LATEST NEWS
తమిళ సినీ పరిశ్రమలో మరో స్టార్ హీరో పొలిటికల్ ఎంట్రీ కన్ ఫర్మ్ అయ్యిందా? అంటే ప్రస్తుతం పొలిటికల్ సర్కిల్స్ లో ఔనన్న సమాధానమే వస్తున్నది. స్టార్ హీరో ధనుష్ రాజకీయ ప్రవేశానికి రంగం సిద్ధమైందన్న వార్త ఇప్పుడు తమిళనాట పెద్ద ఎత్తున ప్రచారంలో ఉంది. ధనుష్ రాజకీయ ప్రవేశంపై గత కొద్ది కాలంగా వార్తలు వినవస్తూనే ఉన్నాయి. తమిళనాడులో కోట్లాది మంది అభిమానులు ఉన్న ధనుష్.. ప్రత్యక్ష రాజకీయాల్లోకి ప్రవేశించేందుకు వేగంగా పావులు కదుపుతున్నారని పరిశీలకులు అంటున్నారు.
ఇప్పటికే తన సేవా కార్యక్రమాల ద్వారా ప్రజలకు చేరువైన ధనుష్.. త్వరలోనే కొత్త రాజకీయ పార్టీని ప్రకటించేందుకు రంగం సిద్ధం చేసుకుంటున్నట్లుతెలుస్తోంది. ధనుష్ తన కొత్త రాజకీయ పార్టీ కోసం తమిళగ ఎళుచ్చి కళగం అనే పేరును ఖరారు చేసినట్లు ప్రచారం జరుగుతోంది. అలాగే.. ఈ పేరుతో ఇప్పటికే కేంద్ర ఎన్నికల సంఘం వద్ద పార్టీ రిజిస్ట్రేషన్ ప్రక్రియ కూడా పూర్తయ్యిందని అంటున్నారు. అయితే, ఇందుకు సంబంధించి ఎటువంటి అధికారిక ధృవీకరణనా లేదు.
గత కొంతకాలంగా ధనుష్ రాజకీయ ప్రవేశంపై పెద్ద ఎత్తున చర్చ జరుగుతోంది. ఇక ఇప్పుడు పార్టీ పేరు తెరపైకి రావడంతో ఈ ప్రచారానికి మరింత బలం చేకూరింది. తన రాజకీయ ప్రయాణానికి సంబంధించిన విధివిధానాలు, పార్టీ జెండా, భవిష్యత్ కార్యాచరణపై ధనుష్ త్వరలోనే ప్రకటన చేసే అవకాశం ఉందని ఆయన సన్నిహిత వర్గాలు చెబుతున్నాయి.
[Tamil Hero Dhanush political entry, Tamilaga Eluchi Kazhagam, Dhanush New Party, Kollywood Actor, Political Entry, Tamil Nadu Politics,Telugu One]
.webp)
ఆంధ్రప్రదేశ్ ఇంటెలిజెన్స్ మాజీ చీఫ్, రిటైర్డ్ ఐపీఎస్ ఏబీ వెంకటేశ్వరరావు చంద్రబాబుపై సంచలన వ్యాఖ్యలు చేశారు. ఇటీవల ఒక ఇంటర్వ్యూలో ఏబీ వెంకటేశ్వరరావు ఏపీ రాజకీయాలపై కీలక వ్యాఖ్యలు చేశారు. మాజీ ముఖ్యమంత్రి వైఎస్ జగన్‌మోహన్‌రెడ్డిపై విమర్శలు గుప్పించారు. ఇక తాను పదవీ విరమణ తర్వాత కూడా ప్రజాజీవితంలో కొనసాగాలని నిర్ణయించుకున్నట్లు చెప్పారు. జగన్‌ను రాజకీయంగా ఎదుర్కోవడం, ఆయన పాలనలో చోటుచేసుకున్నట్లు తాను భావిస్తున్న తప్పులను చట్టపరంగా ప్రశ్నించడం తన లక్ష్యాలన్నారు.
రిటైర్మెంట్ తర్వాత తనకు రాష్ట్ర ప్రభుత్వం పోలీస్ హౌసింగ్ కార్పొరేషన్ చైర్మన్ పదవి ఇచ్చిందనీ, అయితే తనకు పదవులపై కించిత్ కూడా ఆసక్తి లేదని చెప్పారు. తనకు పని ఇవ్వమనీ, నిర్దుష్ట బాధ్యత అప్పగించాలనీ తాను చంద్రబాబును కోరినట్లు చెప్పారు. జగన్ రాజకీయాలకు వ్యతిరేకంగా పని చేయడానికి అవకాశం కల్పించాలని చంద్రబాబును తాను కోరాననీ, అయితే ఆయన తనకు ఎటువంటి పనీ అప్పగించలేదని స్పష్టం చేశారు. జగన్ హయాంలో జరిగినట్లు తాను ఆరోపిస్తున్న అవకతవకలు, తప్పిదాలను చట్టపరంగా ప్రశ్నించే పని అప్పగించాలని చంద్రబాబును కోరాననీ, అయితే ఆయన పట్టించుకోలేదని వివరించారు. ప్రభుత్వం నుంచి తాను ఆశించిన బాధ్యత రాకపోవడంతో బయట ఉండి తనకు సాధ్యమైన మార్గాల్లో అదే అంశాలపై పోరాడుతున్నానన్నారు.
ఒక దశలో తన రిటైర్మెంట్ తరువాత టీడీపీలో చేరేందుకు కూడా తాను సిద్ధపడ్డాననీ, అవసరమైతే ఎన్నికల బరిలో దిగడానికి కూడా రెడీ అయ్యాయనీ చెప్పిన ఏబీ వెంకటేశ్వరరావు, అయితే తన ఎంట్రీ పట్ల తెలుగుదేశం అధినాయత్వం పెద్దగా ఆసక్తి చూపలేదని పేర్కొన్నారు.
[AP Inteligence, Former Chief, AB Venkateswara Rao, CBN, Jagan, Appolitics, Former IPS, Telugu One]
రాజ్యసభ ఎన్నికల నేపథ్యంలో భారతీయ జనతా పార్టీ జాతీయ నాయకత్వం అనూహ్య నిర్ణయం తీసుకుని సొంత పార్టీకి చెందిన కేంద్ర మంత్రులకు షాక్ ఇచ్చింది. ముఖ్యంగా యూపీలో ఒక్కరంటే ఒక్క సట్టింగ్ రాజ్యసభ సభ్యుడికి కూడా టికెట్ ఇవ్వలేదు. పదవీకాలం ముగియనున్న కేంద్ర మంత్రులతో ఏ ఒక్క సిట్టింగ్ ఎంపీకి కూడా తిరిగి అవకాశం కల్పించకుండా, ఎనిమిది మంది కొత్త ముఖాలను బరిలోకి దింపుతున్నట్లు ప్రకటించింది.
యూపీలో త్వరలో జరగనున్న అసెంబ్లీ ఎన్నికల కోసం సమీకరణాలను దృష్టిలో ఉంచుకుని అధిష్ఠానం తీసుకున్న ఈ నిర్ణయం యూపీ రాజకీయాల్లో హాట్ టాపిక్ గా మారింది. ముఖ్యంగా కేంద్ర కేబినెట్‌లో కీలక బాధ్యతలు నిర్వహిస్తున్న ఇద్దరు సీనియర్ మంత్రులకు కూడా రాజ్యసభ టికెట్ నిరాకరించడం సంచలనంా మారింది.
యూపీ నుంచి ఖాళీ అవుతున్న పది రాజ్యసభ స్థానాలకు అక్టోబర్ 16న పోలింగ్ నిర్వహించనున్నట్లు ఎన్నికల సంఘం షెడ్యూల్ విడుదల చేసింది. రాష్ట్ర అసెంబ్లీలోని సంఖ్యాబలం ప్రకారం అధికార బీజేపీ సులభంగా ఎనిమిది స్థానాలను కైవసం చేసుకునే అవకాశం ఉండగా, మిగిలిన రెండు స్థానాలను ప్రధాన ప్రతిపక్షమైన సమాజ్‌వాదీ పార్టీ గెలుచుకునే అవకాశం ఉంది. ఈ నేపథ్యంలో బీజేపీ తన ఎనిమిది మంది అభ్యర్థులతో కూడిన జాబితాను విడుదల చేసింది. ఈ జాబితాలో హర్దీప్ సింగ్ పురి, బీఎల్ వర్మ వంటి కేంద్ర మంత్రులకు చోటు దక్కలేదు. వీరు ఇద్దరూ గతంలో యూపీ కోటాలోనే రాజ్యసభ సభ్యులుగా సేవలందించినప్పటికీ, ఈసారి వారికి పార్టీ అధిష్టానం మొండిచేయి చూపింది.
పార్టీ విడుదల చేసిన కొత్త జాబితాలో ధర్మపాల్ సింగ్, రాధాకాంత్ ఓఝా, ప్రకాశ్ పాల్, విద్యాసాగర్ సోన్‌కర్, గోపీ కృష్ణ పాండే, ప్రియాంక సింగ్ రావత్, రామ్ ప్రతాప్ సింగ్ చౌహాన్, శ్రుతి గంగ్వార్లను అభ్యర్థులుగా ఖరారు చేశారు. 2027లో జరగనున్న ఉత్తరప్రదేశ్ శాసనసభ ఎన్నికలను దృష్టిలో ఉంచుకుని, వ్యూహాత్మకంగా అభ్యర్థుల ఎంపిక ఉ:దని స్పష్టమవుతోంది. సామాజిక సమీకరణాలకు పెద్దపీట వేయడంతో పాటు, క్షేత్రస్థాయిలో పార్టీ కోసం నిరంతరం శ్రమించే సంస్థాగత కార్యకర్తలకు గుర్తింపునిచ్చేలా ఈ జాబితాను రూపొందించినట్లు పరిశీలకులు విశ్లేషిస్తున్నారు.
ప్రకటించిన అభ్యర్థుల జాబితాలో వివిధ వర్గాలకు తగిన ప్రాతినిధ్యం కల్పించారు. ఇందులో ముగ్గురు ఓబీసీ వర్గాలకు చెందిన వారు, ఇద్దరు షెడ్యూల్డ్ కులాల (ఎస్సీ), మరో ముగ్గురు అగ్రవర్ణాలకు చెందిన నాయకులు ఉన్నారు. అంతేకాకుండా, సామాజిక సమతుల్యతను పాటిస్తూ ఇద్దరు మహిళా అభ్యర్థులకు కూడా స్థానం కల్పించడం విశేషం. బారాబంకి మాజీ ఎంపీ ప్రియాంక సింగ్ రావత్ తో పాటు ఝార్ఖండ్ గవర్నర్ సంతోష్ గంగ్వార్ కుమార్తె శ్రుతి గంగ్వార్లను మహిళా కోటాలో బరిలోకి దించారు.
ఇక ఇతర ప్రముఖులలో ఓబీసీ మోర్చా రాష్ట్ర అధ్యక్షుడు ప్రకాశ్ పాల్, ప్రముఖ దళిత నేత, మాజీ ఎంపీ విద్యాసాగర్ సోన్‌కర్, అలాగే అలహాబాద్ హైకోర్టు బార్ అసోసియేషన్ అధ్యక్షుడిగా రెండుసార్లు బాధ్యతలు నిర్వర్తించిన రాధాకాంత్ ఓఝా వంటి వారికి చోటు లభించింది.
కింది స్థాయి నుంచి పార్టీని నమ్ముకుని పనిచేస్తున్న నాయకులను ఎగువసభకు పంపడం ద్వారా, కార్యకర్తల్లో నూతనోత్సాహం నింపాలని బీజేపీ నాయకత్వం భావిస్తోంది. గతంలో ఎంపీలుగా కొనసాగిన ప్రముఖులను పక్కనపెట్టి మరీ కొత్తవారికి అవకాశం కల్పించడం ద్వారా పార్టీలో నాయకత్వ మార్పునకు పెద్దపీట వేస్తున్న సంకేతాలు వెలువడుతున్నాయి.
రాష్ట్రంలో పార్టీ పట్టును మరింత బలోపేతం చేసే దిశగా బీజేపీ అధిష్ఠానం ప్రణాళికాబద్ధంగా అడుగులు వేస్తోంది. రాబోయే అసెంబ్లీ ఎన్నికల నాటికి యువత, అన్ని సామాజిక వర్గాలను కలుపుకొనిపోయేలా నాయకత్వ బృందాన్ని సిద్ధం చేయడంలో ఈ రాజ్యసభ ఎన్నికల ఎంపిక ఒక ముఖ్యమైన మెట్టుగా నిల వనుంది. సిట్టింగ్‌లను కాదని సరికొత్త బృందాన్ని ఎగువసభకు పంపడం ద్వారా పార్టీలో పోటీతత్వాన్ని పెంచడంతో పాటు, సమర్థులైన కొత్త నాయకులను జాతీయ స్థాయికి పరిచయం చేయాలనే ఉద్దేశం కూడా దీని వెనుక ఉన్నట్లు తెలుస్తోంది.
ఈ పరిణామాలు రాబోయే రోజుల్లో యూపీ రాజకీయాలపై తీవ్ర ప్రభావం చూపే అవకాశం ఉందని అంచనా వేస్తున్నారు. సీనియర్ నాయకులను పక్కనపెట్టడంపై కొంతమేర అంతర్గత అసంతృప్తి వ్యక్తమయ్యే ఆస్కారం ఉన్నప్పటికీ, సామాజిక సమీకరణాల కోణంలో ఈ జాబితా పార్టీకి ఎన్నికల సమయంలో లబ్ధి చేకూరుస్తుందని పార్టీ శ్రేణులు గట్టిగా విశ్వసిస్తున్నాయి. అక్టోబర్ 16న జరగనున్న పోలింగ్ అనంతరం ఈ కొత్త అభ్యర్థులందరూ ఏకగ్రీవంగా లేదా సులభంగానే రాజ్యసభకు ఎన్నికవుతారనడంలో ఎలాంటి సందేహం లేదు.
