రీ|
                          __: 49 వ. స. సంపూర్ణము :__
                                  50 వ. సర్గ
           రావణుడు ప్రహస్తునితో :-
  
    1.   "కైలాసగిరిని - పెకలించునాడు
            నను శపించెను - నంనీశ్వరుడు |
                             కపిరూపమున - వాడే వీడుగ
                             వచ్చియుండేనో - నను వంచింపపగ |
                            అని లంకేశుడు - మంత్రి ప్రహస్తుని
                            ఆదేశించెను - మర్మమరయమని    ....   
                   ప్రహస్తుడు మారుతితో :-
    2.   "ఓ వానరుడా - భయము వీడుము
           నీకు శుభమగు - నిజమును దేల్పుము |
                           యమ కుభేర ఇం | ద్రాదు లేవరేని
                           నిను దూతగ ఇటు - పంపినారేమి ?
           విష్ణుదేవుడే - మాపై పగగొని
           నిను బంటుగ ఇటు - అంపినాడేమీ ?
                          నిజము బల్కుచో - బ్రతికిపోదు" వని
                          మంత్రి ప్రహస్తుడు - మారుతి నడిగెను  ....  ||శ్రీ||