అమరావతిపై నటుడు శివాజి మరోసారి కీలక వ్యాఖ్యలు చేశారు. అమరావతిని ఏపీ రాజధానిగా కొనసాగించాలని కోరుతూ  437 రోజులుగా ఉద్యమం చేస్తున్న రైతులు, మహిళలకు మద్దతు తెలిపేందుకు అమరావతికి వచ్చారు శివాజీ. అమరావతి ఆందోళనకు మద్దతు తెలిపారు. రైతుల సంకల్పం, వారి తెగువ అమరావతిని నిలబెడతాయన్న నమ్మకం తనకుందని అన్నారు  శివాజి. రాజధానిపై రైతుల్లో ఉన్న దృఢసంకల్పమే వారిని విజయతీరాలకు చేరుస్తుందని తెలిపారు. అమరావతి భావితరాల సొత్తు అని, దీన్ని ఎవరూ దొంగిలించలేరని స్పష్టం చేశారు. రాజధాని రైతులను ఏపీ ప్రభుత్వం చర్చలకు పిలవకపోవడం వారి విజ్ఞతకే వదిలేస్తున్నానని శివాజీ వ్యాఖ్యానించారు. గతంలో ఇక్కడే రాజధాని ఏర్పాటు చేయాలని అమరావతి రైతులు కోరలేదని, ప్రభుత్వం కోరిన పిమ్మట బాధ్యతగా తమ భూములు అప్పగించారని శివాజీ వెల్లడించారు. ఇప్పుడా భూములకు విలువలేదని అంటే అది చెల్లదని అన్నారు. అమరావతి ఎక్కడికీ పోదని, ఆ విధంగా శాసనం చేయబడిందని చెప్పారు. ఇది శివాజీ చెబుతున్న మాట అని ఉద్ఘాటించారు. ఆ శాసనాన్ని బద్దలు కొట్టాలంటే అణుబాంబు వల్ల కూడా కాదని శివాజి స్పష్టం చేశారు. అమరావతి ఎప్పటికీ ఆంధ్రుల రాజధానే అన్నారు శివాజి. అమరావతి రైతులను ఎవరూ మోసం చేయలేరని, తాను చెప్పింది చెప్పినట్టు జరుగుతుందని చెప్పారు. రాష్ట్రంలోని ఇతర ప్రాంతాలు కూడా అభివృద్ధి చెందాలని, అదే సమయంలో అమరావతి రాజధాన నిర్మాణం కూడా కొనసాగాలని శివాజి ఆకాంక్షించారు.
జై బాబు. జై జై బాబు. కుప్పంలో చంద్రబాబు రోడ్ షో సూపర్ హిట్. సీబీఎన్ టూర్ కంటే ఆ రోడ్ షోలో జరిగిన ఓ అనూహ్య ఘటన ఇప్పుడు రాజకీయంగా ఆసక్తి రేపుతోంది. టీడీపీలో విస్త్రుత చర్చ జరుగుతోంది. జూనియర్ ఎన్టీఆర్ ప్రచారానికి రావాలంటూ చంద్రబాబు రోడ్ షో లో నినాదాలు మారుమోగాయి. రావాలి.. రావాలి.. జూనియర్ ఎన్టీఆర్ తప్పకుండా రావాలి.. టీడీపీ ప్రచారానికి జూనియర్ ఎన్టీఆర్ ను రంగంలోకి దించాలంటూ తెలుగు తమ్ముళ్లు చంద్రబాబు సమక్షంలో బహిరంగంగా డిమాండ్ చేశారు. జై చంద్రబాబు.. జై జూనియర్ ఎన్టీఆర్ నినాదాలతో కుప్పం రోడ్ షో లో హోరెత్తించారు. ఎన్టీఆర్ ఫోటోలతో కుప్పంలో ఫ్లెక్సీలు వెలిశాయి. జూనియర్ ఎన్టీఆర్. సినిమా హీరోగా ఫుల్ క్రేజ్. నందమూరి వారసుడిగా ఇటు నటన, అటు రాజకీయం ఆయన రక్తంలోనే ఉంది. పెద్ద ఎన్టీఆర్ పోలికలు, అనర్గళ వాగ్ధాటి జూనియర్ కు జన్మతా వచ్చిన లక్షణాలు. నందమూరి ఫ్యామిలీలో బాలయ్య తర్వాత తారక్ లోనే ఆ చరిష్మా. ఆ ఆకర్షణ. తాత పెట్టిన పార్టీ కోసం గతంలో టీడీపీ తరఫున రాష్ట్ర వ్యాప్తంగా ప్రచారం నిర్వహించారు జూనియర్. అచ్చం పెద్ద ఎన్టీఆర్ మాదిరే ఖాకీ డ్రెస్ ధరించి.. చైతన్యరథంపై పర్యటించి అదరగొట్టారు. తెలుగు తమ్ముళ్లలో ఉత్తేజం, ఉత్సాహం నింపారు. అయితే.. జూనియర్ ఎన్టీఆర్ ప్రచారానికి వచ్చినంత ప్రాభవం.. ఆనాటి ఎన్నికల ఫలితాల్లో మాత్రం కనిపించలేదు. 2009లో వైఎస్సార్ ప్రభంజనానికి ఎదురొడ్డి.. టీడీపీని అధికారంలోకి తీసుకురావడంలో జూనియర్ విఫలమయ్యాడు. ఆయన ప్రచారం చేసిన నియోజకవర్గాల్లోనూ టీడీపీ అభ్యర్థులు గెలవలేకపోయారు. దీంతో. వ్యక్తిగత ఇమేజ్ వేరు.. రాజకీయాలు వేరనే తర్కం బుడ్డోడికి బోధపడింది. ఆ తర్వాత కుటుంబంలో, పార్టీలో వచ్చిన పరిణామాలు.. జూనియర్ ను పసుపు జెండా నుంచి దూరం పెట్టాయి. లోకేశ్ ఎంట్రీతో ఎన్టీఆర్ అవసరం తగ్గిపోయింది. పార్టీని లోకేశ్ సమర్ధవంతంగా నడుపుతుండటంతో టీడీపీలో జూనియర్ కు స్పేస్ లేకుండా పోయింది.  రాజకీయాలు తనకిప్పుడు సెట్ కావని భావించిన జూనియర్.. అప్పటి నుంచీ సినిమాలపైనే పూర్తిగా ఫోకస్ పెట్టారు. అనేక సూపర్ హిట్లు సొంతం చేసుకున్నారు. ప్రస్తుతం ఆయన మూవీ గ్రాఫ్ పీక్స్ మీదుంది. టాలీవుడ్ లో టాప్ హీరోగా లైమ్ లైట్లో ఉన్న జూనియర్ ను సడెన్ గా రాజకీయాల్లోకి రావాలంటూ కుప్పం ప్రజలు డిమాండ్ చేయడం అనూహ్యం. అందుకే, జూనియర్ పొలిటికల్ ఎంట్రీపై మరోసారి చర్చ జరుగుతోంది.  జగన్ దూకుడుతో టీడీపీ ఇబ్బంది పడుతోంది. వరుస దాడులు, కేసులతో కేడర్ డీలా పడుతోంది. ప్రస్తుత ఇబ్బందికర పరిస్థితుల్లో జూనియర్ ఎన్టీఆర్ వస్తే పార్టీలో జోష్ పెరుగుతుందని కుప్పం ప్రజలు భావించి ఉండొచ్చు. అయితే.. గ్రహణం కొన్ని రోజులు మాత్రమే ఉంటుంది. మబ్బులు వీడాక మళ్లీ చంద్రోదయం ఖాయం. తాత్కాలిక కష్ట, నష్టాలను తట్టుకుని నిలబడటమే రాజకీయాల్లో ఉన్న వారికి అవశ్యకం. జూనియర్ ఎన్టీఆర్ వరుస హిట్లతో సినిమాల్లో మంచి పొజిషన్ లో ఉన్నారు. ఆయనకు కావలసినంత వయసు, మంచి భవిష్యత్తు ఉంది. ఒకసారి చేదు అనుభవం ఎదురై.. రాటు దేలిన ఎన్టీఆర్.. ఇప్పటికిప్పుడే పొలిటికల్ ఎంట్రీకి సిద్ధంగా లేరు. ఎన్టీఆర్ సినీ అభిమానులు సైతం ఇదే కోరుకుంటున్నారు. పాలిటిక్స్ వద్దంటూ ట్విట్టర్ లో జూనియర్ ఫ్యాన్స్ ట్వీట్లతో ఊదరగొడుతున్నారు. సినీ ఫ్యాన్స్ రాజకీయాలు వద్దంటుంటే.. పొలిటికల్ ఫ్యాన్స్ మాత్రం జూనియర్ ఎన్టీఆర్ రావాలంటూ డిమాండ్ చేస్తుండటం ఆసక్తికరం. మరి, ఆ మనువడి మదిలో ఏముందో..? 
హిమాచల్ ప్రదేశ్ గవర్నర్‌ బండారు దత్తాత్రేయకు  బడ్జెట్ సమావేశాల తొలిరోజు చేదు అనుభవం ఎదురైంది. అసెంబ్లీ కాంప్లెక్స్‌లో కాంగ్రెస్ ఎమ్మెల్యేలు ఆయనను ఘెరావ్ చేశారు. ఈ తోపులాటలో దత్తాత్రేయ కిందపడ్డారు. ఉదయం 11 గంటలకే బడ్జెట్ సమావేశాలు ప్రారంభమయ్యాయి. వెనువెంటనే విపక్ష కాంగ్రెస్ నేతలు ఒక్కపెట్టున ఆందోళనకు దిగారు. విపక్ష నేత అగ్నిహోత్రి తన సీట్లోంచి లేచి నినాదాలు చేశారు. సభలో గందరగోళ పరిస్థితుల మధ్య గవర్నర్ తన ప్రసంగంలోని చివరి లైను మాత్రమే చదవి వినిపించారు. అనంతరం ఆయన ముఖ్యమంత్రి జై రామ్ ఠాకూర్‌‌, స్పీకర్ విపిన్ పార్మర్‌‌తో కలిసి బయటకు వస్తుండగా స్పీకర్ ఛాంబర్ వద్ద గవర్నర్‌ను నిలువరించేందుకు విపక్ష ఎమ్మెల్యేలు ప్రయత్నించారు. దీంతో తోపులాట చోటుచేసుకుంది. సభ తిరిగి సమావేశం కాగానే గవర్నర్‌ను ఘెరావ్ చేసిన కాంగ్రెస్ ఎమ్మెల్యేలపై పార్లమెంటరీ వ్యవహారాల మంత్రి సురేష్ భరద్వాజ సస్పెన్షన్ తీర్మానం ప్రవేశపెట్టారు. ఐదుగురు కాంగ్రెస్ ఎమ్మెల్యేలపై స్పీకర్ సస్పెన్షన్ వేటు వేశారు. బడ్జెట్ సమావేశాలు జరిగినన్ని రోజులు సభకు రాకుండా వారిని సస్పెండ్ చేశారు. సస్పెండైన వారిలో కాంగ్రెస్ విపక్ష నేత ముఖేష్ అగ్నిహోత్రితో పాటు ఎమ్మెల్యేలు హర్ష వర్ధన్ చౌహాన్, సుందర్ సింగ్ ఠాకూర్, సత్పాల్ రైజడ, వినయ్ కుమార్ ఉన్నారు.ఇటీవల పంచాయతీ ఎన్నికల్లో ఓటమితో కాంగ్రెస్ ఎమ్మెల్యేలు తీవ్ర నిరాశ చెందడాన్ని ఈ చర్య ప్రతిబింబిస్తోందని అన్నారు.   
ఏమిటి ఆశ్చర్య పోతున్నారా .. ఒక వ్యక్తి చనిపోతే కోడిని అరెస్ట్ చేయడమేంటని.. ఈ ఘటన నిజంగానే తెలంగాణాలో జరిగింది. వివరాల్లోకి వెళితే జగిత్యాల జిల్లా వెలగటూరు మండలం, కొండపూర్‌కు చెందిన సతీష్ అనే యువకుడు పందెంకోడి కాలికి అమర్చిన కత్తి గుచ్చుకుని మృతిచెందాడు. అతడు తన స్నేహితులతో కలిసి తరచుగా కోడిపందేలు నిర్వహిస్తుంటాడు. అయితే కోడిని పందెంలో దించే సమయంలో పొరపాటున కత్తికట్టిన కాలు కాకుండా మరో కాలిని పట్టుకున్నాడు. దీంతో తప్పించుకునేందుకు ప్రయత్నించిన కోడిపుంజును సతీష్ గట్టిగా పట్టుకోవడంతో కాలికి అమర్చిన కత్తి సతీష్ పొట్టలో గుచ్చుకుంది. దీంతో బాధితుడిని జిగిత్యాల జిల్లా ఆస్పత్రికి తరలిస్తుండగా దారిలోనే మృతి చెందాడు. ఈ ఘటన మూడు రోజుల క్రితం చోటుచేసుకుంది. దీంతో కేసు నమోదు చేసుకున్న పోలీసులు సతీష్ మరణానికి కారణమైన కోడిని పట్టుకొచ్చి స్టేషన్‌లో కట్టేశారు.అంతేకాకుండా ఆ కోడితోపాటు అక్కడ పందేలు ఆడినవారిని కూడా అదుపులోకి తీసుకున్నారు.   మరోపక్క సతీష్ మరణానికి కోడే కారణమని తేల్చిన పోలీసులు దాన్ని ఏ1 ముద్దాయిగా చేర్చారు. త్వరలో ఆ కోడిని కోర్టులో కూడా హాజరు పరచనున్నారు. అప్పటివరకు ఆ కోడి బాగోగుల భారం పోలీసులపై ఉండడంతో దానిని చూసుకునేందుకు వారు నానా తిప్పలు పడుతున్నారు. ప్రస్తుతం ఆ కోడిని కాసేపు సెల్‌లో, మరికాసేపు చెట్టుకిందకు మార్చి దానికి గింజలు వేస్తున్నారు. అయితే కోడిపుంజును కట్టివేయడంతో అది తన కూతలతో పోలీస్ స్టేషన్‌ టాప్ లేపుతోంది  
పల్లెలు గెలిచాయి ఇప్పుడిక  మన వంతు అంటూ టీడీపీ జాతీయ ప్రధాన కార్యదర్శి నారా లోకేశ్ ట్వీట్ చేశారు. మున్సిపల్ ఎన్నికల నేపథ్యంలో తమ పార్టీ విడుదల చేసిన మేనిఫెస్టోపై పల్లెలు గెలిచాయని, ఇప్పుడిక మనవంతు అని ట్విటర్‌లో అన్నారు. పట్టణాల అభివృద్ధి కోసం 10 వాగ్దానాలతో మ్యానిఫెస్టో విడుదల చేశామని ఆయన తెలిపారు. మున్సిపల్ ఎన్నికల్లో తెలుగుదేశం పార్టీకి పట్టం కట్టాలని కోరారు. పురపాలక ఎన్నికల్లో గెలిస్తే ఇచ్చిన ప్రతి హామీ అమలు చేస్తామన్నారు. 21 నెలల జగన్ రెడ్డి పాలనలో పట్టణాల అభివృద్ధి శూన్యమన్నారు. కనీసం రోడ్డుపై గుంతలు పూడ్చలేని అసమర్థ ప్రభుత్వాన్ని చూశామన్నారు లోకేశ్ విమర్శించారు.  ఒక్క ఛాన్స్ ఇస్తే రాష్ట్రాన్ని నాశనం చేసాడని, మరో ఛాన్స్ ఇస్తే ప్రజల జీవితాలను పాతరేస్తాడని  సీఎం జగన్‌ను ఉద్దేశించి లోకేశ్ పరోక్ష వ్యాఖ్యలు చేశారు. ఆలోచించి ఓటు వెయ్యండని అంటూ  ట్విటర్‌లోఅన్నారు. పట్టణాల అభివృద్ధి కోసం 10 వాగ్దానాలతో టీడీపీ పార్టీ మ్యానిఫెస్టో విడుదల చేసామని తెలిపారు.  
దేశంలో మినీ సంగ్రామానికి నగారా మోగింది. నాలుగు రాష్ట్రాలు కేరళ, పశ్చిమబెంగాల్‌, తమిళనాడు,అస్సాంతో పాటు  కేంద్ర పాలిత ప్రాంతం పుదుచ్చేరి శాసనసభ ఎన్నకల గంట మోగింది. వీటితో పాటు 16 రాష్ట్రాల్లోని 34 స్థానాల ఉప ఎన్నికలకు షెడ్యూల్ ప్రకటించింది సీఈసీ. అసోంలో మూడు దశల్లో ఎన్నికలు జరగనున్నాయి. అసోంలో మార్చి 27న తొలి దశ పోలింగ్ జరగనుంది. తమిళనాడు, కేరళ. పుదిచ్చేరిలో ఒకే దశలో ఏప్రిల్ ఆరున పోలింగ్ జరగనుంది. పశ్చిమ బెంగాల్ లో ఎనిమిది దశలో పోలింగ్ నిర్వహిస్తామని సీఈసీ తెలిపింది. బెంగాల్ లో కూడా మార్చి 27న తొలి దశ పోలింగ్ జరగనుంది. మే2న ఐదు రాష్ట్రాల ఎన్నికల ఫలితాలు రానున్నాయి.మొత్తం 18.68  కోట్ల మంది ఓటర్లు ఓటు హక్కు వినియోగించుకోనున్నారని సీఈసీ సునిల్ అరోరా తెలిపారు. ఆన్ లైన్ లో నామినేషన్లను ఎన్నికల సంఘం అనుమతి ఇచ్చింది.  ఈసారి ఎన్నికలు జరిగే నాలుగు రాష్ట్రాలలో నాలుగు వేర్వేరు పార్టీలు అధికారంలో ఉన్నాయి. ఈశాన్య భారతంలోని అస్సాంలో బీజేపీ అధికారంలో ఉంటే, పశ్చిమ బెంగాల్లో తృణమూల్ కాంగ్రెస్ అధికారంలో వుంది. దక్షిణాన ఎన్నికలు జరిగే కేరళలో వామపక్ష కూటమి, తమిళనాడులో అన్నా డీఎంకే అధికారంలో ఉన్నాయి. పుదుచ్చేరిలో ఇటీవల చోటుచేసుకున్న రాజకీయ పరిణామాలు, ఫిరాయింపుల నేపధ్యంలో కాంగ్రెస్ ప్రభుత్వం కుప్పకూలి పోయింది. అక్కడ రాష్ట్ర పతి పాలన విధించారు.  ఈ ఎన్నికలలో 294 అసెంబ్లీ స్థానాలున్నపశ్చిమ బెంగాల్ అసెంబ్లీ ఎన్నికలు అందరి దృష్టిని ఆకర్షిస్తున్నాయి. సుమారు మూడు దశాబ్దాల పాటు, రాష్ట్రాన్నిపాలించిన వామపక్ష కూటమి ప్రభుత్వాన్ని2011 ఎన్నికలలో గద్దెదించిన మమతా బెనర్జీ సారధ్యంలోని తృణమూల్ కాంగ్రెస్ 2016లో వరసగా రెండవసారి కూడా తిరుగులేని విజయాన్ని సాధించింది. రేపటి ఎన్నికల్లో మళ్ళీ విజయం సాధించి హట్రిక్ కొట్టాలని మమతా బెనర్జీ తమదైన శైలిలో రణతంత్రాన్ని రచించుకున్నారు. అయితే, 2019 లోక్ సభ ఎన్నికలలో అనూహ్యంగా పుంజుకుని 40 శాతం ఓట్లతో 18స్థానాలను గెలుచుకున్న బీజేపీ.. తృణమూల్ కు గట్టి సవాలు విసురుతోంది. మొదటి నుంచి మమతా దీదీకి కుడి ఎడమ భుజంగా ఉన్నసువేందు అధికారి సహా పలువురు కీలక నేతలు, మంత్రులు, సిట్టింగ్,ఎంపీలు,ఎమ్మెల్ల్యేలు బీజీపీలో చేరి మమతకు సవాలు విసురుతున్నారు.  అసెంబ్లీ ఎన్నికలకు సిద్దమవుతున్న మరో రాష్ట్రం అస్సాం  చాలా కాలంగా కాంగ్రెస్ పార్టీ కంచుకోటగా వుంది. అయితే 2016లో బీజీపే తొలి సారిగా అక్కడ ఘన విజయం సాధించింది. సర్బానంద్ సోనోవాల్ ముఖ్యమంత్రిగా ఏర్పడిన తొలి బీజేపీ ప్రభుత్వం గడచినా ఐదేళ్ళలో మంచి మార్కులే తెచ్చుకుంది. అన్నిటినీ మించి,కాంగ్రెస్ పార్టీకి పెద్ద దిక్కుగా, నిలిచిన మాజీ ముఖ్యమంత్రి తరుణ్ గోగోయ్ ఈ సంవత్సరం మొదట్లో కాలం చేశారు. ఆయన స్థానాన్ని భర్తీ చేయగల నాయకుడు ఇంకెవరు హస్తం పార్టీలో లేక పోవడం, జాతీయ స్థాయిలో కాంగ్రెస్ పార్టీ ఎదుర్కుంటున్న నాయకత్వ సంక్షోభం నేపధ్యంలో కాంగ్రెస్ పార్టీ బీజేపీకి పోటీ ఇచ్చే పరిస్థితి కనిపించడం లేదు. అదీగాక  గోగోయ్ తర్వాత ఆస్థాయిలో చక్రం తిప్పగల హిమనంద్ బిశ్వాస శర్మ, 2016కు ముందే కాంగ్రెస్ కు గుడ్ బై చెప్పి, కాషాయం కట్టుకున్నారు.సో కాంగ్రెస్ బలహీనత ఆధారంగా అస్సాంలో మరోమారు కాషాయ జెండా ఎగిరే అవకాశాలే ఎక్కువగా ఉన్నాయని అంటున్నారు. 140 స్థానాలున్న కేరళలలో మొదటి నుంచి కాంగ్రెస్ సారధ్యంలోని, యునైట్ డెమోక్రాటిక్ ఫ్రంట్ , వామపక్షాల నేతృత్వంలోని లెఫ్ట్‌ డెమోక్రటిక్‌ ఫ్రంట్‌ ల మధ్యనే అధికార మార్పిడి జరుగుతోంది. ఈసారి కూడా ప్రధాన పోటీ రెండు కూటముల మధ్యనే ఉంటుంది. గత ఎన్నికల్లో లెఫ్ట్‌ డెమోక్రటిక్‌ ఫ్రంట్‌ విజయం సాధించింది. ఈసారి ఏ కూటమిని అధికారం వరిస్తుంది అనేది కొంత ఆసక్తి రేకెత్తిస్తోంది. గత ఎన్నికలలో కేవలం ఒకే ఒక్క సీటుకే పరిమితమైన బీజీపే ఈ సారి ఓటర్లను ఆకర్షించేందుకు సరికొత్త వ్యూహాలను అమలుచేస్తోంది. ఇటీవలే మెట్రో మ్యాన్‌ శ్రీధర్‌ తో పాటుగా కొందరు సినిమా రంగ ప్రముఖులు ఇతరరులు కూడా పార్టీలో చేరారు. అయితే ఎంత చేసిన కేరళకు సంబంధించినంతరకు బీజేపీ ఆటలో అరటిపండు మాత్రమే.    దశాబ్దాలుగా ప్రాంతీయ పార్టీలదే పై చేయిగా ఉన్న తమిళనాడులో ప్రస్తుతం  అన్నాడీఎంకే అధికారంలోవుంది. జయలలిత మరణం తర్వాత జరుగుతన్న ఈ ఎన్నికలలో  అన్నాడీఎంకేతో బీజేపీ, డీఎంకేతో కాంగ్రెస్ ఇప్పటికే పొత్తు పెట్టుకున్నాయి. డిఎంకే అగ్రనేత మాజీ ముఖ్యమంత్రి కరుణానిధి, అన్నాడీఎంకే  అధినాయకురాలు జయలిత తెర మీద లేకుండా జరుగతున్న ఈ ఎన్నికలలో ఎవరు విజయం సాధిస్తారు అన్నది ప్రస్తుతానికి ఊహకు కూడా అందని విషయంగా ఉందని అంటున్నారు.  ఈ నాలుగు రాష్ట్రాలతో పాటు పుదుచ్చేరికి శాసన సభ ఎన్నికలు కూడా చివరి క్షణంలో చేసుకున్న రాజకీయ పరిణామాల నేపధ్యంలో ఆసక్తిని రేకెత్తిస్తున్నాయి. అక్కడ నారాయణ స్వామి నేతృత్వంలోని కాంగ్రెస్‌ సర్కారు కుప్పకూలింది. ఎందుకనో గానీ పుదుచ్చేరి మీద కమలనాధుల కన్ను పడింది. ప్రధానమంత్రి నరేంద్ర మోడీ అక్కద పర్యటించారు. అలాగే పార్టీ అగ్రనేతలు కూడా తరచూ పుదుచ్చేరిలో పర్యటిస్తూ పార్టీ విస్తరణకు వ్యూహాత్మకంగా పావులు కడుపుతున్నారు.  సో... దేశంలో రాజకీయ వాతావరణం వేడెక్కి  ఉన్న పరిస్థితులలో జరుగతున్న అసెంబ్లీ ఎన్నికలు, మినీ సంగ్రామాన్ని తలపించడమే కాదు.. దేశ  రాజకీయ భవిష్యత్ నప నిర్ణయించే ఎన్నికలుగా కూడా బావించ వచ్చును.  
పవన్ అంటే ఫైర్. పవన్ అంటే పవర్. పవన్ అంటే తిక్క. లెక్కలేనంత ఆ తిక్కను కెలికితే ఊరుకుంటారా? అరేవో సాంబా అంటూ రెచ్చిపోడూ. అదే జరిగింది. జనసేన అధినేత ఇగోను దెబ్బతీశారు భీమవరం ఎమ్మెల్యే గ్రంధి శ్రీనివాస్. పీకేకు స్ట్రాంగ్ వార్నింగ్ ఇచ్చారు. అందరినీ బెదిరించే పవన్ ను బెదిరిస్తే ఆయన ఊరుకుంటారా? ఓ రేంజ్ లో రెచ్చిపోయారు పవన్ కల్యాణ్. ఆకు రౌడీ నుంచి వీధి కుక్క వరకూ.. డైలాగులతో భీమవరం ఎమ్మెల్యేను ఏకిపారేశారు. పీకే వర్సెస్ గ్రంధి శ్రీనివాస్ ఎపిసోడ్ పశ్చిమలో కాక రేపుతోంది. ఎమ్మెల్యే ఏమన్నారంటే.. పవన్ కళ్యాణ్ మెడ మీద తలకాయలు ఉండవ్ అని హెచ్చరించారు భీమవరం ఎమ్మెల్యే గ్రంధి శ్రీనివాస్. పశ్చిమ గోదావరి జిల్లా వీరవాసరం మండలం మత్స్యపురిలో జనసేన కార్యకర్తలు దళితులపై దాడి చేశారని మండిపడ్డారు. అంబేద్కర్ విగ్రహానికి చెప్పులు దండ వేసి ధ్వంసం చేశారని విమర్శించారు. జనసేన కార్యకర్తలు సంఘ విద్రోహ శక్తులుగా అరాచకాలు చేస్తున్నారని విమర్శించారు. దళితులపై దాడి జరిగిందని తెలిసి వెళ్లిన తనపై దాడి చేసేందుకు ప్రయత్నించారని ఆరోపించారు. దళితులపై దాడి చేసిన వారిపై కేసులు నమోదు చేసి అరెస్టు చేయకపోతో ఛలో మత్స్యపురికి పిలుపునిస్తామని గ్రంధి శ్రీనివాస్ హెచ్చరించారు.  పవన్ స్ట్రాంగ్ కౌంటర్.. మెడ మీద తలకాయలు ఉండవ్ అంటే పీకే ఊరుకుంటారా? ఆవేశంతో ఊగిపోరూ. అదే చేశారు పవన్ కల్యాణ్. తనపై వ్యక్తిగత దూషణలకు దిగుతున్న శ్రీనివాస్.. ఓ ఆకు రౌడీ, బ్యాంకులను దోచేసిన వ్యక్తి అని ఆగ్రహం వ్యక్తం చేశారు. దాడులు చేస్తే చూస్తూ కూర్చోమని.. ఒక చెంప మీద కొడితే మరో చెంప చూపించేంత సంయమనం తమ దగ్గర లేదంటూ ఓ వీడియో ప్రకటనలో వార్నింగ్ ఇచ్చారు జనసేనాని. వైసీపీ ఎమ్మెల్యే ఆగడాలను కట్టడి చేయాలని డీజీపీ గౌతమ్ సవాంగ్‌ను కోరారు. లేదంటే శాంతిభద్రతలకు తీవ్ర విఘాతం కలుగుతుందని హెచ్చరించారు. దళితలపైనే ఎస్సీ, ఎస్టీ కేసులు అక్రమంగా బనాయిస్తే... మానవహక్కుల సంఘానికి తాను స్వయంగా వెళ్లి ఫిర్యాదు చేస్తానన్నారు. దళితులను రక్షించాల్సిన చట్టాన్నే దళితులపై ప్రయోగిస్తున్నారని తప్పుబట్టారు. వ్యక్తిగతంగా దూషణలకు దిగుతున్న... వైసీపీ ఎమ్మెల్యే గ్రంధి శ్రీనివాస్ మాటలను... జనసేన శ్రేణులు పట్టించుకోవద్దని సూచించారు. ‘వీధిలో కొన్ని కుక్కలు అరుస్తాయి.. కొన్ని పిచ్చికుక్కలు కరుస్తాయి. కరిచినంత మాత్రాన ఆ కుక్కను మనం కరవం కదా. మున్సిపాలిటీ వాళ్లకు ఫోన్ చేస్తాం. వచ్చే వరకు ఆగుతాం. మీకు మాటిస్తున్నాను. మున్సిపాలిటి వ్యాన్ వస్తుంది.. అప్పటి వరకు సంయమనం పాటించండి’ అంటూ పీకే తనదైన శైలిలో స్ట్రాంగ్ కౌంటర్ ఇచ్చారు. పవన్ కల్యాణ్, గ్రంధి శ్రీనివాస్ ల మధ్య డైలాగ్ వార్ పశ్చిమలో రాజకీయ రచ్చ రాజేస్తోంది.  
తెలంగాణతో పాటు దేశ వ్యాప్తంగా సంచలనం స్పష్టించిన హైకోర్టు న్యాయవాదులు వామనరావు దంపతుల హత్య కేసులో రోజుకో కొత్త విషయం వెలుగు చూస్తోంది. పోలీసుల విచారణలో బిట్టు శ్రీను సంచలన అంశాలు చెప్పాడని తెలుస్తోంది. అడ్వకేట్ దంపతుల హత్యకు నిరసనగా ఆందోళనలు కొనసాగుతూనే ఉన్నాయి. తెలంగాణ కాంగ్రెస్ నేతలు గవర్నర్ తమిళి సైని కలిసి ఈ ఘటనపై ఫిర్యాదు చేశారు. తమ ఫిర్యాదుపై  గవర్నర్ సానుకూలంగా స్పందించినట్లు కాంగ్రెస్ నేతలు తెలిపారు. కాంగ్రెస్‌ నేతలు శ్రీధర్‌బాబు, జీవన్‌రెడ్డి, జగ్గారెడ్డి తదితరులు గవర్నర్‌ను కలిసిన వారిలో ఉన్నారు.  గవర్నర్ ను కలిసిన తర్వాత మీడియాతో మాట్లాడిన టీపీసీసీ ఉత్తమ్ కుమార్ రెడ్డి .. కేసీఆర్ సర్కార్ పై తీవ్రమైన ఆరోపణలు చేశారు.  వామనరావు దంపతుల హత్యలో అధికార పార్టీ నేతల హస్తం ఉన్నా.. పోలీసులు ఆ దిశగా దర్యాప్తు చేయడం లేదని ఉత్తమ్ కుమార్ రెడ్డి ఆరోపించారు. శీలం రంగయ్య మృతి కేసులో వామన్‌ రావు దంపతులు హైకోర్టులో కేసు వేయడం, మంథనిలో టీఆర్ఎస్  అక్రమాలకు అడ్డుగా నిలవడంతోనే  పథకం ప్రకారం హత్య చేశారని  తెలిపారు. కాళేశ్వరం ఎత్తిపోతల ప్రాజెక్టు పరిసరాల్లో నుంచి రూ.4వేల కోట్ల విలువైన ఇసుకను అక్రమంగా తరలించారని, దీనిపైనా వామన్‌రావు పోరాటం చేసేందుకు సిద్ధమవుతుండగా మట్టుబెట్టారని ఉత్తమ్ వివరించారు.  న్యాయవాది వామన్‌రావు దంపతుల హత్య రాష్ట్ర చరిత్రలోనే అత్యంత  కిరాతకమైన ఘటన అని టీపీసీసీ అధ్యక్షుడు ఉత్తమ్‌ కుమార్‌రెడ్డి అన్నారు.రాష్ట్రాన్ని కుదిపేసిన ఈ ఘటనపై సీబీఐ విచారణ జరిపించాలని గవర్నర్‌ తమిళి సైని కోరగా, సానుకూలంగా స్పందించారని తెలిపారు. న్యాయవాద దంపతుల హత్యలో పోలీసుల పాత్ర ఉందని జనం నమ్ముతున్నారన్నారు.  పుట్ట లింగమ్మ చారిటబుల్‌ ట్రస్టుకు అక్రమ మార్గంలో సేకరిస్తున్న నిధులను వామన్‌రావు బయటపెట్డడంతోనే అడ్డు తొలగించుకున్నారని కాంగ్రెస్‌ నేతలు ఆరోపించారు.   
ఒకరినొకరు ప్రేమించుకున్నారు. కలిసి బతుకుదాం అనుకున్నారు. పెద్దలు తమ ప్రేమను అంగీకరించరేమోనని అనుమానంతో ఓ ప్రేమజంట నిండు ప్రాణాలు తీసుకున్నారు. ఈ ఘటన సూర్యాపేట జిల్లాలో జరిగింది. కోదాడ పట్టణంలోని పెద్ద చెరువులో దూకి ప్రేమికులు బలవన్మరణానికి పాల్పడ్డారు. ఈ ప్రేమజంట ఆత్మహత్య కలకలం రేపుతోంది. మృతులు లక్ష్మీపురంకు చెందిన మణికంఠ, ఫాతిమా గా పోలీసులు గుర్తించారు. నిన్న రాత్రి  ప్రేమ జంట ఇంటి నుంచి వెళ్లిపోయినట్లు తెలుస్తోంది. వీరి ప్రేమ పెళ్లికి పెద్దలు అంగీకరించరేమోనని ప్రేమజంట ఆత్మహత్య చేసుకున్నారు. విషయం తెలిసిన పోలీసులు అక్కడకు చేరుకుని కేసు నమోదు చేసి దర్యాప్తు చేపట్టారు.
ఆంధ్రప్రదేశ్ మున్సిపల్ ఎన్నికలకు  హైకోర్టు గ్రీన్ సిగ్నల్ ఇచ్చింది. ఎస్ఈసీ నోటిఫికేషన్ ప్రకారమే మున్సిపల్ ఎన్నికలు జరపవచ్చని  హైకోర్టు స్పష్టం చేసింది. మున్సిపల్ ఎన్నికల నిర్వహణకు నోటిఫికేషన్‌ ఇచ్చి 11 నెలలు గడిచిందని. కొత్త నోటిఫికేషన్‌ను ఇవ్వాలని కోరుతూ హైకోర్టులో 16 పిటిషన్లు దాఖలైన సంగతి తెలిసిందే. పిటిషన్ పై విచారణ చేపట్టిన ధర్మాసనం.. కొత్త నోటిఫికేషన్ విడుదల చేయాలని దాఖలైన పిటిషన్‌ను కొట్టివేసింది. పిటిషనర్ల వాదనలతో ఏకీభవించని న్యాయస్థానం.. పాత నోటిఫికేషన్‌ ప్రకారమే ఎన్నికలు నిర్వహించుకోవచ్చని ఆదేశించింది. మున్సిపల్ ఎన్నికలు యథావిధిగా మార్చి 10న పోలింగ్‌, 14న ఓట్ల లెక్కింపు చేపట్టవచ్చని న్యాయస్థానం స్పష్టం చేసింది.  