[Rajya Sabha elections, BJP candidates, Uttar Pradesh politics, Union Ministers, UP Assembly elections, Telugu One]
ఆఫ్రికాలోని కాంగో నదిలో జరిగిన ఒక అత్యంత విషాదకరమైన పడవ ప్రమాదం యావత్ ప్రపంచాన్ని దిగ్భ్రాంతికి గురిచేసింది. ఈక్వేటర్ ప్రావిన్స్‌లోని న్గోంబే-లుకోలేలా ప్రాంతం సమీపంలో రెండు పెద్ద పడవలు ప్రమాదవశాత్తూ ఎదురెదురుగా అత్యంత వేగంగా ఢీకొన్నాయి. ఈ ఘోర దుర్ఘటనలో ప్రాథమిక అంచనాల ప్రకారం కనీసం 30 మంది ప్రయాణికులు నీట మునిగి ప్రాణాలు కోల్పోగా, పదుల సంఖ్యలో ప్రయాణికులు ఆచూకీ లేకుండా గల్లంతయ్యారు. రెస్క్యూ టీమ్‌లు, స్థానిక అధికారులు సంఘటన స్థలానికి చేరుకుని ముమ్మరంగా గాలింపు మరియు సహాయక చర్యలు కొనసాగిస్తున్నారు.
అధికారులు ప్రత్యక్ష సాక్షులు వెల్లడించిన వివరాల ప్రకారం, ఈ ప్రమాదానికి గురైన రెండు పడవల్లో ఒకటి దేశ వాయువ్య ప్రాంతంలోని ఉబాంగి ప్రాంతం నుంచి కాంగో రాజధాని కిన్షాసాకు ప్రయాణిస్తుండగా, మరొక నౌక కిన్షాసా నుంచి లుకోలేలా ప్రాంతానికి వెళ్తోంది. ఈ క్రమంలో రెండు పడవలు ఒకదానికొకటి ఎదురుగా వచ్చి బలంగా ఢీకొనడంతో ఈ పెను ప్రమాదం సంభవించింది. ప్రమాద తీవ్రత కారణంగా పడవలు దెబ్బతిని ప్రయాణికులు ఒక్కసారిగా నీటిలో పడిపోయారు. నీటి ప్రవాహం ఎక్కువగా ఉండటం మరియు రాత్రి సమయంలో సహాయక చర్యలకు తీవ్ర అంతరాయం కలగడంతో ప్రాణనష్టం భారీగా పెరిగినట్లు తెలుస్తోంది.
ఈ విషాద ఘటనను మరింత సంక్లిష్టం చేస్తూ, ప్రమాదానికి గురైన పడవల్లో ఒకదానిలో భారీ మొత్తంలో చమురు తరలిస్తున్నట్లు ప్రత్యక్ష సాక్షులు తెలిపారు. ప్రమాదం జరిగిన వెంటనే పడవలోని ఆయిల్ అంతా నది నీటిలో పెద్ద ఎత్తున లీక్ కావడంతో పరిస్థితి మరింత భయానకంగా మారింది. నది ఉపరితలంపై భారీ పరిమాణంలో చమురు తేలడంతో, ప్రయాణికులలో కొందరికి ఈత వచ్చినా కూడా నీటి నుంచి సురక్షితంగా బయటపడటం సాధ్యం కాలేదని, ఆయిల్ కారణంగా వారు ఈదుకుంటూ రాలేక ప్రాణాలు కోల్పోయారని తెలిపారు. రెస్క్యూ సిబ్బందికి కూడా ఈ చమురు లీకేజీ వల్ల సహాయక చర్యలు చేపట్టడంలో తీవ్రమైన ఆటంకాలు ఎదురవుతున్నాయి.
కాంగో నదిలో ఇలాంటి పడవ ప్రమాదాలు జరగడం సర్వసాధారణంగా మారిపోవడం స్థానికంగా తీవ్ర ఆందోళన కలిగిస్తోంది. సరైన రవాణా సౌకర్యాలు లేకపోవడం, నిబంధనలకు విరుద్ధంగా అధిక బరువుతో ప్రయాణికులను ఎక్కించడం, సరైన భద్రతా ప్రమాణాలు పాటించకపోవడం వంటి కారణాల వల్ల ప్రతి ఏటా వందలాది మంది అమాయక ప్రజలు నీటిపాలై ప్రాణాలు కోల్పోతున్నారు. ఈ ఘటనపై ఉన్నతాధికారులు తీవ్రంగా స్పందించి పూర్తి స్థాయి దర్యాప్తునకు ఆదేశించారు. ప్రమాదానికి అసలు కారణాలు ఏమిటి, అనుమతి లేని ప్రయాణాలు ఎలా సాగుతున్నాయనే అంశాలపై అధికారులు దర్యాప్తు వేగవంతం చేశారు. గల్లంతైన వారి కోసం గాలింపు ముమ్మరం చేయడంతో మృతుల సంఖ్య మరింత పెరిగే అవకాశం ఉందని భయాందోళనలు వ్యక్తమవుతున్నాయి.
[ congo river, boat collision, congo boat accident, kinsasha news, ubangi boat crash, congo river disaster, Telugu One, Telugu News ]
తెలంగాణ రాష్ట్రంలో అవినీతి అధికారులపై అవినీతి నిరోధక శాఖ (ఏసీబీ) ఉక్కుపాదం మోపుతోంది. ప్రభుత్వ కార్యాలయాల్లో సామాన్య ప్రజలను, వ్యాపారులను వేధిస్తూ అక్రమంగా డబ్బులు వసూలు చేస్తున్న వారిని ఒక్కొక్కరిగా చట్టం ముందుకు తీసుకువస్తోంది. తాజాగా రంగారెడ్డి జిల్లాలో జరిగిన ఒక సంచలన ఘటన కలకలం రేపింది. రంగారెడ్డి జిల్లా వైద్య మరియు ఆరోగ్య శాఖాధికారిగా (DMHO) బాధ్యతలు నిర్వహిస్తున్న స్వర్ణకుమారి సోమవారం నాడు ఏసీబీ అధికారులకు రెడ్ హ్యాండెడ్‌గా పట్టుబడ్డారు. ప్రభుత్వ పదవిలో ఉంటూ బాధ్యతాయుతంగా వ్యవహరించాల్సిన వైద్యాధికారే స్వయంగా లంచం డిమాండ్ చేయడం తీవ్ర చర్చనీయాంశమైంది.
ఈ ఘటనకు సంబంధించి పూర్తి వివరాల్లోకి వెళితే.. రంగారెడ్డి జిల్లా పరిధిలో ఓ ప్రైవేట్ ఆసుపత్రిని నడుపుతున్న నిర్వాహకుల నుంచి అనుమతులు లేదా ఇతర పనుల నిమిత్తం డీఎంహెచ్‌వో స్వర్ణకుమారి భారీగా లంచం డిమాండ్ చేశారు. బాధితులు ఎంత బతిమలాడినా ఆమె తన పద్ధతి మార్చుకోలేదు. పైగా లక్ష రూపాయల ముట్టజెప్పాల్సిందేనని పట్టుబట్టారు. దీంతో విసిగిపోయిన ప్రైవేట్ ఆసుపత్రి నిర్వాహకులు అవినీతి నిరోధక శాఖ (ACB) అధికారులను ఆశ్రయించి రాతపూర్వక ఫిర్యాదు చేశారు. బాధితుల ఫిర్యాదును సీరియస్‌గా పరిగణించిన ఏసీబీ అధికారులు పక్కా వ్యూహం రచించారు. సోమవారం నాడు ఒప్పందం ప్రకారం లంచం సొమ్ము అందజేసే సమయానికి రంగారెడ్డి జిల్లా డీఎంహెచ్‌వో కార్యాలయం వద్ద ముందస్తుగా మాటువేశారు.
పథకం ప్రకారం ప్రైవేట్ ఆసుపత్రి నిర్వాహకుల నుంచి ఖచ్చితంగా రూ. 1,00,000 (ఒక లక్ష రూపాయల) నగదును లంచం రూపంలో స్వీకరిస్తుండగా ఏసీబీ అధికారులు ఒక్కసారిగా మెరుపుదాడి చేశారు. ఏమాత్రం ఊహించని ఈ పరిణామానికి డీఎంహెచ్‌వో స్వర్ణకుమారి నిశ్చేష్టులయ్యారు. అధికారులు ఆమెను రెడ్ హ్యాండెడ్‌గా అదుపులోకి తీసుకుని, ఆమె వద్ద ఉన్న లంచం సొమ్మును స్వాధీనం చేసుకున్నారు. అనంతరం ఆమె కార్యాలయంలోనూ, నివాసాల్లోనూ ఏసీబీ అధికారులు సోదాలు నిర్వహించి కీలకమైన డాక్యుమెంట్లు, రికార్డులను పరిశీలించారు. ప్రభుత్వ వైద్యాధికారి హోదాలో ఉండి ప్రజలకు సేవ చేయాల్సిన అధికారి, ఇలా ప్రైవేట్ ఆసుపత్రుల నిర్వాహకులను వేధించి రూ. 1 లక్ష లంచం తీసుకుంటూ పట్టుబడటం వైద్యశాఖలో తీవ్ర కలకలం రేపింది. ఏసీబీ అధికారులు ఆమెపై అవినీతి నిరోధక చట్టం కింద కేసు నమోదు చేసి, తదుపరి విచారణ నిమిత్తం కోర్టుకు హాజరుపరిచారు. ప్రభుత్వ ఉద్యోగులు ఎవరైనా లంచం డిమాండ్ చేస్తే ప్రజలు భయపడకుండా ఏసీబీని సంప్రదించాలని అధికారులు ఈ సందర్భంగా మరోసారి విజ్ఞప్తి చేశారు.
[ Ranga reddy dmho, acb raid, swarna kumari bribe, acb officers caught, telangana news, corruption in health department, CM Revanth reddy,Hyderabad police, health minister Damodar Raja Narasimha, Telugu One, Telugu News ]
ALSO ON TELUGUONE N E W S
అందరి ఊహలని తలకిందుకులు చేస్తూ ది ప్యారడైజ్ 200 కోట్ల క్లబ్ లోకి చేరినట్టు రీసెంట్ గా చిత్ర బృందం ప్రకటించింది. ఇక ప్యారడైజ్’ డిజిటల్ స్ట్రీమింగ్ హక్కులను ప్రముఖ ఓటీటీ దిగ్గజం నెట్‌ఫ్లిక్స్ అత్యంత భారీ ధరకు కైవసం చేసుకుంది. సాధారణంగా థియేట్రికల్ రిలీజ్ అయిన 6 నుంచి 8 వారాల విండో నిబంధన ప్రకారం, ఈ చిత్రాన్ని నవంబర్ మొదటి వారం లేదా అక్టోబర్ చివరి వారంలో డిజిటల్ ప్లాట్‌ఫామ్‌లోకి తీసుకొచ్చేందుకు సన్నాహాలు జరుగుతున్నాయి. తెలుగుతో పాటు తమిళం, మలయాళం, కన్నడ, మరియు హిందీ భాషల్లో ఈ చిత్రం అందుబాటులోకి రానుంది.
ఇది కూడా చదవండి: ఇంకో ఈవీవీ సత్యనారాయణ పుట్టడం సాధ్యమేనా:నవ్వుల సామ్రాజ్యానికి చక్రవర్తి
ఓటీటీ ప్రేమికులకు మరో సర్‌ప్రైజింగ్ న్యూస్ ఏమిటంటే, నిడివి కారణాల వల్ల థియేటర్లలో తొలగించిన పవర్ఫుల్ ‘దేశం’ పాటను డిజిటల్ వెర్షన్‌లో జోడించనున్నట్లు దర్శకుడు శ్రీకాంత్ ఓదెల స్పష్టం చేశారు. వెండితెరపై మిస్ అయిన ఈ గూస్‌బంప్స్ సాంగ్ చేరిక ఓటీటీ వీక్షకులకు సరికొత్త అనుభూతిని ఇస్తుందని భావిస్తున్నారు. థియేటర్లలో చూడలేకపోయిన ప్రేక్షకులు, అలాగే మళ్లీ హోమ్ స్క్రీన్‌పై అనుభవించాలనుకుంటున్న అభిమానులు నవంబర్ మొదటి వారంలో నెట్‌ఫ్లిక్స్‌లో ప్రసారమయ్యే ఈ డిజిటల్ రిలీజ్ కోసం ఎదురుచూస్తున్నారు.
[The Paradise Ott Release Date, Nani The Paradise OTT release, The Paradise Netflix streaming date, Nani Paradise movie OTT update]
హాస్యం.. నవ్వు.. లాఫింగ్..ఈ మూడు పదాల అర్ధం ఒకటే. కానీ ఎందుకు విడిగా చెప్పుకోవాల్సి వస్తుందంటే ఈవివి సత్యనారాయణ అనే దర్శక హాస్య చక్రవర్తి సృషించిన నవ్వుల సినీ ప్రపంచం. ఆయన సినిమాలు చూసి ప్రేక్షకులు పొట్టచెక్కలయేలా నవ్వి, నవ్వుకి ఆ పైన చెప్పుకునే మూడు పదాలు ఉండేవని అనుకునే వారు. చనిపోయిన శవం ముందు ఏడుస్తూ ఉన్న వాళ్ళకి ఆయన సినిమా చూపిస్తే చాలు నవ్వుతూనే ఉంటారు. అసలు ఆయన హవా సాగుతున్న రోజుల్లో బీపీ షుగర్ పేషేంట్ లు దొరక్క డాక్టర్స్ అల్లలాడారనే మాట కూడా వినిపిస్తూ ఉండేది .
