3.   రధ గజ తురగ ప | దాతి దళములు
          రణరంగమున - కూలిపోయెను |
                            జంబుమాలి తన - వాడి బాణముల
                             పవనకుమారుని - బహు పీడించెను |
          అంతట మారుతి - పరిఘతో మోది
          అంతము చేసెను - జంబుమాలిని |
                            మారుతి ఇంకను - పోరు పెంచగను
                            తోరణ స్తంభము | పైన నిల్చెను   ....  ||శ్రీ||
    4.   జంబుమాలిని - సర్వ సైన్యమును
           ఒక్క వానరుడు - ఉక్కడగించేను |
                              ఈ వృత్తాంతము - వినిన రావణుడు
                              నిప్పులు గ్రక్కుచు - ఆజ్ఞాపించెను |
          మంత్రికుమారుల - తగిల బలముగొని
          ఆ వానరుని దం | డింప బొమ్మనెను |
                              మంత్రికుమారులు - ఏడ్గురు చేరి
                              హనుమంతునిపై | దాడి వెడలిరి    ....   ||శ్రీ||
                               __: 44 వ.  సంపూర్ణము :__
                                     45 వ. సర్గ
    మారుతితో - మంత్రికుమారుల యుద్ధము :-
 
    1.   మంత్రి కుమారులు - తేజోవంతులు
          అస్త్రశస్త్ర వి | ద్యా విశారదులు |
ఉరుముల బోలిన - శబ్దములెగయగ
                          చతురంగ బలా | లు సాగిరాగ |
         ధ్వజములెగయగా - వాయువేగముగ
         రధములపై రవి | కాంతులు చిమ్మగ |
                           మంత్రికుమారులు - ఏడ్గురు చేరి
                            హనుమంతునిపై | దాడి వెడలిరి    ....   ||శ్రీ||
    2.   పదములతో మ | ర్ధించి కొందరిని
          ఉరముతో కుమ్మి - మరికొందరిని |
                             పిడికిలి బిగించి - పొడిచి కొందరిని
                             గోళ్ళతో చీల్చి - మరి కొందరిని |
         వరుసగ ఏడ్గురు - మంత్రి సుతులను
         పవన కుమారుడు - యమపురి కంపెను |
                              మారుతి ఇంకను - పోరు పెంచగను
                              తోరణ స్తంభము - పైన నిల్చెను  ....   ||శ్రీ||
    3.   మంత్రి సుతులను - సర్వసైన్యమును
          మారుతి తృటిలో - సంహరించెను |
                               ఎటు చూచినను - మృత దేహములు
                               ఎటు బోయినను - రక్తపు టేరులు
           ఈ వృత్తాంతము - వినిన రావణుడు
           కొంత తడవు యో | చించి పల్కెను |
                                సేనాపతులను - తగిన బలముగొని
                                ఆ వానరుని దం | డింప బొమ్మనెను  ....   ||శ్రీ||
                              __: 45 వ. స. సంపూర్ణము :__
                                     46 వ. సర్గ
     మారుతితో సేనాపతుల యుద్ధము ;-
    1.   విరూపాక్ష - యూపాక్షులు
           దుర్ధర ప్రఘస - భాసకర్ణులు |
                           మహావీరులు - వేగవంతులు
                           శత్రు భయంకర - మహా యోధులు |
          రధ గజ తురగ ప - దాతి దళములతో
          మారణాయుధా | ల బల గర్వముతో |
                              సేనాపతులు - ఐదుగురుచేరి
                              హనుమంతునిపై - దాడి వెడిలిరి   ....   ||శ్రీ||
    2.   దుర్ధరుండైదు - శరములు వేసి    
           మారుని శిరమును - గాయము చేసె |
                               సింహనాదమును - మారుతి చేసె
                               కాయము బెంచి | గగనానికెగసె |
          దుర్ధరుండు మరి - శతశరములచె
          కపికుంజరుని | కడుపీడించె |
                             మెరపు వోలె మెరసి - మారుతి దుమికి
                              పిడుగువోలె పడి - అసురుని గూల్చె  .....   ||శ్రీ||
    3.   దుర్ధరుండటుల - కూలుట గాంచి
          విరూపాక్ష యూ | పాక్షులు అలిగి |
                            గదలబూని హ | రీశుని దాకగ
                            మారుతి వారిని - చావమోదగ |
         రక్తము గ్రక్కుచు - అసుర వీరులు
          నేలపై బడి - అసువులు వీడిరి |
                          మారుతి ఇంకను - పోరు పెంచగను
                          తోరణ స్తంభము | పైన నిల్చెను  ....   ||శ్రీ|| 
    4.   మిగిలిన ప్రఘస - భాస కర్ణులు
           శూలపట్ట సా | ది ఆయుధ ధారులు |
                              హనుమంతునిపై - తెగబడి పోరిరి
                              అతి భీకరముగ - గాయపరచిరి |
           నెత్తుట దడిసిన - అనిలాత్మజుడు
           బాలార్కుని వలె | భాసిల్లినాడు |
                          గిరి శృంగమును | పెకల్చినాడు
                          అసురవీరుల | మర్ధించినాడు   ....    ||శ్రీ||