Publish Date:Aug 25, 2018
Publish Date:Aug 25, 2018
Publish Date:Aug 23, 2018
Publish Date:Aug 23, 2018
Publish Date:Aug 23, 2018
Publish Date:Aug 22, 2018
Publish Date:Aug 20, 2018
Publish Date:Aug 20, 2018
Publish Date:Aug 20, 2018
Publish Date:Aug 11, 2018
Publish Date:Aug 11, 2018
Publish Date:Aug 10, 2018
Publish Date:Aug 10, 2018

LATEST NEWS
ALSO ON TELUGUONE N E W S
  నంద‌మూరి బాల‌కృష్ణ ఎన్టీఆర్ పాత్ర‌లో న‌టిస్తోన్న చిత్రం `ఎన్టీఆర్`. ప్ర‌స్తుతం ఈ బ‌యోపిక్ య‌మా  ఫాస్ట్ గా షూటింగ్ కార్య‌క్ర‌మాలు జరుపుకుంటోంది. ఇప్ప‌టికే విడుద‌లైన ఒక్కో పోస్టర్ ఒక్కో విధంగా సినిమాకు హైప్ క్రియేట్ చేస్తోంది. తాజాగా ప్ర‌జానాయ‌కుడు, క‌థానాయ‌కుడు రెండు పార్ట్స్ గా సినిమా రాబోతుంద‌ని ప్ర‌క‌టించాక ఈ సినిమా పై ఇంకా భారీ అంచ‌నాల‌తో పాటు ఎప్పుడెప్పుడు చూడాలా అన్న ఆస‌క్తి అటు సినీ వ‌ర్గాల్లో ఇటు ప్రేక్ష‌కుల్లో కూడా మొద‌లైంది. రోజుకో ఆస‌క్తిక‌ర‌మైన న్యూస్ తో నిత్యం వార్త‌ల్లో ఉంటోంది. ఈ సినిమాకు సంబంధించి ప్ర‌స్తుతం మ‌రొక వార్త హ‌ల్ చ‌ల్ చేస్తోంది. నారా చంద్ర‌బాబు పాత్ర‌లో రానా న‌టిస్తోన్న విష‌యం తెలిసిందే. అయితే ఆయ‌న భార్య నారా భువ‌నేశ్వ‌రి పాత్ర కొర‌కు త‌మిళ న‌టి మంజిమా మోహ‌న్ ను తీసుకున్న‌ట్లు తెలుస్తోంది. ఈమె గ‌తంలో నాగ చైత‌న్య‌తో సాహ‌సం శ్వాస‌గా సాగిపో చిత్రంలో హీరోయిన్ గా న‌టించింది. మ‌రి నారా భువ‌నేశ్వ‌రి పాత్ర‌లో ఎలా న‌టిస్తుందో చూడాలి.  త్వ‌ర‌లో ఈమె షూటింగ్ లో పాల్గొనే అవ‌కాశాలున్నాయట‌. ద‌స‌రా పండుగ త‌ర్వాత అంటే వ‌చ్చే వారంలో అబిడ్స్ లో ని ఎన్టీఆర్ హౌస్ లో  షూటింగ్ చేయ‌డానికి చిత్ర యూనిట్ స‌న్నాహాలు చేస్తోంది.  ఈ చిత్రానికి బుర్రా సాయి మాధ‌వ్ మాటలు, కీర‌వాణి సంగీతం స‌మ‌కూరుస్తున్నారు. 
  నేచురల్ స్టార్ నాని, నాగార్జునతో కలిసి చేసిన మల్టీస్టారర్ చిత్రం 'దేవదాస్' ఈ మధ్య విడులైంది. అయితే ఆ చిత్రం ఆశించిన స్థాయిలో విజయం సాధించలేదు. ఈ చిత్రం విడుదలకి ముందే నాని 'జెర్సీ' అనే చిత్రాన్ని అంగీకరించారు. క్రీడా నేపథ్యంలో తెరకెక్కుతున్న ఈ చిత్రానికి 'మళ్ళీ రావా' ఫేమ్ గౌతమ్‌ తిన్నూరి దర్శకత్వం వహిస్తున్నారు. అయితే తాజాగా నాని మరో చిత్రానికి గ్రీన్ సిగ్నల్ ఇచ్చినట్టు తెలుస్తోంది. ఈ చిత్రంలో నాని రైతు పాత్రలో కనిపించబోతున్నట్టు సమాచారం. పలు షార్ట్ ఫిల్మ్స్ చేసి మంచి పేరు తెచ్చుకున్న 'కిశోరుడు' దర్శకత్వంలో గ్రామీణ నేపథ్యంలో తెరకెక్కబోయే చిత్రంలో నాని నటిస్తున్నాడని వార్తలు వినిపిస్తున్నాయి. ఇటీవల కిశోరుడు, నానిని కలిసి కథను వినిపించారట. కథ నచ్చడంతో నాని ఓకే చెప్పినట్లు తెలుస్తోంది. అదే నిజమైతే ఈ సినిమాలో నాని రైతుగా అభిమానులను అలరించనున్నారు.