తెలుగు సినిమా చరిత్ర పుటలని ఒకసారి తిరగేస్తే, ప్రేక్షకులని థియేటర్లలో కడుపుబ్బ నవ్వించిన దర్శకులు కొందరే కనిపిస్తారు.90లలో ఆయన చూపించిన దర్శకత్వ ప్రతిభ, హాస్య చతురత తెలుగు సినీ రంగాన్ని ఊపేశాయి. నేటికీ తెలుగు సినీ పరిశ్రమలో "మళ్లీ ఇంకో ఈవీవీ సత్యనారాయణ పుడతారా?" అనే ప్రశ్న వస్తే, ఖచ్చితంగా లేదనే సమాధానమే వస్తుంది. ఎందుకంటే, సెల్యులాయిడ్ పై ఆయన సృష్టించిన నవ్వుల ప్రభంజనం, కామెడీ టైమింగ్, సరికొత్త శైలి కలకాలం చిరస్థాయిగా నిలిచిపోతాయి.
'ఆ ఒక్కటీ అడక్కు', 'జంబలకిడిపంబ', 'అలిబాబా అరడజను దొంగలు', 'కితకితలు', చాలా బాగుంది, సీతారత్నం గారి అబ్బాయి, ఏవండీ ఆవిడ వచ్చింది, హలో బ్రదర్, బెండు అప్పారావు వంటి చిత్రాలు తెలుగు హాస్య సినిమాలకి కొత్త నిర్వచనాన్ని ఇచ్చాయి. పేరుకి ఆ పేర్లు చెప్పుకుంటాం గాని ప్రతి సినిమాలోను కామెడి ఒక రేంజ్ లో ఉండేది ముఖ్యంగా 1993లో విడుదలైన 'జంబలకిడిపంబ' చిత్రం బాక్సాఫీస్ వద్ద ఏకంగా 500 శాతానికి పైగా లాభాలను తెచ్చిపెట్టి, నాటి రోజుల్లోనే కోట్ల రూపాయల వసూళ్లను రాబట్టింది. మగవారు ఆడవారిలా, ఆడవారు మగవారిలా ప్రవర్తించే వైవిధ్యమైన కాన్సెప్ట్‌ను పూర్తిస్థాయి ఎంటర్‌టైనర్‌గా మలచడం కేవలం ఈవీవీకే చెల్లింది. ఈ ఒక్క సినిమాతోనే ఆయన హాస్య సామ్రాజ్యానికి తిరుగులేని రాజుగా ముద్ర వేసుకున్నారు.
ఈవీవీ సత్యనారాయణ ప్రత్యేకత కేవలం స్వచ్ఛమైన కామెడీ సినిమాలకే పరిమితం కాలేదు. ఆయనకు ఉన్న అతిపెద్ద బలం ఏంటంటే... అత్యంత తీవ్రమైన, ఆందోళనకరమైన సిరియస్ సీన్లలో కూడా ఊహించని విధంగా కామెడీని పండించడం. సాధారణంగా ఒక సెంటిమెంట్ లేదా యాక్షన్ సీన్ నడుస్తున్నప్పుడు ప్రేక్షకులు గంభీరంగా మారతారు. కానీ ఈవీవీ తనదైన మార్కు హాస్య సంభాషణలతో, క్యారెక్టర్ ఆర్టిస్టుల టైమింగ్‌తో ఆ సన్నివేశం యొక్క బరువు తగ్గకుండానే ప్రేక్షకులను నవ్వుల్లో ముంచెత్తేవారు. సెంటిమెంట్ ఎంతగా పండిందో, దానికి సమాంతరంగా కామెడీ కూడా అంతేస్థాయిలో విజయం సాధించింది. సెంటిమెంట్, కామెడీ రెండింటినీ సరిసమాన నిష్పత్తిలో కలిపి 100 శాతం వినోదాన్ని పంచడం ఆయనకే సాధ్యమైంది.
ఇది కూడా చదవండి: NTR: ఎన్టీఆర్ హీరోగా కొత్త సినిమా రాబోతుందా? నిజమెంత?
తన సినీ జీవితంలో 50కి పైగా చిత్రాలకు దర్శకత్వం వహించిన ఈవీవీ, రాజేంద్రప్రసాద్, నరేష్, శ్రీకాంత్, జగపతిబాబు వంటి ఎంతోమంది నటులకు బ్లాక్‌బస్టర్ హిట్లు ఇచ్చారు. అంతేకాకుండా, తన కుమారులు ఆర్యన్ రాజేష్, అల్లరి నరేష్‌లను ఇండస్ట్రీకి పరిచయం చేసి విజయం సాధించారు. ఒక్కరి మాత్రం నిజం ఏంటంటే ప్రతి తెలుగింట నవ్వుల పువ్వులు పూయించిన ఈవీవీ సత్యనారాయణ లాంటి దర్శకుడు మళ్లీ పుట్టడం అసాధ్యం. ఆయన జ్ఞాపకాలు, ఆయనందించిన ఆణిముత్యాల్లాంటి సినిమాలు తెలుగు ప్రేక్షకుల గుండెల్లో శాశ్వతంగా నిలిచిపోతాయి. చావు తాను గెలిచానని అనుకోవచ్చు. కానీ దానికి తెలియని విషయం ఏంటంటే ప్రతి నిమిషం ఈవివి పేరు గుర్తుచేసుకుంటూ ఆయన సినిమాలు చూస్తూ నవ్వుల జడివానలో మునిగిపోని తెలుగు వాడు లేడు.
[Evv Satyanarayana Telugu Cinema Legend, EVV Satyanarayana, EVV Satyanarayana Telugu Movies, EVV Satyanarayana Comedy Scenes, Jambalakidi Pamba Director,Telugu Cinema News, Telugu Cinema, Tollywood, Tollywood News]
సినిమా చిన్నదైనా.. ప్రమోషన్ మాత్రం భారీగా ఉండాలి. నిమాను జనాల్లోకి తీసుకెళ్లేందుకు మేకర్స్ భారీగానే ఖర్చు చేస్తుంటారు. కానీ, ఓ చిన్న సినిమా మాత్రం కేవలం ఒకే ఒక్క పాటను పట్టుకుని.. దాన్నే తమ సినిమాకు అతిపెద్ద ప్రమోషన్ అస్త్రంగా మార్చుకుంది. ఆ సినిమా పేరు ‘పర్ణశాల’.
వై.జి. భరత్ దర్శకత్వంలో ఎస్ఎల్‌టీ ఫిలిమ్స్ బ్యానర్‌పై వస్తున్న ఈ మూవీ హారర్ కామెడీతో పాటు సస్పెన్స్ థ్రిల్లర్ అంశాలతో రూపొందుతోంది. అయితే సినిమా కంటే ముందే ‘జిమ్ జిమ్ తార’ అనే పాట సోషల్ మీడియాలో వైరల్‌గా మారింది. ఈ పాటను లక్ష్మీదేవితో పాడించడం కూడా ఆసక్తికరంగా మారింది. మొదట ఈ పాటను ప్రత్యేకంగా ప్రమోషన్ కోసం ఉపయోగించాలనే ఆలోచనతో మేకర్స్ ప్లాన్ చేసినట్టు తెలుస్తోంది.
కానీ.. ఆ తర్వాత జరిగినదే అసలు ట్విస్ట్. పాటకు వచ్చిన రెస్పాన్స్‌ను గమనించిన టీమ్.. దాన్ని మామూలు సాంగ్‌గా వదిలేయకుండా, సినిమా ప్రమోషన్‌లోనే ప్రధాన ఆయుధంగా మార్చేసింది.
సాధారణంగా ఓ పాటను వైరల్ చేయాలంటే సోషల్ మీడియా ఇన్‌ఫ్లుయెన్సర్లతో రీల్స్ చేయించడం, పెయిడ్ క్యాంపెయిన్లు నిర్వహించడం, ప్రమోషనల్ కంటెంట్ వరుసగా రిలీజ్ చేయడం లాంటివి చేస్తుంటారు.
కానీ ‘పర్ణశాల’ విషయంలో సీన్ రివర్స్ అయింది. ఎలాంటి భారీ పెయిడ్ ప్రమోషన్లు లేకుండానే ‘జిమ్ జిమ్ తార’ జనాల్లోకి వెళ్లడం మొదలైంది. సోషల్ మీడియా నుంచి బయటకు వచ్చి.. సాధారణ ప్రేక్షకుల నోట కూడా ఈ పాట వినిపించే స్థాయికి చేరిందని మేకర్స్ చెబుతున్నారు. ఇదే ఇప్పుడు ‘పర్ణశాల’ టీమ్‌కు పెద్ద ప్లస్‌గా మారింది.
సినిమా ప్రమోషన్‌కు కోట్లు ఖర్చు చేయాల్సిన అవసరం లేదని ఈ టీమ్ చెప్పకనే చెబుతోంది. ట్రెండ్‌ను గుర్తించడం.. దాన్ని సరైన సమయంలో క్యాచ్ చేయడం.. ఆ ట్రెండ్‌ను తమ సినిమాకు అనుకూలంగా మార్చుకోవడం.. ఇదే అసలు మార్కెటింగ్ అని నిరూపించే ప్రయత్నం చేస్తోంది.
‘జిమ్ జిమ్ తార’కు వచ్చిన బజ్ కేవలం సోషల్ మీడియా వరకే పరిమితం కాకుండా సినిమా మీద ఆసక్తిని పెంచితే.. ‘పర్ణశాల’కు బిజినెస్ పరంగా కూడా కలిసొచ్చే అవకాశం ఉంది.
థియేట్రికల్ బిజినెస్ తో పాటు ఓటీటీ, ఆడియో రైట్స్ విషయంలో కూడా సినిమాపై ఉన్న బజ్ ప్రభావం చూపే ఛాన్స్ ఉంటుంది. అందుకే ఈ ప్రమోషన్ స్ట్రాటజీపై ఇప్పుడు ఇండస్ట్రీలో కూడా చర్చ జరుగుతోంది.
ఇది కూడా చదవండి: AA23 ప్రాజెక్ట్ ఆగిపోయిందా.. లోకేష్ నెక్స్ట్ మూవీ ఎవరితో.?
https://www.instagram.com/reel/Dd6909EhFgp/
[Jim Jim Tara Song, Zim Zim Tara Song, Parnashala Movie, Gokula Lakshmi Dev, Lakshmi Aunty, Telugu Songs 2026, Trending Song Telugu, Telugu Film News]
తెలుగు సినిమా తన ప్రభంజాన్ని కొనసాగిస్తూనే ఉన్నా ఎక్కడో తనలో చిన్న దిగులు.. ఆ దిగులు ఏంటంటే విశ్వవిఖ్యాత నట సార్వభౌమ నందమూరి తారక రామారావు తన ఒడిలో లేడని. అంతలా తెలుగు సినిమా ఖ్యాతిని విశ్వవ్యాప్తం చేసిన ఆ మహానటుడు లేకపోతే దిగులు పడదా చెప్పండి? తెలుగు సినిమాకే కాదు మాకు దిగులుగా ఉందని అంటున్నారా! ఆ దిగులుని పటాపంచలు చేసి మళ్ళీ మీరు సెల్యులాయిడ్ ముందుకెళ్లి చిందేసే సినీ శుభ గడియలు రాబోతున్నాయనే న్యూస్ సినీ సర్కిల్స్, అభిమానుల్లో ఎన్టీఆర్ బాడీలాంగ్వే జ్ తో మరి చిందేస్తూ తిరుగుతున్నాయి.
అవును ఎన్టీఆర్ తో సినిమా స్టార్ట్ కాబోతుంది. ఎలా అని అనుకుంటున్నారా! 'ఏఐ'తో. ఇటీవలి కాలంలో హాలీవుడ్‌తో పాటు మన భారతీయ చిత్రసీమలో కూడా డీప్‌ఫేక్, 3D డిజిటల్ అవతార్ మరియు ఏఐ విజువల్ రీక్రియేషన్ సాంకేతికత 95% పైగా కచ్చితత్వంతో అభివృద్ధి చెందింది. 'కల్కి 2898 AD' వంటి భారీ ప్రాజెక్టులలోనూ, ఇతర విజువల్ ఎఫెక్ట్స్ సినిమాల్లో దివంగత లెజండ్రిస్ ని ఏఐ రూపంలో చూపించే ప్రయత్నాలు జరిగాయి. 100% డిజిటల్ ఫేస్ రీకన్‌స్ట్రక్షన్ విధానం ద్వారా సెకనుకు 24 ఫ్రేమ్‌ల చొప్పున పాత సినిమాల ఫుటేజ్‌ను విశ్లేషించి, విశ్వరూపం చూపించిన ఎన్టీఆర్ గారి ముఖకవళికలు, గంభీరమైన గొంతును తిరిగి పునఃసృష్టించడం ఇప్పుడు సాంకేతికంగా సాధ్యమవుతోంది. వేలాది గంటల ఆర్కైవ్ వీడియోలను ఏఐ అల్గారిథమ్స్ ద్వారా ప్రాసెస్ చేసి, కొత్త కథలో ఆయనను నటింపజేసే దిశగా కొంతమంది యువ దర్శకులు, టెక్నాలజీ నిపుణులు ప్రయోగాత్మక టెస్ట్ ఫుటేజ్ తయారు చేస్తున్నారనే వార్తలు వైరల్ అవుతున్నాయి.