తెలంగాణ ముఖ్యమంత్రి కేసీఆర్, టీఆర్ఎస్ సర్కార్ పై పాలనపై కాంగ్రెస్ నేతలు ఘాటు విమర్శలు చేశారు. తమ హయాంలో దాదాపు లక్షన్నర ఉద్యోగాలు భర్తీ చేశామంటూ మంత్రి కేటీఆర్ విడుదల చేసిన ప్రకటనకు కాంగ్రెస్ అధికార ప్రతినిధి శ్రవణ్ కుమార్ కౌంటరిచ్చారు. తండ్రి మాదిరిగానే కొడుకు కేటీఆర్ సిగ్గు లేను మాటలు మాట్లాడుతున్నారని ఆరోపించారు. నిరుద్యోగులకు అపాయింట్ మెంట్ లెటర్లు కావాలి.. లవ్ లెటర్ లు కాదని శ్రవణ్ ఎద్దేవా చేశారు.   2014 లో లక్ష 7 వేల ఖాళీలు వున్నాయని కేసీఆరే చెప్పారన్నారు శ్రవణ్ కుమార్. బిశ్వాల్ కమిటీ కూడా లక్ష 91 వేల ఉద్యోగ ఖాళీలు ఉన్నాయని చెప్పిందన్నారు. తెలంగాణలో కాంట్రాక్ట్ ఉద్యోగులే వుండరు అన్న కేసీఆర్.. మళ్లీ కాంటాక్ట్ ఉద్యోగులను ఎందుకు తీసుకుంటున్నారని ప్రశ్నించారు. అమరవీరుల త్యాగాల ఫలితంగా వచ్చిన తెలంగాణలో.. కేసీఆర్ ఫ్యామిలీకే కొలువులు దొరికాయన్నారు. తమ కుటుంబానికి తప్ప తెలంగాణ బిడ్డలకు ఉద్యోగాలు ఇవ్వరా అని  శ్రవణ్ నిలదీశారు. రాష్ట్రంలో 47 శాతం ఉద్యోగాలు భర్తీ లేకుండా ఉన్నాయన్నారు.  ఉద్యోగులు పూర్తి స్థాయిలో ఉంటేనే పాలన సరిగా జరుగుతుందన్నారు శ్రవణ్ కుమార్. ప్రగతి భవన్ లో ఉద్యోగులు ఉంటే సరిపోదన్నారు.కాంగ్రెస్ ప్రభుత్వం హయాంలో 10వేల ఉద్యోగాలు వేశారని కేటీఆర్ చెప్పడంపై ఆయన ఆగ్రహం వ్యక్తం చేశారు.తెలంగాణ వ్యతిరేకి కిరణ్ కుమార్ రెడ్డి లక్ష 10వేల ఉద్యోగాలు  వేశారని చెప్పారు. టిడిపి, కాంగ్రెస్ హయాంలో వరుసగా టీచర్ ఉద్యోగాల కోసం డీఎస్సీ నోటిఫికేషన్ లు వచ్చాయన్నారు. గ్రూప్ -1, గ్రూప్ -2, 3 నోటిఫికేషన్ లు రానే రాలేదన్నారు శ్రవణ్ కుమార్. 
రేవంత్ రెడ్డి ఒక్కడు ఒకవైపు. కాంగ్రెస్ సీనియర్లంతా మరోవైపు. టీపీసీసీలో అసలేం జరుగుతోంది? రేవంత్ రెడ్డిని ఎందుకంతలా టార్గెట్ చేస్తున్నారు? జగ్గారెడ్డి నుంచి జానారెడ్డి వరకూ అంతా వర్కింగ్ ప్రెసిడెంట్ పైనే పడి ఎందుకు ఏడుస్తున్నారు? పని చేసే లీడర్ ను పని చేయనీయరా? ఫైర్ బ్రాండ్ లీడర్ కు ఎందుకు మోకాలడ్డుతున్నారు? వాళ్లు చేయరు, రేవంత్ ను చేయనీయరా? ఇదీ తెలంగాణ కాంగ్రెస్ వాదుల్లోఎగిసిపడుతున్న ఆక్రోశం. కాంగ్రెస్ లో నడుస్తున్న కోల్డ్ వార్ కి తాజాగా జానారెడ్డి చేసిన వ్యాఖ్యలే నిదర్శనం. పరోక్షంగా రేవంత్ రెడ్డి అండ్ టీమ్ ను టార్గెట్ చేస్తూ జానారెడ్డి ప్రెస్ మీట్ పెట్టి మరీ విమర్శలు చేశారు. సోషల్ మీడియాలో కొందరు కాంగ్రెస్ కార్యకర్తలు రెచ్చిపోతున్నారు.. సీనియర్లంటే గౌరవం లేకుండా మాట్లాడుతున్నారని జానా కామెంట్ చేశారు. అటువంటి వాళ్లపై పీసీసీ చర్యలు తీసుకోవాలని.. లేదంటే తాను అధిష్ఠానానికి ఫిర్యాదు చేస్తానని హెచ్చరించారు జానారెడ్డి. ఎక్కడా రేవంత్ రెడ్డి పేరు వాడకపోయినా జానారెడ్డి ఇచ్చిన వార్నింగ్ రేవంత్ టీమ్ కే అంటున్నారు. కాంగ్రెస్ పార్టీలో సోషల్ మీడియాలో యాక్టివ్గా ఉండేది కేవలం రేవంత్ రెడ్డి అభిమానులు మాత్రమే. వాళ్లు ఫ్యాన్స్ కాదు రేవంత్ సైన్యం. రేవంత్ రెడ్డి కోసం ఏదైనా చేస్తారు. ఎంతకైనా తెగిస్తారు. తన అభిమాన నేతకు అడుగడుగునా ఆటంకాలు కల్పిస్తున్న కాంగ్రెస్ సీనియర్లను సోషల్ మీడియాలో ఓ రేంజ్ లో ఆడుకుంటున్నారు రేవంత్ ఫ్యాన్స్. సీనియర్ నేతలు తప్పుకొని వెంటనే రేవంతన్నకు పీసీసీ పగ్గాలు అప్పగించాలని.. లేదంటే కాంగ్రెస్ పతనం ఖాయమంటూ పోస్టుల మీద పోస్టులు పెడుతున్నారు. దీంతో, జానారెడ్డికి చిర్రెత్తుకొచ్చి ఇలా వార్నింగ్ ఇచ్చారని అంటున్నారు.  కాంగ్రెస్ కథ మారదా? కాంగ్రెస్ లో మొదటి నుంచీ అంతే. ఆ పార్టీని ప్రత్యర్థులు ఓడించనక్కరలేదు. ఆ పార్టీ వారే ఓడిస్తారు. రాజకీయాల్లో మర్డర్లు ఉండవు, సూసైడ్లే అనే డైలాగ్ కాంగ్రెస్ కు సరిగ్గా సరిపోతుంది. ఎదిగే నేతనుఎదగనివ్వరు. పని చేసే వారిని పని చేయనివ్వరు. గ్రూపులు, గొడవలు, ఆధిపత్య పోరు.. అబ్బో హస్తం పార్టీ అదో టైపు. వైఎస్సార్ మరణం తర్వాత నాయకత్వ లేమితో కొట్టుమిట్టాడుతోంది కాంగ్రెస్ పార్టీ.బలమైన నేత లేక కేడర్ అంతా కకావికలం అవుతోంది. అనేక మంది పార్టీ మారితే.. ఆశాజీవులు మాత్రం మళ్లీ మంచి రోజులు రాకపోతాయా అని పార్టీనే నమ్ముకొని ఉన్నారు. అలాంటి వారందరికీ ఆశాకిరణం రేవంత్ రెడ్డి మాత్రమే. సో కాల్డ్ సీనియర్లు ఎందరున్నా.. రేవంత్ రెడ్డికి వాళ్లెవరూ సరి సమానం కాదనేది ద్వితియ శ్రేణి నాయకుల మాట.  కాలు పట్టి లాగడమే కాంగ్రెస్ నైజమా? కొంతకాలంగా పెద్ద పెద్ద నేతలంతా ప్రెస్ మీట్లకే పరిమితమైతే.. రేవంత్ రెడ్డి మాత్రం పాదయాత్ర, రణభేరితో దూకుడు మీదున్నారు. రేవంత్ రెడ్డి ఒక్క మాటంటే.. ఒక్క పిలుపు ఇస్తే.. అది ప్రజల్లోకి రాకెట్ లా దూసుకుపోతుంది. వాక్ చాతుర్యం, దూకుడు రాజకీయం ఆయన బలం. ఫైర్ బ్రాండ్ లీడర్ రేవంత్ రెడ్డి ఫైర్ మీద ఎప్పటికప్పుడు నీళ్లు చల్లుతూ వెనక్కి లాగుతుంటారు సీనియర్లు. వర్కింగ్ ప్రెసిడెంట్ హోదాకు తగ్గట్టే రేవంత్ యాక్టివ్ గా పని చేసుకు పోతుంటే.. మిగతా సీనియర్ల నుంచి ఆయనకు ఎప్పుడూ సహాయ నిరాకరణే. ఇటీవల అచ్చంపేట నుంచి వావిలాల వరకూ రేవంత్ రెడ్డి రైతు భరోసా పాదయాత్ర చేస్తే అది పార్టీ నిర్ణయం కాదంటూ అడ్డుపుల్లలు వేశారు కొందరు నేతలు. ఇక రైతు రణభేరి సభకూ సీనియర్లంతా డుమ్మా కొట్టారు. కేంద్ర, రాష్ట్ర ప్రభుత్వాలకు వ్యతిరేకంగా రేవంత్ రెడ్డి చేస్తున్న పోరాటం కాంగ్రెస్ లో మరే నేత అయినా చేస్తున్నారా? అని ప్రశ్నిస్తున్నారు ఆయన అభిమానులు. కాంగ్రెస్ లో కేసీఆర్ భయపడేది ఒక్క రేవంత్ రెడ్డికేనని అంటున్నారు. పార్టీ కోసం ఇంత చేస్తున్న రేవంత్ కు సీనియర్లు కాస్తైనా సహకరిస్తే తమ లీడర్ మరింత దూసుకుపోతాడని.. సర్కారుకు చుక్కలు చూపిస్తాడని అంటున్నారు. పోనీ, సహకరించకున్నా పర్వాలేదు కనీసం అడ్డుకోకుండా ఉన్నా చాలంటున్నారు. వర్కింగ్ ప్రెసిడెంట్ గా ఉంటేనే రేవంత్ రెడ్డి ఇంత యాక్టివ్ గా పని చేస్తుంటే.. ఇక పీసీసీ పగ్గాలు అప్పగిస్తే కేడర్ లో మరింత జోష్ రావడం ఖాయం అంటున్నారు. అలా జరిగితే అది కాంగ్రెస్ ఎందుకవుతుంది? ఎదిగే వారిని కాలు బట్టి లాగడమే కాంగ్రెస్ నైజం. రేవంత్ రెడ్డి విషయంలోనూ అదే జరుగుతోందా..? సమయం లేదు హైకమాండ్.. రేవంత్ రెడ్డికి పీసీసీ చీఫ్ పదవి ఆలస్యం అవుతుండటంతో ఉత్సాహంగా పని చేసే నాయకుల్లో నిరుత్సాహం ఆవహిస్తోంది. అధిష్టానం తీరుతో విసుగెత్తి పార్టీ వీడుతున్నారు పలువురు ప్రముఖులు. కుతుబుల్లాపూర్ మాజీ ఎమ్మెల్యే, గ్రేటర్ లో స్ట్రాంగ్ లీడర్ కూన శ్రీశైలం గౌడ్, సిర్పూర్ కాగజ్ నగర్ కు చెందిన బలమైన నేత పాల్వాయి హరీష్ బీజేపీలో చేరిపోయారు.  నాంపల్లి ఫైర్ బ్రాండ్ లీడర్ ఫిరోజ్ ఖాన్ కూడా  పార్టీని వీడి యోచనలో ఉన్నారు. వీరంతా రేవంత్ రెడ్డి వర్గీయులే. తమ నేతకు ఇంకా పీసీసీ పదవి రావడం లేదనే అసహనంతో వారంతా పార్టీకి దూరమయ్యారు. మరింత ఆలస్యం అయితే.. మరింత మంది నేతలు హస్తం పార్టీకి హ్యాండ్ ఇవ్వడం ఖాయంగా కనిపిస్తోంది. కాంగ్రెస్ కు తెల్ల ఏనుగుల్లాంటి సీనియర్లు కావాలా? థౌజండ్ వాట్స్ పవర్ ఉన్న చిరుత లాంటి చిచ్చర పిడుగు రేవంత్ రెడ్డి కావాలో ఢిల్లీనే తేల్చుకోవాలి. సమయం లేదు హైకమాండ్.. ఆలస్యమైతే కాంగ్రెస్ ఖతం అంటున్నారు రేవంత్ రెడ్డి ఫ్యాన్స్.  
దేశం లో కరోనా పాజిటివ్ కేసులు మళ్ళీ పెరుగుతున్నాయి. గడచిన 24 గంటల్లో 16,577 మందికి కొత్త‌గా పాజిటివ్ నిర్ధారణ అయింది. మరోపక్క తెలంగాణాలో కూడా పాజిటివ్ కేసులు పెరుగుతున్నాయి. మొన్న‌టివరకు రాష్ట్రంలో మొత్తం 200 లోపే కేసులు బ‌యవస్తుండగా .. గురువారం ఒక్క జిహెచ్ఎంసీ పరిధిలోనే 192 కొత్త కేసులు వెలుగు చూడ‌టం క‌ల‌క‌లం రేపుతోంది. ఇది ఇలా ఉండగా గతంలో కరీంనగర్ ను వణికించిన కరోనా మరోసారి విజృంభిస్తోంది.తాజాగా జిల్లా వ్యాప్తంగా 26 కరోనా పాజిటివ్ కేసులు కొత్తగా నమోదయ్యాయి. రామగుండం ఎన్టీపీసీలోని స్టేట్ బ్యాంక్ ఆఫ్ ఇండియాలో మేనేజర్ కు, గోదావరి ఖని బ్లడ్ బ్యాంకులో పనిచేస్తున్న ఉద్యోగికి, అతడి భార్యకు కరోనా పాజిటివ్‌గా నిర్ధారణ అయ్యింది. గోదావరి ఖని ప్రభుత్వ ఆస్పత్రిలో పనిచేసే ఉద్యోగి రెండు సార్లు కరోనా వ్యాక్సిన్ తీసుకున్నా కరోనా సోకడంతో వైద్యులు షాక్ కు గుర్యయారు. బ్లడ్ బ్యాంక్ ఉద్యోగి వాసన కోల్పోవడంతో అనుమానం కలిగి కరోనా పరీక్షలు చేయించుకోగా పాజిటివ్ అని తేలింది. అతడు గత నెల 18న కరోనా వ్యాక్సిన్ మొదటి డోసు వేయించుకోగా.. ఈనెల 18న రెండో డోస్ కూడా తీసుకున్నాడు. మరోపక్క బ్యాంక్ మేనేజర్‌కు కరోనా సోకడంతో అధికారులు బ్యాంక్‌ను మూసివేశారు. దీంతో కొద్దిరోజులుగా బ్యాంకుకు వెళ్లిన వినియోగదారులలో కూడా ఆందోళన నెలకొంది. మరోపక్క బ్యాంకు పరిసర ప్రాంతాల్లో ఉన్న ప్రజలకు కూడా కరోనా భయం పట్టుకుంది. ప్రజలు తప్పనిసరిగా మాస్కులు ధరించి, భౌతిక దూరాన్ని పాటించాలని అధికారులు సూచిస్తున్నారు.
ఆంధ్రప్రదేశ్ ప్రభుత్వం, జగన్ రెడ్డి పాలనపై మరోసారి తీవ్ర స్థాయిలో ఆరోపణలు చేశారు టీడీపీ జాతీయ ప్రధాన కార్యదర్శి నారా లోకేష్. వైసీపీ పాలనలో ఏపీ పరిస్థితి దారుణంగా తయారైందన్నారు. వైసీపీ పాలన చూస్తుంటే.. ‘పబ్లిసిటీ పీక్..మ్యాటర్ వీక్’ అంటూ లోకేష్ ఎద్దేవా చేశారు. దీనికి సన్నబియ్యమే ఒక ఉదాహరణగా చెప్పారు.  ఎన్నికల ముందు సన్నబియ్యం ఇస్తామని చెప్పారు.. అధికారంలోకి వచ్చిన తర్వాత సన్నబియ్యం కాదని.. నాణ్యమైన బియ్యం ఇస్తామన్నామని మాట మార్చారని విమర్శించారుయ  ఇంటింటికి రేషన్ సరఫరా చేస్తామంటూ గొప్పలు చెప్పుకున్నారు.. వేల కోట్లు ఖర్చుచేసి వాహనాలు ఏర్పాటు చేశారు.. స్పీడుగా గ్రామాలకు పంపారు.. ప్రజలు ఛీ కొట్టారు.. మళ్లీ స్పీడుగా ఆ వాహనాలు తాడేపల్లి ప్యాలస్‌కు వచ్చాయని నారా లోకేష్ ఎద్దేవా చేశారు. అందుకే జగన్ రెడ్డి ప్రభుత్వానికి పబ్లిసిటీ పీక్..మ్యాటర్ వీక్ అని అన్నారు. ఒక్క అవకాశం ఇవ్వాలని ప్రజలను అడిగి.. అధికారంలోకి వచ్చిన తర్వాత పట్టణ ప్రాంతాల్లో ఎక్కడా అభివృద్ధి జరగలేదని లోకేష్ విమర్శించారు. ఇటీవల జరిగిన పంచాయతీ ఎన్నికల్లో 38.89 శాతం పంచాయతీలను తెలుగుదేశం పార్టీ మద్దతుదారులు గెలుచుకున్నారని చెప్పారు నారా లోకేష్.  
వాళ్లిద్దరు మహా కిలాడీలు. కొంత కాలంగా డేటింగ్ చేస్తున్నారు. అతడు ఐపీఎస్ ఆఫీసర్ గా బిల్డప్ కొట్టాడు. ఆమె అంతర్జాతీయ మానవ హక్కుల సంఘం ఛైర్‌పర్సన్‌గా ఫోజు కొట్టింది. ఇద్దరూ కలిసి ఓ బకరాను పెళ్లి పేరుతో మోసం చేశారు. ఏకంగా 11.5 కోట్లు కాజేశారు. ఈజీ మనీని విచ్చలవిడిగా ఖర్చు చేశారు. 40 లక్షలు కట్టి 40 రోజుల పాటు ఓ హోటల్ లో ఫుల్ ఎంజాయ్ చేశారు. 2 కోట్ల బీఎమ్ డబ్ల్యూ కారులో షికార్లు చేశారు. మరో ఐదు కార్లతో హంగామా చేశారు. ఖరీదైన విల్లా, భారీగా బంగారు ఆభరణాలు.. అబ్బో ఓ రేంజ్ లో సాగింది వారి యవ్వారం. కట్ చేస్తే.. ఆ డేటింగ్ కపుల్ లో విజయ్ కుమార్ రెడ్డి సూసైడ్ చేసుకున్నాడు. అతని పార్ట్ నర్ శిరీష అలియాస్ స్మృతి సింహ కటకటాలు లెక్కపెడుతోంది.  సంచలనంగా మారిన బాచుపల్లి మోసం కేసులో పోలీసు విచారణతో అనేక విషయాలు వెలుగుచూస్తున్నాయి. కడప ప్రాంతానికి చెందిన మైనింగ్‌ వ్యాపారి పి.వీరారెడ్డి (36) బాచుపల్లిలోని ఏపీఆర్‌ ప్రణవ్‌ అంటిల్లా విల్లా నంబర్‌ 268లో నివాసం ఉంటున్నారు. పక్క విల్లాలో ఉంటున్న అంకిరెడ్డి విజయ్‌కుమార్‌రెడ్డి అనే వ్యక్తి వీరారెడ్డితో పరిచయం పెంచుకున్నాడు. తాను ఐపీఎ్‌సకు ఎంపికయ్యానని, తన భార్య శ్రుతి సిన్హా మానవ హక్కుల కమిషన్‌ దక్షిణ భారత విభాగానికి చైర్మన్‌ అని. తన తండ్రి రాఘవ రెడ్డి డీసీపీ అని.. తమకు 77 బస్సులున్నాయని, 32 ఎకరాల పొలం ఉందని వీరారెడ్డికి అబద్ధాలు చెప్పాడు. వీరారెడ్డి తన తమ్ముడికి పెళ్లి సంబంధాలు చూస్తున్నట్టు తెలుసుకుని.. తమకు తెలిసిన ప్రవల్లిక అనే అమ్మాయి పెళ్లికి సిద్ధంగా ఉందని చెప్పాడు. అతడి మాటలు నమ్మిన వీరారెడ్డి ఆమెతో మాట్లాడుతానని అడగ్గా.. శ్రుతిసిన్హాతో ఫోన్‌లో మాట్లాడించాడు.  నిజానికి వారిద్దరూ భార్యాభర్తలు కారు. వృత్తి రీత్యా కంప్యూటర్‌ ప్రోగ్రామర్‌ అయిన విజయ్‌కుమార్‌ రెడ్డి.. భర్తను వదిలేసి ఒంటరిగా ఉంటూ బోరబండలో సూపర్‌మార్కెట్‌ నిర్వహిస్తున్న శ్రుతి సిన్హాతో సహజీవనం చేసేవాడు. విజయ్‌కుమార్‌ రెడ్డి, శ్రుతి సిన్హాలు వీరారెడ్డిని 2017 నుంచి మోసం చేస్తూ వచ్చారు. రకరకాలుగా నమ్మిస్తూ లక్షల్లో వసూలు చేశారు. నాలుగేళ్లలో మొత్తం 11.50 కోట్లు  వసూలు చేశారు.  రోజులు గడుస్తున్నా డబ్బు చెల్లించకపోవడంతో వీరారెడ్డికి అనుమానం వచ్చి విజయ్‌కుమార్‌రెడ్డికి ఫోన్‌ చేశారు. ఎక్కడున్నావని అడిగితే డెహ్రాడూన్‌లోని పోలీసు అకాడమీలో ఉన్నానని చెప్పాడు. వాట్సప్‌లో లైవ్‌ లొకేషన్‌ పంపించాలంటూ వీరారెడ్డి అడిగాడు. అప్పటికే పలుమార్లు సమాధానం చెప్పలేక తప్పించుకుంటూ వచ్చిన విజయ్ కుమార్ రెడ్డి ఇక మరింత కాలం వీరారెడ్డిని మేనేజ్ చేయడం ఆయన వల్ల కాలేదు. విలాసాలపై శ్రుతి మోజు మరింతగా పెరగడం, వీరారెడ్డి నుంచి డబ్బు కోసం ఒత్తిడి పెరుగుతుండడంతో విజయ్‌కుమార్‌ రెడ్డి ఉరి వేసుకొని ఆత్మహత్య చేసుకున్నాడు. వీరారెడ్డి ఫిర్యాదు మేరకు బాచుపల్లి పోలీసులు రంగంలోకి దిగారు. శ్రుతి సిన్హాతో పాటు ఆమెకు సహకరించిన విజయ్‌కుమార్‌రెడ్డి బంధువులు నలుగురిని అరెస్టు చేసి రిమాండ్‌కు తరలించారు.
ఆంధ్రప్రదేశ్ లో ఖాళీ అయిన తిరుపతి లోక్ సభ తో పాటు తెలంగాణలోని నాగార్జున సాగర్ అసెంబ్లీ ఉప ఎన్నికకు ఎన్నికల షెడ్యూల్ రాబోతోంది. తిరుపతి వైసీపీ ఎంపీ బల్లి దుర్గాప్రసాద రావు సెప్టెంబర్ 16న చనిపోయారు. నల్గొండ జిల్లా నాగార్జున సాగర్ టీఆర్ఎస్ ఎమ్మెల్యే నోముల నర్సింహయ డిసెంబర్ 1న మరణించారు. ఈ రెండు స్థానాలకు ఉప ఎన్నిక జరగాల్సి ఉంది. శుక్రవారం  మధ్యాహ్నం 4.30 గంటలకు మీడియా సమావేశాన్ని ఈసీ ఏర్పాటు చేసింది. దీంతో ఎన్నికల షెడ్యూల్ ప్రకటించే అవకాశం ఉంది.    నాలుగు రాష్ట్రాలు, ఒక కేంద్ర పాలిత ప్రాంతానికి ఎన్నికల తేదీలను భారత ఎన్నికల కమిషన్  ప్రకటించనుంది. పశ్చిమబెంగాల్, అసోం, తమిళనాడు, కేరళ రాష్ట్రాలతో పాటు కేంద్రపాలిత ప్రాంతమైన పాండిచ్చేరిలో అసెంబ్లీకి ఎన్నికలు జరగాల్సి ఉంది.  ఏప్రిల్-మేలో ఈ ఐదు చోట్ల ఎన్నికలు జరగాల్సి ఉన్నాయి. ఎన్నికల షెడ్యూల్‌ను ఖరారు చేసేందుకు గత బుధవారంనాడు ఈసీ సమావేశమైంది. అసెంబ్లీ ఎన్నికల షెడ్యూల్ తో పాటు దేశంలోని వివిధ రాష్ట్రాల్లో ఖాళీగా ఉన్న లోక్ సభ, అసెంబ్లీ ఉప ఎన్నికలకు షెడ్యూల్ ప్రకటించనుంది సీఈసీ.  తమిళనాడులో 234 అసెంబ్లీ స్థానాలు ఉండగా, పశ్చిమబెంగాల్‌లో 294 అసెంబ్లీ స్థానాలు ఉన్నాయి.  అసోంలో 126 అసెంబ్లీ స్థానాలు ఉండగా, కేరళలో 140 అసెంబ్లీ స్థానాలకు ఎన్నికలు జరగాల్సి ఉన్నాయి. కేంద్ర పాలిత ప్రాంతమైన పుదుచ్చేరిలో 30 అసెంబ్లీ సీట్లు ఉన్నాయి. విశ్వాస పరీక్షకు ముందు ముఖ్యమంత్రి నారాయణ స్వామి సారథ్యంలోని కాంగ్రెస్ ప్రభుత్వం ఇటీవల రాజీనామా చేయడంతో పాండిచ్చేరిలో రాష్ట్రపతి పాలన విధించారు.
కళాకారులు పాత్రలో నటించడం కంటే జీవిస్తేనే రక్తికడుతుంది. అది సినిమా అయినా, నాటకమైనా. హాస్యం, శృంగారం, శాంతి, కరుణ, అద్భుతం, సన్నివేశాలు ఐతే పరవాలేదు. కానీ రౌద్రం, భయానాకం, బీభత్సము, వీరత్వం సన్నివేశాలు  ఐతేనే కొంచెం రిస్క్ . నాటక దారులు పాత్రలో జీవితే ఒకే కానీ లీనమైతేనే ఇబ్బంది! తాజాగా ఓ కళాకారిణి ఇలా పాత్రలో పరకాయ ప్రవేశం చేసి హత్యాయత్నానికి పాల్పడడం తీవ్ర సంచలనం కలిగించింది.ద్రౌపది పాత్రలో నటించిన ఓ కళాకారిణి నిజంగానే రౌద్రావతారం ఎత్తిన ఘటన ఆలస్యంగా వెలుగుచూసింది. దీనికి సంబంధించిన వీడియో ఒకటి ఇప్పుడు సోషల్ మీడియాలో వైరల్‌ అవుతోంది. కర్ణాటకలో మండ్య జిల్లాలోని నాల్వడి కృష్ణరాజ ఒడయార్‌ కళామందిరంలో ఈ నెల 4న ‘కౌండలీకన వధ’ అనే పౌరాణిక నాటక ప్రదర్శన జరిగింది. దీనిలో ద్రౌపది పాత్ర పోషించిన దొడ్డ శృతి నాటకం చివర్లో కాళికాదేవి అవతారమెత్తి త్రిశూలంతో రాక్షసుడు కౌండలికను సంహరించే సన్నివేశం ఉంది. చివర్లో కౌండలికను ద్రౌపది కింద పడేసి త్రిశూలాన్ని అయన గుండెకు ఆనిస్తే నాటకం పూర్తవుతుంది. కానీ.. కౌండలీకను గట్టిగా తోసి కిందపడేసిన ద్రౌపది పాత్రధారి ఆవేశంతో బిగ్గరగా కేకలు వేస్తూ త్రిశూలంతో ఆయన్ను పొడిచేందుకు ముందుకురికింది. అయితే పరిస్థితిని గమనిస్తున్న సహకళాకారులు.. ఉపద్రవాన్ని ముందే గుర్తించి వేదికపైకి వెళ్లి ఆమెను బలవంతంగా అడ్డుకోవడంతో ప్రమాదం తప్పింది. శృతి మాట్లాడుతూ.. వేదికపై ఒక్కక్షణం ఏమైందో తనకు తెలియలేదని అన్నారు. 
ఆంధ్రప్రదేశ్ లో జగన్ మోహన్ రెడ్డి ప్రభుత్వం వచ్చిన నాటి నుంచి దుండగులు దేవాలయాల మీద దాడులు, విగ్రహాలను ద్వసం చేయడం సహా ఇతరత్రా ఆలయాలను పవిత్రతను పాడుచేసే చర్యలు యద్దేచ్చగా జరుగుతూనే ఉన్నాయి. గత సంవత్సరం ఫిబ్రవరి 12,13 తేదీలలో నెల్లూరు జిల్లా బిట్రగుంట శ్రీ ప్రసన్న వెంకటేశ్వర స్వామి ఆలయంలో  రథాన్ని దుండగులు తగుల బెట్టారు.అంతకు ముందు కూడా పనిగట్టుకుని దేవాలయాలప పవిత్రతను చెరచే చర్యలు అనేక జరిగిన బిట్రగుంట సంఘటన తర్వాత దాడుల వెనుక దాగున్న కుట్ర మెల్ల మెల్ల మెల్లగా వెలుగులోకి రావడం ప్రారంభమైంది.అయినా  దాడులు ఆగలేదు సరికదా మరింత పెరిగాయి.  గత సంవత్సరం మే22 న జగన్ రెడ్డి ప్రభుత్వం సంవత్సర పాలన పూర్తయ్యే నాటికే ఆయన పాలనలో దేవాలయాలపై దాడుల సంఖ్య శతకాన్ని దాటింది. అదే క్రమంలో అంతర్వేది శ్రీ లక్ష్మి నరసింహ స్వామి వారి రథం తగల బడింది. గత డిసెంబర్ 29 రామతీర్థంలో రాములోరి విగ్రహం తలను దుండగులు తీసేశారు.ఈ సంఘటన తర్వాత రాజకీయ వేడి రాజుకుంది.ప్రతిపక్ష నేత చంద్రబాబు నాయుడు మొదటి సారిగా ఆలయాలపై జరుగుతున్న దాడుల విషయంపై స్పందించారు. ప్రభుత్వాన్ని నిందించారు. రామతీర్థం ఆలయాన్ని సందర్శించిన చంద్రబాబు.. ప్రభుత్వ ఉదాసీన వైఖరి కారణంగానే రాష్ట్రంలో హిందూ దేవాలయలపై దాడులు జరుగుతున్నాయని ఆరోపించారు. బీజేపీ ఇతర హిందూ ధార్మిక సంస్థలుకూడా తీవ్రంగా స్పందించాయి.ఈనేపధ్యంలో జనవరి 17 న కర్నూల్ జిల్లా మంత్రాలయం నుంచి దేవాలయాల సందర్శన యాత్ర చేపట్టిన  త్రిదండి చినజీయర్ స్వామి రాయలసీమ జిల్లాల యాత్రను ముగించుకుని గురువారం తిరుమల శ్రీవేకటేశ్వర స్వామి వారిని దర్శించుకున్నారు. అనంతరం మీడియాతో మాట్లాడిన చినజీయర్ స్వామి.. రాష్ట్ర విభజన అనంతరం ఆంధ్ర ప్రదేశ్ రాష్ట్రంలో దేవాలయాలు , దేవాలయాల ఆస్తులు దాడులకు గురవుతున్నాయని ఆందోళన వ్యక్తం చేశారు. రాష్ట్ర విభజన నాటికీ అవశేష ఆంధ్ర ప్రదేశ్ రాష్ట్రంలో  దేవాదాయశాఖ ఆధీనంలో 4లక్షల 60వేల ఎకరాల భూమి ఉందని తెలిపారు. దేవుని ఆస్తులను రక్షించవలసిన ప్రభుత్వాలు సక్రమంగా వ్యవహరించక పోవడం వలన ఇప్పటికే చాలావరకు దేవుని ఆస్తులు అన్యాక్రాంత మయ్యాయని చిన జీయర్ స్వామి అన్నారు. పర్యవేక్షణ లోపం కారణంగానే రాష్ట్రంలో అనేక దేవాలయాలపై దాడులు జరుగుతున్నాయని చెప్పారు.  ఆలయాల యాత్రకు సంబందించి, రాయలసీమలో దాడులు జరిగిన 27 ఆలయాలను పరిశీలించానని...ఈ ఆలయాలలోని 17 ఆలయాలలో అభివృద్ధికి తీసుకోవాల్సిన పలు సూచనలతో ఓ విఙ్ఞాపన పత్రాని టీటీడీ చైర్మన్‌ సుబ్బారెడ్డికి అందజేసినట్లు చినజీయర్ స్వామి తెలిపారు. రాష్ట్రంలో చాలా ఆలయాలు అభివృద్దికి నోచుకోలేదని, ప్రభుత్వం వెంటనే వాటిని అభివృద్ధి చేయాలని కోరారు. ఆలయాలు బాగున్నప్పుడే ప్రజలలో నైతిక ప్రవృత్తి బాగుపడుతుందని  చిన్నజీయ్యర్ స్వామి చెప్పారు. అయితే అయిన వాళ్ళకు ఆకుల్లో కానీ వాళ్ళకు కంచాల్లో అన్నట్లుగాముఖ్యమంత్రి జగన్మోహన్ రెడ్డి ప్రభుత్వం అన్యమతాలకు అనుకూలంగా వ్యవహరిస్తూ, హిందువుల పట్లవివక్ష చుపుతున్నారని, ప్రతిపక్ష నేత చంద్రబాబు నాయుడు సహా పలువురు రాజకీయ నాయకులు ఆరోపిస్తున్నారు. 
మహిళలకు సమాజంలో రక్షణ లేకుండా పోతోంది. ఇంటి బయటే కాదు. ఇంట్లోనూ భద్రత కరువైంది.అమ్మాయిలు ఇంట్లో నుండి ఒంటరిగా బయటికి వెళ్లాలంటే సొంత వాళ్ళు తోడు వెళ్లాల్సిన సమాజంలో బతుకుతున్నాం. అమ్మాయికి తోడుగా వెళ్లిన ఇంటి మనుషులే తోడేళ్లవుతున్నారు. తండ్రి లా చూసుకోవాలిసిన మామే.. కామంచో కుళ్ళు మూసుకుపోయి సొంత కోడలిపై అత్యాచారానికి పాల్పడ్డాడు. ఢిల్లీకి చెందిన మామా, కోడలు వస్త్రాల వ్యాపారం చేసేందుకు  హైదరాబాద్ వచ్చారు. ఆ అమ్మాయి మామ ను తన తండ్రితో సమానం అనుకుంది. మామతో కలిసి ఆ యువతి నాంపల్లిలోని ఓ లాడ్జ్‌లో రూం తీసుకొని బసచేసింది.  కోడలి పై కన్నేసిన మామ రాత్రి  కోడలిపై మృగంలా లైంగిక దాడికి పాల్పడ్డాడు. ఈ సంఘటన హబీబ్‌నగర్‌ పోలీస్‌స్టేషన్‌ పరిధిలో చోటు చేసుకుంది.  తన మామే తనపై బలవంతం చేశాడని, అతనిపై చట్టపరమైన చర్యలు తీసుకోవాలని హబీబ్‌నగర్‌ పోలీస్‌ స్టేషన్‌లో యువతి ఫిర్యాదు చేసింది. దీంతో పోలీసులు నిందితుడిపై కేసు నమోదు చేసి విచారణ చేపట్టారు.    

