42 వ. సర్గ
       మారుతి అసురులతో యుద్ధము చేయుట :-

    1.   వనమున రేగిన - ధ్వనులకు అదిరి
           లంకావాసులు - నిద్ర లేచిరి |
                          కావలియున్న - రాక్షస వనితలు
                          రావణు జేరి - విన్నవించిరి |
          దశకంఠుడు మ | హోగ్రుడై పల్కె
          వానరుని బట్టి - దండింపుడనే |
                             ఎనుబది వేల - కింకర వీరులు
                             హనుమంతునిపై - దాడి వెడలిరి     ....    ||శ్రీ||
    2.   శూల పట్ట సా | ది ఆయుధ ధారులు
           రకరకములగు - కవచధారులు |
                           వేగవంతులు - రణశూరులు
                           ముద్గరపాణులు - ధనుర్ధారులు |
          మహా దంష్ట్రులు - మహా బలులు
          మహోదరులు - ఘోర రూపులు |
                           ఎనుబది వేల - కింకర వీరులు
                            హనుమంతునిపై | దాడి వెడలిరి     ....  ||శ్రీ|| 
    3.   మిడుతలదండు అగ్ని బడునటులె
           అసురుల దండు క | పీశునిపై పడే |
                            సింహనాదమును - మారుతి చేసె
                            వాలము బెంచి - భూమిపై మోదే |
          దిక్కులు అదరె - మృగములు బెదరె
          పక్షులు చెదరి - నేలపై బడె |
                            ప్రళయరూపుడై - మారుతి ఎగసెను
                            తోరణ స్తంభము | పైన నిల్చెను   .....    ||శ్రీ||
    4.   కేసరీ సుతుడు - కాయము బెంచెను
           చేతి కమరిన - దండము బూనెను |
                             భీమరూపుడై - విజృంభించెను
                             కింకరులను మ | ర్దించి వధించెను |
          చావగ మిగిలిన - అసురులు కొందరు
          రావణు జేరగ - పారిపోయిరి |
                            మారుతి ఇంకను - పోరు పెంచగను
                            తోరణ స్తంభము - పైన నిల్చెను   .....  ||శ్రీ||
    5.   ఎనుబది వేల - కింకర వీరుల
           ఒక్క వానరుడు - హతము చేసెను |
                             ఈ వృత్తాంతము - వినిన రావణుడు
                             నిప్పులు గ్రక్కుచు - గర్జన జేసెను |
          జంబుమాలిని - తగిన బలము గొని
          ఆ వానరుని దం | డింప బొమ్మనెను |
                             జంబుమాలి ప్ర | హస్తుని సుతుడు
                             హనుమంతునిపై - దాడి వెడలెను   ....    ||శ్రీ|| 
                            __: 42 వ. స. సంపూర్ణము :__
                            43 వ. సర్గ
         మారుతితో జంబుమాలి యుద్ధము :-
    1.  జంబుమాలి మ | హా బలవంతుడు
          దొడ్డ కవచము | ధరించినాడు |
                           రక్తాంబరములు - దాల్చినాడు
                            మణిభూషణములు - ధరించినాడు |
         ఖరములు లాగెడు - అరదము పైన
          రణరంగమునకు | ఏతెంచినాడు |
                             అదిగని మారుతి - గర్జన చేయుచు
                            తోరణ స్తంభము | పైన నిల్చెను   .....    ||శ్రీ|| 
                         __: 43 వ. స. సంపూర్ణము :__
                           44 వ. సర్గ
    1.   జంబుమాలి తన - వాడి శరములను
           కపీశునిపై - ప్రయోగించెను |
                             శిరమును, ముఖమును - బాహు, వక్షమును
                             రక్తము చిందగ - గాయపరచెను |
          రక్తసిక్తమై - మారుతి ముఖము
          భానుకిరణ వి | ద్దాబ్జమై దోచె |
                             హరి కిశోరుడు - గర్జన చేయుచు
                             తోరణ స్తంభము - పైన ఎగసెను  ....   ||శ్రీ||
    2.   వజ్రకాయుడు - మారుతి విసరెను
           భీకరమైన - పెద్ద బండను |
                            జంబుమాలి ఆ - వచ్చెడు బండను
                            పది శరములచే - పొడిపొడి చేసెను |
          క్రోధావేశమున - అనిలాత్మజుడు
          సాలవృక్షమును - పెరికి విసరెను |
                             జంబుమాలి ఆ - వచ్చెడు తరవును
                             పది శరములచే - తునకలు చేసెను   .....  ||శ్రీ||