ఇంట్లో సత్యనారయణ పూజను సులువుగా చేయడం ఎలా!
ఇంట్లో సత్యనారయణ పూజను సులువుగా చేయడం ఎలా!
సత్యనారయణ వ్రతం చేయడం వల్ల ఆశించిన ఫలితాలు లభిస్తాయని నమ్ముతారు. ఈ కారణంగా చాలా మంది సత్యనారాయణ పూజ చేస్తారు. అయితే ఇంట్లో సత్యనారాయణ పూజను సులభంగా నిర్వహించడం ఎలా..? దీని ప్రాముఖ్యత ఏంటి..?
సాధారణంగా, హిందూ మతంలో పుట్టిన ప్రతి వ్యక్తికి సత్యనారాయన ఆరాధన, వ్రతం గురించి తెలుసు. మన గ్రంధాల ప్రకారం మనం ఇంట్లో ఏ పూజ చేసినా, ఏ యాగం చేసినా, ఆ వ్యక్తికి తప్పకుండా దాని ఫలాలు లభిస్తాయి. అయితే, ఏకాదశి, గురువారం, పూర్ణిమ లేదా పౌర్ణమి రోజున సత్యనారాయణ పూజ చేయడం మరింత ప్రయోజనకరం ఉంటుంది. సత్యనారాయణ వ్రతం చేయడం వల్ల, సత్యనారాయణ కథ చదవడం వల్ల మనకు శుభ ఫలితాలు కలుగుతాయి. సులువుగా సత్యనారాయణ పూజ ఎలా చేయాలి..? దీని విశిష్టత మీకు తెలుసా?
సత్యనారాయణ పూజ యొక్క విశిష్టత:
స్కాంద పురాణంలో సాక్షాత్ శ్రీహరి ఈ వ్రతం యొక్క ప్రాముఖ్యతను నారదునికి వివరించినట్లు ప్రస్తావన ఉంది. విశ్వాసం ప్రకారం, ఎవరైతే సత్యాన్ని దేవుడిగా భావించి, ఈ వ్రతం,కథను భక్తితో ఆచరిస్తారో లేదా వింటారో, వారు కోరుకున్న ఫలితాలను పొందుతారు. అంతే కాదు సత్యనారాయణ కథను నిర్వహించడం వల్ల వేల సంవత్సరాల యాగానికి సమానమైన ఫలితాలు లభిస్తాయని పురాణాలలో పేర్కొనబడింది.
ఇంట్లో సులభంగా సత్యనారాయణ పూజ ఎలా చేయాలి:
సత్యనారాయణ పూజ చేయాలని ప్రతిజ్ఞ చేసిన వారు రోజంతా ఉపవాసం ఉండాలి.
శుభ సమయాలలో, తూర్పు లేదా ఉత్తరం వైపు చూస్తున్న సత్యనారాయణ స్వామిని పూజించాలి.
సత్యనారాయణ పూజ చేసే ప్రదేశాన్ని ఆవు పేడతో శుభ్రం చేసి పూజ పీఠాన్ని సిద్ధం చేయండి.
పీఠానికి నాలుగు వైపులా అరటి మొక్కలు నాటండి. తర్వాత పీఠంపై సత్యనారాయణ విగ్రహం లేదా ఫోటో ఉంచండి.
పూజ చేసేటప్పుడు ముందుగా గణపతిని పూజించండి, ఆపై ఇంద్రాది దశదిక్పాలతో, పంచ లోకపాలుడిని, రాముడు, సీత, లక్షణ, రాధా కృష్ణుడిని పూజించండి, ఆపై సత్యనారాయణస్వామిని పూజించండి.
దీని తరువాత, లక్ష్మీ దేవిని పూజించి, చివరకు మహాదేవ, బ్రహ్మకు పూజలు చేయండి.
దేవుడికి చరణామృతం, తమలపాకులు, నువ్వులు, కుంకుమ, పండ్లు, పువ్వులు, పసుపు, కొబ్బరికాయను సమర్పించండి.
పూజానంతరం, అన్ని దేవతలకు హారతి నిర్వహించి, చరణామృతాన్ని తీసుకుని, ప్రసాదాన్ని పంచండి. అర్చకులకు దక్షిణ ఇవ్వండి.
పేదలకు అన్నదానం చేయండి. మీరు స్వయంగా పూజ చేయలేకపోతే, పండిట్ల సహాయం తీసుకొని సత్యనారయణ పూజ కూడా చేయవచ్చు.