 అధ్యక్ష తరహా పాలన! మోడీ మనసులో మాట..

ప్రధానమంత్రి నరేంద్ర మోడీ అధ్యక్ష తరహ పాలనా వ్యవస్థ వైపుగా పాప్వులు కదుపు తున్నారా అంటే అవుననే అంటున్నారు రాజకీయ విశ్లేషకులు. రానున్న రెండు మూడు నెలల్లో జరగనునన్న  నాలుగు రాష్ట్రాల,పుదుచ్చేరి కేంద్ర పాలిత ప్రాంతాల శాసన సభలకు జరిగే ఎన్నికల్లో  బీజేపీ కి ఆశించిన ఫలితాలు  వస్తే ... ఇక ఆ తర్వాత అధ్యక్ష తరహ పాలనా వ్యవస్థ వైపుగా పావులు మరింత వేగంగా కడులుతాయని అంటున్నారు.నాలుగు రాష్టాలు అస్సాం, పశ్చిమ బెంగాల్ తమిళనాడు,కేరళ, కేంద్ర పాలిత ప్రాంతం పుదుచ్చేరి శాసన సభలకు  మరో రెండు నెలల్లో ఎన్నికలు జరుగుతాయి. ఇది అందరికీ తెలిసిన విషయం. ఈ ఎన్నికలలో విజయం సాధించడం కోసం, అన్నిరాజకీయ పార్టీలు ఎప్పటినుంచో  సన్నాహాలు చేసుకుంటున్నాయి.అయితే,కేంద్రంలో అధికారంలో ఉన్న భారతీయ జనతా పార్టీ, అందరికంటే మిన్నగా, ఎట్టి పరిస్థితులలోనూ ఒక్క కేరళ తప్పించి మిగిలిన మూడు రాష్ట్రాలు, కేంద్ర పాలిత ప్రాంతం పుదుచ్చేరిలో సొంత ప్రభుత్వం కాదంటే  తమ చెప్పు చేతల్లో ఉండే ప్రభుత్వాలు ఏర్పడాలని, అందుకోసం ఎందాకా అయినా వెళ్లేందుకు సిద్దం అన్న సంకేతాలను ఇస్తోంది.  పశ్చిమ బెంగాల్లో ప్రస్తుతం అధికారంలో ఉన్నతృణమూల్ కాంగ్రెస్’ను పూర్తిగా తుడచి పెట్టేస్తోంది, తెర వెంక ఏమి చేస్తోందో ఏమో గానీ, తెరమీద చూస్తే, తృణమూల్ ఎంపీలు, ఎమ్మెల్ల్యేలు, మంత్రులు చివరకు తృణమూల్ అధినాయకురాలు, ముఖ్యమంత్రి మమత బెనెర్జీ సొంత మనుషులు, ఇంటి మనుషులు, కుటుంబ సభ్యులు బారులుతీరి మరీ కమలదళంలో చేరిపోతున్నారు. ప్రధాని నరేంద్ర మోడీ, కేంద్ర హోమ్ మంత్రి అమిత్ షా, పార్టీ అధ్యక్షుడు నడ్డా, మరో పది మందివరకు కేంద్ర మంత్రులు, విధ రాష్టాల ముఖ్యమంత్రులు ఇలా ఒకరి వెంట ఒకరు, పస్చిమ బెంగాల్ పై దండయాత్ర చేస్తున్నారు. మమతా బెనర్జీ అంతటి గడుసు పిండాన్ని ఒక్కరి బిక్కిరి చేస్తున్నారు. అంతిమ ఫలితాలు ఎలా ఉంటాయి అన్నది ఎలా ఉన్నా, ప్రస్తుతానికి అయితే పశ్చిమబెంగాల్ కమల దళం ఖాతాలో చేరినట్లే  అన్న అభిప్రాయమే వ్యక్తమౌతోంది.  అలాగే ఇటీవల పుదుచ్చేరిలో ఏమి జరిగిందో చూశాం, మరో రెండు నెలల్లో ఎన్నికలు జరగనున్న సమయంలో, అధికార కాంగ్రెస్ పార్టీ  ఎమ్మెల్యేలు వరస పెట్టి రాజీనామా చేయడం,ఆవెంటనే ముఖ్యమంత్రి నారాయణస్వామి ప్రభుత్వం కుప్ప కూలిపోవడం, అదే సమయంలో అంతే వేగంగా లెఫ్ట్’నెంట్ గవర్నర్’ కిరణ బేడీ ఉద్వాసన, ఆమె స్థానంలో తెలంగాణ గవర్నర్ తమిళి సై సౌందరరాజన్’కు అదనపు బాధ్యతలు అప్పగించడం, ఆమె సిఫార్సు మేరకు, రాష్ట్రపతి పాలన విధించడం అన్నీ  చక చకా జరిగి పోయాయి. గతంలో కర్ణాటక, మధ్య ప్రదేశ్ రాష్ట్రాలలో బీజేపీ రాజీనామాల రూటులో కాంగ్రెస్ ప్రభుత్వాలను కూల్చి అధికారాన్ని ఎగరేసుకు పోయినా, రాజస్థాన్’లో అలాంటి విఫల ప్రయత్నం చేసిందన్నా కొంతవరకు అర్థం చేసుకోవచ్చునుకానీ, నిండా నాలుగు పుంజీల సభ్యులు లేని పుదుచ్చేరిలో అది కూడా మరో రెండు నెలల్లో అసెంబ్లీ ఎన్నికలు జరగనున్న సమయంలో ఇంతటి తెలివి తక్కువ పరువు తక్కవ పని బీజేపీ ఎందుకు చేసింది,అనేది అనేక మందిలో ఉన్న సందేహం. అయితే అందరూ అనుకుంటున్నట్లుగా బీజేపీ నాయకత్వం తెలివి తక్కువగా, పరువు తక్కువ పనులు చేయడం లేదు. పార్టీ లోగుట్లు, అంతర్గత వ్యవహారాలు తెలిసిన అంతరంగికుల సమాచారం ప్రకారం, సంఘ్ పరివార్ సిద్దాంతానికి కార్యరూపం ఇచ్చే వ్యూహంలో భాగంగానే బీజేపీ నాయకత్వం అడుగులు చేస్తోంది. అంతిమ లక్ష్యం, అంతిమ గమ్యం చేరుకోవడంలో ఐడియాలజీ విషయంలో కొంచెం కాంప్రమైజ్’ అయినా ఫర్వాలేదని, ఇటీవల పార్టీ అంతర్గత సమావేశాల్లో సర్దుబాటు ధోరణి స్పష్టంగా కనిపిస్తోందని కూడా లోపలి సమాచారం.  అయితే ఇక్కడ బీజేపీ ముందున్న అంతిమ లక్ష్యం ఏమిటి,అంటే, ఆర్టికల్ 370 రద్దు నుంచి, పాక్ ఆక్రమిత కాశ్మీర్’ తిరిగి భారత దేశంలో కలుపుకోవడం వరకు, ట్రిపుల్ తలాక్ నుంచి ఉమ్మడి పౌర స్మృతి వరకు ... రామ మందిరం నిర్మాణం మొదలు, అధ్యక్ష తరహ పాలన వరకు పార్టీ మూల సిద్ధాంతానికి సంబందించిన అన్ని అంశాలకు సంబందించిన లక్ష్యాలు ఇందులో ఉన్నాయి. గడచిన ఆరేడు సంవత్సరాలలో ఇందులో కొన్ని సాఫల్య మయ్యాయి.  ఇక ఇప్పుడు, కమల నాధులు,జమిల ఎన్నికల మీదుగా అధ్యక్ష తరహ పాలన లక్ష్యంగా పావులు కదుపుతోందని విశ్వసనీయ సమాచారం. నిజానికి అధ్యక్ష తరహ పాలనకు, ఆదాయ తరహ పాలనా వ్యవస్థకు,బీజేపీ, సంఘ్ పరివార్ సిద్దాంత కర్తలు మొదలు సామాన్య కార్యకర్తలు మొదలు అందరూ అనుకూలమే. అందుకే ఎప్పటి నుంచో పార్టీ వేదికల మీద, బయట కూడా ఇలాంటి చర్చ జరుగుతూనే  ఉంది.  నిజానికి ఒక్క బీజేపీలోనే కాదు,ఇతర పార్టీలలోనూ చాలా కాలంగా అధ్యక్ష తరహ పాలనపై  చర్చ జరుగుతోంది. రాజకీయ పార్టీలలో ఇప్పడు చర్చ జరగడంకాదు,రాజ్యాంగ సభలోనూ ఆ దిశగా చర్చ జరిగింది. రాజ్యాంగ నిర్మాత బాబా సాహెబ్ అంబేద్కర్, కూడా “అధ్యక్ష తరహా పాలనలో సుస్థిర ప్రభుత్వం ఏర్పడుతుంది. కాకపోతే జవాబుదారీతనమే కొరవడుతుంది” అంటూ ఎప్పుడోనే తమ అభిప్రాయాన్ని వ్యక్తపరిచారు.అలాగే రాజ్యాంగసభ చర్చల్లో పాల్గొన్న వల్లభాయ్‌ పటేల్‌ కూడా దేశాధ్యక్షుడు, గవర్నర్‌ పోస్టులకు ప్రత్యక్ష ఎన్నికలు జరగాలని సూచించారు. ఇక బీజేపీ విషయం అయితే చెప్పనే అక్కర లేదు. బీజేపీ, ఆ పార్టీ సిద్ధాంతకర్తలు మొదటి నుంచీ అధ్యక్ష వ్యవస్థకే మొగ్గు చూపుతున్నారు. బీజేపీ సిద్ధాంత కర్త దీనదయాళ్‌.. అధ్యక్ష వ్యవస్థను సమర్థించారు. మాజీ ప్రధాని అటల్‌ బిహారీ వాజపేయి 1998లో చేసిన ప్రసంగంలో.. అధ్యక్ష వ్యవస్థ గురించి ఆలోచించాలని చెప్పారు. రాజకీయ కురువృద్ధుడు, బీజేపీ సీనియర్‌ నేత లాల్‌ కృష్ణ ఆడ్వాణీ కూడా దేశంలో అధ్యక్ష తరహ పాలనకు మద్దతుగా ఉపన్యాసాలు చేశారు.వ్యాసాలు రాశారు.    అలాగే  కాంగ్రెస్ పార్టీ ఏక చత్రాధిపత్యానికి గండిపడిన తర్వాత సుమారు మూడు దశాబ్దాల పాటు సాగిన సంకీర్ణ యుగంలో,అస్థిర ప్రభుత్వాలు సక్రమంగా పాలన సాగించలేని పరిస్థితులు ఏర్పడిన సమయంలోనూ, అధ్యక్ష తరహ పాలన గురించి చర్చ జరిగింది. ఆ నేపధ్యంలో 2014 లో మోడీ నాయకత్వంలో తొలిసారిగా బీజేపీ సారధ్యంలో సుస్థిర ప్రభుత్వం ఏర్పడింది. ఆ ఎన్నికలలో మోడీ అధ్యక్ష తరహ ఎన్నికల పచారామ్ సాగించారు. ఆ 2019 ఎన్నికల ప్రచారంతో పాటుగా పరిపాలన కూడా అదే తరహాలో పీఎంఓ, ప్రధాన మంత్రి కార్యాలయం సెంట్రిక్’గా పరిపాలన సాగుతోందని ,ఇది కూడా అందుకు మరో సంకేతమని అంటున్నారు.  ఇక ప్రస్తుతానికి వస్తే, ప్రధానమంత్రి నరేంద్ర మోడీ, సంఘ పరివార్, ప్రస్తుత పార్లమెంటరీ ప్రజాసామ్య వ్యవస్థ స్థానంలో  అధ్యక్ష తరహ వ్యవస్థను తెచ్చేందుకు ఇంతకంటే మంచి సమయం మరొకటి ఉందని భావిస్తున్నారు. పరిపాలన వ్యవస్థలో మార్పులు తీసుకు రావాలంటే అందుకు రాజ్యాంగ సవరణ అవసరం అవుతుంది. రాజ్యంగ సవరణకు రాజ్యాంగంలోని 368 అధికరణం ప్రకారం, ప్రభుత్వం లేదా సభ్యులు ప్రవేశ పెట్టె తీర్మానానికి పార్లమెంట్ ఉభయ సభలు మూడింట రెండు వంతుల మెజారిటీతో ఆమోదించడంతో పాటుగా మొత్తం రాష్ట్రాలు, కేంద్ర పాలిత ప్రాంతాల శాసన సభలలో సగం శాసన సభలు ఆమోదించ వలసి ఉంటుంది. అందుకే, బీజేపీ సాధ్యమైన మేరకు రాష్రాలను గెలుచుకుని, తద్వారా రాజ్యాంగ సవరణ, అందుకు కొనసాగింపుగా అధ్యక్ష తరహ పాలనకు శ్రీకారం చుట్టాలని చూస్తోంది.  ఇప్పటికే బీజేపీ 12  రాష్ట్రాల్లో అధికారంలో ఉంది. మరో ఆరు రాష్ట్రాలలో మిత్ర పక్షాలతో కలిసి ఏర్పాటు చేసిన సంకీర్ణ ప్రభుత్వలున్నాయి... ఇక ..పార్లమెంట్ ఉభయ సభలో సొంత బలం కొంత తగ్గినా, మేనేజ్ చేయగల సమర్ధులున్నారు .. సో .. ఇదే అందుకు మంచి సమయమని కమలనాధులు భావిస్తున్నారు. రాజ్యాంగ సవరణ అనుకున్నది అనుకున్నట్లు సాగితే, 2022 చివరిలో అధ్యక్ష పదవికీ, ఎంచుకున్న అధ్యక్ష తరహ పాలనకు అనుగుణంగా పార్లమెంట్ ,శాసన సభలకు  జమిలి ఎన్నికలు జరుగుతాయి. ఆ తర్వాత నరేంద్ర మోడీ అధ్యక్షుడిగా, అమిత్ షా ప్రధానిగా ... కొత్త పాలన వస్తుంది. అయితే, ఇదులో చాలా అయితే గియితే లున్నాయి. రాజ్యాంగ సవరణ సహా, ఇంకా చాలా చిక్కుముళ్ళు ఉన్నాయని అవన్నీ విడతేస్తేనే గానీ, మోడీ ఆలోచనలు కార్యరూపం దాల్చవని న్యాయ కోవిదులు అంటున్నారు. నిజానికి గతంలోనే సుప్రీం కోర్టు రాజ్యంగ ధర్మాసనం రాజ్యాంగం మౌలిక స్వరూపాన్ని మార్చే వీలు లేదని పేర్కొందని, కాబట్టి  మోడీ అలోచన కార్యరూపం  దాల్చడం అంతసులభం కాదన్నమాట కూడా వినవస్తోంది.