అయితే ఈ వార్త ఎంతవరకు నిజం, అలాగే ఇందులో ఉన్న సవాళ్లు ఏంటి అనే ప్రశ్నలు ఉత్పన్నమవుతున్నాయి. విశ్వసనీయ సమాచారం ప్రకారం, ప్రస్తుతం ఏఐ సాంకేతికతతో సీనియర్ ఎన్టీఆర్ గారి రూపంలో పూర్తిస్థాయి ఫీచర్ ఫిల్మ్ నిర్మాణానికి సంబంధించి ఎలాంటి అధికారిక ప్రకటన వెలువడలేదు. కానీ, కొన్ని ప్రముఖ విజువల్ ఎఫెక్ట్స్ స్టూడియోలు 80% కంటే ఎక్కువ కచ్చితత్వంతో విశ్వామిత్ర లేదా కృష్ణుడి గెటప్‌లో ఉన్న ఎన్టీఆర్ గారి రూపాన్ని రీక్ర్రియేట్ చేయడానికి సాంకేతిక పరీక్షలు నిర్వహించినట్లు వార్తలు వచ్చాయి. ఏఐ ద్వారా నటులను పునఃసృష్టించడంలో సాంకేతిక సాధ్యతలతో పాటు చట్టపరమైన అనుమతులు, కాపీరైట్ చట్టాలు మరియు నందమూరి కుటుంబసభ్యుల సమ్మతి అత్యంత కీలకమైన అంశాలు. లీగల్ అనుమతులు లభిస్తే రాబోయే రోజుల్లో 5 నుంచి 10 నిమిషాల ప్రత్యేక సన్నివేశాల్లో లేదా క్లైమాక్స్ ఎపిసోడ్లలో సీనియర్ ఎన్టీఆర్ గారి డిజిటల్ రూపం మెరవడం ఖాయంగా కనిపిస్తోంది.
ఇది కూడా చదవండి: రజినీకాంత్, ధనుష్ ల కొత్త పార్టీ: అధ్యక్షుడు, సెక్రటరీ ఎవరంటే!
తెలుగు తెరపై ఎన్టీఆర్ గారి నటన, ఆయన వాచకాభినయం, ఆంగిక విన్యాసాలు 100% యూనిక్ అయినవి. ఏఐ సాంకేతికత ఆయన రూపాన్ని, గొంతును ఎంత అద్భుతంగా పునఃసృష్టించినా, ఆయనలోని జీవాన్ని, స్వచ్ఛమైన భావోద్వేగాలను పూర్తిస్థాయిలో అందించడం ఇప్పటికీ పెద్ద సవాలే. ఏది ఏమైనా, టెక్నాలజీ పెరుగుతున్న వేగాన్ని చూస్తుంటే భవిష్యత్తులో విశ్వవిఖ్యాత నటసార్వభౌముడిని మళ్లీ వెండితెరపై రాజసంతో చూడాలనే అభిమానుల కల నిజమైనా ఆశ్చర్యపోనక్కర్లేదు. అభిమానుల గుండెల్లో చిరస్థాయిగా నిలిచిన ఆ మహానటుడి సమ్మోహన రూపం ఏఐ ద్వారా మళ్లీ జీవం పోసుకుంటుందో లేదో చూడాలంటే రాబోయే కాలం వరకు వేచి చూడాల్సిందే. అసలు ఏఐ పుట్టిందే ఎన్టీఆర్ ని మళ్ళీ పుట్టించడానికేమో చూద్దాం.
[Sr Ntr Ai Movie News Truth Explained, Sr NTR AI Movie, Senior NTR Digital Avatar, AI technology in Tollywood, Sr NTR Recreation with AI, Senior NTR AI Hero, Telugu Cinema News, Telugu Cinema, Tollywood, Tollywood News]
సినీ రంగానికి ఉన్న అరుదైన ప్రత్యేకత ఏంటంటే పెళ్లి అయిన తర్వాత పిల్లలు ఉండి విడిపోయినా కూడా చాలా హుందాగా విడిపోతారు. అంతే కానీ కుటుంబ పరంగా ఒకరిపై ఒకరు నిందలు వేసుకోవడం అనేది జరగదు. పైగా టన్నుల కొద్దీ ఉన్న అభిమానం మాత్రం ఇంచు కూడా తగ్గదు. ఈ కోవలోనే సూపర్ స్టార్ రజినీకాంత్ అల్లుడి హోదా నుంచి ధనుష్ విరమించుకున్నా ఆ ఇద్దరి మధ్య అభిమానం మాత్రం పోలేదనేది తమిళ సినీ సర్కిల్స్ లో ఎప్పుడు వికసిస్తూ తిరిగే మాట.
ఇక తమిళనాడుకి, రాజకీయాలకి ఉన్న సంబంధం తెలిసిందే. దాదాపుగా దశాబ్దాల తరబడి నుంచి తమిళ రాజకీయాలని శాసిస్తుంది సినిమా వాళ్లే. కొన్ని రోజులుగా సోషల్ మీడియాలో, పొలిటికల్ కారిడార్లలో ఒక సరికొత్త సంచలనాత్మక ప్రచారం శరవేగంగా వైరల్ అవుతోంది. రజనీకాంత్, ధనుష్ కలిసి ఒక కొత్త రాజకీయ పార్టీని స్థాపించబోతున్నారనే వార్తలు కోలీవుడ్ నుంచి టాలీవుడ్ వరకు భారీ ఆసక్తిని రేకెత్తిస్తున్నాయి. ఈ వార్తల వెనుక ఉన్న అసలు నిజాలు ఏమిటి, అసలు ఈ రూమర్లు ఎందుకు పుట్టుకొచ్చాయో లోతుగా పరిశీలిస్తే ఆసక్తికర అంశాలు బయటపడుతున్నాయి.ఇటీవల తమిళనాడు అసెంబ్లీ ఎన్నికలల్లో దళపతి విజయ్ 'తమిళగ వెట్రి కళగం' పార్టీ ద్వారా రాజకీయాల్లోకి వచ్చి ఊహించని విజయాన్ని సాధించడంతో, కోలీవుడ్‌లోని మరికొందరు స్టార్ హీరోల పొలిటికల్ ఎంట్రీపై చర్చలు వేడెక్కాయి. ఈ క్రమంలోనే ధనుష్ భారత ఎన్నికల సంఘం వద్ద 'తమిళగ ఎళుచ్చి కళగం' అనే పేరుతో ఒక నూతన రాజకీయ పార్టీని రిజిస్టర్ చేయించారని, దానికి రజనీకాంత్ అధ్యక్షుడిగా వ్యవహరిస్తే, ధనుష్ జనరల్ సెక్రటరీగా బాధ్యతలు చేపడతారనే ఊహాగానాలు షికారు చేయడం ప్రారంభించాయి. ముఖ్యంగా ధనుష్ తన అభిమాన సంఘాలను సామాజిక సేవా కార్యక్రమాల వైపు నడిపించడం, ఫ్యాన్ క్లబ్స్ కోసం ప్రత్యేకంగా ఒక నూతన పతాకాన్ని ఆవిష్కరించడం వంటి పరిణామాలు ఈ పొలిటికల్ రూమర్లకు మరింత బలాన్ని చేకూర్చాయి.
అంతేకాకుండా, గతంలో రజనీకాంత్ 'రజని మక్కల్ మన్రం' పేరుతో తన అభిమాన సంఘాలను బలోపేతం చేసి, దాదాపు 234 నియోజకవర్గాల్లో కార్యకర్తల నెట్‌వర్క్‌ను సిద్ధం చేసినప్పటికీ, ఆరోగ్య కారణాల వల్ల ప్రత్యక్ష రాజకీయాల నుంచి వెనక్కి తగ్గారు. ఇప్పుడు ఆ విస్తృతమైన అభిమాన బలాన్ని, ధనుష్ యంగ్ ఫ్యాన్ బేస్‌ను ఏకం చేస్తూ 100% పక్కా ప్రణాళికతో వీరు పొలిటికల్ ఎంట్రీ ఇస్తున్నారంటూ నెట్టింట కథనాలు ఊపందుకున్నాయి. కొంతమంది విశ్లేషకులు ఒకడుగు ముందుకు వేసి, వచ్చే ఎన్నికల్లో వీరు మరో 2 లేదా 3 కీలక ప్రాంతీయ శక్తులతో పొత్తు పెట్టుకునే అవకాశం ఉందంటూ లెక్కలు కట్టడం కూడా మొదలుపెట్టారు.అయితే, ఈ వైరల్ రూమర్లలో ఎంతవరకు నిజముందనేది ఇప్పుడు అసలైన ప్రశ్న. రజనీకాంత్, ధనుష్ ప్రతినిధుల నుంచి కానీ, లేదా ఇరు కుటుంబాల నుంచి కానీ ఈ ఉమ్మడి రాజకీయ ప్రవేశంపై ఇప్పటివరకు ఎలాంటి అధికారిక ప్రకటన వెలువడలేదు. ధనుష్ తన స్వచ్ఛంద సేవా కార్యక్రమాలను కేవలం సామాజిక కోణంలోనే విస్తరిస్తున్నారని, దానికి రాజకీయ రంగు పూయడం తొందరపాటే అవుతుందని ఆయన సన్నిహిత వర్గాలు గుసగుసలాడుతున్నాయి.
రజనీ ఇదివరకే పొలిటికల్ చాప్టర్‌కు శుభం కార్డ్ వేశానని స్పష్టం చేసినందున, మళ్లీ కొత్త పార్టీ అధ్యక్షుడిగా వస్తారనడంలో వాస్తవం లేదనే అభిప్రాయాలూ వ్యక్తమవుతున్నాయి. ఏది ఏమైనా, అధికారిక స్పష్టత వచ్చే వరకు రజనీ, ధనుష్ కాంబినేషన్ వార్తలు నెటిజన్లకు, అభిమానులకు కావాల్సినంత సినీ హాట్ టాపిక్.
[Rajinikanth And Dhanush Political Party Rumors, Rajinikanth Dhanush Political Party, Dhanush New Party Rumors, Tamilaga Ezhuchi Kazhagam, Telugu Cinema News, Telugu Cinema, Tollywood, Tollywood News]
సూపర్‌స్టార్ రజనీకాంత్, దర్శకుడు నెల్సన్ దిలీప్‌కుమార్ కాంబినేషన్‌లో తెరకెక్కిన ‘జైలర్’ ఎంతటి సంచలన విజయాన్ని అందుకుందో తెలిసిందే. ఇప్పుడు అదే సినిమాకు సీక్వెల్‌గా వస్తున్న ‘జైలర్ 2’పై భారీ అంచనాలు ఉన్నాయి. అక్టోబర్ 15న ప్రేక్షకుల ముందుకు రాబోతున్న ఈ చిత్రానికి సంబంధించిన ట్రైలర్ ఇటీవల విడుదలైంది. భారీ స్టార్ క్యాస్టింగ్, యాక్షన్, డార్క్ కామెడీతో ట్రైలర్ ఆకట్టుకుంటున్నప్పటికీ.. నెటిజన్లలో ఓ ఆసక్తికరమైన చర్చ మొదలైంది. అదేంటంటే.. తొలి భాగంలో మెప్పించిన వర్మ పాత్ర ఈసారి లేకపోవడం.
‘జైలర్’ సినిమాకు రజనీకాంత్ మాస్ ఇమేజ్ ఎంత ప్లస్ అయ్యిందో.. విలన్‌గా వినాయకన్ పోషించిన వర్మ పాత్ర కూడా అంతే కీలకంగా నిలిచింది. వర్మలోని క్రూరత్వం, విచిత్రమైన నవ్వు, డార్క్ హ్యూమర్, సిట్యుయేషనల్ కామెడీ, ప్రత్యేకమైన మేనరిజమ్స్ ప్రేక్షకులను విపరీతంగా ఆకట్టుకున్నాయి. ముఖ్యంగా రజనీకాంత్, వర్మతో పాటు అతని గ్యాంగ్ మధ్య వచ్చే సన్నివేశాలు సినిమాకు ప్రత్యేక ఆకర్షణగా నిలిచాయి. అందుకే ‘జైలర్ 2’ ట్రైలర్‌లో ఆ తరహా పాత్ర కనిపించకపోవడం కొంతమంది అభిమానులకు లోటుగా అనిపిస్తోందనే అభిప్రాయాలు వ్యక్తమవుతున్నాయి.
అయితే ఈ లోటును పూడ్చేందుకు దర్శకుడు నెల్సన్ కొత్త పాత్రను చాలా ఆసక్తికరంగా డిజైన్ చేసినట్లు తెలుస్తోంది. మలయాళ నటుడు సూరజ్ వెంజరమూడ్ ఈ సినిమాలో ‘దిలీప్’ అనే పాత్రలో కనిపించబోతున్నారు. ఇప్పటికే విడుదలైన పాత్ర పరిచయ వీడియోలో సిగార్‌తో ఆయన కనిపించిన తీరు, స్టైలిష్ లుక్ సినిమాపై ఆసక్తిని పెంచాయి. ట్రైలర్‌లోనూ ఆయన పాత్రకు ప్రాధాన్యం కనిపిస్తోంది. అయితే వర్మ తరహా డార్క్ హ్యూమర్, కామిక్ టైమింగ్, విలనిజాన్ని సూరజ్ ఏ స్థాయిలో పండించగలడన్నది ఇప్పుడు ఆసక్తికరంగా మారింది.
