TeluguOne Services
Copyright © 2000 - , TeluguOne Sahityam - All rights reserved.
ఆ వైపు
ఆ వైపు
- డా.సి. భవానీదేవి
.png)
ఈ మట్టి మత్తుగా ఆకర్షిస్తుంది
సుతి మెత్తని మాటలా
ఈ సముద్రం ఉవ్వెత్తున ఎగిసి పడుతుంది
దృశ్యాన్ని వరించిన కనుపాపలా
ఈ గాలి మురళిలా తాకుతుంది
మమకారం నిండిన స్పర్శలా
ఈ ఆకాశం నిలువునా కమ్మేస్తుంది
మనసంతా ఆవరించిన రూపంలా
ఈ దాహం అగ్నిలా రగులుతుంది
ప్రతిక్షణం జ్వలించే వేదనలా
పంచభుతాల పరికల్పిత శరీరం
అటువైపే తిరిగి చూస్తోంది
గమ్యాన్ని అన్వేషిస్తూ
కాలం సాయంతో
ఆవైపే నడుస్తూ
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|