విశాఖలో కేపిటల్ లేనట్టేనా? అమరావతి ఊపిరి పీల్చుకో..

అమరావతిని అడ్రస్ లేకుండా చేసేందుకు సీఎం జగన్ రెడ్డి చేయని ప్రయత్నం లేదు. . ప్రతిపక్షంలో ఉన్నప్పుడు అమరావతికి జై కొట్టిన మడమ తిప్పని నేత.. పవర్ లోకి వచ్చాకా  రాజధాని విషయంలో కంప్లీట్ యూ టర్న్ తీసుకున్నారు. రాజధానిని మూడు ముక్కలు చేశారు. ఆంధ్రుల కలల సౌధాన్ని కుప్పకూలుస్తూ.. అమరావతిని కేవలం శాసన రాజధానికే పరిమితం చేశారు. అక్కడి ఆకాశ హర్మాలు, విశాల రోడ్లను ఎక్కడికక్కడే వదిలేశారు. రాజధాని కోసం రైతులు ఉవ్వెత్తున ఉద్యమం చేస్తున్నా.. ఏమాత్రం కనికరం చూపించలేదు ముఖ్యమంత్రి జగన్మోహన్ రెడ్డి. అలాంటిది సడెన్ గా జగన్ మనసు మారినట్టుంది. ఏపీ కేబినెట్ అనూహ్య నిర్ణయం తీసుకుంది. ఇప్పటికే 50 శాతం నిర్మాణం పూర్తయి.. పెండింగ్‌లో ఉన్న భవనాలను పూర్తి చేయాలని సర్కారు నిర్ణయించింది. అందుకు  3వేల కోట్ల బ్యాంక్ గ్యారంటీ ఇచ్చేందకు ప్రభుత్వం అంగీకరించింది. ఇప్పటికీ ప్రారంభం కానీ, కొద్దిగా ప్రారంభమైన భవనాల నిర్మాణాలపై ఇంజనీరింగ్ నివేదిక వచ్చాక నిర్ణయం తీసుకోవాలని కేబినెట్‌ అభిప్రాయ పడింది.  జగన్ తీసుకున్న తాజా నిర్ణయం ఏపీలో సంచలనంగా మారింది. చంద్రబాబుకు క్రెడిట్ వస్తుందని అమరావతి లాంటి అద్భుత రాజధానిని కాలరాసే ప్రయత్నం చేసిన జగన్ రెడ్డిలో సడెన్ గా ఇంతటి ఛేంజ్ చూసి అంతా అవాక్కవుతున్నారు. అసంపూర్తి భవనాల నిర్మాణం పూర్తైతే.. అమరావతికి కొత్త అందం వస్తుంది. డిమాండ్ పెరుగుతుంది. ఇక విశాఖతో పనేముంది? అమరావతిలో భవనాలను పూర్తి చేస్తున్నారంటే.. ఇక విశాఖలో రాజధాని అంశాన్ని పక్కకు పెట్టేసినట్టేనా? లేక తాత్కాలికంగా ఆపుతారా? ఆలస్యం చేస్తారా? అనే చర్చ జరుగుతోంది. అందుకే జగన్ నిర్ణయంపై అమరావతి రైతులు సైతం ఈ నిర్ణయాన్ని నమ్మలేకపోతున్నారు.  అయితే హైకోర్టులో రాజధాని నిర్మాణం వ్యవహారాలపై విచారణ షెడ్యూల్ వచ్చింది. త్వరలోనే కోర్టుకు ప్రభుత్వం సమాధానం చెప్పాల్సి ఉంది. అమరావతి భవనాల నిర్మాణంపై సర్కారు తీరుపై గతంలో హైకోర్టు పలుమార్లు అక్షింతలు వేసింది. కోర్టు ఎంత చెప్పినా సర్కారులో కదలిక రాలేదు. భవనాలు పూర్తి చేయడంపై ఉలుకూ పలుకూ లేదు. ఈ సారి విచారణ సందర్భంగా హైకోర్టుకు అమరావతి భవనాలపై ప్రభుత్వ నిర్ణయమేంటో చెప్పక తప్పని పరిస్థితి. అందుకే, కేబినెట్ లో అంపూర్తి భవనాలు పూర్తయ్యేలా పాజిటివ్ నిర్ణయం తీసుకొని.. ఆ విషయాన్ని కోర్టు ద్రుష్టికి తీసుకెళ్లనుంది సర్కారు. అమరావతి రోడ్ల విషయంలోనూ ఇప్పటికే రివ్యూ కూడా నిర్వహించారు సీఎం జగన్.  ప్రభుత్వ పాజిటివ్ దృక్పదంతో.. భవన నిర్మాణాలు పూర్తైతే.. ఇక అమరావతికి డిమాండ్ అమాంతం పెరగడం ఖాయం. అదే జరిగితే.. ఇక విశాఖపట్నంతో పెద్దగా అవసరం ఉండకపోవచ్చు. ఆకర్షణీయమైన రోడ్లు, భవనాలతో అమరావతి అసలైన రాజధానిగా నిలిచే అవకాశాలున్నాయి. అటు, కేంద్రం సైతం మూడు రాజధానుల విషయంలో జగన్ కు ఇప్పటికే హితబోధ చేసినట్టు సమాచారం. ఇటు హైకోర్టు సైతం కేపిటల్స్ ను తిరష్కరించే అవకాశాలే ఎక్కువ అనేది న్యాయ నిపుణుల మాట. ఇలా ఎలా చూసినా.. భవిష్యత్ లో అమరావతికి మళ్లీ మంచి రోజులు వస్తాయనే ఆశ అక్కడి ప్రజల్లో.  సీఎం జగన్ తాజా నిర్ణయంతో వారి ఆశలు మరింత చిగురిస్తున్నాయి. తమ కలల రాజధాని కోసం మరింతగా పరితపిస్తున్నారు అమరావతి ప్రజలు. 

పంచాయతీ ముగిసింది..ప్రజలు గెలిచారు!

ఆంధ్రప్రదేశ్ లో పంచాయతీ ఎన్నికల క్రతువు ముగిసింది. ఈ నెల 9వ తేదీన మొదలైన పోలింగ్, ఆదివారం జరిగిన నాల్గవ విడత పోలింగ్ తో ముగిసింది. ఇంచుమించుగా సంవత్సరంపాటు సాగిన పంచయతీ వివాదం చివరాఖరుకు ఆల్ ఈజ్ వెల్ దట్ ఎండ్స్ వెల్ అన్నట్లుగా మొత్తం 10,890 సర్పంచ్ స్థానాలకు జరిగిన ఎన్నికల పోలింగ్ చాలా వరకు ప్రశాంతంగా జరిగాయి.   ఈ ఎన్నికలలో ఎవరు గెలిచారు,ఎవరు ఓడిపోయారు అనే విషయాన్నిపక్కన పెడితే  కొవిడ్ భయాన్ని, ఇతరత్రా ఎదురైన సమస్యలను పక్కన పెట్టి, గ్రామీణ ఓటర్లు, ప్రజాస్వామ్య స్పూర్తిని పుష్కలంగా కురిపించారు. నాలుగు దశల్లో పోలింగ్ జరిగితే, ప్రతి దశలోనూ ఓటర్లు ఉత్సాహంగా ఓటింగ్’లో పాల్గొన్నారు. మొత్తంగా చూస్తే 80.14 శాతం ఓటర్లు ఓటు హక్కును వినియోగించుకున్నారు. ఒక్క విజయనగరం జిల్లా మినహా మరే జిల్లాలోనూ పోలింగ్ 70 శాతానికి తగ్గలేదు.ఇది ఒక విధంగా, పట్టభద్రులు, ఉపాధ్యాయ ఎమ్మెల్సీ ఎన్నికల్లోనూ ఓటు వేసేందుకు బద్దకించే, చదువుకున్నాళ్ళకు, మంచి  గుణ పాఠం.  పంచాయతీ ఎన్నికల్లో పార్టీలు, జెండాల ప్రమేయం ఉండదు.. ఉండ కూడదు. అయినా అన్నిరాజకీయ పార్టీలు పంచాయతీ పోరును అత్యంత ప్రతిష్టాత్మకంగా తీసుకున్నాయి. ముఖ్యంగా ఎన్నికలు ఆపించేందుకు శత విధాల ప్రయత్నించి విఫలమైన అధికార పార్టీ గెలిచినాళ్ళు అందరూ మావాళ్ళు అంటూ .. గెలుపు గ్రాఫ్ ను పైపైకి పట్టుకు పోయింది. అలాగని మెజారిటీ పంచాయతీలను అధికార పార్టీమద్దతుదారులు గెలవలేదని కాదు. అధికార పార్టీ మద్దతుదారులే అధిక పంచయతీలలో జెండా ఎగరేశారు. అందులో సందేహంలేదు. అలాగే ప్రధాన ప్రతిపక్షం తెలుగు దేశం పార్టీ కూడా కుప్పంలో ఓటమి లాంటి కొన్ని గట్టి ఎదురుదెబ్బలు తిన్నా, ప్రధాన పతిపక్ష హోదాను నిలుపుకుంది.  తెలంగాణలో ఇటీవల జరిగిన దుబ్బాక ఉపఎన్నిక, జీహెచ్ఎంసీ ఎన్నికల్లో, ప్రధాన ప్రతిపక్షం కాంగ్రెస్ పార్టీని పక్కకు నెట్టి అధికార తెరాసకు ప్రధాన ప్రత్యర్ధిగా నిలిచిన బీజేపీ, ఏపీలోనూ  తెలుగు దేశం పార్టీని ప్రధాన ప్రత్యర్ధి స్థానం నుంచి పక్కకు నెట్టాలనే ప్రయత్నం చేసింది కానీ, ఫలితం దక్కలేదు. చంద్రబాబు నాయకత్వం, తెలుగు దేశం పార్టీకి ఉన్న సంస్థాగత బలం ముందు బీజేపీ వ్యూహాలు ఫలించలేదు, ఒకవిధంగా బెజేపీ మిత్రపక్షం, జనసేన కొంతలో కొంత మెరుగైన ఫలితాలు సాధించింది.  అయితే ఈ ఎన్నికలు, ఎన్నికల ఫలితాలు రాష్ట్రంలో పార్టీల బలాబలాకు నిదర్శనమా అంటే కాదు. పంచాయతీ ఎన్నికలు పక్కా లోకల్ ఎన్నికలు, పైగా పార్టీల పాత్రా, ప్రమేయం ఏ మాత్రం ఉండని ఎన్నికలు. సో .. ఈ ఎన్నికల ఫలితాలు రాజకీయ పార్టీల బలాబలాలకు ప్రామాణికం కాదు. వచ్చే నెల 10 తేదీన జరిగే నగర పంచాయతీ, పురపాలక సంఘాల ఎన్నికలు, పార్టీ గుర్తులపై జరుగుతాయి. సో ..వచ్చే నెల 14 వరకు ఆగితే, పురపాలక సంఘాల ఎన్నికలఫలితాలు వస్తాయి. పార్టీల బలాబలాలు, రాష్ట్ర రాజకీయ ముఖచిత్రం స్పష్ట మవుతుంది.  అయితే పంచాయతీ ఎన్నికల నిర్వహణకు సంబదించినంతవరకు రాష్ట్ర ఎన్నికల సంఘాన్ని ఎవరైనా అభినందించక తప్పదు. కోర్టు చిక్కులు, ప్రభుత్వ సహాయ నిరాకరణ, నిధుల కొరత, సమయం తక్కువ కావడం ఇలా అనేక అవరోధాలు ఎదురైనా, ఎన్నికల సంఘం, రాష్ట్ర ఎన్నికల కమమిషనర్ నిమ్మగడ్డ రమేష్ కుమార్,  స్థితప్రజ్ఞత చూపారు. అందుకు ఆయన్ని, రాజకీయ పార్టీలు ఎంతగా రచ్చచేసినా,పవిత్ర హక్కును అంతే పవిత్రంగా  పవిత్రంగా వినియోగించుకున్న ఓటర్లను అభినందించక తప్పదు.     అయినా  ఈ ఎన్నికలలో గత 2013పంచాయతీ ఎన్నికల్లో కంటే ఏకాగ్రీవలు ఎక్కువయ్యాయి. గత ఎన్నికల్లో మొత్తం 13 జిల్లాలలో కలిపి, 1,835 గ్రామ సర్పంచ్ పదవులు ఏకగ్రీవం అయితే, ఈ ఎన్నికల్లో 2,197 గ్రామపంచాయతీలు ఏకాగ్రీవ మయ్యాయి.  సజావుగా, సక్రమంగా ఏకాగ్రీవాలు జరిగితే అది అభినందనీయమే, అయినా, ప్రలోభాలకు గురిచేసి సాగించిన బలవంతపు ఏకాగ్రీవాలే ఎక్కువకావడం ... అభ్యతరకరమే.  

స్పెష‌ల్ డేన `దృశ్యం 2` రీమేక్ షురూ

విక్ట‌రీ వెంక‌టేశ్ కెరీర్ లో ప్ర‌త్యేకంగా నిలిచే చిత్రాల్లో `దృశ్యం` (2014) ఒక‌టి. మాలీవుడ్ ఇండ‌స్ట్రీ హిట్ `దృశ్యం` (2013)కి రీమేక్ గా శ్రీ‌ప్రియ ద‌ర్శ‌క‌త్వంలో వెంకీ న‌టించిన స‌ద‌రు ఫ్యామిలీ థ్రిల్ల‌ర్.. బాక్సాఫీస్ వ‌ద్ద విన్న‌ర్ గా నిలిచింది. క‌ట్ చేస్తే.. ఒరిజిన‌ల్ వెర్ష‌న్ `దృశ్యం`కి సీక్వెల్ గా మ‌ల‌యాళంలో తెర‌కెక్కిన `దృశ్యం 2`ని.. ఇప్పుడు రీమేక్ చేసే ప‌నిలో ఉన్నారు వెంకీ. అంతేకాదు.. ఒరిజిన‌ల్ వెర్ష‌న్ డైరెక్ట‌ర్ జీతూ జోసెఫ్ నే.. ఈ సీక్వెల్ ని రీమేక్ చేయ‌బోతున్నారు. అలాగే.. నేటివిటికి త‌గ్గ‌ట్టు కొన్ని మార్పులు, చేర్పులు కూడా జోడిస్తున్నార‌ని టాక్. ఇదిలా ఉంటే.. `దృశ్యం 2` రీమేక్ ని విమెన్స్ డే (మార్చి 8) సంద‌ర్భంగా పూజా కార్య‌క్ర‌మాల‌తో లాంఛనంగా ప్రారంభించ‌బోతున్నార‌ట‌. అదేవిధంగా.. శ‌ర‌వేగంగా సినిమాని పూర్తిచేసి జూన్ లేదా జూలైలో రిలీజ్ చేయ‌డానికి ప్లాన్ చేస్తున్నారని టాక్. త్వ‌ర‌లోనే `దృశ్యం 2` రీమేక్ కి సంబంధించి మ‌రిన్ని వివ‌రాలు వెల్ల‌డి కానున్నాయి. మ‌రి.. `దృశ్యం` లాగే `దృశ్యం 2` కూడా తెలుగునాట వ‌సూళ్ళ వ‌ర్షం కురిపిస్తుందేమో చూడాలి.

ర‌వితేజ‌, త‌మ‌న్.. వ‌న్స్ మోర్?

మాస్ మ‌హారాజా ర‌వితేజ‌కి అచ్చొచ్చిన స్వ‌ర‌క‌ర్త‌ల్లో యువ సంగీత సంచ‌ల‌నం త‌మ‌న్ ఒక‌రు. `కిక్`, `ఆంజ‌నేయులు`, `మిర‌ప‌కాయ్`, `వీర‌`, `నిప్పు`, `బ‌లుపు`, `ప‌వ‌ర్`, `కిక్ 2`, `అమ‌ర్ అక్బ‌ర్ ఆంటోని`, `డిస్కో రాజా`, `క్రాక్`.. ఇలా వీరి క‌ల‌యిక‌లో 11 చిత్రాలు రాగా.. వీటిలో `కిక్`, `మిర‌ప‌కాయ్`, `బ‌లుపు`, `ప‌వ‌ర్`, `క్రాక్` మంచి విజ‌యం సాధించాయి. క‌ట్ చేస్తే.. మ‌రోసారి ఈ ఇద్ద‌రు జ‌ట్టుక‌ట్ట‌నున్నార‌ని స‌మాచారం. ఆ వివ‌రాల్లోకి వెళితే.. `నేను లోక‌ల్` ఫేమ్ త్రినాథ‌రావ్ న‌క్కిన ద‌ర్శ‌క‌త్వంలో ర‌వితేజ హీరోగా ఓ సినిమా రాబోతున్న సంగ‌తి తెలిసిందే. మే నుంచి సెట్స్ పైకి వెళ్ల‌నున్న ఈ చిత్రానికి త‌మ‌న్ బాణీలు అందించ‌బోతున్న‌ట్లు స‌మాచారం. త్వ‌ర‌లోనే #RT 68లో త‌మ‌న్ ఎంట్రీపై క్లారిటీ వ‌స్తుంది. ఇదిలా ఉంటే.. ర‌వితేజ ప్ర‌స్తుతం `ఖిలాడి`తో బిజీగా ఉన్నారు. మే 28న విడుద‌ల కానున్న ఈ సినిమాకి రాక్ స్టార్ దేవిశ్రీ ప్ర‌సాద్ స్వ‌రాలు స‌మ‌కూర్చుతున్నారు.