మరోవైపు ‘జైలర్ 2’లో హృతిక్ రోష‌న్‌, ఎస్.జె.సూర్య, విద్యాబాలన్, మిథున్ చక్రవర్తి వంటి కొత్త ముఖాలతో పాటు మోహన్‌లాల్, శివరాజ్‌కుమార్, జాకీ ష్రాఫ్ వంటి స్టార్స్ కూడా కనిపించనున్నారు. ట్రైలర్ చూస్తే తొలి భాగం కంటే కథ పరిధి, యాక్షన్, పాత్రల సంఖ్య మరింత పెరిగినట్లు తెలుస్తోంది. దీంతో వర్మ సృష్టించిన బెంచ్‌మార్క్‌ను సూరజ్ పాత్ర అందుకోగలదా? నెల్సన్ మార్క్ డార్క్ కామెడీ, విలనిజం మరోసారి అదే స్థాయిలో వర్కౌట్ అవుతాయా? అనేది సినిమా విడుదలైన తర్వాతే స్పష్టమవుతుంది.
[Jailer 2, Rajinikanth, Suraj Venjaramoodu, Vinayakan, Varman, Dileep Character, Nelson Dilipkumar, Jailer 2 Trailer, Tamil Cinema, Jailer 2 Release Date]
.WEBP)
సినిమా అంటే ప్రేక్షకుడిని మూడు గంటల పాటు మరో ప్రపంచంలోకి తీసుకెళ్లి ఎంటర్‌టైన్ చేయడం. అందుకోసం ఒక్కో దర్శకుడు ఒక్కో జానర్‌ను ఎంచుకుంటారు. వైవిధ్యమైన కథలు, కొత్త తరహా స్క్రీన్‌ప్లేలు ప్రేక్షకులను ఎప్పుడూ ఆకట్టుకుంటూనే ఉన్నాయి. అయితే ఇటీవలి కాలంలో తెలుగు సినిమాల్లో యాక్షన్ పేరుతో హింస మితిమీరుతోందనే చర్చ మొదలైంది. పాన్ ఇండియా స్థాయిలో సత్తా చాటాలనే పోటీలో భాగంగా కొందరు దర్శకులు కథ కంటే యాక్షన్ సన్నివేశాలకే ఎక్కువ ప్రాధాన్యం ఇస్తున్నారనే అభిప్రాయాలు వ్యక్తమవుతున్నాయి.
ముఖ్యంగా హీరో చేతిలో కత్తులు, గొడ్డళ్లు, ఇతర ఆయుధాలు.. భారీగా రక్తపాతం చూపించే సన్నివేశాలు ఇప్పుడు కమర్షియల్ సినిమాల్లో సాధారణంగా మారుతున్నాయి. యాక్షన్ ఉండటం తప్పేమీ కాదు కానీ.. అది కథకు అవసరమైన స్థాయిలో ఉంటేనే ప్రేక్షకుడికి కనెక్ట్ అవుతుంది. కేవలం హింసను చూపించడం ద్వారా హీరోయిజాన్ని ఎలివేట్ చేయాలనుకోవడం ప్రతిసారీ పనిచేయకపోవచ్చనే వాదన వినిపిస్తోంది. ఇప్పటికే కొన్ని సినిమాల్లో హింస, కథను మించి ప్రధాన ఆకర్షణగా మారడంతో.. అసలు కథ, పాత్రల భావోద్వేగాలు వెనుకబడుతున్నాయనే విమర్శలు వస్తున్నాయి.
అయితే ప్రేక్షకులను ఎక్కువకాలం గుర్తుండిపోయేలా చేసేది కేవలం యాక్షన్ సీన్లు కాదు.. బలమైన ఎమోషన్. ఒక సినిమా చూసి బయటకు వచ్చిన తర్వాత అందులోని ఓ సన్నివేశం, ఓ పాత్ర, ఓ మాట ప్రేక్షకుడి మనసులో కొంతకాలం నిలిచిపోతేనే ఆ సినిమా ప్రభావం ఎక్కువగా ఉంటుంది. గతంలో తెలుగు సినిమాలు కుటుంబ అనుబంధాలు, ప్రేమ, స్నేహం, హాస్యం, త్యాగం వంటి అంశాలతో ప్రేక్షకులకు దగ్గరయ్యాయి. హీరోయిజం అంటే ప్రత్యర్థులను నరికి పడేయడం మాత్రమే కాదని.. తప్పు చేసినవారికి బుద్ధి చెప్పడం, తనవాళ్లను కాపాడుకోవడం, అవసరమైనప్పుడు త్యాగం చేయడం కూడా హీరోయిజమేననే అభిప్రాయం బలపడుతోంది.
మరోవైపు తెలుగు సినిమా ఇప్పటికే పాన్ ఇండియా స్థాయిలో తనకంటూ ప్రత్యేక గుర్తింపు తెచ్చుకుంది. ప్రపంచవ్యాప్తంగా ప్రేక్షకులు తెలుగు సినిమాల కోసం ఎదురుచూస్తున్న సమయంలో.. కథ, క్యారెక్టరైజేషన్, ఎమోషన్, స్క్రీన్‌ప్లే విషయంలో మరింత కొత్తదనం చూపించాల్సిన అవసరం ఉంది. యాక్షన్‌ను పూర్తిగా పక్కన పెట్టాల్సిన అవసరం లేకపోయినా.. అది కథలో భాగంగా ఉండాలి తప్ప కథకు ప్రత్యామ్నాయంగా మారకూడదు. ప్రేక్షకుల అభిరుచిని అర్థం చేసుకుని నవరసాలకు చోటిస్తూ, విజువల్‌గా ఆకట్టుకునేలా, ఎమోషన్‌ను బలంగా పండించే సినిమాలు వస్తే తెలుగు సినిమా స్థాయి మరింత పెరుగుతుందనడంలో సందేహం లేదు.
[Telugu Cinema, Telugu Movies, Tollywood, Telugu Cinema Violence, Telugu Movies Violence, Pan India Cinema, Movie Violence, Telugu Film Industry, Telugu Cinema Trends, Movie Emotion, Action Movies, Tollywood News]
‘హనుమాన్’ సినిమాతో పాన్ ఇండియా స్థాయిలో గుర్తింపు తెచ్చుకున్న యువ హీరో తేజ సజ్జా.. ఇప్పుడు మరో కొత్త అవతారంలో ప్రేక్షకులను పలకరించబోతున్నారు. ఇప్పటివరకు హీరోగా మెప్పించిన ఆయన తొలిసారి రియాలిటీ షో హోస్ట్‌గా మారారు. ప్రముఖ ఓటీటీ సంస్థ ప్రైమ్ వీడియో తీసుకొస్తున్న ‘ది ట్రేటర్స్ తెలుగు’కు తేజ సజ్జా హోస్ట్‌గా వ్యవహరిస్తున్నారు. తాజాగా ఈ షో ట్రైలర్ విడుదల కాగా.. ఇందులో తేజ లుక్, ఆయన చెప్పే డైలాగ్స్, హోస్టింగ్ స్టైల్ ఆకట్టుకునేలా ఉన్నాయి.
‘ది ట్రేటర్స్’ అనేది సాధారణ రియాలిటీ షోలకు భిన్నమైన మైండ్ గేమ్. మొత్తం 20 మంది సెలబ్రిటీలు ఈ గేమ్‌లో పాల్గొంటారు. వారిలో కొందరిని రహస్యంగా ‘ట్రేటర్స్’గా ఎంపిక చేస్తారు. మిగిలిన వారు ‘ఇన్నోసెంట్స్’గా ఉంటారు. ట్రేటర్స్ తమ అసలు గుర్తింపును బయటపడకుండా ఇతరులను మోసం చేస్తూ గేమ్‌లో ముందుకు సాగాలి. మరోవైపు ఇన్నోసెంట్స్.. తమ మధ్య దాగి ఉన్న ట్రేటర్స్‌ను గుర్తించి బయటకు పంపించాలి. దీంతో ఎవరి మాటను నమ్మాలి? ఎవరు మోసం చేస్తున్నారు? అనే అనుమానాలతో గేమ్ సాగుతుంది.
ఇక తేజ సజ్జా విషయానికి వస్తే.. ఇది ఆయన కెరీర్‌లోనే ఓ కొత్త ప్రయత్నం. సాధారణంగా రియాలిటీ షోలకు హోస్ట్‌లుగా సీనియర్ స్టార్లు కనిపిస్తుంటారు. కానీ ఈసారి ప్రైమ్ వీడియో యువ హీరో తేజపై నమ్మకం పెట్టుకుంది. ట్రైలర్‌లో తేజ చాలా స్టైలిష్‌గా కనిపించడంతో పాటు కంటెస్టెంట్లను గమనిస్తూ, వారి మధ్య ఉన్న నమ్మకం, అనుమానం, మోసం గురించి ఆసక్తికరంగా చెబుతున్నారు. ‘ఒక శత్రువును గుర్తించడం సులువు.. స్నేహితుడిలా నటించే ద్రోహిని గుర్తించడం ఎలా?’ అనే కాన్సెప్ట్‌తో షోపై ఆసక్తిని పెంచుతున్నారు.
మరోవైపు ‘ది ట్రేటర్స్ తెలుగు’లో చిన్మయి శ్రీపాద, హర్షవర్ధన్, ప్రగతి మహావాది, శ్రావ్య వర్మ, సాయిరోనక్, అశికా పదుకొణె, వర్షా డిసౌజా, స్వీకర్ అగస్తి తదితరులు సహా మొత్తం 20 మంది పాల్గొంటున్నారు. మొత్తం 10 ఎపిసోడ్లుగా రూపొందిన ఈ షో నాలుగు వారాల పాటు స్ట్రీమింగ్ కానుంది. అక్టోబర్ 15 నుంచి ప్రతి గురువారం మధ్యాహ్నం 12 గంటలకు కొత్త ఎపిసోడ్లు విడుదల కానున్నాయి. తెలుగులో ఇంగ్లిష్ సబ్‌టైటిల్స్‌తో ప్రైమ్ వీడియోలో స్ట్రీమింగ్ అవుతుంది.
[Teja Sajja, The Traitors Telugu, The Traitors Telugu Host, Teja Sajja Host, The Traitors Telugu Trailer, Teja Sajja Reality Show, Prime Video Telugu, The Traitors Telugu Contestants, HanuMan Teja Sajja, Telugu OTT Shows, Telugu Reality Shows, Tollywood News]
అల్లు అర్జున్ ఫ్యాన్స్ అసోసియేషన్ (AAFA) మహారాష్ట్ర రాష్ట్ర కమిటీని ముంబైలో జరిగిన కార్యక్రమంలో అధికారికంగా ఏర్పాటు చేశారు. దీంతో మహారాష్ట్రలో AAFA కార్యకలాపాలు మరింత విస్తరించనున్నాయి.
రాష్ట్ర కమిటీతో పాటు పరభణి, నాందేడ్, ముంబై, పుణే, పాలం, హింగోలి, ఉమ్రి, సోలాపూర్, గడ్చిరోలి, షిర్డీ జిల్లాల్లో మొత్తం 10 జిల్లా కమిటీలను ఏర్పాటు చేశారు.
సామాజిక బాధ్యతలో భాగంగా AAFA ఆధ్వర్యంలో HPV పై అవగాహన కార్యక్రమాలు కూడా నిర్వహిస్తున్నారు. HPV నివారణ, వ్యాక్సినేషన్‌పై ప్రజలకు అవగాహన కల్పించడమే ఈ కార్యక్రమం లక్ష్యం.
మహారాష్ట్రలో AAFA నెట్‌వర్క్‌ను మరింత విస్తరించడంతో పాటు, అభిమానులను సామాజిక సేవా కార్యక్రమాల్లో భాగస్వామ్యం చేయాలని కొత్తగా ఏర్పాటైన కమిటీలు పనిచేయనున్నాయి. “ప్రతి సంవత్సరం ఒక మంచి పని” అనే AAFA లక్ష్యానికి అనుగుణంగా ఈ కార్యక్రమాలను కొనసాగించనున్నారు.
ఇది కూడా చదవండి: అట్టహాసం.. 'కేరాఫ్ కంచెరపాలెం' డైరెక్టర్ నెక్స్ట్ మూవీ.. ఫస్ట్ లుక్ తోనే సర్‌ప్రైజ్.!
[AAFA Maharashtra, Allu Arjun Fans Association, Icon Star Allu Arjun, HPV Vaccination, Allu Arjun, Maharashtra, Telugu Film News]
.webp)
'కేరాఫ్ కంచెరపాలెం' సినిమాతో దర్శకుడిగా పరిచయమై, మొదటి సినిమాతోనే అందరి దృష్టిని ఆకర్షించారు వెంకటేష్ మహా. ఆ తర్వాత కూడా 'ఉమా మహేశ్వర ఉగ్ర రూపస్య', 'రావు బహదూర్' సినిమాలతో తన ప్రతిభను చాటుకున్న వెంకటేష్.. తాజాగా తన కొత్త సినిమాను ప్రకటించారు. అదే "అట్టహాసం".
ఈ సినిమాకు వెంకటేష్ మహా దర్శకత్వం వహించడంతో పాటు, లీడ్ రోల్ కూడా పోషిస్తుండటం విశేషం. ఇప్పటికే పలు సినిమాలు సినిమాల్లో విభిన్న పాత్రలు పోషించి మెప్పించిన వెంకటేష్.. ఇప్పుడు ప్రధాన పాత్ర పోషిస్తుండటం విశేషం.
