TeluguOne Services
Copyright © 2000 - , TeluguOne Sahityam - All rights reserved.
ఆకాశం
ఆకాశం
ఆకాశంలో ఆ కారుమబ్బులేమిటి?
ఆ ఉరుములు మెరుపులు ఎందుకో?
కుంభవృష్టివర్షమా! కాదు! కాదు! మరి?
కారుమబ్బులు కావు అవి
ఛిద్రమైన అబల బ్రతుకులో
మనసులో నిండిన కారుమబ్బులా
లేక పిడుగుపాటువలన వచ్చిన కారుచిచ్చులా?
అబల అనే విశ్వంలో
కండ్లు అనే ఆకాశంలో
కారుమబ్బులు వ్యాపించి వర్షిస్తున్నాయా
ఆమె ఆర్తనాదాలనే ఉరుములు
ఏమీ చెయ్యలేక గర్జిస్తున్నాయా!
ఆమె కండ్లలోని మెరుపులు
మబ్బు చాటున మెరుపుతీగలా
భయంభయంగా చూస్తున్నాయా?
ఓహో! ఉదయించే సూర్యుడికన్నా
అస్తమించే సూర్యుడు ఎర్రగా వున్నాడా?
ఆకాశం రక్తసిక్తమై వీక్షిస్తున్నదా!
యుగపురుషుడు వస్తాడని
సబలుడై అబలలను రక్షిస్తాడని
ఎగతాళి చేసి నవ్వుతున్నదా..
ఎస్‌.కె.పద్మావతి
సాహితీ కిరణం మాసపత్రిక సౌజన్యంతో
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|