ముమైత్ తొలి పారితోషికం ఎంతో తెలిస్తే షాకే!

  `పోకిరి` చిత్రంతో కుర్ర‌కారుతో పాటు టాలీవుడ్ వ‌ర్గాల‌ని మెస్మ‌రైజ్ చేసింది ముమైత్‌ఖాన్‌. అయితే డ్యాన్స‌ర్‌గా ఆమె ప్ర‌యాణం వెన‌క పెద్ద క‌థే వుంది. ఈటీవీలో ప్ర‌ముఖ హాస్య న‌టుడు అలీ వ్యాఖ్యాత‌గా వ్య‌వ‌హ‌రిస్తున్న `ఆలీతో స‌రదాగా` కార్య‌క్ర‌మంలో పాల్గొన్న ముమైత్‌ఖాన్ డ్యాన్స‌ర్‌గా త‌న ప్ర‌స్థానం ఎలా మొద‌లైంది? ఈ ప్ర‌యాణంలో ఎలాంటి ఒడిదుడుకుల్ని ఎదుర్కొంది.. వంటి ప‌లు  ఆస‌క్తిక‌ర వివ‌ష‌యాల్ని పంచుకుంది. ‌13 ఏళ్ల వ‌య‌సులోనే బ్రాగ్రౌండ్ డ్యాన్స‌న్‌గా త‌న కెరీర్ ప్రారంభ‌మైంద‌ని తెలిపింది. అయితే ఆ స్థాయి నుంచి ఇంత దూరం ప్ర‌యాణిస్తాన‌ని తాను ఎప్పుడూ అనుకోలేద‌ని, ఎప్ప‌టికైనా గొప్ప డ్యాన్స‌ర్ అవ్వాల‌ని అనుకోలేద‌ని చెప్పింది. ప‌ని చేస్తున్నా, డ‌బ్బులు వ‌స్తున్నాయ్ అంతే.. మ‌రో ఆలోచ‌న త‌న‌కు ఉండేది కాద‌ట‌. 17 ఏళ్ల వ‌య‌సులోనే `మున్నాభాయ్ ఎంబీబీఎస్‌‌` చిత్రంతో డ్యాన్స‌ర్‌గా కెరీర్ ప్రారంభించాన‌ని తెలిపింది. బాలీవుడ్ డ్యాన్స్ మాస్ట‌ర్‌, డైరెక్ట‌ర్ రెమో డిసౌజా త‌న గురువ‌ని చెప్పే ముమైత్ ఇంట్లో ఆర్థిక స‌మ‌స్య‌ల కార‌ణంగా ఓ  టీవీ డ్యాన్స్ షోలో పాల్గొంద‌ట‌. ముందు ఈ విష‌యం చెబితే అమ్మ కొడుతుంద‌ని భావించిన ముమైత్ "టీవీలో క‌నిపిస్తాం. పైగా డ‌బ్బులిస్తారు" అని ఒప్పించ‌డంతో ఈ ఒక్క‌సారికి మాత్ర‌మే ఇంకెప్పుడూ వెళ్లొద్ద‌ని ఓకే చెప్పింద‌ట అమ్మ‌‌. ఆ డ్యాన్స్ షోలో ముమైత్ అందుకున్న తొలి పారితోషికం అక్ష‌రాలా 750 రూపాయ‌లు! ఆ మొత్తాన్ని కూడా తిరిగి అమ్మ‌కే ఇచ్చేసింద‌ట ముమైత్‌‌. 

మాల్దీవుల్లో జ్వాల‌, విష్ణు షికారు!

  బ్యాడ్మింట‌న్ స్టార్ జ్వాలా గుత్తా, త‌మిళ స్టార్ యాక్ట‌ర్ విష్ణు విశాల్ కొంత‌కాలంగా డేటింగ్‌‌లో ఉన్న విష‌యం తెలిసిందే. లేటెస్ట్‌గా ఆ ఇద్ద‌రూ మాల్దీవుల‌కు వెళ్లి ఎంజ‌య్ చేసిన ఫొటోలు ఆన్‌లైన్‌లో హ‌ల్‌చ‌ల్ చేస్తున్నాయి. 2009లో న‌టుడిగా కెరీర్ స్టార్ట్ చేసిన విష్ణు స్వ‌ల్ప‌కాలంలోనే ప్ర‌తిభావంతుడైన న‌టుడిగా పేరు తెచ్చుకున్నాడు. తెలుగులో బెల్లంకొండ శ్రీ‌నివాస్‌కు హిట్టిచ్చిన 'రాక్ష‌సుడు' ఒరిజిన‌ల్ 'రాచ్చ‌స‌న్'‌లో హీరో విష్ణు విశాలే. 2010లో త‌న గాళ్ ఫ్రెండ్ ర‌జ‌ని న‌ట‌రాజ్‌ను పెళ్లాడిన అత‌ను 2018లో విడాకులిచ్చాడు. మ‌రోవైపు తోటి బ్యాడ్మింట‌న్ ప్లేయ‌ర్ చేత‌న్ ఆనంద్‌తో ప్రేమ‌లో ప‌డిన జ్వాల‌.. అత‌డిని 2005లో వివాహం చేసుకుంది. వారి దాంప‌త్యం ఆరేళ్ల పాటే సాగింది. 2011లో వారు డైవోర్స్ తీసుకున్నారు.  రెండేళ్ల క్రితం విష్ణు, జ్వాల మ‌ధ్య జ‌రిగిన ప‌రిచ‌యం ప్ర‌ణ‌యానికి దారితీసింది. 2020 న్యూ ఇయ‌ర్ సాక్షిగా, సోష‌ల్ మీడియా హ్యాండిల్స్ ద్వారా త‌మ మ‌ధ్య ప్రేమ‌ను ఆ ఇద్ద‌రూ బ‌హిర్గ‌తం చేశారు. గ‌త సెప్టెంబ‌ర్‌లో వారి నిశ్చితార్ధం కూడా జ‌రిగింది.  సంద‌ర్భం వ‌చ్చిన ప్ర‌తిసారీ తాము స‌ర‌దాగా గ‌డిపిన క్ష‌ణాల‌కు చెందిన ఫొటోల‌ను షేర్ చేస్తూ వ‌స్తున్నారు. అదే విధంగా ఇటీవ‌ల మాల్దీవుల‌కు త‌మ కుటుంబాల‌తో త‌ర‌లి వెళ్లిన జ్వాల‌, విష్ణు అక్క‌డ ఆనందంగా విలువైన‌ స‌మ‌యాన్ని గ‌డిపారు. త‌మ ఫొటోల‌తో పాటు, ఫ్యామిలీస్‌తో దిగిన పిక్చ‌ర్స్‌ను కూడా షేర్ చేశారు. వాటిలో జ్వాల బికినీ ధ‌రించి ప‌డుకొని ఉన్న పిక్చ‌ర్ కూడా ఉంది. ప్ర‌స్తుతం అవి సోష‌ల్ మీడియాలో వైర‌ల్ అవుతున్నాయి.

విజ‌య్ సేతుప‌తితో 'ఓ మంచి రోజు చూసి చెప్తా' అంటున్న నిహారిక‌

  నిహారిక కొణిదెల హీరోయిన్‌గా న‌టించిన త‌మిళ చిత్రం 'ఒరు న‌ల్ల నాల్ పాతు సోల్రెన్'‌. విజ‌య్ సేతుప‌తి, గౌత‌మ్ కార్తీక్ హీరోలుగా న‌టించారు. 2018లో విడుద‌లైన ఈ చిత్రం స‌క్సెస్‌ఫుల్‌గా ఆడింది. పి. ఆరుముగ కుమార్ డైరెక్ట్ చేసిన ఆ బ్లాక్ కామెడీ మూవీ ఇప్పుడు తెలుగులో ఓ మంచి రోజు చూసి చెప్తా అనే టైటిల్‌తో అనువాద‌మైంది. మార్చి 19న విడుద‌ల‌కు సిద్ధ‌మ‌వుతోంది.  ఒరిజిన‌ల్‌లో నిహారిక‌, గౌత‌మ్ కార్తీక్ ప‌ర‌స్ప‌రం ప్రేమించుకోగా, నిహారిక‌ను పెళ్లాడాల‌నుకొనే వ్య‌క్తిగా విజ‌య్ సేతుప‌తి న‌టించాడు. సేతుప‌తికి మ‌న‌సిచ్చిన యువ‌తిగా గాయ‌త్రీ శంక‌ర్ క‌నిపిస్తుంది. చివ‌ర‌కు ఏమైంద‌నేది ఆస‌క్తిక‌రంగా ద‌ర్శ‌కుడు చిత్రీక‌రించాడు. య‌మ‌ధ‌ర్మ‌రాజు భ‌క్తుడిగా విజ‌య్ సేతుప‌తి ప్ర‌ద‌ర్శించిన న‌ట‌న ఈ సినిమాకు హైలైట్‌.  జ‌స్టిన్ ప్ర‌భాక‌ర‌న్ మ్యూజిక్‌, శ‌ర‌వ‌ణ‌న్ సినిమాటోగ్ర‌ఫీ ఈ చిత్రానికి బ‌లాన్ని చేకూర్చాయి. అపోలో ప్రొడ‌క్ష‌న్స్ బ్యాన‌ర్‌పై డాక్ట‌ర్ రావూరి వెంక‌ట‌స్వామి 'ఓ మంచి రోజు చూసి చెప్తా' సినిమాని తెలుగు ప్రేక్ష‌కుల‌కు అందిస్తున్నారు.

రాజకీయాలకు బలౌతున్న ఐఏఎస్ అధికారులు

ఇద్దరు అధికారులు దివంగత వై ఎస్ రాజశేఖరరెడ్డి ముఖ్యమంత్రిగా ఉన్నప్పుడు కీలకమైన శాఖలు నిర్వహించిన వారు. ప్రస్తుత ముఖ్యమంత్రి జగన్ చేతిలో వీరిద్దరూ తీరని అవమానాలకు గురౌతున్నారు. తండ్రి చేతిలో ఎత్తులు చుసిన వారు తనయుడి చేతిలో లోతులు చూస్తున్నారు. వారిద్దరూ సీనియర్ ఐఏఎస్ అధికారులు. ఒకరినైతే మెడపట్టుకుని బయటకు గెంటేశారు. మరొకరిని కులం పేరుతో కుళ్లపొడుస్తున్నారు. విచిత్రం ఏమిటంటే ఈ ఇద్దరు అధికారులూ కూడా చంద్రబాబు అంటే గిట్టనివారే. ఇద్దరు అధికారులు కూడా చంద్రబాబు ముఖ్యమంత్రిగా ఉన్నప్పుడు చిన్న చూపుకు గురి అయిన వారే. ఒకరు బలయ్యారు.. మరొకరు అవుతున్నారు. ఆ ఇద్దరూ ఎవరంటే ఒకరు ఎల్‌వి సుబ్రహ్మణ్యం. రెండో వారు నిమ్మగడ్డ రమేష్ కుమార్. చంద్రబాబు ముఖ్యమంత్రిగా ఉన్న సమయంలో సీనియర్ అయినా ఎల్‌వి సుబ్రహ్మణ్యంకు జగన్ కేసుల్లో సహా ముద్దాయిగా ఉన్నారని ప్రాధాన్య పోస్టులు ఇవ్వలేదు. ఒక సందర్భంలో కీలకమైన వైద్య ఆరోగ్య శాఖ కార్యదర్శి పోస్టు ఇచ్చినా మళ్ళీ ఆయనను అక్కడ నుంచి తీసి అత్యంత చిన్నదైన యువజన శాఖకు మార్చారు. ఇక రమేష్ కుమార్ పరిష్తితి కూడా దాదాపుగా అంతే. చంద్రబాబు హయాంలో ఆయనకు ఏ కీలక శాఖ లభించలేదు. ఈ ఇద్దరూ వై ఎస్ రాజశేఖరరెడ్డి ముఖ్యమంత్రిగా ఉన్నప్పుడే ప్రతిభకు తగిన గుర్తింపు పొందారు. ఎల్‌వి సుబ్రహ్మణ్యం, రమేష్ కుమార్ ఇద్దరూ ఆర్ధిక శాఖను నిర్వహించిన వారే. ఆర్ధిక శాఖలో ఈ ఇద్దరిదీ ప్రత్యేకమైన శైలి అని వారితో సాన్నిహిత్యం ఉన్న అధికారులు అంటారు. రాష్ట్రంలో ఆర్ధిక క్రమశిక్షణ తీసుకురావడంలో బిల్లుల చెల్లింపు తదితర విషయాలలో ఎలాంటి వివాదాలు రాకుండా చూసిన వారన్న విషయాన్ని మర్చిపోలేం అని చెప్తున్నారు. ఆర్ధిక క్రమశిక్షణ తీసుకురావడం, జవాబుదారీతనం, దుబారా తగ్గించడం వంటి విషయాల్లో ఈ ఇద్దరూ అనేక చర్యలు తీసుకున్నారు.వీరికి ఇంకో పోలిక కూడా ఉంది. నిమ్మగడ్డ రమేష్ కుమార్, ఎల్‌వి సుబ్రహ్మణ్యం ఇద్దరూ కూడా తిరుమల తిరుపతి దేవస్థానం ట్రస్టు బోర్డు ముఖ్య కార్యనిర్వహణాధికారులుగా పని చేశారు. ఈ ఇద్దరి హయాంలో తిరుమల పవిత్రత రెండింతలు పెరగడమే కాకుండా క్రమ శిక్షణ ఉండేదన్న విషయం మర్చిపోరాదు. భక్తుల సౌకర్యార్ధం ఈ ఇద్దరి హయాంలో పలు కీలక నిర్ణయాలు తీసుకున్నారు. ఎంతో సీనియర్ రాజకీయ నాయకులు ట్రస్టు బోర్డు చైర్మన్లుగా ఉన్నా కూడా ఎల్‌వి సుబ్రహ్మణ్యం, రమేష్ కుమార్ ఈవోలుగా ఉన్నప్పుడు వీరు చెప్పినట్లే నడచుకునేవారన్న పేరుండేది. వృత్తి పట్ల అంతటి నిబద్ధతతో ఈ ఇద్దరు అధికారులు పని చేశారు. అత్యంత సీనియర్ అయిన ఎల్‌వి సుబ్రహ్మణ్యం ను పక్కన పెట్టి ఆయన కన్నా జూనియర్లకు చంద్రబాబునాయుడు చీఫ్ సెక్రటరీ పదవిని అప్పగించారు. అయినా ఎల్‌వి సుబ్రహ్మణ్యం ఎలాంటి వివాదాస్పద వ్యాఖ్యలు చెయ్యని విషయం మనం చూసాం. సార్వత్రిక ఎన్నికల సమయంలో అప్పటి రాష్ట్ర ప్రభుత్వ ప్రధాన కార్యదర్శి పునేటాను పక్కన పెట్టి కేంద్ర ఎన్నికల సంఘం ఎల్‌వి సుబ్రహ్మణ్యంను రాష్ట్ర ప్రభుత్వ ప్రధాన కార్యదర్శిగా నియమించింది. ఎన్నికల కమీషన్ ప్రధాన కార్యదర్శిగా నియమించాక సహ ముద్దాయిని సిఎస్ గా ఎలా నియమిస్తారని విమర్శించారు కూడా.   ఆ తర్వాత ముఖ్యమంత్రి అయిన జగన్ ఎల్‌వీ ని కొనసాగించగా జగన్ ను అందరూ మెచ్చుకున్నారు కూడా. అయితే ఏమైందో ఏమూ కానీ కొద్ది కాలంలోనే ఎల్‌వి ని అత్యంత అవమానకరంగా పదవి నుంచి జగన్ తొలగించిన విధానం కూడా తెలిసిందే. ఇప్పుడు నిమ్మగడ్డ రమేష్ కుమార్ కు కూడా దాదాపుగా అలానే జరిగింది. ఆయనను రాష్ట్ర ఎన్నికల అధికారిగా నియమించడం చంద్రబాబుకు అస్సలు ఇష్టం లేదు. చంద్రబాబు దగ్గర పని చేయడం రమేష్ కుమార్ కూ ఇష్టం లేదని అంటారు. అయితే తన కార్యదర్శిగా పని చేసిన రమేష్ కుమార్ కు రాష్ట్ర ఎన్నికల సంఘానికి నియమించాలని అప్పటి గవర్నర్ ఇ ఎస్ ఎల్ నర్సింహన్ చంద్రబాబుపై వత్తిడి తెచ్చారనీ. గత్యంతరం లేని పరిస్థితుల్లో చంద్రబాబు రమేష్ కుమార్ కు రాష్ట్ర ఎన్నికల సంఘాన్ని అప్పగించారనీ అంటున్నారు. రమేష్ కుమార్ పేరు బదులు వేరే అధికారి పేరు రాష్ట్ర ఎన్నికల సంఘానికి సిఫారసు చేశామని చంద్రబాబు కూడా చెప్పారు. అటువంటి రమేష్ కుమార్ ఇప్పుడు చంద్రబాబు ఏజెంటుగా జగన్ చేతిలో ముద్ర వేయించుకోవడం దురదృష్టం. ఈ ఇద్దరూ ముక్కుసూటిగా మాట్లాడే అధికారులు. ఎలాంటి మొహమాటం లేకుండా విధులు నిర్వర్తించే వారన్న పేరుంది. అలాంటి ఈ ఇద్దరూ కూడా అత్యంత ఘోరమైన అవమానాన్ని పొందారు. ఈ అవమానాలకు వీరు అర్హులు కాదని మాత్రం కచ్చితంగా చెప్పవచ్చని అధికార వర్గాలు అనుకుంటున్నారు. నాయకులు తమ స్వంత ప్రయోజనాల కోసం అఖిల భారత సర్వీసు అధికారులకు కులాలు, ప్రాంతాలు అంటగట్టడం ఏంటని కొందరు ఆవేదన చెందుతున్నారు.

ఆంధ్ర లో బీజేపీ 'పంచ్' తంత్రం...

  * దిగుమతి నాయకులు, బిజినెస్ లీడర్లు, లాబీయిస్టులు కలిసి బీ జె పి ని ఎటు నడిపిస్తారో....  * ఇంతకీ స్థానిక సమరం లో సత్తా చూపించే ట్యాలెంట్ ఆ పార్టీకి ఉన్నట్టా, లేనట్టా....  * జి వి ఎల్ ఋతుపవనాల్లాంటి వారు... ఇలావచ్చి అలా పలకరించి, అటు నుంచి ఆటే మాయమైపోతారు  * సి ఎం రమేష్ లాబీ మాస్టర్ గా ఢిల్లీ లో ప్రసిద్ధులు.. నోకియా మాదిరి ఈయన కూడా కనెక్టింగ్ పీపుల్ నినాదాన్ని బలంగా నమ్మిన వారు  * సుజనా చౌదరి... గత్యంతరం లేని పరిస్థితుల్లో అమరావతి నినాదాన్ని భుజాన వేసుకుని చందమామ కథలో విక్రమార్కుడి మాదిరి ... వై ఎస్ ఆర్ సి పి లోని బేతాళుడి తో జగడమాడుతుంటారు  * టీ జీ వెంకటేష్.. అవసరార్ధ రాజకీయాల కు కేరాఫ్ అడ్రెస్ .... రాయలసీమ అనేది ఈయనకు ట్యాగ్ లైన్ ...దురదపుట్టినప్పుడు గోక్కోవటానికి ఉపయోగపడే ఆరో వేలుగా ఆయన ఆ నినాదాన్ని బాగా వాడేస్తారు..  * అంగ వంగ కళింగ రాజ్యాలను అవలీలగా గెలిచిన చక్రవర్తి, చివరకు ఆముదాలవలస లో ఓడిపోయినట్టు, రాష్ట్ర బీ జె పి అధ్యక్షుడు కన్నా లక్ష్మీ నారాయణ , చివరకు పవన్ కళ్యాణ్ తో కలిసి స్థానిక సమరం లో బీజేపీకి కాస్తో కూస్తో ఉన్న ఇమేజ్ ని పణం గాపెట్టే సాహసానికి ఒడిగట్టారు  ఆ ఐదుగురూ ఇంతకీ ఏమి చేస్తున్నట్టు..భారతీయ జనతా పార్టీ దిగుమతుల విభాగం నుంచి డంప్ అయిన జి వి ఎల్ నరసింహారావు , అలాగే తెలుగు దేశం నుంచి బీ జె పి లోకి దిగుమతి అయిన సుజనా చౌదరి, సి ఎం రమేష్, టీ జీ వెంకటేష్ , కాంగ్రెస్ లో నుంచి బీ జె పి లోకి షిఫ్ట్ అయిన  బీ జె పి అధ్యక్షుడు కన్నా లక్ష్మీ  నారాయణ కలిసి ఈ స్థానిక సమరం లో రాష్ట్రం మొత్తం మీద కనీసం ఒక్కొక్కరికి 50 చొప్పున 250 మంది ఎం పి టి సి లు, జెడ్ పీ టి సి లను  గెలిపించుకురాగలరా అనేది చాలా పెద్ద సందేహం గా కనిపిస్తోంది. ఎందుకంటే, నిన్ననే విజన్ డాక్యుమెంట్ ని కలిసి ఆవిష్కరించిన బీ జె పి , జన సేన కంబైన్ నేతలు , చాలా పెద్ద  దృశ్యాన్నే జనం ముందు ఆవిష్కరించే ప్రయత్నం చేశారు. వై ఎస్ ఆర్ సి పి, తెలుగుదేశం పార్టీ లకు తామే ప్రత్యామ్నాయమన్నట్టు గా ప్రకటించుకున్న ఈ ఐదుగురిదీ  వాస్తవానికి తలో దారీ.. ఎవరు , ఎప్పుడు, ఎందుకు, ఎలా మాట్లాడతారో తెలీని గందర గోళం ....  జి వి ఎల్ నరసింహ రావు ది అయితే సొంత రాజ్యాంగం, పూర్తిగా పార్టీ రాష్ట్ర శాఖ తో  గానీ, లేదా బీ జె పి లో ఉన్నతెలుగుదేశం మాజీ లతో  కానీ ఈయనకు ఎలాంటి సంబంధాలు ఉండవు.  రాష్ట్రాన్ని ఎప్పుడైనా పలకరించడానికి రుతు పవనాల మాదిరి అలా చుట్టపు చూపు గా వచ్చేసి ,  ఇలా మాయమైపోయే  జి వి ఎల్ వ్యవస్థ ల గురించి రాష్ట్ర బీ జె పి లో ఎవరికీ ఎలాంటి క్లూలు ఉండవు. ఈయన దారి రహదారి. ఈయన వ్యవస్థ ఇలాఉంటే, బీ జె పి లో ఉంటూ కూడా ఇంకాతెలుగు దేశం ఎజెండా , జెండా రెండూ మోస్తున్నట్టు కనిపించే సుజనా చౌదరి ఒక్క అమరావతి అంశం మీద తప్పించి, ఇతరత్రా ఏదీ మాట్లాడటానికి ఎక్కువగాఇష్టపడరు. జీ వీ ఎల్ కు, సుజనా కూ క్షణం పడదు. ఆయన ఎడ్డెం అంటే ఈయన తెడ్డెం అనే రకం.. ఏ మాత్రం పొసగని,పొంతన లేని పరస్పర భిన్నమైన అభిప్రాయాలు గల వీరిద్దరూ ఉత్తర ధృవం, దక్షిణ ధృవం మాదిరి ఒకే పార్టీ లో ఉంటూ కూడా కామన్  ఎజెండా తో పని చేసిన దాఖలాలు ఇప్పటివరకూ అయితే లేవు.   ఇహ, సి ఎం రమేష్ గురించి వేరే చెప్పనక్కర్లేదు. ఆయన తన బిజినెస్ వ్యవహారాలను బీ జె పి తో ముడి కట్టేసి, ఏ పార్టీ లో ప్రయాణిస్తున్నాడో కూడా మర్చే పోయి, మొన్నటికి మొన్న పరిమళ్ నత్వాని ని జగన్ మోహన్ రెడ్డి దగ్గర ప్రవేశ పెట్టడం లో కీలక పాత్ర పోషించిన  ఘనుడు. గుర్తు చేస్తే కానీ తానూ బీ జె పి లో ఉన్నాననే విషయం గుర్తుండని ఈయన కు  బీ జె పి, జన సేన కలిసి పోటీ  చేస్తున్న విషయం తెలుసో లేదో అని కూడాపార్టీ శ్రేణులు గుసగుస లాడుకుంటున్నాయి.  ఇహ వీరందరినీ సమన్వయము చేసుకుని  ముందుకెళ్తున్నట్టు భావిస్తూ , బాహ్య ప్రపంచం ముందు ఆవిష్కృతమయ్యే  వ్యక్తి మరెవరో కాదు... సాక్షాత్తూ  రాష్ట్ర బీ జె పి అధ్యక్షుడు కన్నా లక్ష్మీ నారాయణ. ఈయన, పవన్ కళ్యాణ్ తో కలిసి ప్రయాణించటానికి అంతగాసుముఖం గా లేదు...కారణమేమిటంటే, చంద్రబాబు నాయుడు లాంటి యోధులతో పోరాడిన తన రాజకీయం , చివరకు ఇలా ఏ పూట ఎక్కడ ఉంటారో కూడా తెలీని పవన్ కళ్యాణ్ పార్టీతో కలిసి పని చేయాల్సిన దుస్థితికి దిగజారటమేమిటని  తరచూ తనలో తానె కుమిలి పోతున్నట్టు సమాచారం.  ఇహ, టీ జీ వెంకటేష్ అయితే మరీను..... రాయలసీమ నినాదాన్ని తన ట్యాగ్ లైన్ గాచేసుకుని కాలక్షేపం చేసేస్తూ... ప్రస్తుతానికి బీ జె పి లో నివసిస్తూ ....ఈ స్థానిక ఎన్నికల సమరం లో తన పాత్ర ఏమిటో కూడాతెలీకుండా జీవనం వెళ్లదీస్తున్నారు. మొత్తానికి ఈ పంచ పాండవులు స్థానిక సమరం లో తమ 'పంచ్ ' పవర్ ఏమిటో ఈ నెలాఖరు లోగా చుపిస్తారేమోననే బోలెడు , ఇంకా గంపెడాశతో బీ జె పి అభిమానులు ఆత్రంగా ఎదురు చూస్తున్నారు.