"క" వంటి బ్లాక్ బస్టర్ సినిమాను నిర్మించిన శ్రీచక్రాస్ ఎంటర్ టైన్ మెంట్ సంస్థ మహాయాన బ్యానర్ తో కలిసి ఈ సినిమాను నిర్మిస్తోంది. ఇందులో వెంకటేష్ మహాతో పాటు కార్తీక్ రత్నం, పావని కరణం, స్రవంతి పీపకాయల ప్రధాన పాత్రల్లో నటిస్తున్నారు.
ఈ రోజు "అట్టహాసం" సినిమా టైటిల్, ఫస్ట్ లుక్ పోస్టర్ ను మేకర్స్ రిలీజ్ చేశారు. ఈ పోస్టర్ లో రెండు జంటలు కనిపిస్తున్నాయి. వారిలో ఒక జంటకు 'మాకు మోక్షం కావాలి...' అని, మరొక జంటకు 'మాకు ఉద్యోగం కావాలి..' అని క్యాప్షన్స్ రాయడం ఆసక్తి కలిగిస్తోంది.
రియల్, రూటెడ్, ఆంథెటిక్ ఎంటర్ టైనర్ గా "అట్టహాసం" సినిమా రూపొందుతోంది. వచ్చే ఏడాది సమ్మర్ లో ఈ సినిమా థియేట్రికల్ రిలీజ్ కు రాబోతోంది. త్వరలో ఈ సినిమాకు సంబంధించిన మరిన్ని అప్డేట్స్ మేకర్స్ ఇవ్వబోతున్నారు.
ఇది కూడా చదవండి: క్రేజీ కళ్యాణం.. ఇద్దరు స్టార్స్‌తో పోటీకి సై అంటున్న అనుపమ.!
[Attahaasam First Look, Venkatesh Maha New Movie, Attahaasam Movie, Care Of Kancharapalem, Rao Bahadur, Venkatesh Maha, Sravanthi Pepakayala, Pavani Karanam, Karthik Rathnam, Telugu Film News]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్కడో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన ద‌గ్గ‌ర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వరలో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు పక్కనపెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
మన భారతీయ సాంప్రదాయ వంటకాల్లో, ప్రాచీన వైద్య విధానాల్లో పెసలకు ఒక ప్రత్యేకమైన విశిష్ట స్థానం ఉంది. పూర్వీకుల కాలం నుండి నేటి ఆధునిక పోషకాహార నిపుణుల వరకు ప్రతీ ఒక్కరూ రోజువారీ ఆహారంలో పెసలను భాగం చేసుకోవాలని బలంగా రికమండ్ చేస్తుంటారు. ఉదయాన్నే ఒక గిన్నెడు నానబెట్టిన లేదా మొలకెత్తిన పెసలను తీసుకోవడం వల్ల శరీరానికి ఏనుగు లాంటి కొండంత బలం లభిస్తుందని, రోజంతా నీరసం అనే మాటే లేకుండా శరీరం ఎంతో చురుగ్గా మారుతుందని ఆరోగ్య నిపుణులు స్పష్టం చేస్తున్నారు. కేవలం రుచిలోనే కాకుండా, అంతర్గత అవయవాల పనితీరును మెరుగుపరచడంలో, సాధారణ రుగ్మతల నుండి దీర్ఘకాలిక వ్యాధుల వరకు సమర్థవంతంగా అడ్డుకోవడంలో పెసలు ఒక శక్తివంతమైన సూపర్ ఫుడ్‌గా నిలుస్తాయి.
ప్రోటీన్లకు అత్యంత అద్భుతమైన మూలంగా నిలిచే పెసలు, శరీర కండరాల నిర్మాణానికి మరియు దెబ్బతిన్న కణజాలాల వేగవంతమైన మరమ్మత్తుకు విశేషంగా తోడ్పడతాయి. పెసలను నీటిలో నానబెట్టి, మొలకెత్తించి లేదా ఉడికించి తీసుకోవడం వల్ల వాటిలోని పోషక విలువలు రెట్టింపు అవుతాయి. ముఖ్యంగా మొలకెత్తిన పెసలలో విటమిన్ A, విటమిన్ B, విటమిన్ C మరియు విటమిన్ E లు అత్యధిక పరిమాణంలో లభిస్తాయి. వీటితో పాటు శరీరానికి నిత్యం అవసరమయ్యే పొటాషియం, ఐరన్, కాల్షియం, మెగ్నీషియం, కాపర్, ఫోలేట్ వంటి ముఖ్యమైన ఖనిజాలు మరియు డైటరీ ఫైబర్ పుష్కలంగా అందుతాయి. ఐరన్ లోపంతో బాధపడేవారు రోజూ పెసలు తినడం వల్ల రక్తహీనత (ఎనీమియా) సమస్య నుండి సులభంగా ఉపశమనం పొందవచ్చు.
బరువు తగ్గాలనుకునే వారికి పెసల ఆహారం ఒక వరప్రసాదం అని చెప్పవచ్చు. వీటిలో కేలరీలు చాలా తక్కువగా ఉండటం వల్ల బరువు పెరుగుతామనే భయం లేకుండా నిర్భయంగా ఆహారంలో చేర్చుకోవచ్చు. పెసల్లో ఉండే అధిక పీచు పదార్థం (ఫైబర్) కడుపు నిండిన అనుభూతిని కలిగించి, తరచూ వేధించే తీవ్రమైన ఆకలిని నియంత్రణలో ఉంచుతుంది. ఒక కప్పు పెసరపప్పును చపాతీలతో కలిపి రాత్రి వేళల్లో తీసుకోవడం ద్వారా లేదా బియ్యంలో కొద్దిగా పెసలు కలిపి పులగం చేసుకుని తినడం ద్వారా క్రమంగా ఊహించని రీతిలో బరువు తగ్గుతారని పలు పరిశోధనలు సూచిస్తున్నాయి. ఇది శరీర మెటబాలిజంను వేగవంతం చేసి, రక్తంలో కొలెస్ట్రాల్ స్థాయిలను తగ్గించడమే కాకుండా శరీరంలో పేరుకుపోయిన మొండి కొవ్వును వేగంగా కరిగిస్తుంది.
అంతేకాకుండా, పెసలను క్రమం తప్పకుండా తీసుకోవడం వల్ల డయాబెటిస్ నియంత్రణలోకి వస్తుంది. రక్తంలో చక్కెర స్థాయిలు అకస్మాత్తుగా పెరగకుండా అడ్డుకోవడంలో ఇవి కీలక పాత్ర పోషిస్తాయి. పెసలు శరీరంలో చెడు కొలెస్ట్రాల్ (LDL) ప్రమాణాలను తగ్గించి, మంచి కొలెస్ట్రాల్ (HDL) స్థాయిలను పెంచడం ద్వారా గుండె సంబంధిత తీవ్రమైన జబ్బులు రాకుండా కాపాడతాయి. పెసల్లో ఉండే సోడియం మరియు పొటాషియం నిష్పత్తి రక్తపోటును (బిపి) నిలకడగా ఉంచుతుంది. పేగుల్లో ఉండే వ్యర్థాలను సులభంగా బయటకు పంపడంలోనూ, ఎసిడిటీ, అజీర్ణం, గ్యాస్ మరియు మలబద్ధకం వంటి జీర్ణ సమస్యలను శాశ్వతంగా దూరం చేయడంలోనూ పెసలు అద్భుతంగా పనిచేస్తాయి. అలాగే స్త్రీ పురుషులిద్దరిలోనూ సంతానోత్పత్తి సామర్థ్యాన్ని మెరుగుపరచడానికి కూడా పెసల పోషకాలు ఎంతో ఉపకరిస్తాయి.
Green Gram Benefits, Eating Moong in the Morning, Health Benefits of Green Gram, Sprouted Moong Benefits, Morning Superfoods, Moong for Weight Loss.
చాలామంది మధుమేహం లేదా టైప్ 2 డయాబెటిస్ అనగానే కేవలం తీపి పదార్థాలు, స్వీట్లు, చక్కెర ఎక్కువగా తినడం వల్ల మాత్రమే వస్తుందని భావిస్తుంటారు. స్వీట్లను దూరంగా పెడితే డయాబెటిస్ రాదని బలంగా నమ్ముతుంటారు. కానీ వైద్య నిపుణులు మరియు ఆరోగ్య పరిశోధనలు చెబుతున్న నిజం ఏమిటంటే.. డయాబెటిస్ బారిన పడటానికి కేవలం ఆహారంలో తీపి మాత్రమే కారణం కాదు. మనకు తెలియకుండానే మనం ప్రతిరోజూ పాటించే కొన్ని చిన్న చిన్న జీవనశైలి అలవాట్లు, శరీర శ్రమ లేకపోవడం, నిద్ర లేమి, మరియు అలవాటైన ప్రతికూల చర్యలు మన జీవక్రియపై తీవ్ర ప్రభావం చూపుతాయి. ఇవి కాలక్రమేణా రక్తంలో గ్లూకోజ్ స్థాయిలను పెంచి, ఇన్సులిన్ నిరోధకతకు దారితీసి టైప్ 2 డయాబెటిస్ ప్రమాదాన్ని ఊహించని స్థాయిలో పెంచుతాయి. మన దైనందిన జీవితంలో టైప్ 2 డయాబెటిస్ ముప్పును పెంచే ఆ ఐదు ప్రధాన అలవాట్ల గురించి మరియు వాటి వెనుక ఉన్న సైంటిఫిక్ నిజాలను ఇప్పుడు వివరంగా తెలుసుకుందాం.
మొదటిది, మనం విరివిగా తినే ప్యాకేజ్డ్ మరియు అల్ట్రా ప్రాసెస్డ్ ఫుడ్స్. బిజీ లైఫ్‌స్టైల్ కారణంగా చాలామంది ప్యాకెట్ స్నాక్స్, తీపి కలిపిన కూల్ డ్రింక్స్, ప్రాసెస్ చేసిన మాంసాహారం, మరియు రెడీ టు ఈట్ ఆహార పదార్థాలపై ఎక్కువగా ఆధారపడుతున్నారు. ఇటీవల వెలువడిన పలు మెటా అనాలిసిస్ అధ్యయనాల ప్రకారం, అల్ట్రా ప్రాసెస్డ్ ఫుడ్స్‌ను ఎక్కువగా తీసుకునే వారిలో టైప్ 2 డయాబెటిస్ వచ్చే ముప్పు గణనీయంగా పెరుగుతోందని తేలింది. వీటిలో ఉండే కృత్రిమ రసాయనాలు, అధిక ప్రిజర్వేటివ్‌లు, ట్రాన్స్ ఫ్యాట్స్ జీర్ణవ్యవస్థపై మరియు మెటబాలిక్ ఆరోగ్యంపై ప్రతికూల ప్రభావం చూపుతాయి. కాబట్టి ప్యాకేజ్డ్ ఆహారాలకు దూరంగా ఉంటూ, రోజువారీ ఆహారంలో తాజా కూరగాయలు, ఆకుకూరలు, మరియు తక్కువ ప్రాసెస్ చేసిన సహజ ఆహార ధాన్యాలకు ప్రాధాన్యం ఇవ్వడం ఎంతైనా అవసరం.
రెండవది, ఉదయాన్నే టిఫిన్ లేదా బ్రేక్‌ఫాస్ట్‌ను స్కిప్ చేయడం. బరువు తగ్గాలనే ఉద్దేశంతోనో లేదా ఆఫీసులకు, కళాశాలలకు వెళ్లే హడావుడిలోనో చాలామంది ఉదయం అల్పారాహారాన్ని మానేస్తుంటారు. కానీ పరిశోధనాధారిత అధ్యయనాల ప్రకారం, క్రమం తప్పకుండా బ్రేక్‌ఫాస్ట్ స్కిప్ చేసే వారిలో టైప్ 2 డయాబెటిస్ ప్రమాదం ఎక్కువగా ఉంటుందని గుర్తించారు. ఉదయం పూట శరీరానికి అందాల్సిన పోషకాలు అందకపోవడం వల్ల రక్తంలో చక్కెర స్థాయిల సమతుల్యత దెబ్బతింటుంది. ఇది ఇన్సులిన్ సరైన రీతిలో పనిచేయకుండా అడ్డంకులు సృష్టిస్తుంది. కాబట్టి ఉదయం పూట పొట్టను ఖాళీగా ఉంచకుండా, శరీరానికి అవసరమైన ప్రోటీన్లు, ఫైబర్ ఉన్న సమతుల్య అల్పాహారం తీసుకోవడం చాలా మంచిది.
మూడవది, గంటల తరబడి కదలకుండా ఒకేచోట కూర్చోవడం. ఆధునిక ఉద్యోగాలు, కంప్యూటర్ స్క్రీన్ల ముందు గంటల తరబడి పనిచేయడం, మరియు నిరంతరం టీవీలు లేదా మొబైల్ ఫోన్లు చూడటం వల్ల శారీరక శ్రమ బాగా తగ్గిపోయింది. గంటల తరబడి కదలకుండా కూర్చోవడం వల్ల శరీరంలోని కండరాలు గ్లూకోజ్‌ను వినియోగించుకునే సామర్థ్యాన్ని కోల్పోతాయి. అంతర్జాతీయ డయాబెటిస్ నిర్వహణ మార్గదర్శకాల ప్రకారం, ప్రతి 30 నిమిషాలకు ఒకసారి కనీసం లేచి నిలబడటం లేదా కొద్దిసేపు అడుగులు వేయడం చాలా అవసరం. ఒకేచోట కూర్చునే సమయాన్ని తగ్గించి, ప్రతిరోజూ క్రమం తప్పకుండా చిన్నపాటి వ్యాయామం, నడకను అలవాటు చేసుకోవడం ద్వారా డయాబెటిస్ ప్రమాదాన్ని చాలావరకు తగ్గించుకోవచ్చు.
