48 వ. సర్గ
      మారుతితో - ఇంద్రజిత్తు యుద్ధము :-
    1.   ఎనుబదివేల - కింకర వీరుల
           అవలీలగ దును | మాడినవాడు |
                          జంబుమాలిని - గూల్చినవాడు
                           మంత్రి సుతులు హత | మార్చిన వాడు |
          ఆ వానరుడు సా | మాన్యుడు గాడని
          వానిని వేగ బం | ధించి తెమ్మని |
                           రావణాసురుడు | ఇంద్రజిత్తును
                            హనుమంతునిపై | దాడి పంపెను  ....    ||శ్రీ||
    2.   సేనాపతులను - చంపినవాడు
           అక్షకుమారుని - ద్రుంచినవాడు |
                            వాయువు కంటెను - వేగవంతుడు
                            అగ్నికంటెను - తేజోవంతుడు |
           ఇందరినోకడే - నిరాయుధుడై
            కూల్చినవాడు సా | మాన్యుడు  గాడని |
                             రావణాసురుడు | ఇంద్రజిత్తును
                             హనుమంతునిపై | దాడి పంపెను  ....    ||శ్రీ||
    3.   ఓ కుమారా - మహావీరా
           ఇంద్రాదుల అడ | లించినశూరా |
                           బ్రహ్మదేవుని - వరమున నీవు
                           దివ్యాస్త్రములను - పొందినాడవు |
          భూమ్యాకాశము | ల రణము చేయగ
          సాటిలేని మే | టి యోధుడు వీవని |
                            రావణాసురుడు | ఇంద్రజిత్తును
                            హనుమంతునిపై | దాడి పంపెను  ....    ||శ్రీ|| 
    4.   ఇంద్రజిత్తు దశ | కంఠు కుమారుడు
           తండ్రిని బోలిన - ప్రతిభావంతుడు |
                             తపోధనుడు - ధనుర్ధరుడు 
                             అస్త్రశస్త్ర వి | ద్యా విశారదుడు |
         తండ్రికి తాను ప్ర | దక్షిణజేసి
         భక్తితో మ్రొక్కి - దీవనలంది |
                           చతురంగ బల స | మేతుడై వెడలె
                           పర్వములందు పొం | గేటి కడలివలె  ....   ||శ్రీ||
    5.   ఇంద్రజిత్తు వి | శాల నేత్రుడు
           సుందరుడు సు | రేంద్ర సమానుడు |
                            రత్నఖచిత కి | రీట శోభితుడు
                            మణిమయ భూషణ - మండిత గాత్రుడు |
           శరగతి పోగల - నాల్గు సింహముల
           పూన్చిన కాంచన - స్యందన మందున |
                             చతురంగ బల స | మేతుడై వెడలె
                             పర్వములందు పొం | గేటి కడలివలె  ....   ||శ్రీ||
    6.   నాగ యక్ష ఋ | ష్యాదులు నింగిని
            రణము జూడ వే | డుకతో చేరగ |
                         రధ గజ తురగ ప | దాతి దళముల
                         రణగుణ ధ్వనులు - దిక్కులు నిండగ |
             మేఘనాధుడు - నారి సారింప
             భూతములదిరి - పరుగిడ సాగ |
                           చతురంగ బల స | మేతుడై వెడలె
                           పర్వములందు పొం | గేటి కడలివలె  ....   ||శ్రీ||
    7.   నానావిధముల - వాడిశరముల
           ఇంద్రజిత్తు రో | షాన వేయగ |
                             వాయునందనుడు | గగనాని కెగసి
                             నేర్పుగ శరముల - గురి తప్పుకొనగ |
          ఇరువురి నడుమ - పోరు చెలరేగె
          భూమ్యాకాశముల - కడు భీకరముగ |
                             దేవగణంబులు - సంగ్రామము గని
                             తహతహలాడిరి - ఏమగునోయని   ....   ||శ్రీ||
    8.   కపికుంజరుడు - భయంకరముగ
           కాయము బెంచి - సమరము చేయగ |
                           ఈ వానరుడు సా | మాన్యుడు గాడని
                            మహిమోపేతుడు - కామరూపుడని |
          ఇంద్రజిత్తు బహు | యోచన జేసి
          బ్రహ్మాస్త్రమును ప్ర | యోగము జేసె |
                             దేవగణంబులు - సంగ్రామము గని
                             తహతహలాడిరి - ఏమగునోయని   ....   ||శ్రీ||
    9.   బ్రహ్మాస్త్రముచే - బంధింపబడి
           పవన కుమారుడు - నేలపై బడె |
                             వనజభవుడు తన | కు ఒసగిన వరము
                             స్మరియించుకొని - ప్రార్ధన జేసె |
            వాయు బ్రహ్మ ఇం | ద్రాది దేవతల
            కాపాడుమని - ధ్యానము జేసె |
                            దేవగణంబులు - సంగ్రామము గని
                            తహతహలాడిరి - ఏమగునోయని   ....   ||శ్రీ|| 
    10.   కట్టుపడి యున్న - వానరోత్తముని
            అసురులు తలచిరి - తమకు లొంగెనని |
                            త్వరత్వరగా దా - నవులు దరిజేరి
                            నారచీరలతో - బిగి బంధించిరి |
            బ్రహ్మ వరమున బ్ర | హ్మాస్త్ర బంధము
           క్షణకాలములో - తొలగిపోయెను |
                           మారుతి మాత్రము - నార చీరలకె
                           కట్టుబడినటుల - కదలకయుండె   ....  ||శ్రీ||