ఏపీలో వంద కోట్ల దందా.. రియల్ క్రైమ్ స్టోరీ

సినిమాలలో ఎన్నో క్రైమ్ స్టోరీలు, ఎన్నో కిడ్నాప్ సీన్లు చూసుంటారు. అయితే.. కాకినాడలో జరిగిన ఈ రియల్ స్టోరీ ముందు ఆ రీల్ స్టోరీలన్నీ చిన్నబోతాయి. పేరున్న రాజకీయ నాయకులు, పలుకుబడి ఉన్న అధికారులు.. ఇలా భారీ తారాగణం నటించిన.. ఆ రియల్ స్టోరీ టైటిల్ వచ్చేసి.. "ఓ కిడ్నాప్, వంద కోట్ల స్కాం". 'నేనే రాజు నేనే మంత్రి' మూవీలో ఒక డైలాగ్ ఉంటుంది. మీరు ఏ పార్టీకి ఓటేసినా మేమే అధికారంలో ఉంటామని. అవును.. కొందరు రాజకీయ నాయకులు.. ఎన్నికల్లో ప్రజలు ఏ పార్టీని గెలిపిస్తే.. ఆ పార్టీలోకి జంప్ చేస్తారు. అలాగే అధికారులు కూడా.. ఏ పార్టీ అధికారంలోకి వస్తే ఆ పార్టీ నేతలని కాకాపడుతూ వారి ఆటలు సాగిస్తుంటారు. ఈ రియల్ స్టోరీ వింటే అది నిజమని మీకే అర్ధమవుతుంది. కాకినాడలోని సర్పవరంకి చెందిన ఆకుల గోవిందరాజు అనే వ్యక్తికి భోగాపురంలో వంద కోట్ల విలువైన 18 ఎకరాల ల్యాండ్ ఉంది. ఈ ఒక్క విషయం చాలదా.. మాఫియా కన్ను ఆయన మీద పడటానికి. ఎక్కడో ఆకాశంలో ఎగురుతున్న గద్దకి కింద ఉన్న కోడిపిల్ల కనిపించినట్టు.. మాఫియా వాళ్ళకి ఎక్కడున్నా విలువైన ల్యాండ్స్ కనిపిస్తాయి కదా. అలాగే, బలగ ప్రకాష్ అనే మాఫియా లీడర్ కి.. ఆకుల గోవిందరాజుకి చెందిన ల్యాండ్ పై కన్నుపడింది. ఇంకేముంది ఏకంగా పోలీసులనే రంగంలోకి దింపాడు. ఇక పోలీసులైతే ఓ అడుగు ముందుకేసి ఏకంగా కిడ్నాప్ కే తెరలేపారు. 2017.. సెప్టెంబర్ 19 .... శూన్యమాసం.. అమావాస్య.. మంగళవారం.. మధ్యాహ్నానికి- సాయంత్రానికి నడుమ సూర్యుడు మండిపోతున్న సమయం... అబ్బా ఏమన్నా ముహూర్తమా... శూన్యమాసం.. అమావాస్య.. మంగళవారం.. ఇదే కిడ్నాప్ కి సరైన ముహూర్తం అనుకున్నారేమో పోలీసులు... AP 30 AB 6655 నెంబర్ గల ఇన్నోవా కార్ లో.. పోలీసులు ఆకుల గోవిందరాజు ఇంటికి వచ్చారు. కారు నెంబర్ ఫ్యాన్సీగా ఉన్నా, ఆ ఖాకీలు చేసే పని మాత్రం ఏ మాత్రం పద్దతిగా లేదు. వాళ్ళు చేసే పనేంటో ఆ చుట్టుపక్కల ఉన్నవారికి తెలియదు. కొత్త మొహాలు కావడంతో.. చుట్టుపక్కల వారు కొందరు ఆశ్చర్యంతో, కొందరు అనుమానంతో చూస్తున్నారు. వాళ్ళు అలా చూస్తుండగానే.. దొంగల రూపంలో వచ్చిన పోలీసులు.. గోవిందరాజుని ఇన్నోవాలో పడేసి.. జెట్ స్పీడ్ లో హైవే ఎక్కారు. పోలీసుల భాషలో చెప్పాలంటే దీనినే కిడ్నాప్ అంటారు. కారు హైవే మీద దూసుకెళ్తుంది. ఆ స్పీడ్ చూస్తే.. అంబులెన్స్ డ్రైవర్ కావాల్సిన వ్యక్తి ఇన్నోవా డ్రైవ్ చేస్తున్నాడేమో అనిపిస్తుంది. డ్రైవర్ స్టీరింగ్ పట్టుకుంటే.. మనం ఖాళీగా ఉండి ఏం చేస్తాం అనుకున్నారేమో.. మిగతా పోలీసులు గోవిందరాజు పనిపెట్టారు. కారు.. కాకినాడ నుంచి భోగాపురం చేరేవరకు.. అంటే దాదాపు నాలుగు గంటల పాటు... గోవిందరాజుని భయపెట్టారు.. బెదిరించారు.. చిత్రహింసలు పెట్టారు. ఒక్కమాటలో చెప్పాలంటే నరకం చూపించారు. కారు సాయంత్రం 6 గంటలకు భోగాపురం సబ్ రిజిస్టార్ ఆఫీస్ కి చేరుకుంది. ఖాకీలకు భయపడ్డాడో, కాసులకు కక్కుర్తి పడ్డాడో తెలియదు కానీ.. సబ్ రిజిస్టార్ పందిళ్లపల్లి రామకృష్ణ.. సాయంత్రం 4:30 కే రిజిస్ట్రేషన్ కాగితాలు సిద్ధం చేసి.. పదేళ్ల తర్వాత ఫారెన్ నుంచి రిటర్న్ వస్తున్న ఫ్రెండ్ కోసం ఎదురుచూస్తున్నట్టు.. గుమ్మం వైపు చూస్తూ పోలీసుల కోసం ఎదురుచూస్తున్నాడు. ఇంతలో పోలీసులు గోవిందరాజుని తీసుకొని గుమ్మంలోకి అడుగు పెట్టనే పెట్టారు. గుమ్మంలో వాళ్ళ అడుగు పడిందో లేదో.. సబ్ రిజిస్టార్ మోహంలో వెలుగు వచ్చింది. గోవిందరాజు మోహంలో భయం పెరిగింది. భయంతో చూస్తుండగా ఎదురుగా కుర్చీలో కూర్చొని ఉన్న మాఫియా లీడర్ బలగ ప్రకాష్ కనిపించాడు. జర్నీలో పోలీసుల చిత్రహింసలతో భయపడిపోయిన గోవిందరాజు.. బలగ ప్రకాష్ ని చూసి మరింత భయపడ్డాడు. బలగ ప్రకాష్.. పోలీసుల మాదిరి సాగదియ్యలేదు.. కమర్షియల్ సినిమాల్లో విలన్ లాగా ఒక్కటే డైలాగ్ కొట్టాడు.. "సంతకం పెడతావా? సమాధిలో పడుకుంటావా?".... ఆ ఒక్క డైలాగ్ తో గోవిందరాజు భయం చావుభయంగా మారిపోయింది. ఎదురుగా మాఫియా లీడర్.. చుట్టూ భోగాపురం సీఐ నర్సింహారావు, ఎస్సైలు తారక్, మహేష్.. హెడ్ కానిస్టేబుల్ గోవిందరావు.. ఉన్నారు. ఎస్సైల పేర్లు తారక్, మహేష్ అని హీరోల పేర్లు ఉన్నాయి కానీ.. వాళ్ళ బిహేవియర్ మాత్రం పెద్ద విలన్ల పక్కన ఉండే చెంచా విలన్లు లాగా ఉంది. అన్యాయాన్ని అడ్డుకోవాల్సిన పోలీసులే.. మాఫియా లీడర్ తో కలిసిపోయి.. చిత్రహింసలు చేసి బెదిరిస్తుంటే.. తప్పనిసరి పరిస్థితుల్లో, వంద కోట్లు కంటే విలువైన ప్రాణం కోసం, అన్యాయం ముందు తలవంచి గోవిందరాజు సంతకం పెట్టాడు. ఆ ఒక్క సంతకంతో.. గోవిందరాజు మొహంలో తప్ప.. అక్కడున్న అందరి మొహాల్లో లక్ష్మీకళ ఉట్టిపడింది. అన్నట్టు ఇంత జరుగుతున్నా అక్కడ ఇతరులు ఎవరూ లేరా? అని మీకు అనుమానం రావొచ్చు. అక్కడ నిజంగానే ఎవరూ లేరు.. ఎందుకంటే వాళ్ళు పెట్టిన ముహూర్తం అలాంటిది మరి. శూన్యమాసం-అమావాస్య.. బుద్ధి ఉన్నోడు ఎవడైనా రిజిస్ట్రేషన్ పెట్టుకుంటాడా? వీళ్లంటే.. వంద కోట్ల కబ్జా ల్యాండ్ కాబట్టి.. బుద్ధిని పక్కనపెట్టి.. బెదిరించి.. రిజిస్ట్రేషన్ చేపించుకున్నారు. ఇప్పుడు అర్థమైందా వాళ్ళ శూన్యమాసం-అమావాస్య కాన్సెప్ట్ ఏంటో?!!.. ఈ కిడ్నాప్- కబ్జా వ్యవహారంపై.. సర్పవరం పోలీస్ స్టేషన్ లో 330/217 నెంబర్ తో కేస్ రిజిస్టర్ అయింది. అదేంటో.. FIR కూడా అయిన తరువాత.. చార్జిషీట్ దాఖలు చేయడానికి.. రాజమౌళి RRR చేయడానికి తీసుకునే టైం కన్నా ఎక్కువ తీసుకుంటున్నారు సర్పవరం పోలీసులు. రెండున్నరేళ్లుగా నాన్చుతూనే ఉన్నారు. ఈ విషయం గురించి.. ఏపీ హ్యూమన్ రైట్స్ కమిషన్ కి కాకినాడ పోలీసులు రిపోర్ట్ కూడా పంపారు. కానీ చార్జిషీట్ దాఖలు చేసే విషయంలో సర్పవరం సీఐ డిలే చేస్తూనే ఉన్నాడు. ఏంటి ఆ సీఐ ధైర్యం?.. భయపడితే భయపడటానికి ఆయన పోస్ట్ మ్యాన్ కాదు.. పోలీసోడు.. దానికితోడు పొలిటిషీయన్స్ సపోర్ట్ ఉన్నోడు. అవును.. ఈ వ్యవహారంలో.. బడా పొలిటిషీయన్స్ సపోర్ట్ కూడా ఉంది. అదే పోలీసుల ధైర్యం... శ్రీకాకుళం జిల్లాకి చెందిన మాజీ మంత్రి, ప్రస్తుత టీడీపీ నేత.. అలాగే గత ప్రభుత్వ హయాంలో విప్ గా పనిచేసిన నేత.. వీరిద్దరి సాయంతో సర్పవరం పోలీస్ స్టేషన్ ని ఫుల్ గా influence చేసే ప్రయత్నం బలంగా నడుస్తుంది. అందుకే చార్జిషీట్ కి మోక్షం కలగట్లేదు. ఇంత పెద్ద కిడ్నాప్- కబ్జా జరిగితే అస్సలు చర్యలే తీసుకోకుండా ఎలా ఉన్నారని అనుకుంటున్నారేమో... అబ్బో చాలా పెద్ద చర్య తీసుకున్నారు. భోగాపురం ఇన్స్పెక్టర్ ని బదిలీ చేసారు. అదేంటి!!.. అంత జరిగితే కేవలం బదిలీనా అనుకోవద్దు.. రాజకీయ ఒత్తిళ్లు అలాంటివి మరి.. అర్థంచేసుకోవాలి... ఇంకో విషయం ఏంటంటే.. ఈ వ్యవహారం డీజీపీ ఆఫీస్ కి కూడా చేరింది. మరి ఇంకేంటి.. వెంటనే అందరి మీద చర్యలు తీసుకొని ఉంటారుగా అంటారా? అబ్బో.. మీరు పవర్ ఫుల్ పోలీస్ ఆఫీసర్ సినిమాలు చూసి బాగా మోసపోయారు... అలాంటి పప్పులు ఇక్కడ ఉడకవు. వాస్తవానికైతే... CRPC 41A కింద డీజీపీ నియమించే ఓ సీనియర్ అధికారి.. విచారణ జరిపి.. తదుపరి చర్యల వరకు.. ఆ సీఐని సస్పెండ్ చేసే అవకాశముంది. కానీ ఇక్కడ అలాంటిదేం జరగలేదు. ఏదో ఫార్మాలిటీకి బదిలీతో సరిపెట్టారు. గోవిందరాజు ని బెదిరించి వంద కోట్ల విలువైన ల్యాండ్ అన్యాయంగా లాక్కున్నారు. అయినా తప్పు చేసిన వాళ్ళు బాగానే ఉన్నారు. పైగా గోవిందరాజునే ఇంకా టార్చర్ చేస్తున్నారు. రాజకీయ ఒత్తిళ్లలో భాగంగా.. ప్రస్తుత సర్పవరం సీఐ మరియు అర్బన్ డీఎస్పీ.. గోవిందరాజుని పదేపదే తిప్పించుకుంటున్నారు. ఇక కాకినాడలో ఉద్యోగం వెలగపెడుతున్న.. ఇప్పటి ఓ మంత్రిగారి బావమరిది.. రంగంలోకి దిగడంతో ఈ కేసు మరింత డైల్యూట్ అయింది. అసలే భోగాపురంలో ఎయిర్ పోర్ట్ అంటున్నారు. రెక్కలున్న విమానాలు వస్తున్నాయి అంటే.. ఆటోమేటిక్ గా భూముల ధరలకు రెక్కలొస్తాయి కదా.. అందుకే పోలీసులు- పొలిటీషియన్స్ అండతో మాఫియా ఇంతలా రెచ్చిపోతుంది. అంతేకాదు.. ఈ వ్యవహారం వెనుక.. 2017 ప్రాంతంలో ఉత్తరాంధ్ర జిల్లాల్లో పనిచేసిన ఓ కలెక్టర్ మరియు ఎస్పీ పాత్ర ఉన్నట్టు.. సెక్రటేరియట్ వర్గాల వద్ద స్పష్టమైన సమాచారం ఉంది. టీడీపీ పెద్దతలకాయలకు సన్నిహితులైన ఈ ఐఏఎస్, ఐపీఎస్ లు.. వైసీపీ ప్రభుత్వ హయాంలో కూడా తమ హవా కొనసాగించడం... అందరినీ ముక్కు, మూతి ఇలా అన్నింటి మీదా వేలేసుకునేలా చేస్తుంది. ఇంతకీ ఆ ఐఏఎస్ & ఐపీఎస్ ఎవరు? * ఒకరు.. పరుల అవినీతి మీద కాంతివంతంగా దండెత్తే ఐఏఎస్... * ఇంకొకరు.. పొద్దునలేస్తే సుభాషితాలు చెప్పే పాలమీగడ లాంటి ఐపీఎస్.. ఈయనకి టెక్నాలజీ మీద గ్రిప్ బాగా ఎక్కువ. ఈ వ్యవహారంలో వీరిద్దరి పాత్ర కూడా ప్రముఖంగా ఉంది. 'వంద గొడ్లను తిన్న రాబందు కూడా ఒక్క గాలివానకు కూలిపోతుంది' అన్నట్టు.. ఈ అవినీతి రాబందులను భయపెట్టే గాలివాన ఇప్పుడిప్పుడే మొదలవుతుంది. మాఫియా లీడర్ బలగ ప్రకాష్ కనుసన్నల్లో.. ఐఏఎస్, ఐపీఎస్లు, పోలీసులు, పొలిటీషియన్స్ అండతో జరిగిన ఈ అన్యాయంపై.. గోవిందరాజు కొద్ది నెలలుగా పోరాడుతూనే ఉన్నాడు. న్యాయం కోసం ఆయన ఎక్కని గుమ్మం దిగని గుమ్మం లేదు. సన్నిహితుల సాయంతో న్యాయం కోసం పోరాడుతున్నాడు. ఆ పోరాడంతో కొన్ని విషయాలు కూడా వెలుగులోకి వచ్చాయి. వాస్తవానికి అప్పుడు జరిగింది తప్పుడు రిజిస్ట్రేషన్ అని పేర్కొంటూ... భోగాపురం రిజిస్టార్ డాక్యుమెంట్ రైటర్.. 2019 అక్టోబర్ 19 తేదీన.. 164 CRPC స్టేట్మెంట్ ని.. కాకినాడ ఫస్ట్ అడిషనల్ జ్యూడిషల్ సివిల్ జడ్జ్.. ముందట ఇచ్చాడు. అంతేకాదు.. సీసీ కెమెరాలతో దొంగలని పట్టుకునే పోలీసులు.. ఆ సీసీ కెమెరాల పుణ్యమా అని అడ్డంగా బుక్ అయ్యారు. సర్పవరం లో కిడ్నాప్ చేసి.. భోగాపురం తీసుకెళ్లిన.. నాలుగు గంటల తతంగమంతా.. పలు చోట్ల సీసీ కెమెరాలలో రికార్డు అయింది. క్షవరం అయితే కానీ ఇవరం రాదని.. సీసీ కెమెరాలు చూసి దోషులని పట్టుకునే పోలీసులు.. ఆ సీసీ కెమెరాల సంగతి మర్చిపోయి ఇలా దొరికిపోవడం కామెడీగా ఉంది. మొత్తానికి కొద్దికొద్దిగా కదులుతున్న తీగతో.. దందా చేసి ఇన్నాళ్లు డొంకలో దాక్కున్నవారు.. ఇప్పుడిప్పుడే భయంతో వణుకుతున్నారు. ముఖ్యంగా డీజీపీకి కంప్లైంట్ వెళ్లడంతో ఐఏఎస్, ఐపీఎస్ ఒణికిపోతున్నారట. మరి ముఖ్యంగా ఆ ఐపీఎస్ అయితే.. డైపర్ వేసుకొని తిరుగుతున్నాడని టాక్... ఇప్పటికే ఆ ఐపీఎస్ గడిచిన రెండు నెలల్లో.. బలగ ప్రకాష్ టీం తో.. ఒకే హోటల్ లో 17 సార్లు సిట్టింగ్ వేశాడు. దీన్నిబట్టే అర్థంచేసుకోవచ్చు ఆ ఐపీఎస్ ఎంతలా వణికిపోతున్నాడో!! తప్పుని సరిదిద్దాల్సిన పోలీసులే.. ఇంత పెద్ద తప్పు చేశారు. ఈ విషయం డీజీపీ దృష్టికి కూడా వెళ్ళింది. మరి ఆయన ఈ కిడ్నాప్-కబ్జా వ్యవహారంలో ఇన్వాల్వ్ అయినవారిపై ఎలాంటి చర్యలు తీసుకుంటారు?.. బాధితుడికి ఎప్పుడు న్యాయం చేస్తారు? ఆయన ఇలాగే మౌనంగా ఉంటే ప్రజలకు పోలీసు వ్యవస్థ మీదే నమ్మకం పోతుంది. ఇక ఈ విషయంలో సర్కార్ కూడా అడుగు ముందుకేసి బాధితుడికి న్యాయం చేయాల్సిన అవసరముంది. అవినీతి రహిత పాలనే అందించడమే తమ లక్ష్యమని చెప్పుకునే అధికారపార్టీ.. అవినీతి-అన్యాయం చేసిన వారికి.. పరోక్షంగా అండగా ఉండటం ఎంత వరకు కరెక్ట్? గత ప్రభుత్వం మీద, అప్పుడు వారికి సన్నిహితంగా ఉన్న కొందరు అధికారులపైనా.. ఇప్పటి అధికారపార్టీ నేతలు పదేపదే అవినీతి ఆరోపణలు చేస్తుంటారు. మరి ఈ వ్యవహారం మీద ఎందుకు నోరు మెదపడం లేదు? ఇందులో తమ పార్టీ నేతలు కూడా ఉన్నారా? లేక పార్టీ సీనియర్ నేతైన మంత్రి గారి బావమరిది ఇన్వాల్వ్ అయ్యాడని వెనకడుగు వేస్తున్నారా? ప్రభుత్వం దీనిపై స్పందించాలి. ఈ భోగాపురం భాగోతం వెనుకున్న వారిపై ప్రభుత్వం కఠినంగా వ్యవహరించి.. బాధితుడికి న్యాయం చేయాలి. లేదంటే ప్రభుత్వం మీద కూడా నమ్మకం పోతుంది.  

క‌విత‌, ష‌ర్మిలా రాజ్య‌స‌భ‌కు వెళ్తారా?

తెలంగాణ నుంచి రెండు రాజ్యసభ సీట్ల కోసం అధికార టీఆర్ఎస్‌లో పోటాపోటీ నెలకొంది. షెడ్యూల్‌ ప్రకారం రాజ్యసభ ద్వైవార్షిక ఎన్నికల నోటిఫికేషన్‌ మార్చి 6న జారీ కానుంది. 13వ తేదీ వరకు నామినేషన్ల దాఖలుకు అవకాశం ఉంది.  సామాజిక కోణంలో తమకు అవకాశం దక్కుతుందని పలువురు సీనియర్లు భావిస్తుండగా, ఇప్పటివరకు పార్టీ తరఫున రాజ్యసభ పదవులు దక్కని వర్గాల వారూ ఆశగా ఎదురుచూస్తున్నారు. పార్టీ అధినేత కేసీఆర్‌ నిర్ణయం కోసం ఉత్కంఠగా ఎదురుచూస్తున్నారు.  నిజామాబాద్‌ మాజీ ఎంపీ కవితను ఈసారి పార్టీ తరఫున రాజ్యసభకు పంపిస్తార‌నే ప్ర‌చారం విస్తృతంగా జరుగుతోంది. అయితే సి.ఎం. కేసీఆర్ ఆలోచ‌నే ఎలా వుందో ఎవ‌రూ అంచ‌నా వేయ‌లేక‌పోతున్నారు. కెటిఆర్ సి.ఎం. అవుతారా? క‌వితా రాజ్య‌స‌భ‌కు వెళ్తారా?  అయితే హ‌రిష్‌రావు ఈ ప‌రిణామాల‌పై ఎలా స్పందిస్తారు? అనే అంశంపై టిఆర్ ఎస్ కార్య‌క‌ర్త‌ల్లో విస్తృతంగా చ‌ర్చ జ‌రుగుతోంది. జాతీయ రాజకీయాల్లోకి వెళ్లాలనుకుంటున్న సీఎం కేసీఆర్‌ తన తరఫున ఢిల్లీ, ఇతర రాష్ట్రాల్లో ఫెడరల్‌ ఫ్రంట్‌ ఏర్పాటు ప్రయత్నాలకు నమ్మకమైన వారి కోసం అన్వేషిస్తున్నారు.  రాజ్యసభ సీటు భర్తీ సామాజిక కోణంలోనే ఉంటుందని టీఆర్‌ఎస్‌ ముఖ్యులు భావిస్తున్నారు. ఏపీ కోటాలో పదవీ విరమణ చేస్తున్న టీఆర్‌ఎస్‌ రాజ్యసభ సభ్యుడు కె.కేశవరావుకు వయసు రీత్యా ఈసారి అవకాశం ఉండకపోవచ్చన్న అంచనాలున్నాయి. రెడ్లకు అవకాశం లభిస్తే, మాజీ ఎంపీ పొంగులేటి శ్రీనివా్‌సరెడ్డి, మాజీీ స్పీకర్‌ కె.ఆర్‌.సురే్‌షరెడ్డి, ఎమ్మెల్సీ నాయిని నర్సింహారెడ్డి మధ్య పోటీ ఉంటుందని చెబుతున్నారు. కమ్మ సామాజిక వర్గానికి ఇవ్వాలనుకుంటే మండవ వెంకటేశ్వరావు, తుమ్మల నాగేశ్వరరావు పేర్లు పరిశీలించవచ్చని అంటున్నారు. బీసీలకు అవకాశం ఇస్తే సిరికొండ మధుసూదనాచారి, బస్వరాజు సారయ్య పేర్లు పరిశీలిస్తారని చెబుతున్నారు. ఎస్సీ కోటాలో భర్తీ చేయాలని భావిస్తే కడియం శ్రీహరి, మాజీ ఎంపీ మంద జగన్నాథం పేర్లు పరిశీలిస్తారని అంటున్నారు. ఎస్సీల్లోనే మాలలకు అవకాశం ఇవ్వాలని అనుకుంటే, టీఎ్‌సఐఐసీ చైర్మన్‌ గాదరి బాలమల్లు, ఎస్టీ అయితే సీతారాంనాయక్‌ పేరు ఉండొచ్చని అంటున్నారు. అనూహ్యంగా ఒక పారిశ్రామికవేత్తను టీఆర్‌ఎస్‌ తరఫున రాజ్యసభకు పంపాలని అనుకుంటే హెటిరో అధినేత పార్థసారథిరెడ్డి పేరు పరిశీలించవచ్చని చెబుతున్నారు.  ఆంధ్రప్రదేశ్ కు చెందిన రాజ్యసభ స్థానాలు ఎవరికీ కేటాయించాలని ఇన్నాళ్లు చర్చించిన అధికార పార్టీ ఓ నిర్ణయానికి వచ్చిందని తెలుస్తోంది. ఈ మేరకు ఏపీ నుంచి రాజ్యసభకు ప్రాతినిధ్యం వహించే వారి జాబితా సిద్ధమైనట్టు సమాచారం.  కీలకమైన పదవులు కావడంతో పార్టీ నమ్ముకున్నోళ్లు.. తమకు అండగా నిలబడిన వ్యక్తులను ఎంపిక చేసినట్లు పార్టీ వర్గాల్లో వార్త వినిపిస్తోంది.  మాజీ ఎంపీ వైవీ సుబ్బారెడ్డి - సజ్జల రామకృష్ణారెడ్డితో పాటు మాజీమంత్రి - ఏపీసీసీ మాజీ అధ్యక్షుడు రఘువీరారెడ్డి ఉన్నట్లు తెలుస్తోంది. అయితే రఘువీరారెడ్డి కాకుంటే సుప్రీంకోర్టు రిటైర్డ్ జస్టిస్ జాస్తి చలమేశ్వర్ కూడా ఉన్నట్లు వార్తలు వస్తున్నాయి. ఈ జాబితా ఫైనలైనట్టు తెలుస్తోంది.  షర్మిల ఆపద సమయంలో జ‌గ‌న్‌కు తోడుగా నిలిచారు. జగనన్న వదిలిన బాణాన్ని అంటూ పాదయాత్ర చేశారు. కష్టకాలంలో పార్టీకి షర్మిల పెద్ద దిక్కుగా నిలిచారు. తన సొంత మీడియా సాక్షి ప్రారంభించినప్పటి నుంచి సజ్జల రామకృష్ణారెడ్డి జగన్ తో ఉన్నారు. సాక్షి పత్రిక ఎడిటోరియల్ డైరెక్టర్ గా కొనసాగుతూనే జగన్ కు రాజకీయాలపై సలహాలు సూచనలు ఇచ్చారు. ఆ తర్వాత సజ్జలను పార్టీలోకి ఆహ్వానించి పెద్ద పదవే ఇచ్చారు. విజయ సాయిరెడ్డి తర్వాత జగన్ కు అత్యంత నమ్మకస్తుడు సజ్జలనే. ఆయన పార్టీలో జగన్ రాజకీయ సలహాదారుడిగా పార్టీ రాజకీయ వ్యవహారాల కమిటీలో పని చేశారు. ప్రస్తుతం ఆంధ్రప్రదేశ్ ప్రభుత్వ సలహాదారుడిగా కొనసాగుతున్నారు. కడప జిల్లాకు చెందిన వ్యక్తి. ఎప్పుడూ తన తోడు ఉండడంతో ఆయనను రాజ్యసభకు జగన్ పంపించనున్నట్టు తెలుస్తోంది. ప్రకాశం జిల్లాకు చెందిన వైవీ సుబ్బారెడ్డి జగన్ పార్టీ పెట్టినప్పటి నుంచి ఉన్నారు. గతంలో ప్రకాశం ఎంపీగా సుబ్బారెడ్డి పని చేశారు. ఈసారి జరిగిన ఎన్నికల్లో సుబ్బారెడ్డి పోటీ చేయలేదు. అప్పుడు ఆయన పదవులు ఆశించకపోవడంతో ఇప్పుడు రాజ్యసభకు పంపించాలని నిర్ణయానికి వచ్చారు. పార్టీలో కీలక నాయకుడిగా గుర్తింపు పొందిన సుబ్బారెడ్డిని రాజ్యసభకు పంపితే న్యాయం జరుగుతుందనే భావనలో జగన్ ఉన్నారంట. అనూహ్యంగా రాజ్యసభకు పంపే జాబితాలో ప్రస్తుతం కాంగ్రెస్ పార్టీ సీనియర్ నాయకుడు రఘువీరారెడ్డి ఉండడం గమనార్హం. అనంతపురము జిల్లాకు చెందిన రఘువీరారెడ్డికి పిలిచి మరి రాజ్యసభ సీటు ఇస్తామంటున్నారు. యాదవ సామాజికి వర్గానికి చెందిన రఘువీరారెడ్డి జగన్ తండ్రి వైఎస్సార్ తో మంచి అనుబంధం ఉంది. అయితే రఘువీరారెడ్డి కాకుంటే మరొకరిని కూడా దృష్టిలో పెట్టుకున్నారు. భారత అత్యున్నత న్యాయస్థానం సుప్రీంకోర్టు జడ్జిగా పని చేసిన జస్టిస్ జాస్తి చలమేశ్వర్ ను రాజ్యసభకు పంపించాలని భావిస్తున్నారంట.  కృష్ణాజిల్లా యాదవ సామాజిక వర్గానికి చెందిన చలమేశ్వర్ సేవలను వినియోగించుకునేలా పార్టీ ఒక నిర్ణయానికి వచ్చిందంట. ఎందుకంటే తరచూ జగన్ న్యాయస్థానాల్లో చిక్కులు ఎదుర్కొంటున్నారు. చలమేశ్వర్ సేవలు వినియోగించుకుంటే జగన్ సేఫ్ గా ఉండడంతో పాటు న్యాయ కోవిదుడికి గౌరవంగా రాజ్యసభను ఇద్దామనే ఆలోచనలో ఉన్నారంట.

