TeluguOne Services
Copyright © 2000 - , TeluguOne Sahityam - All rights reserved.
ఆ వైపు
- డా.సి. భవానీదేవి
ఈ మట్టి మత్తుగా ఆకర్షిస్తుంది
సుతి మెత్తని మాటలా
ఈ సముద్రం ఉవ్వెత్తున ఎగిసి పడుతుంది
దృశ్యాన్ని వరించిన కనుపాపలా
ఈ గాలి మురళిలా తాకుతుంది
మమకారం నిండిన స్పర్శలా
ఈ ఆకాశం నిలువునా కమ్మేస్తుంది
మనసంతా ఆవరించిన రూపంలా
ఈ దాహం అగ్నిలా రగులుతుంది
ప్రతిక్షణం జ్వలించే వేదనలా
పంచభుతాల పరికల్పిత శరీరం
అటువైపే తిరిగి చూస్తోంది
గమ్యాన్ని అన్వేషిస్తూ
కాలం సాయంతో
ఆవైపే నడుస్తూ
TeluguOne Services
Copyright © 2000 - , TeluguOne Sahityam - All rights reserved.
|