నాలుగవది, నిద్ర విషయంలో నిర్లక్ష్యం చేయడం మరియు నిద్ర వేళలు మారడం. రాత్రిళ్లు ఆలస్యంగా పడుకోవడం, సరిపడా నిద్ర లేకపోవడం, మరియు రోజుకో సమయానికి నిద్రపోవడం వల్ల శరీరంలోని హార్మోన్ల సమతుల్యత దెబ్బతింటుంది. నిద్ర నాణ్యత, నిద్రపోయే సమయం టైప్ 2 డయాబెటిస్ ప్రమాదంతో ప్రత్యక్ష సంబంధం కలిగి ఉన్నాయని అధ్యయనాలు స్పష్టం చేస్తున్నాయి. నిద్రలేమి వల్ల ఇన్సులిన్ నిరోధకత పెరిగి, రక్తంలో గ్లూకోజ్ స్థాయిలు అదుపు తప్పుతాయి. అందువల్ల ప్రతిరోజూ క్రమబద్ధమైన వేళల్లో శరీరానికి అవసరమైన తగినంత ప్రశాంతమైన నిద్రను పొందడం మెటబాలిక్ ఆరోగ్యానికి ఎంతో శ్రేయస్కరం.
ఐదవది, స్మోకింగ్ లేదా పొగతాగే అలవాటు ఉండటం. పొగతాగడం కేవలం ఊపిరితిత్తులు లేదా గుండెకు మాత్రమే హానికరం అని చాలామంది అనుకుంటారు. కానీ సిగరెట్ తాగడం వల్ల రక్తంలో చక్కెర నియంత్రణ తీవ్రంగా దెబ్బతింటుంది. ప్రముఖ ఆరోగ్య సంస్థ సిడిసి (CDC) అందించిన గణాంకాల ప్రకారం, పొగతాగని వారితో పోలిస్తే స్మోకింగ్ అలవాటు ఉన్నవారికి టైప్ 2 డయాబెటిస్ వచ్చే ప్రమాదం సుమారు 30 శాతం నుండి 40 శాతం వరకు ఎక్కువగా ఉంటుంది. సిగరెట్ పొగలో ఉండే నికోటిన్ మరియు ఇతర ప్రమాదకర రసాయనాలు శరీరంలో ఇన్సులిన్ పనితీరును అడ్డుకోవడమే కాకుండా, శరీర కణజాలాలలో వాపును పెంచుతాయి. కాబట్టి డయాబెటిస్‌ను నివారించాలంటే స్వీట్లు తగ్గించడంతో పాటు స్మోకింగ్ అలవాటును పూర్తిగా మానడం తక్షణ అవసరం.
Type 2 Diabetes Risk Factors, Habits Causing Diabetes, Diabetes Prevention Tips, Lifestyle Mistakes Diabetes, Blood Sugar Control, Diabetes Awareness.
ఆరోగ్యం, అందం అనేవి వేర్వేరు కావు, ఒకదానితో ఒకటి అత్యంత లోతుగా ముడిపడి ఉన్నాయి. మన శరీరాన్ని లోపలి నుంచి ఎంత బలంగా, ఆరోగ్యంగా ఉంచుకుంటే.. బయటకు మన చర్మం అంత ప్రకాశవంతంగా, మెరుస్తూ కనిపిస్తుంది. కేవలం ఖరీదైన క్రీములు లేదా బ్యూటీ ప్రొడక్ట్స్ వాడితే తాత్కాలిక మెరుపు మాత్రమే వస్తుంది, కానీ నిత్యం మెరిసే సహజ సౌందర్యం పొందాలంటే మనం తినే ఆహారమే అత్యంత కీలకమైన పాత్ర పోషిస్తుంది. రోజువారీ ఆహారంలో సరైన పోషకాలు చేర్చుకోవడం ద్వారా కండరాల బలాన్ని సాధించవచ్చు, అదే సమయంలో కాంతివంతమైన చర్మాన్ని కూడా సొంతం చేసుకోవచ్చు. ఆరోగ్య నిపుణులు సూచిస్తున్న అలాంటి ఐదు అద్భుతమైన సూపర్ ఫుడ్స్ గురించి ఇప్పుడు వివరంగా తెలుసుకుందాం.
మొదటిగా, గుడ్లు మన శరీరానికి అవసరమైన అత్యుత్తమ ప్రోటీన్లు, విటమిన్లు మరియు ఖనిజాలతో నిండిన పరిపూర్ణ ఆహారం. గుడ్లలో ఉండే అధిక ప్రోటీన్ కండరాల నిర్మాణానికి ఎంతో సహాయపడుతుంది. అంతేకాకుండా, దెబ్బతిన్న చర్మ కణాల పునరుద్ధరణలో గుడ్లు కీలక పాత్ర పోషిస్తాయి. నిపుణుల సలహా ప్రకారం గుడ్లను ఆయిల్ ఎక్కువ వేసి ఆమ్లెట్‌గా తినడం కంటే, ఉడికించిన గుడ్ల రూపంలో తీసుకోవడం వల్ల గరిష్ట ఆరోగ్య ప్రయోజనాలు లభిస్తాయి. ఇది శరీరాన్ని ఫిట్‌గా ఉంచుతూనే చర్మానికి సహజమైన బిగుతును, మెరుపును అందిస్తుంది.
రెండవది, తీపి మరియు పులుపు సమ్మేళనంగా ఉండే బ్లూబెర్రీస్ అద్భుతమైన యాంటీఆక్సిడెంట్ నిధి. ప్రతిరోజూ బ్లూబెర్రీస్ తీసుకోవడం వల్ల రక్తపోటు నియంత్రణలో ఉండటమే కాకుండా, గుండె జబ్బుల ప్రమాదం గణనీయంగా తగ్గుతుంది. వీటిలో కాల్షియం, ఫాస్ఫరస్, ఐరన్, మెగ్నీషియం, మాంగనీస్, జింక్ మరియు విటమిన్ కె వంటి అత్యంత శక్తివంతమైన పోషకాలు పుష్కలంగా ఉంటాయి. ఇవన్నీ ఎముకల సాంద్రతను పెంచడంతో పాటు జ్ఞాపకశక్తిని మెరుగుపరచడంలో అద్భుతంగా తోడ్పడతాయి. చర్మాన్ని వృద్ధాప్య ఛాయల నుంచి కాపాడటంలో బ్లూబెర్రీస్ సూపర్ ఫుడ్‌గా పనిచేస్తాయి.
మూడవది, నాన్ వెజ్ ప్రియులకు సాల్మన్ చేప ఒక వరప్రసాదం. సూపర్ ఫుడ్స్ జాబితాలో అగ్రస్థానంలో ఉండే సాల్మన్ చేపలో ఒమేగా 3 ఫ్యాటీ ఆమ్లాలు అత్యధిక పరిమాణంలో ఉంటాయి. నిత్యం సాల్మన్ చేపను ఆహారంలో భాగం చేసుకోవడం వల్ల శరీరంలో రోగనిరోధక శక్తి విపరీతంగా పెరుగుతుంది. ఒమేగా 3 ఫ్యాటీ యాసిడ్లు చర్మంలో తేమను కాపాడి, పొడిబారకుండా చూస్తాయి. అంతేకాకుండా, మెదడు పనితీరును వేగవంతం చేయడానికి మరియు గుండె ఆరోగ్యాన్ని రక్షించడానికి సాల్మన్ అత్యంత ప్రభావవంతంగా పనిచేస్తుంది.
నాన్ వెజ్ తినని వారికి, లేదా విటమిన్ సి అధికంగా కోరుకునే వారికి కివి పండు అద్భుతమైన ప్రత్యామ్నాయం. సాధారణంగా విటమిన్ సి కి నారింజ పండును ఉదాహరణగా చెబుతుంటారు, కానీ కివి పండులో నారింజ కంటే కూడా అత్యధికంగా విటమిన్ సి ఉంటుంది. ఇది శరీరంలో గొప్ప యాంటీఆక్సిడెంట్‌గా పనిచేసి ఉచిత రాడికల్స్ (free radicals) దాడి నుంచి చర్మాన్ని కాపాడుతుంది. కివి పండును క్రమం తప్పకుండా తీసుకోవడం వల్ల రక్తంలో తెల్ల రక్త కణాలు (White Blood Cells) తగినంత సంఖ్యలో పెరుగుతాయి. దీనివల్ల ఇన్ఫెక్షన్లతో పోరాడే సామర్థ్యం పెరిగి, ముఖంపై ముడతలు రాకుండా చర్మం కాంతివంతంగా మారుతుంది.
చివరగా, క్యాబేజీ కుటుంబానికి చెందిన బ్రోకోలీ ఆరోగ్యానికి ఎంతో మేలు చేసే మరో శక్తివంతమైన ఆహారం. బ్రోకోలీని లేతగా ఉడకబెట్టి గానీ లేదా పచ్చిగా గానీ తినవచ్చు. బ్రోకోలీలో ఉండే విటమిన్ కె మరియు కాల్షియం ఎముకలను ఎంతో దృఢంగా మారుస్తాయి. దీనిలోని అధిక ఫైబర్ జీర్ణక్రియను మెరుగుపరచి, అనవసరమైన ఆకలి కోరికలను నియంత్రిస్తుంది. ఇది శరీరంలో కొవ్వు చేరకుండా నిరోధించి బరువు పెరగకుండా చూస్తుంది, తద్వారా పర్ఫెక్ట్ ఫిట్ బాడీని సాధించవచ్చు. ఈ ఐదు సూపర్ ఫుడ్స్‌ను మీ రోజువారీ డైట్‌లో భాగం చేసుకుని, మీ వ్యక్తిగత ఆరోగ్య పరిస్థితికి అనుగుణంగా తగిన పరిమాణంలో తీసుకుంటే ఆరోగ్యకరమైన శరీరం, మెరిసే చర్మం మీ సొంతమవుతాయి.
Beauty Foods for Glowing Skin, Foods for Radiant Skin, Healthy Diet for Skin and Fitness, Superfoods for Natural Glow, Nutrition for Skin and Body, Skin Care Foods.
.webp)
డయాబెటిస్ ఉన్నవారిలో తరచుగా కనిపించే కొన్ని సమస్యలు రోజువారీ జీవితాన్ని తీవ్రంగా ప్రభావితం చేస్తాయి. ముఖ్యంగా కూర్చొని లేవగానే తల తిరగడం, నిలబడినప్పుడు తూలినట్లు అనిపించడం, శరీరంలో బలహీనత, కండరాల బలం తగ్గడం వంటి లక్షణాలు కనిపిస్తే వాటిని నిర్లక్ష్యం చేయకూడదు. తల తిరగడానికి షుగర్ కారణమా? లేక చెవి, మెదడు, మెడకు సంబంధించిన సమస్యల వల్ల Vertigo వస్తుందా? అనే సందేహాలు చాలామందికి ఉంటాయి.
ఈ వీడియోలో డాక్టర్ ప్రవీణ్ కుమార్ డయాబెటిస్ మరియు Vertigo గురించి సులభమైన తెలుగులో ముఖ్యమైన విషయాలను వివరిస్తున్నారు.
షుగర్ పూర్తిగా Zero అవుతుందా? డయాబెటిస్‌ను పూర్తిగా నయం చేయగలమా? Type 1 Diabetes, Type 2 Diabetes మధ్య తేడా ఏమిటి? శరీరంలో Insulin Resistance ఎలా ఏర్పడుతుంది? డయాబెటిస్‌ను అదుపులో ఉంచుకోవడానికి ఎలాంటి జాగ్రత్తలు అవసరం? వంటి సాధారణ సందేహాలకు ఈ వీడియోలో వివరణ లభిస్తుంది.
డయాబెటిస్‌లో షుగర్ లెవల్స్‌ను నియంత్రించడంతో పాటు ఆరోగ్యకరమైన ఆహారం, క్రమం తప్పకుండా పర్యవేక్షణ, శారీరక చురుకుదనం వంటి అంశాల ప్రాధాన్యతను కూడా తెలుసుకోవచ్చు. దీర్ఘకాలంగా షుగర్ నియంత్రణలో లేకపోతే శరీరంపై ఎలాంటి ప్రభావాలు ఉండవచ్చు? కండరాల బలం ఎందుకు తగ్గుతుంది? బలహీనత, లైంగిక సమస్యలు వంటి ఇబ్బందులకు డయాబెటిస్‌తో సంబంధం ఉందా? అనే విషయాలను కూడా డాక్టర్ వివరిస్తారు.
ఇక తల తిరగడం లేదా Vertigo విషయానికి వస్తే ప్రతి తల తిరుగుడూ ఒకే కారణంతో ఉండదు. Vertigoలో వివిధ రకాలు ఉంటాయి. ముఖ్యంగా తల లేదా శరీరాన్ని ఒక పొజిషన్ నుంచి మరో పొజిషన్‌కు మార్చినప్పుడు అకస్మాత్తుగా తల తిరిగినట్లు అనిపించే BPPV (Benign Paroxysmal Positional Vertigo) గురించి ఈ వీడియోలో తెలుసుకోవచ్చు.