అధికారంలో ఉంటే ఒకలా... ప్రతిపక్షంలో ఉంటే మరోలా... వైజాగ్ ఎపిసోడ్ నీతి ఏంటి?

రాజకీయాల్లో ఓడలు బళ్లు అవుతాయి. బళ్లు ఓడలవుతాయి. ప్రజాస్వామ్యంలో ఇది సాధారణమే. ప్రస్తుతం దేశంలోనూ, అనేక రాష్ట్రాల్లోనూ ఇదే జరుగుతోంది. నిన్నమొన్నటివరకు దేశంలోనూ, ఆయా రాష్ట్రాల్లో చక్రం తిప్పినవారంతా, అనామకులుగా మారిపోయారు. దశాబ్దాల తరబడి రాజ్యాన్ని ఏలినవారు, ఇప్పుడు సైడైపోవాల్సిన పరిస్థితులు ఏర్పడ్డాయి. తెలుగు రాష్ట్రాల్లో పలువురు ఉద్దండుల పరిస్థితి ఇప్పుడలాగే కనిపిస్తోంది. ఎంతోమంది ముఖ్యనేతలు తీవ్ర గడ్డుపరిస్థితులను ఎదుర్కొంటున్నారు. మళ్లీ వాళ్లకు మంచి రోజులు వస్తాయని మాత్రం కచ్చితంగా చెప్పలేని పరిస్థితులు కనిపిస్తున్నాయి. ఆంధ్రప్రదేశ్, తెలంగాణ రెండింటిలోనూ ఊహించని రాజకీయ మార్పులు జరగడంతో ఓడలు బళ్లు... బళ్లు ఓడలయ్యాయి.  అయితే, అధికారంలో ఉండగా ఒకలా, ప్రతిపక్షంలా ఉంటే మరోలా వ్యవహరించడం సర్వసాధారణంగా కనిపిస్తుంది. విపక్ష నేతగా ఉన్న సందర్భాల్లో నేతలు వ్యవహరించే తీరు ఒక్కోసారి సాధారణ ప్రజాస్వామిక సూత్రాలకు విరుద్ధంగా ఉంటుంది. నేటి ముఖ్యమంత్రి వైఎస్ జగన్మోహన్ రెడ్డి మూడేళ్ళ క్రితం విపక్ష నేతగా ఉన్నారు. అప్పట్లో ఆయన ప్రత్యేక హోదా కోసం పట్టుదలతో ఉన్నారు. క్యాండిల్ ర్యాలీ నిర్వహించేందుకు వైజాగ్ పర్యటనకు వెళ్లారు. అప్పటికే అక్కడ సీఐఐ పార్ట్ నర్ షిప్ సమ్మిట్ జరుగుతోంది. ఆ నేపథ్యంలో క్యాండిల్ ర్యాలీకి అనుమతిని ప్రభుత్వం నిరాకరించింది. అయినా కూడా జగన్ వైజాగ్ చేరుకున్నారు. అక్కడి నుంచి నగరంలోకి వెళ్లేందుకు ప్రయత్నించారు. అప్పట్లో పోలీసులు ఆయనను అడ్డుకున్నారు. తనను అడ్డుకోవడంపై అప్పట్లో విపక్ష నేతగా ఉన్న జగన్ తీవ్ర ఆగ్రహం వ్యక్తం చేశారు.  ఇక, ఇప్పడు ఏపీలో రాజధాని రగడ కొనసాగుతోంది. అందులో భాగంగా చంద్రబాబు చేపట్టిన వైజాగ్ యాత్రలో ఉద్రిక్తత చోటు చేసుకుంది. ఇందులో పోలీసులను తప్పు పట్టాల్సింది ఏమీ లేదు. అయితే, ఇలాంటి సమయంలో విపక్ష నాయకులు ప్రతిష్టాత్మకంగా తీసుకుంటారు. ఎలాగైనా పోలీసు వలయాన్ని ఛేదించుకోవాలని తాము అనుకున్నది చేయాలని చూస్తుంటారు. పొలిటికల్ మైలేజ్ పొందాలని ప్రయత్నిస్తుంటారు. చంద్రబాబు వైజాగ్ టూర్లోనూ అదే జరిగిందనే మాట వినిపిస్తోంది. నాయకులు విపక్షంలో ఉన్నప్పుడు పొలిటికల్ మైలేజ్ కోసం ప్రయత్నించడంలో తప్పు లేదు. కాకపోతే...ఆ ప్రయత్నాలు సమాజంలో ఉద్రిక్తతలు పెంచేవిగా మాత్రం ఉండకూడదంటున్నారు. అదే సమయంలో అధికారంలో ఉన్న నాయకులు ప్రజాస్వామ్యంలో విపక్షాలకు ఉండే ప్రాధాన్యాన్ని గుర్తించాలని సూచిస్తున్నారు. అధికారపక్షం, విపక్షం....రెండూ ప్రజాస్వామ్యానికి రెండు చక్రాల్లాంటివని, ఏ ఒక్కటి సరిగా లేకున్నా ప్రజాస్వామ్యం కుంటుపడుతుందని గుర్తుచేస్తున్నారు.

రాజీవ్ గాంధీ మరణించాక ఆ సీక్రెట్ బయటపెట్టిన వాజపేయి!!

అమావాస్య రోజు చందమామని చూడాలనుకోవడం, రాజకీయాలలో విలువలు గురించి మాట్లాడాలనుకోవడం ఒకటే అంటుంటారు. అవును ఈ తరం రాజకీయాలను చూస్తే నిజమే అనిపిస్తుంది. ఒకరిపై ఒకరు హద్దు మీరి విమర్శలు చేసుకోవడమే తప్ప.. విలువైన రాజకీయాలు చేసేవారు ఎంతమంది ఉన్నారు ఈరోజుల్లో. ఎవరు అధికారంలోకి వచ్చినా ప్రతిపక్ష నేతల మీద కక్ష తీచుకోవాలన్న ధోరణే తప్ప.. ప్రజల కోసం ఒకరి సూచనలను ఒకరు గౌరవించుకుంటూ విలువైన రాజకీయాలు చేసేవారు ఎక్కడున్నారు?. ఈతరం రాజకీయ నాయకులు ముందుతరం వారిని చూసి ఎంతో నేర్చుకోవాలి. మాజీ ప్రధానులు రాజీవ్ గాంధీ- వాజపేయి మధ్య జరిగిన ఓ సంఘటన తెలిస్తే.. ఈ తరం రాజకీయ నాయకులు సిగ్గుతో తలదించుకుంటారు. అది రాజీవ్ గాంధీ ప్రధానిగా ఉన్న సమయం. అప్పుడు వాజపేయి ప్రతిపక్ష నేతగా ఉన్నారు. వారి మధ్య జరిగిన ఓ అపురూప సంఘటన గురించి ఇప్పుడు తెలుసుకుందాం.  " సార్..ప్రధానమంత్రి రాజీవ్ గాంధీ గారు లైన్ లో వున్నారు..మీతో మాట్లాడుతారుట ".. ఫోన్ పట్టుకుని వాజపేయి దగ్గరికి వచ్చి చెప్పాడు ఆయన వ్యక్తిగత కార్యదర్శి.." ఫోన్ అందుకున్న వాజపేయి ప్రధానమంత్రి తో రెండు నిమిషాలు మాట్లాడారు. ఫోన్ పెట్టేసి వాజపేయి కార్యదర్శి వంక చూసి "మనం ప్రధానమంత్రి తో పాటు ఐక్యరాజ్యసమితి సమావేశంలో పాల్గొనటానికి అమెరికా వెళ్తున్నాం.. ఏర్పాట్లు చూడండి" అనడంతో తను విన్నది నిజమేనా అని ఆశర్యంతో మరోమారు అటల్జీ ని అడిగి కన్ఫర్మ్ చేసుకున్నాడు కార్యదర్శి. " సార్..పత్రికలకు ప్రెస్ నోట్ పంపమంటారా?" నసిగాడు కార్యదర్శి వాజపేయి ఒక్క క్షణం అతనివంక చూసి నవ్వుతూ "నిక్షేపంగా" అన్నారు. ఈ వార్త అప్పట్లో ఇటు కాంగ్రెస్ పార్టీలోనూ, అటు బీజేపీ లోనూ పెద్ద దుమారం సృష్టించింది. రాజీవ్ గాంధీ నిర్ణయానికి కాంగ్రెస్ పార్టీలో సీనియర్లు సైతం ముక్కున వేలేసుకున్నారు. "సాక్షాత్తు ప్రధానమంత్రి హోదాలో ఐక్యరాజ్యసమితి ప్రతినిధుల సమావేశానికి అటెండ్ అవుతూ ప్రతిపక్షపార్టీ నేతను వెంటపెట్టుకెళ్లటం ఏంటి?" అంటూ పార్టీలో సన్నాయి నొక్కులు నొక్కారు. కానీ రాజీవ్ గాంధీ మాత్రం వాజపేయి ని తీసుకెళ్లడం వెనుక అసలు కారణాన్ని ఎవరికీ చెప్పలేదు. కానీ ఆయన మరణానంతరం వాజపేయే అసలు విషయాన్ని ప్రపంచానికి చెప్పారు.. ఆన్ టోల్డ్ వాజపేయి అనే పుస్తకం ద్వారా.. అదీ ఆయన మాటల్లోనే.. "1985 లోనే నాకు ఒక కిడ్నీ దెబ్బ తిని వైద్యం తీసుకుంటున్నా.1988 నాటికి రెండో కిడ్నీ కూడా దెబ్బతింది. డాక్టర్లు తక్షణం వైద్య చికిత్స అవసరం అన్నారు. ఇక్కడ కన్నా అమెరికాలో మెరుగైన వైద్యం అందుబాటులో ఉన్నందున అక్కడికి వెళ్లి ట్రీట్మెంట్ తీసుకోవాలని డాక్టర్లు సూచించారు. ఈ విషయం తెలుసుకున్న రాజీవ్ గాంధీ ఐక్యరాజ్యసమితి ప్రతినిధుల సమావేశానికి నన్ను కూడా రమ్మని ఫోన్ లో కోరారు. కానీ చివరగా ఆయన ఒక మాట చెపుతూ.. 'అటల్ జీ.. ఈ పర్యటనను పూర్తిగా మీ వైద్యానికి ఉపయోగించుకుని సంపూర్ణ ఆరోగ్యంతో ఇండియా కి రండి' అని చెప్పారు. ఈ రోజు నేను ప్రాణాలతో ఉన్నానంటే అది రాజీవ్ గాంధీ నాకు చేసిన ఉపకారం వల్లనే. నా కన్నా ఇరవై ఏళ్ళ చిన్నవాడు అయిన రాజీవ్ నాకు తమ్ముడిలాంటి వాడే" అని వాజపేయి అన్నారు. అది విలువలతో కూడిన రాజకీయమంటే. రాజీవ్ గాంధీ, వాజపేయి రాజకీయంగా ప్రత్యర్థులు కావచ్చు కానీ ఒకరినొకరు గౌరవించుకుంటూ విలువైన రాజకీయాలు చేశారు. వారిని చూసి ఈ తరం రాజకీయ నాయకులు ఎంతో నేర్చుకోవాలి. పొద్దున్న లేస్తే ఒకరిపై ఒకరు దుమ్మెత్తి పోసుకునే అధికార-ప్రతిపక్ష పార్టీల నాయకులు.. రాజకీయాలు పక్కన పెట్టి అప్పుడప్పుడన్నా నైతిక విలువలు పాటించాలన్న సూత్రం.. ఇలాంటి విషయాలు తెలుసుకుని అయినా పాటిస్తే బాగుండు..!

తేనెటీగలూ నేర్పుతాయి తియ్యటి పాఠాలు

తేనెటీగలు అనగానే శ్రమ గుర్తుకువస్తుంది. చిటికెడు తేనె కోసం వందలాది తేనెటీగలు పడే కష్టం గుర్తుకువస్తుంది. కానీ తేనెటీగలు అంతకు మించిన పాఠాలెన్నింటినో నేర్పుతాయంటున్నారు. జీవితానికి ఉపయోగపడే సూచనలు ఎన్నింటినో ఇస్తాయని చెబుతున్నారు. వాటిలో కొన్ని...   కలిసికట్టుగా శ్రమ విభజన గురించి చెప్పుకోవాలంటే తేనెటీగల గురించే చెప్పుకోవాలి. తేనెపట్టుని నిర్మించడం దగ్గర నుంచీ, అందులో భద్రపరచిన తేనెని రక్షించుకోవడం వరకూ... ప్రతీ తేనెటీగా తనదైన బాధ్యతను నిర్వర్తిస్తుంది. ఇది ఎక్కువ పని, ఇది తక్కువ పని అని తేనెటీగలు చూసుకోవు. తాము ఉన్న జట్టుకి మేలు జరగడమే వాటి ఆశయంగా ఉంటుంది.   పరిస్థితులకు అనుకూలంగా తేనెటీగల పని తేనెని సేకరించి భద్రపరచుకోవడమే కావచ్చు. అలాగని అవి కేవలం దట్టమైన అడవులలో మాత్రమే నివాసాన్ని ఏర్పరుచుకోవు. ఫలానా పూల దగ్గర తేనె ఎక్కువగా దొరుకుతుంది కదా అని అక్కడే తచ్చాడవు. ఏదో ఒక చోట తేనెపట్టుని ఏర్పరుచుకోవడం. అందులోకి తేనెని నింపేందుకు దూరదూరాల వరకూ తిరిగిరావడం... ఇదే వాటి పనిగా ఉంటుంది!   ప్రకృతికి సాయం తేనెటీగలు తేనెని తీసుకోవడమే కాదు... అవి వాలిన పువ్వుల మీద ఉన్న పుప్పొడిని మరో మొక్క దగ్గరకు చేరవేస్తాయి. అలా పరాగసంపర్కానికి (pollination) దోహదపడతాయి. మనం తినే ఆహారంలో దాదాపు మూడో వంతు ఇలా pollination వల్లనే ఉత్పత్తి జరుగుతుందన్న విషయం మీకు తెలుసా! అలా తను ప్రకృతి మీద ఆధారపడుతూ, తిరిగి ఆ ప్రకృతికి ఎంతో కొంత ఉపకారం చేస్తూ జీవించేస్తుంటాయి తేనెటీగలు.   జ్ఞానాన్ని సంపాదించడం తేనెటీగలు తేనె కోసం ఎంత దూరమైనా ప్రయాణిస్తాయి. ఓ రెండు చుక్కల కోసం ఎన్ని పూలనైనా చేరుకుంటాయి. జ్ఞానం కోసం తపించే వ్యక్తి కూడా జ్ఞానం ఉంటే అక్కడికి చేరుకోవాలని పెద్దలు సూచిస్తూ ఉంటారు. అలా కాకుండా అహంకారంతో మంకుపట్టు పట్టి నాలుగు గోడల మధ్యే ఉండిపోతే జీవితం నూతిలో కప్పలాగా నిరర్థకమైపోతుంది.   ఆత్మరక్షణకు సాటిలేదు తేనెటీగలు వాటంతట అవి ఎవరి జోలికి వెళ్లి దాడి చేయవు. కానీ తేనెపట్టుని కదిపితే మాత్రం వాటిని ఎదుర్కోవడం మానవుడి తరం కూడా కాదు. మరీ తేనెటీగలలాగా వేటాడి వెంటాడి దాడి చేయనవసరం లేదు కానీ, అనవసరంగా తమ జోలికి రావద్దన్న హెచ్చరికను మాత్రం శత్రువులకు అందించాల్సి ఉంటుంది. - నిర్జర.  

నిద్ర చాలకపోవటం వలన కోపం ఎక్కువగా వస్తుందా?

నిద్రే కదా ఏముందిలే అనుకుంటే పొరపాటే. చక్కటి ఆరోగ్యానికి ఆహారం ఎంత ముఖ్యమో నిద్ర కూడా అంతే ముఖ్యమట. నిద్రకు కోపానికి దగ్గరి సంబంధం ఉందట.. అదేంటో తెలుసుకోవాలంటే ఈ వీడియో చూడండి.  https://www.youtube.com/watch?v=aBxjhGIQdP4  

ప్రతిభను పెంచే - Pygmalion effect

ఓ పిల్లవాడు తరగతిలో అందరికంటే వెనకబడిపోయి ఉంటాడు. ఒకో తరగతీ దాటే కొద్దీ అతను మొద్దుగా పేరు తెచ్చేసుకుంటాడు. ఇక అతన్ని బాగు చేయడం ఎవరి తరమూ కాదని అంతా నిశ్చయించుకుంటారు. ఇంతలో ఒక ఉపాధ్యాయుడి దృష్టి ఆ పిల్లవాడి మీద పడుతుంది. కాస్త ప్రత్యేకమైన శ్రద్ధ తీసుకుంటే ఆ పిల్లవాడు ఓ ఆణిముత్యంగా మారతాడన్న ఆశ ఉపాధ్యాయుడికి ఏర్పడుతుంది. అంతే! అక్కడి నుంచి ఆ పిల్లవాడి జీవితమే మారిపోతుంది. ఎందుకూ పనికిరానివాడు కాస్తా... అద్భుతమైన ఫలితాలు సాధించడం మొదలుపెడతాడు.   వినడానికి ఇదంతా ఏదో సినిమాకథలాగా తోస్తోంది కదా! కానీ నిజజీవితంలో ఇది నూటికి నూరుపాళ్లూ సాధ్యమే అంటున్నారు. ఈ ప్రభావానికి ‘పిగ్మేలియన్ ఎఫెక్ట్‌’ అన్న పేరు కూడా పెట్టారు. పిగ్మేలియన్ ఒక గ్రీకు పురాణ పాత్ర పేరు. అతను ఓ గొప్ప శిల్పకారుడట. ఏ అమ్మాయి వంకా కన్నెత్తయినా చూడని, చూసినా ఆకర్షింపబడని ప్రవరాఖ్యుడట. అలాంటి పిగ్మేలియన్‌ ఓ అందమైన అమ్మాయి శిల్పాన్ని చెక్కుతాడు. తాను చెక్కిన శిల్పాన్ని చూసి తనే మనసు పారేసుకుంటాడు. చివరికి దేవుడి కరుణతో ఆ శిల్పానికి ప్రాణం వస్తుంది. అలా ప్రాణం వచ్చిన శిల్పాన్ని పిగ్మేలియన్ వివాహం చేసుకోవడంతో అతని కథ సుఖాంతం అవుతుంది. మన ఆశలకు అనుగుణంగా అనూహ్యమైన ఫలితాలను సాధించగలం అన్న ఆలోచనతో ‘పిగ్మేలియన్ ఎఫెక్ట్‌’ అన్న పేరు పెట్టారన్నమాట!   రోసెంతాల్‌, జాకబ్‌సన్‌ అనే ఇద్దరు పరిశోధకులు 1968లో ‘పిగ్మేలియన్ ఎఫెక్ట్‌’ ప్రతిపాదన చేశారు. తమ ప్రతిపాదనని నిరూపించడం కోసం వారు ఓ ప్రయోగాన్ని చేపట్టారు. ఇందుకోసం వారు కాలిఫోర్నియాలోని ఓ పాఠశాలని ఎంచుకొన్నారు. ఆ పాఠశాలలో పిల్లలందరి ఐక్యూలని నమోదు చేశారు. ఆ తర్వాత వారి ఉపాధ్యాయుల దగ్గరకు వెళ్లి వారిలో కొందరు పిల్లలు ఐక్యూ చాలా అద్భుతంగా ఉందనీ... ఆ పిల్లలు ఎప్పటికైనా మంచి ఫలితాలు సాధిస్తారనీ చెప్పారు. నిజానికి వాళ్లు సేకరించిన వివరాలు వేరు, ఉపాధ్యాయులకు చెప్పిన వివరాలు వేరు. కానీ పరిశోధకులు చెప్పిన వివరాలను నమ్మిన ఉపాధ్యాయులు, తమ నమ్మకానికి అనుగుణంగానే ప్రవర్తించడం మొదలుపెట్టారు. తెలిసో, తెలియకో అద్భుతాలు సాధించగలరు అనే పిల్లల మీద ఎక్కువ దృష్టి పెట్టారు. కొంతకాలం గడిచిన తర్వాత ఉపాధ్యాయులు దృష్టి పెట్టిన పిల్లలు నిజంగానే మంచి ప్రతిభను కనబరిచారు.   ఈ పిగ్మేలియన్‌ ఎఫెక్ట్‌ కేవలం బడిలోనే కాదు- ఆఫీసులో, ఇంట్లో, రాజకీయాల్లో... ఇలా మన జీవితంలోని ప్రతి సందర్భంలోనూ సత్ఫలితాలను సాధిస్తుందని చెబుతున్నారు. ఎదుటివ్యక్తి పనికిమాలినవాడు అన్న భావనతో ఉంటే, అతనితో మన ప్రవర్తన అలాగే ఉంటుంది. అలా కాకుండా అతనేదో సాధించగలడు అన్న నమ్మకంతో ఉంటే, అతని పట్ల మన ప్రవర్తించే తీరు మారిపోతుంది. మన ఆకాంక్షలు అతని మీద తప్పకుండా ప్రభావం చూపుతాయి. వాటిని అందిపుచ్చుకునేందుకు, అవతలివ్యక్తి కూడా ఓ నాలుగడుగులు ముందుకు వేసే ప్రయత్నం చేస్తాడు. పిగ్మేలియన్ ఎఫెక్ట్‌ ఇద్దరు వ్యక్తులకి మాత్రమే పరిమితం కాదు. ఒకోసారి మనమీద మనం నమ్మకాన్ని ఏర్పరుచుకున్నప్పుడు కూడా అనూహ్యమైన ఫలితాలను సాధించగలం. దీన్నే self-fulfilling prophecy అంటారు.   పిగ్మేలియన్‌ ఎఫెక్ట్‌ ఏ మేరకు పనిచేస్తుంది? అది అనవసరమైన ఆకాంక్షలకు కారణం అవుతుందా! ఎదుటివ్యక్తి మీద మరింత ఒత్తిడిని కలిగిస్తుందేమో! లాంటి సందేహాలు లేకపోలేదు. అయితే జీవితంలో ఏమీ సాధించలేము అని నిరాశ చెందే సందర్భాలలోనూ, అవతలి వ్యక్తి ఎందుకూ పనికిరాడన్న అభిప్రాయానికి వచ్చేసినప్పుడూ ఈ పిగ్మేలియన్ ఎఫెక్ట్‌ని కాస్త పరీక్షిస్తే తప్పకుండా భిన్నమైన ఫలితం వచ్చి తీరుతుందంటున్నారు.   - నిర్జర

అమరావతి అణుబాంబు కన్నా స్ట్రాంగ్! 

