Home » కవితలు » నిజాంను ఎదుర్కొన్న కవిత – పదే పదే అనేస్తా!



Facebook Twitter Google
నిజాంను ఎదుర్కొన్న కవిత – పదే పదే అనేస్తా!

 

నిజాంను ఎదుర్కొన్న కవిత – పదే పదే అనేస్తా!

 

 

ఇదే మాట ఇదే మాట
పదే పదే అనేస్తాను.
 
ఖదం తొక్కి పదం పాడి
ఇదేమాట అనేస్తాను.
 
ఎదల్లోన, రొదల్లోన
సొదల్లోన, గదుల్లోన
ఇదే మాట ఇదేమాట
పదే పదే అనేస్తాను.
 
జగత్తంత రగుల్కొన్న
కృథాజ్వాల వృథాపోదు.
అడుగడుగున యెడదనెత్రు
గడగడ మని త్రాగినావు.
 
పడతుల మానాలు దోచి
గుడగుడ మని 'హుక్క' త్రాగి
జడియక కూర్చుండినావు
మడికట్టుక నిలిచినావు.
 
దగాకోరు బటాచోరు
రజాకారు పోషకుడవు.
 
పూళ్ళ కూళ్ళు అగ్గిపెట్టి
ఇళ్ళన్నీ కొల్లగొట్టి
తల్లి పిల్ల కడుపుగొట్టి
నిక్కిన దుర్మార్గమంత
నీ బాధ్యత నీ బాధ్యత.
 
'కోటిన్నర' నోటివెంట
పాటలుగా మాటలుగా
దిగిపొమ్మని దిగిపొమ్మని
ఇదేమాట అనేస్తాను.
 
వద్దంటే గద్దె యెక్కు
పెద్దరికం చేస్తావా!
మూడుకోట్ల చేతులు నీ
మేడను పడతోస్తాయి
మెడనే విడతీస్తాయి.
 
నీకు నిలుచు హక్కు లేదు
నీ కింకా దిక్కు లేదు.
 
చరిత్ర బొంగరం తిరిగి
కిరీటాలు నేల కొరిగి
ధరాధిపులు నశిస్తుంటే
బరాయెనాం నవాబా!
పరాక్రమం చూపేవా?
'దిగి పొ'మ్మని జగత్తంత
నగారాలు కొడుతున్నది.
 
"దిగిపోవోయ్‌ తెగిపోవోయ్‌
తెగిపోవోయ్‌ దిగిపోవోయ్‌"
ఇదే మాట ఇదే మాట
పదే పదే అనేస్తాను.
- దాశరథి కృష్ణమాచార్య.


(నిజాం అరాచకాలను నిలదీస్తూ, విప్లవాన్ని నినదిస్తూ దాశరథి కృష్ణమాచార్యా రాసిన ‘అగ్నిధార’ సంకలనంలోనిదీ కవిత. అప్పటికీ ఇప్పటికీ పాలకుల అరాచకాన్ని ఎదిరించేందుకు తోడుగా నిలిచే విప్లవ గీతమిది!)

 

- నిర్జర


నా దేశం
Aug 14, 2019
మేలు
Aug 5, 2019
చాలా రోజుల తర్వాత వర్షంలో తడిశా
Aug 2, 2019
కొమ్మన కోయిలలు వరసన పాడితే
Jun 27, 2019
ఆశ (కవిత)
Jun 14, 2019
సంస్కృతి, సంప్ర‌దాయం సంద‌డిచేసేలా.. పసుపు, కుంకుమ ప‌ల్ల‌వి పాడిన శుభ‌వేళ‌..
Apr 5, 2019
అమ్మ నుంచే మన అమ్మ భాష ఆటలతో ఆనందభాష్పాలు
Feb 20, 2019
నేను నిన్ను ప్రేమిస్తున్నా...............తెలుగులో... ముజే తుమ్ సే ప్యార్ హై.............హిందీలో.........
Feb 13, 2019
నీ కనుపాపలోని ప్రతి స్వప్నం నా గురించే అనుకున్నా...
Feb 12, 2019
కనిపించనంత దూరంగ ఉన్నా, నీ జ్ఞాపకం మిగిలుందిలే...
Feb 11, 2019
TeluguOne For Your Business
About TeluguOne