అలాగే చెవికి సంబంధించిన సమస్యలు, Aural Vertigo, మెడకు సంబంధించిన Cervical Spondylosis, శరీర స్థితి (Posture) వంటి కారణాల వల్ల కూడా తల తిరగడం లేదా బ్యాలెన్స్ సమస్యలు రావచ్చని వివరిస్తున్నారు. తల తిరుగుతున్నప్పుడు అసలు కారణాన్ని గుర్తించడం ఎందుకు ముఖ్యమో, ఎప్పుడు వైద్యుడిని సంప్రదించాలో కూడా ఈ వీడియో ద్వారా అర్థం చేసుకోవచ్చు.
డయాబెటిస్ ఉన్నవారు ఆహారం విషయంలో ఎలాంటి జాగ్రత్తలు తీసుకోవాలి? షుగర్‌ను క్రమం తప్పకుండా ఎలా మానిటర్ చేయాలి? శరీరంలో బలహీనత, కండరాల నష్టం రాకుండా ఎలాంటి జీవనశైలి పాటించాలి? Vertigo ఉన్నప్పుడు చెవుల ఆరోగ్యం, శరీర భంగిమ, రోజువారీ అలవాట్ల విషయంలో ఎలాంటి జాగ్రత్తలు తీసుకోవాలి? వంటి ఉపయోగకరమైన అంశాలు కూడా ఇందులో ఉన్నాయి.
అదేవిధంగా Homeopathy Approach గురించి కూడా ఈ వీడియోలో ప్రస్తావించారు. అయితే డయాబెటిస్ లేదా Vertigo వంటి సమస్యలకు స్వయంగా మందులు తీసుకోవడం లేదా ఇప్పటికే వాడుతున్న వైద్య చికిత్సను ఆపడం కాకుండా, అర్హత కలిగిన వైద్యుడి సలహాతోనే చికిత్స తీసుకోవడం చాలా ముఖ్యం.
షుగర్ కంట్రోల్, డయాబెటిస్‌లో వచ్చే సమస్యలు, తల తిరగడానికి కారణాలు, Vertigo రకాలు, BPPV, చెవి సమస్యలు, Cervical Spondylosis, ఆహారం మరియు రోజువారీ ఆరోగ్య జాగ్రత్తల గురించి పూర్తి సమాచారం తెలుసుకోవాలంటే ఈ వీడియోను పూర్తిగా చూడండి.
గమనిక: ఈ వీడియోలో అందించిన సమాచారం అవగాహన కోసం మాత్రమే. డయాబెటిస్, Vertigo లేదా ఇతర ఆరోగ్య సమస్యలకు వ్యక్తిగత చికిత్సను వైద్యుల సలహా లేకుండా మార్చకండి లేదా మందులను నిలిపివేయకండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
.webp)
ఉదయాన్నే పరగడుపున టీ లేదా కాఫీ తాగే అలవాటు చాలామందికి ఉంటుంది. రోజును చురుగ్గా ప్రారంభించడానికి కాఫీ, టీ లు తాగుతూ ఉంటారు. అయినప్పటికీ ఇవి శరీరంలో అసిడిటీ, హార్మోన్ల అసమతుల్యత , ఇతర జీర్ణ సమస్యలకు కారణమవుతాయి. వీటి స్థానంలో శరీరాన్ని చురుగ్గా ఉంచుతూనే శరీరంలో ఉన్న అనారోగ్యాలను, జబ్బులను, ఇబ్బందులను తగ్గించగల పానీయం తాగడం చాలా మంచిది. ఈ పానీయాన్ని తాగడం వల్ల శరీరంలోని విషపదార్థాలు తొలగిపోవడమే కాకుండా ఎన్నో ఆరోగ్య సమస్యల నుంచి ఉపశమనం లభిస్తుంది. ఇంతకీ అంత శక్తివంతమైన ఆ పానీయం ఏమిటో? దాన్ని ఎలా తయారుచేసుకుని తాగాలో.. వివరంగా తెలుసుకుంటే..
కావలసిన పదార్థాలు..
ధనియాలు,
జీలకర్ర,
సోంపు ,
వాము
పైన పేర్కొన్న దినుసులలో ఆరోగ్యానికి మేలు చేసే యాంటీఆక్సిడెంట్లు, విటమిన్లు , ఖనిజాలు సమృద్ధిగా ఉంటాయి.
తయారీ విధానం...
ఈ పానీయాన్ని తయారు చేయడం చాలా సులభం. ముందుగా ఒక గిన్నెలో ఒక గ్లాసు నీటిని తీసుకుని మరిగించాలి. అందులో అర టీస్పూన్ ధనియాలు, అర టీస్పూన్ జీలకర్ర, అర టీస్పూన్ సోంపు , పావు టీస్పూన్ వాము వేయాలి. ఈ మిశ్రమాన్ని నీరు సగం అయ్యేంత వరకు చిన్న మంటపై బాగా మరిగించాలి. నీరు బాగా మరిగిన తర్వాత వడకట్టి, గోరువెచ్చగా ఉన్నప్పుడు తాగాలి. రుచి కోసం లేదా అదనపు ఆరోగ్య ప్రయోజనాల కోసం కాస్త నిమ్మరసం లేదా తేనె కూడా కలపవచ్చు.
ఈ పానీయం తాగడం వల్ల శరీరానికి కలిగే ఉపయోగాలు..
హార్మోన్ల సమతుల్యత..
మహిళల్లో ఎదురయ్యే థైరాయిడ్, పిసిఓడి , పీరియడ్స్ సక్రమంగా రాకపోవడం వంటి సమస్యలకు ఈ పానీయం చాలా మేలు చేస్తుంది.
ధనియాలు , సోంపు శరీరంలో హార్మోన్ల ఉత్పత్తిని క్రమబద్ధీకరించడానికి తోడ్పడతాయి.
జీర్ణవ్యవస్థ మెరుగుదల..
జీలకర్ర , వాము జీర్ణక్రియను వేగవంతం చేస్తాయి. కడుపు ఉబ్బరం, గ్యాస్, ఎసిడిటీ , మలబద్ధకం వంటి సమస్యల నుంచి తక్షణ ఉపశమనం లభిస్తుంది.
రక్తంలో చక్కెర స్థాయిల నియంత్రణ..
టైప్-2 డయాబెటిస్‌తో బాధపడేవారికి ఈ పానీయం సహాయపడుతుంది. ఇది ఇన్సులిన్ సున్నితత్వాన్ని పెంచి రక్తంలో గ్లూకోజ్ స్థాయిలను అదుపులో ఉంచుతుంది.
బరువు తగ్గేందుకు సహాయం..
శరీరంలో ఉన్న కొవ్వును కరిగించడంలో జీలకర్ర , వాము కీలక పాత్ర పోషిస్తాయి. క్రమం తప్పకుండా ఈ పానీయం తాగడం ద్వారా శరీర మెటబాలిజం పెరిగి బరువు తగ్గే అవకాశం ఉంటుంది.
చర్మ సౌందర్యం , డిటాక్సిఫికేషన్..
శరీరంలోని టాక్సిన్స్ బయటకు పంపడంలో ఇది అద్భుతంగా పనిచేస్తుంది. ఫలితంగా చర్మంపై మొటిమలు, మచ్చలు తగ్గి చర్మం సహజంగా మెరుస్తుంది.
కీళ్ల నొప్పుల నుంచి ఉపశమనం..
ఈ పదార్థాల్లో ఉన్న యాంటీ ఇన్‌ఫ్లమేటరీ గుణాలు కీళ్ల నొప్పులు , వాపులను తగ్గించడంలో సహాయపడతాయి.
ఈ డిటాక్స్ డ్రింక్‌ను ప్రతిరోజూ ఉదయం పరగడుపున క్రమం తప్పకుండా తాగడం ద్వారా శరీరంలో సహజమైన మార్పులను గమనించవచ్చు. టీ, కాఫీలకు ప్రత్యామ్నాయంగా ఈ నేచురల్ పానీయాన్ని అలవాటు చేసుకోవడం ద్వారా శరీరంలో చాలా మార్పులు గమనించవచ్చు.
*రూపశ్రీ.
గొంతుకు, గడ్డానికి మధ్య భాగంలో , గడ్డానికి కింద చర్మం, కండర కణజాలం పెరిగి.. గొంతు, గడ్డం ఏకం అయినట్టు చాలా మందిలో కనిపిస్తూ ఉంటుంది. దీన్ని డబుల్ చిన్ అని అంటారు. లావు పెరగడం వల్ల డబుల్ చిన్ వచ్చిందని చాలా మంది అనుకుంటూ ఉంటారు. అయితే లావు ఎక్కువగా లేకపోయినా కొందరిలో డబుల్ చిన్ కనిపిస్తూ ఉంటుంది. అయితే డబుల్ చిన్ కు, థైరాయిడ్ సమస్యలకు మధ్య ప్రత్యక్ష, పరోక్ష సంబంధాలు ఉన్నాయని వైద్యులు చెబుతున్నారు. దీని గురించి మరింత వివరంగా తెలుసుకుంటే..
డబుల్ చిన్ ఎందుకు, ఎలా వస్తుంది?
థైరాయిడ్ గ్రంథి పనితీరు సరిగ్గా లేనప్పుడు శరీర జీవక్రియ మందగిస్తుంది. ముఖ్యంగా హైపోథైరాయిడిజం ఉన్నవారిలో బరువు వేగంగా పెరగడం, శరీరంలో నీరు చేరడం లేదా వాపులు రావడం సాధారణం. దీని ప్రభావం ముఖం , మెడ భాగాలపై స్పష్టంగా కనిపిస్తుంది. మెడ కింద కొవ్వు చేరడం లేదా ముఖం ఉబ్బినట్లు అవ్వడం వల్ల డబుల్ చిన్ ఏర్పడుతుంది. అంతేకాకుండా థైరాయిడ్ సమస్య వల్ల మెడ ముందు భాగంలో ఉన్న గ్రంథి వాచి గాయిటర్ గా మారినప్పుడు కూడా గడ్డం కింద వాపు వచ్చి డబుల్ చిన్ లాగా కనిపించే అవకాశం ఉంది.
థైరాయిడ్ సమస్య ఉన్నవారు డబుల్ చిన్ తగ్గించుకోవడానికి కొన్ని ముఖ్యమైన జాగ్రత్తలు , జీవనశైలి మార్పులు పాటించాలి..
థైరాయిడ్ స్థాయిలను నియంత్రణలో ఉంచుకోవడం..
థైరాయిడ్ లెవెల్స్ కంట్రోల్ లో ఉంచుకోవడం చాలా ముఖ్యం. వైద్యుల సలహా మేరకు సరైన మోతాదులో థైరాయిడ్ మందులు క్రమం తప్పకుండా వాడాలి. శరీరంలో థైరాయిడ్ హార్మోన్లు సమతుల్యంగా ఉన్నప్పుడు జీవక్రియ వేగవంతమై, అదనపు బరువు , వాపు తగ్గుతాయి.
పోషకాహార నియమం..
ప్రాసెస్ చేసిన ఆహారాలు, అధిక చక్కెర ఉన్న పదార్థాలు, మైదా , వేపుళ్లను పూర్తిగా తగ్గించాలి. పీచు పదార్థం ఎక్కువగా ఉండే ఆకుకూరలు, కూరగాయలు , తృణధాన్యాలను ఆహారంలో భాగం చేసుకోవాలి. శరీరంలో సోడియం నిల్వలు ఎక్కువైతే నీరు చేరే అవకాశం ఉంది కాబట్టి ఉప్పు చాలా పరిమితంగా తినాలి.
నీరు..
ప్రతిరోజూ తగినన్ని నీళ్లు తాగడం వల్ల శరీరంలోని వ్యర్థాలు బయటకు పోతాయి. నీరు బాగా తాగితే ముఖం , మెడ భాగంలో నీరు చేరడం తగ్గి వాపు తగ్గుతుంది.
వ్యాయామం..
కేవలం మెడ భాగంలోనే కాకుండా శరీరం మొత్తానికి సంబంధించిన వ్యాయామాలు చేయాలి. రోజూ క్రమం తప్పకుండా నడక, యోగా లేదా కార్డియో వ్యాయామాలు చేయడం వల్ల శరీరంలోని క్యాలరీలు కరిగి బరువు తగ్గుతారు. దీనితో పాటు మెడ , గడ్డం కండరాలను బలోపేతం చేసే చిన్న చిన్న ముఖ వ్యాయామాలు చేయవచ్చు. ఈ ఫేస్ వ్యాయామాలు మెడ వద్ద ఉన్న చర్మాన్ని బిగుతుగా మార్చడానికి తోడ్పడతాయి.
నిద్ర , ఒత్తిడి..
రోజుకు కనీసం ఏడు నుండి ఎనిమిది గంటల ప్రశాంతమైన నిద్ర అవసరం. నిద్రలేమి , మానసిక ఒత్తిడి వల్ల శరీరంలో హార్మోన్ల అసమతుల్యత పెరిగి బరువు పెరిగే ప్రమాదం ఉంది. ఒత్తిడిని తగ్గించుకోవడానికి ధ్యానం ప్రాణాయామం వంటివి పాటించాలి.
పైన చెప్పుకున్న విధంగా థైరాయిడ్ కు సరైన వైద్యం పొందుతూ, ఆరోగ్యకరమైన ఆహారం , రోజువారీ వ్యాయామం అలవాటు చేసుకుంటే డబుల్ చిన్ సమస్య నుండి క్రమంగా బయట పడవచ్చు.
*రూపశ్రీ.