అమరావతిపై నటుడు శివాజి మరోసారి కీలక వ్యాఖ్యలు చేశారు. అమరావతిని ఏపీ రాజధానిగా కొనసాగించాలని కోరుతూ  437 రోజులుగా ఉద్యమం చేస్తున్న రైతులు, మహిళలకు మద్దతు తెలిపేందుకు అమరావతికి వచ్చారు శివాజీ. అమరావతి ఆందోళనకు మద్దతు తెలిపారు. రైతుల సంకల్పం, వారి తెగువ అమరావతిని నిలబెడతాయన్న నమ్మకం తనకుందని అన్నారు  శివాజి. రాజధానిపై రైతుల్లో ఉన్న దృఢసంకల్పమే వారిని విజయతీరాలకు చేరుస్తుందని తెలిపారు. అమరావతి భావితరాల సొత్తు అని, దీన్ని ఎవరూ దొంగిలించలేరని స్పష్టం చేశారు. రాజధాని రైతులను ఏపీ ప్రభుత్వం చర్చలకు పిలవకపోవడం వారి విజ్ఞతకే వదిలేస్తున్నానని శివాజీ వ్యాఖ్యానించారు. గతంలో ఇక్కడే రాజధాని ఏర్పాటు చేయాలని అమరావతి రైతులు కోరలేదని, ప్రభుత్వం కోరిన పిమ్మట బాధ్యతగా తమ భూములు అప్పగించారని శివాజీ వెల్లడించారు. ఇప్పుడా భూములకు విలువలేదని అంటే అది చెల్లదని అన్నారు. అమరావతి ఎక్కడికీ పోదని, ఆ విధంగా శాసనం చేయబడిందని చెప్పారు. ఇది శివాజీ చెబుతున్న మాట అని ఉద్ఘాటించారు. ఆ శాసనాన్ని బద్దలు కొట్టాలంటే అణుబాంబు వల్ల కూడా కాదని శివాజి స్పష్టం చేశారు. అమరావతి ఎప్పటికీ ఆంధ్రుల రాజధానే అన్నారు శివాజి. అమరావతి రైతులను ఎవరూ మోసం చేయలేరని, తాను చెప్పింది చెప్పినట్టు జరుగుతుందని చెప్పారు. రాష్ట్రంలోని ఇతర ప్రాంతాలు కూడా అభివృద్ధి చెందాలని, అదే సమయంలో అమరావతి రాజధాన నిర్మాణం కూడా కొనసాగాలని శివాజి ఆకాంక్షించారు.

రావాలి.. రావాలి.. జూ.ఎన్టీఆర్ రావాలి..! మరి, వస్తాడా?

జై బాబు. జై జై బాబు. కుప్పంలో చంద్రబాబు రోడ్ షో సూపర్ హిట్. సీబీఎన్ టూర్ కంటే ఆ రోడ్ షోలో జరిగిన ఓ అనూహ్య ఘటన ఇప్పుడు రాజకీయంగా ఆసక్తి రేపుతోంది. టీడీపీలో విస్త్రుత చర్చ జరుగుతోంది. జూనియర్ ఎన్టీఆర్ ప్రచారానికి రావాలంటూ చంద్రబాబు రోడ్ షో లో నినాదాలు మారుమోగాయి. రావాలి.. రావాలి.. జూనియర్ ఎన్టీఆర్ తప్పకుండా రావాలి.. టీడీపీ ప్రచారానికి జూనియర్ ఎన్టీఆర్ ను రంగంలోకి దించాలంటూ తెలుగు తమ్ముళ్లు చంద్రబాబు సమక్షంలో బహిరంగంగా డిమాండ్ చేశారు. జై చంద్రబాబు.. జై జూనియర్ ఎన్టీఆర్ నినాదాలతో కుప్పం రోడ్ షో లో హోరెత్తించారు. ఎన్టీఆర్ ఫోటోలతో కుప్పంలో ఫ్లెక్సీలు వెలిశాయి. జూనియర్ ఎన్టీఆర్. సినిమా హీరోగా ఫుల్ క్రేజ్. నందమూరి వారసుడిగా ఇటు నటన, అటు రాజకీయం ఆయన రక్తంలోనే ఉంది. పెద్ద ఎన్టీఆర్ పోలికలు, అనర్గళ వాగ్ధాటి జూనియర్ కు జన్మతా వచ్చిన లక్షణాలు. నందమూరి ఫ్యామిలీలో బాలయ్య తర్వాత తారక్ లోనే ఆ చరిష్మా. ఆ ఆకర్షణ. తాత పెట్టిన పార్టీ కోసం గతంలో టీడీపీ తరఫున రాష్ట్ర వ్యాప్తంగా ప్రచారం నిర్వహించారు జూనియర్. అచ్చం పెద్ద ఎన్టీఆర్ మాదిరే ఖాకీ డ్రెస్ ధరించి.. చైతన్యరథంపై పర్యటించి అదరగొట్టారు. తెలుగు తమ్ముళ్లలో ఉత్తేజం, ఉత్సాహం నింపారు. అయితే.. జూనియర్ ఎన్టీఆర్ ప్రచారానికి వచ్చినంత ప్రాభవం.. ఆనాటి ఎన్నికల ఫలితాల్లో మాత్రం కనిపించలేదు. 2009లో వైఎస్సార్ ప్రభంజనానికి ఎదురొడ్డి.. టీడీపీని అధికారంలోకి తీసుకురావడంలో జూనియర్ విఫలమయ్యాడు. ఆయన ప్రచారం చేసిన నియోజకవర్గాల్లోనూ టీడీపీ అభ్యర్థులు గెలవలేకపోయారు. దీంతో. వ్యక్తిగత ఇమేజ్ వేరు.. రాజకీయాలు వేరనే తర్కం బుడ్డోడికి బోధపడింది. ఆ తర్వాత కుటుంబంలో, పార్టీలో వచ్చిన పరిణామాలు.. జూనియర్ ను పసుపు జెండా నుంచి దూరం పెట్టాయి. లోకేశ్ ఎంట్రీతో ఎన్టీఆర్ అవసరం తగ్గిపోయింది. పార్టీని లోకేశ్ సమర్ధవంతంగా నడుపుతుండటంతో టీడీపీలో జూనియర్ కు స్పేస్ లేకుండా పోయింది.  రాజకీయాలు తనకిప్పుడు సెట్ కావని భావించిన జూనియర్.. అప్పటి నుంచీ సినిమాలపైనే పూర్తిగా ఫోకస్ పెట్టారు. అనేక సూపర్ హిట్లు సొంతం చేసుకున్నారు. ప్రస్తుతం ఆయన మూవీ గ్రాఫ్ పీక్స్ మీదుంది. టాలీవుడ్ లో టాప్ హీరోగా లైమ్ లైట్లో ఉన్న జూనియర్ ను సడెన్ గా రాజకీయాల్లోకి రావాలంటూ కుప్పం ప్రజలు డిమాండ్ చేయడం అనూహ్యం. అందుకే, జూనియర్ పొలిటికల్ ఎంట్రీపై మరోసారి చర్చ జరుగుతోంది.  జగన్ దూకుడుతో టీడీపీ ఇబ్బంది పడుతోంది. వరుస దాడులు, కేసులతో కేడర్ డీలా పడుతోంది. ప్రస్తుత ఇబ్బందికర పరిస్థితుల్లో జూనియర్ ఎన్టీఆర్ వస్తే పార్టీలో జోష్ పెరుగుతుందని కుప్పం ప్రజలు భావించి ఉండొచ్చు. అయితే.. గ్రహణం కొన్ని రోజులు మాత్రమే ఉంటుంది. మబ్బులు వీడాక మళ్లీ చంద్రోదయం ఖాయం. తాత్కాలిక కష్ట, నష్టాలను తట్టుకుని నిలబడటమే రాజకీయాల్లో ఉన్న వారికి అవశ్యకం. జూనియర్ ఎన్టీఆర్ వరుస హిట్లతో సినిమాల్లో మంచి పొజిషన్ లో ఉన్నారు. ఆయనకు కావలసినంత వయసు, మంచి భవిష్యత్తు ఉంది. ఒకసారి చేదు అనుభవం ఎదురై.. రాటు దేలిన ఎన్టీఆర్.. ఇప్పటికిప్పుడే పొలిటికల్ ఎంట్రీకి సిద్ధంగా లేరు. ఎన్టీఆర్ సినీ అభిమానులు సైతం ఇదే కోరుకుంటున్నారు. పాలిటిక్స్ వద్దంటూ ట్విట్టర్ లో జూనియర్ ఫ్యాన్స్ ట్వీట్లతో ఊదరగొడుతున్నారు. సినీ ఫ్యాన్స్ రాజకీయాలు వద్దంటుంటే.. పొలిటికల్ ఫ్యాన్స్ మాత్రం జూనియర్ ఎన్టీఆర్ రావాలంటూ డిమాండ్ చేస్తుండటం ఆసక్తికరం. మరి, ఆ మనువడి మదిలో ఏముందో..? 

దత్తన్నను తోసేసిన ఎమ్మెల్యేలు

హిమాచల్ ప్రదేశ్ గవర్నర్‌ బండారు దత్తాత్రేయకు  బడ్జెట్ సమావేశాల తొలిరోజు చేదు అనుభవం ఎదురైంది. అసెంబ్లీ కాంప్లెక్స్‌లో కాంగ్రెస్ ఎమ్మెల్యేలు ఆయనను ఘెరావ్ చేశారు. ఈ తోపులాటలో దత్తాత్రేయ కిందపడ్డారు. ఉదయం 11 గంటలకే బడ్జెట్ సమావేశాలు ప్రారంభమయ్యాయి. వెనువెంటనే విపక్ష కాంగ్రెస్ నేతలు ఒక్కపెట్టున ఆందోళనకు దిగారు. విపక్ష నేత అగ్నిహోత్రి తన సీట్లోంచి లేచి నినాదాలు చేశారు. సభలో గందరగోళ పరిస్థితుల మధ్య గవర్నర్ తన ప్రసంగంలోని చివరి లైను మాత్రమే చదవి వినిపించారు. అనంతరం ఆయన ముఖ్యమంత్రి జై రామ్ ఠాకూర్‌‌, స్పీకర్ విపిన్ పార్మర్‌‌తో కలిసి బయటకు వస్తుండగా స్పీకర్ ఛాంబర్ వద్ద గవర్నర్‌ను నిలువరించేందుకు విపక్ష ఎమ్మెల్యేలు ప్రయత్నించారు. దీంతో తోపులాట చోటుచేసుకుంది. సభ తిరిగి సమావేశం కాగానే గవర్నర్‌ను ఘెరావ్ చేసిన కాంగ్రెస్ ఎమ్మెల్యేలపై పార్లమెంటరీ వ్యవహారాల మంత్రి సురేష్ భరద్వాజ సస్పెన్షన్ తీర్మానం ప్రవేశపెట్టారు. ఐదుగురు కాంగ్రెస్ ఎమ్మెల్యేలపై స్పీకర్ సస్పెన్షన్ వేటు వేశారు. బడ్జెట్ సమావేశాలు జరిగినన్ని రోజులు సభకు రాకుండా వారిని సస్పెండ్ చేశారు. సస్పెండైన వారిలో కాంగ్రెస్ విపక్ష నేత ముఖేష్ అగ్నిహోత్రితో పాటు ఎమ్మెల్యేలు హర్ష వర్ధన్ చౌహాన్, సుందర్ సింగ్ ఠాకూర్, సత్పాల్ రైజడ, వినయ్ కుమార్ ఉన్నారు.ఇటీవల పంచాయతీ ఎన్నికల్లో ఓటమితో కాంగ్రెస్ ఎమ్మెల్యేలు తీవ్ర నిరాశ చెందడాన్ని ఈ చర్య ప్రతిబింబిస్తోందని అన్నారు.   

సమతౌల్యమైన ఆహారం తీసుకుంటేనే ఆరోగ్యం

శాఖాహరం తీసుకుంటేనే మనిషి కొన్నాళ్ళు అయినా భూమిపై మనుగడ అని ప్రముఖ శాస్త్రజ్ఞుడు ఆల్ల్బెర్ట్ ఐన్స్టైన్ అన్నారు. అలా ఉండాలంటే మనం ఎలాంటి ఆహారం తీసుకోవాలో చూద్దాం. సహజంగా కాయగూరలు, పళ్ళు, చిక్కుళ్ళు, బంగాళా దుంపలు, తృణ ధాన్యాలు, చిరు ధాన్యాలు, మూలికలు మసాలాలు, నెయ్యి, మజ్జిగ, రిఫైండ్ చేయని నూనెలు తీసుకోవాలి.                             కూరాగాయాలలో:  తాజా కూరగాయాలు, ఆకూ కూరలు, తదితరాలు.  పళ్ళలో:  నారింజ,అనాస పండు, ద్రాక్ష పళ్ళు, డేట్స్, అత్తి పండ్లు, పుచ్చ కాయ.  చిక్కుళ్ళు:  బీన్స్, పచ్చి బటానీ, కాయ ధాన్యాలు, పప్పు ధాన్యాలు, కోడి గుడ్లు తదితరాలు. దుంపలు: బీట్ రూట్, క్యారెట్, బంగాళదుంపలు, కలోకాసియా తదితరాలు. తృణ ధాన్యాలు: మిల్లెట్స్, ఫొక్ష్ టైల్ మిల్లెట్, ఫింగర్ మిల్లెట్, బర్న్ యార్డ్ మిల్లెట్, రెడ్ రైస్, బ్రౌన్ రైస్ తదితర ధాన్యాలు. పాల పదార్ధాలు: నెయ్యి, ఆవు పాలు, పెరుగు, మజ్జిగ.   మూలికలు, సుగంధ ద్రవ్యాలు: తులసి, పుదీనా, పసుపు, జీల కర్ర, జాజి కాయ, జాపత్రి, దాల్చిన చెక్క, నల్ల మిరియాలు, వెల్లుల్లి తదితరాలు. కొవ్వు పదార్ధాలు: రీఫైండ్ చెయ్యని నూనెలు, నువ్వుల నూనె, పొద్దు తిరుగుడు పువ్వుల నూనె, కొబ్బరి నూనె, ఆవ నూనె తదితరాలు.  మన రోటీన్ జీవితంలో సరైన సమయంలో సమతౌల్యమైన ఆహారం తీసుకుంటేనే ఆరోగ్యంగా ఉంటారు. 

దేశంలో కరోనా డేంజర్ బెల్స్ ! రాష్ట్రాలకు కేంద్రం గైడ్ లైన్స్  

కోవిడ్ వైరంట్  N44OK తన ఉగ్రరూపాన్ని చూపిస్తోంది  ఇప్పటికే  పంజాబ్, మహారాష్ట్ర, కేరళ, ఛత్తీస్ ఘడ్, మధ్య ప్రదేశ్, జమ్మూ కశ్మీర్ రాష్ట్రాలలో రోజురోజుకు  సెకండ్ వేవ్ చూపిస్తుందని అనుమానం కలుగు తోంది. అయితే రెండవ దశ కోవిడ్ కు  N44OK సిసిఎంబి శాస్త్రవేత్తలు  చేసిన పరిశోధనలో   N44OK  వైరస్ వేరియంట్ గా గుర్తించారు. కోవిడ్ వైరంట్ 1 9 దక్షిణాదిలో శర వేగంగా విస్తరిస్తోందని సిసిఎంబి డైరెక్టర్ రాకేశ్ మిశ్రా వెల్లడించారు. వైరంట్ రూపాంతరం చెందుతోందని దీనిని పూర్తిగా అధ్యయనం చేయడానికి క్షుణ్ణంగా  గమనించాలని శాస్త్రజ్ఞులకు సూచించారు. దీని ప్రభాల్యం తక్కువ సమయంలో ఎక్కువ ప్రభావం చూపిస్తుందని  రాకేశ్ తెలిపారు.   కోవిడ్ 1 9 రెండవ దశ తన ఉగ్రరూపాన్ని చూపిస్తోంది అని  కేంద్ర నివేదికలు చెపుతున్నాయి. పంజాబ్, మహారాష్ట్ర, మధ్య ప్రదేశ్ , కేరళ, చతీస్ ఘడ్, జమ్మూ కాశ్మీర్ లో ఉగ్రరూపం చూపుతోందని కేంద్ర కుటుంబ సంక్షేమం ఆరోగ్య శాఖ  ఒక నివేదికలో వెల్లడించింది. 17 రోజుల తరువాత దేశంలో మరోసారి యాక్టివ్ కేసుల సంఖ్య లక్షన్నరను దాటింది. నవంబర్ నెలలో 24వ తేదీన 4,38,667 యాక్టివ్ కేసులు ఉండగా, ఆ సంఖ్య మూడు రోజుల్లో 3.85 శాతం పెరిగి 4.55 లక్షలను దాటాయి. సోమవారం మళ్లీ కేసులు పెరిగిపోయాయి.  వరుసగా ఐదవ రోజు కూడా యాక్టివ్ కేసుల సంఖ్య పెరిగింది. గత వారంలో 1.5 శాతం ఉన్న ఈ పెరుగుదల, ఇప్పుడు 2.9 శాతాన్ని దాటింది. ఇక రోజువారీ కొత్త కేసుల సంఖ్య విషయంలోనూ గణాంకాలు ఆందోళన కలిగిస్తున్నాయి. ఈ నెల 16న 9,121గా ఉన్న రోజువారీ కొత్త కేసుల సంఖ్య, ఏడు రోజుల సగటును దాటి 13.8 శాతం పెరిగి సోమవారం నాడు 14,199కి పెరిగాయి. మహారాష్ట్ర, కేరళ, ఛత్తీస్ గఢ్, మధ్యప్రదేశ్ లలో రోజువారీ కొత్త కేసుల సంఖ్య పెరుగుతోంది. ఈ ఐదు రాష్ట్రాల్లోనూ ప్రజలు మరింత జాగ్రత్తగా ఉండాలని కేంద్రం ఇప్పటికే హెచ్చరికలు జారీ చేసింది. కొత్త కేసుల్లో న్యూ స్ట్రెయిన్ అధికంగా కనిపిస్తుండటంతో, దాని వ్యాప్తి గొలుసును విడగొట్టేందుకు వైద్యాధికారులు, స్థానిక అధికారులు తీవ్రంగా శ్రమిస్తున్నారు. ప్రస్తుతం దేశంలో ఉన్న మొత్తం యాక్టివ్ కేసుల్లో 74 శాతం కేసులు కేరళ, మహారాష్ట్రలోనే ఉండటం ఆందోళన కల్గిస్తోంది.  దేశంలో కరోనా కేసులు పెరుగుతుండటంతో కేంద్ర ఆరోగ్య శాఖ అన్ని రాష్ట్రాలకు తాజాగా ఆదేశాలు జారీ చేసింది.. 1)  ఆర్టీపిసిఆర్ పరీక్షల  సంఖ్య పెంచాలి.                                                               2) నెగెటివ్ ర్యాపిడ్ అంటిజన్ పరీక్షలు తప్పని సరిగా చేయాలి                              3) ఆర్టీపీసీఆర్ ద్వారా నెగెటివ్ వ్యక్తులు మిస్ కారాదు                                                         4) ఎంపిక చేసిన జిల్లాలలో కన్ టైన్ మెంట్  జోన్లు ఏర్పాటు                                                              5) జీనోమ్ సీక్వెన్స్ ప్రకారం క్లస్టర్ల నిర్వహణ  అయితే గతం కంటే ఇప్పుడు  అపార్ట్ మెంట్లులలో కోవిడ్ విస్తరిస్తోందని  అవసరమైతే ఆ అపార్ట్ మెంట్ ను సైతం సీజ్ చేసేందుకు మహారాష్ట్ర ప్రభుత్వం  ఇప్పటికే ప్రకటించింది. 

ఈగలు వాలిన ఆహారం తిన్నారో అంతే సంగతి...

భయ పెడుతున్నామని మాత్రం అనుకోకండి... ఈగలువాలిన ఆహారం తీసుకున్నారో అంతే సంగతి... ఎక్కడి కైనా బయటికి వచ్చినప్పుడు సరైన ఆహారం తీసుకోవాడం ముఖ్యంగా పరిశుభ్రమైన ఆహారం దొరకదు. అటువంటప్పుడు అక్కడ దొరికిన ఆహారాన్నే తీసుకోక తప్పని పరస్థితి. ముఖ్యంగా ఎండాకాలంలో  పరిశుభ్రమైన మంచి నీళ్ళు దొరకవు. కొన్ని ఆహార పదార్ధాలు అక్కడ దొరికే నీటితోనే తయారు చేస్తారు. ముఖ్యంగా తీపి పదార్ధాలు, పాలపదార్ధాలు, టీ, కోఫీ, టిఫిన్ అమ్మెహోటళ్ళలో రోడ్డు పక్కన బండి మీద దుమ్ముపడుతూ మురికి కాల్వల పక్కన వండే ఆహారం పట్ల శ్రద్ధ చూపించండిలేదంటే  అనారోగ్యమే. గ్యాస్ట్రో ఎంత్ర్రాలజిస్ట్ లు అంటున్న ఆవిషయం ఏమిటో చూద్దాం పదండి... మనం తినే ఆహార పదార్ధాలపైన ఈగలు వాలినప్పుడు ఏమౌతుందిలే అనుకుంటున్నారేమో... మనం తినే ఆహారాన్ని ఈగ ఉన్నది ఉన్నట్లుగా తినలేదు. అందుకని మొదటగా ఈ పదార్ధం మీద ఈగ కక్కు తుంది. తరువాత ఆకక్కును తన కాళ్ళతో కసాపిసా కాళ్ళతో ఆహరంలోకి కలిపేస్తుంది. అలా కలపటం వల్ల కక్కుతో ఆహార పదార్ధం ద్రవరూపంలోకి మారుతుంది. ఇలా తోక్కుతున్నఆహార పదార్ధంలోనే మనకు అపకారం కలిగించే సూక్ష్మ క్రిములు కూడా చొరబడతాయి. పల్చగా అయిన ఆ ఆహారాన్ని కక్కుతో సహా ఈగ మళ్ళీ లోపలికి పీల్చుకుంటుంది. అలా పీల్చుకున్న సమయంలోనే కొంత మలాన్ని కూడా  విసర్జిస్తుంది. అలా విసర్జింపబడ్డ మలం ఆహార పదార్ధం మీద మిగులుతుంది. ఆ ఆహారాని మనం ఆహా.. ఆహా.. అనుకుంటూ లొట్టాలేసుకుంటూ మనం తింటాం.                                                                                          ఇప్పుడు మనం ఏమేమి తిన్నాం ?                                                              ఆహారాన్ని, దానితో పాటు ఈగ కక్కుని, ఈగ మలాన్ని, సూక్ష్మ క్రిములని, కాబట్టి  ఆహార పదార్ధాల విషయంలో మనం తీసుకోవాల్సిన  జాగ్రత్తలంటూ కొన్ని ఉన్నాయి అవి ఏమిటో తెలుసుకుందామా...                                                                                                               1) ఆహార పదార్ధాల మీద మూతలు ఉంచాలి.                                                                                                                                       2) ఆహార పాత్రల పైన మూతలు ఉంచాలి.                                                                                                        3) మంచి నీళ్ళ పాత్రల మీద మూతలు ఉంచాలి.                                                                                                           4) డస్ట్ బిన్ మీద మాత్రం మర్చిపోకుండ మూత ఉంచాలి.                                                                                 5) అసలు ఇంటి పరిసరాలలో ఈగలు లేకుండా చూసుకోవాలి. అలాంటి జాగ్రత్తలు తీసుకోకుండా ఆహారం తీసుకున్నారో ఫుడ్ ఇన్‌ఫెక్షన్ అవ్వడం, వాంతులు, విరేచనాలు లాంటి అనేక రకమైన వ్యాధులు మనకు తెలియకుండానే సోకుతాయి. ముఖ్యంగా కోసిన పళ్ళు, లేదా చెరుకురసం ఉన్న బండ్లు, లేదా గప్ చిప్ బండ్లు, స్వీట్  స్తల్ల్స్ , రోడ్డుపై తోపుడు బళ్ళు ఇలా ఒకటి ఏమిటి ఇక్కడ అక్కడ అన్నదే లేదు ఎక్కడైనా అపరిశుభ్ర ఆహారం ఉంటుంది. అందుకే ఈగవాలిన ఆహారం తీసుకుంటారో.. ఇంట్లో ఒండుకుంటారో ఒక్కసారి మన ఆరోగ్యం గురంచి మనమే ఆలోచించుకోవాలి. సో... పొరిగింటి కూరకి వెళ్తారా.. ఇంటికూరకే వస్తారా మీఇష్టం ఛాయస్ ఇస్ యువర్స్.
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.