  శ్రీకాకుళం తుఫాను బాధితులకు సహాయం చేయడానికి తెలుగు సినీ పరిశ్రమ ముందుకి వచ్చింది. మొదటగా సంపూర్ణేష్ బాబు రూ.50 వేలు సాయం ప్రకటించి స్ఫూర్తిగా నిలిచారు. తరువాత విజయ దేవరకొండ 5 లక్షలు, ఎన్టీఆర్ 20 లక్షలు, కళ్యాణ్ రామ్ 5 లక్షలు ప్రకటించారు. ఇలా హీరోలు ఎవరికి తోచిన ఆర్థిక సాయం వారు చేస్తూ బాధితులకు అండగా ఉంటుంటే.. ఒక హీరో మాత్రం బాధితులను పరామర్శించి, వారికి ప్రత్యక్షంగా సాయంగా చేసి రియల్ హీరో అనిపించుకుంటున్నాడు. అతనే యంగ్ హీరో నిఖిల్.     నిఖిల్ ‘తితిలీ’ ప్రభావిత ప్రాంతానికి వెళ్లి బాధితులను పరామర్శించి దగ్గరుండి మూడు వేల మందికి భోజన సదుపాయం కల్పించాడు. అంతేనా..  2500 కిలోల రైస్, 500 దుప్పట్లు, పవర్ కట్స్‌ని నివారించేందుకు పోర్టబుల్ జనరేటర్స్ అందించాడు. అంతేకాదు వారితో కలిసి భోజనం చేశానని, ఇది చాలా సంతృప్తిని ఇచ్చిందని నిఖిల్‌ ట్వీట్‌ చేశారు. ‘ఎంతో సంతృప్తి పొందిన ఈ రోజు.. మనస్ఫూర్తిగా భోజనం చేశా. 500 దుప్పట్లు, విద్యుత్‌లేక ఇబ్బంది పడుతున్న వారి కోసం పోర్టబుల్‌ జనరేటర్లు, 3వేల మందికి భోజనం శ్రీకాకుళంలో పంపిణీ చేశాం. శ్రీకాకుళం ప్రజలు ధైర్యంగా ఉండాలి’ అని నిఖిల్‌ రాత్రి ట్వీట్ చేశారు. రియల్ హీరో అనిపించుకున్న నిఖిల్ ని మిగతా హీరోలు కూడా ఆదర్శంగా తీసుకోవాలని నెటిజనులు కోరుతున్నారు.
  ఆఫీసర్ తరువాత కాస్త సైలెంట్ అయిన రామ్ గోపాల్ వర్మ మళ్ళీ కొద్దిరోజులుగా వార్తల్లో నిలుస్తున్నారు. గతంలో బాలకృష్ణ 'ఎన్టీఆర్ బయోపిక్' అనౌన్స్ చేసిన సమయంలో.. 'లక్ష్మీస్ ఎన్టీఆర్' అంటూ సినిమా అనౌన్స్ చేసి ఒక సాంగ్ కూడా రిలీజ్ చేసారు. తరువాత ఏమైందో కానీ వర్మ సైలెంట్ అయ్యారు. దీంతో ఇక 'లక్ష్మీస్ ఎన్టీఆర్' కూడా అనౌన్సమెంట్ వరకే పరిమితం అనుకున్నారు. కానీ అనుహ్యంగా వర్మ ఈ నెల 19 న 'లక్ష్మీస్ ఎన్టీఆర్' సినిమా ఓపెనింగ్ ఉంటుందంటూ షాక్ ఇచ్చారు. అంతేకాదు చంద్రబాబుని పోలి ఉన్న వ్యక్తి వీడియోని షేర్ చేసి ఇతని వివరాలు చెప్తే లక్ష ఇస్తానని ఆఫర్ ఇచ్చాడు. అనుకున్నట్టే అతని వివరాలు తెలిసాయి.. వివరాలు తెలిపిన వారికి లక్ష రూపాయిలు కూడా ఇచ్చినట్టు సమాచారం. అంతటితో ఆగితే ఆయన వర్మ ఎందుకు అవుతారు. ఇదే హీట్ ని కంటిన్యూ చేస్తూ మరో ఆఫర్ ప్రకటించారు. ఈసారి ఎన్టీఆర్ ని పోలిన వ్యక్తి వీడియో పంపితే పదిలక్షలు ఇస్తానంటూ సోషల్ మీడియాలో పోస్ట్ చేసారు. ఎన్టీఆర్ పోలికలతో ఉండి.. ఆయనలాగా డైలాగ్స్ చెప్పగలిగే వ్యక్తులకు సంబంధించిన వీడియోలు తనకు పంపాలని.. అందులో తాను కోరుకున్నట్లు ఎవరైనా ఉంటే.. వీడియో పంపిన వాళ్లకు రూ.10 లక్షలు ఇస్తానని ప్రకటించాడు. ఇప్పటికే తాను ఎన్టీఆర్ పాత్ర కోసం ముగ్గురిని ఫైనలైజ్ చేశానని.. కానీ తనకు ది బెస్ట్ కావాలని అందుకే ఈ ప్రయత్నం అని వర్మ పోస్ట్ లో పేర్కొన్నారు.  
ఓ నాలుగైదు సంవత్సరాల క్రితం ముచ్చట... అక్కినేని నాగార్జున కథానాయకుడిగా ఓ సినిమాకు దర్శకత్వం వహించాలని దర్శకుడు బోయపాటి శ్రీను ప్రయత్నాలు చేశారు. నాగార్జున దగ్గరకు వెళ్లి కథ కూడా చెప్పారు. కానీ, సినిమా సెట్ కాలేదు. ఎందుకంటే... బోయపాటి ఊర మాస్ దర్శకుడు. నాగార్జున మాంచి క్లాస్ హీరో. బోయపాటి కథ తనకు సెట్ కాదని నాగార్జున భావించారు. అతడి ప్రతిపాదనకు 'నో' చెప్పారు. ఇప్పుడు అదే దర్శకుడికి నాగార్జున రెండో కుమారుడు అఖిల్ 'ఎస్' చెప్పారని ఫిల్మ్ నగర్ టాక్. మొదటి నుండి అఖిల్ మాస్ ఇమేజ్ కావాలని కోరుకుంటున్నారు. అందుకనే వీవీ వినాయక్ దర్శకత్వంలో 'అఖిల్' చేశారు. కానీ, అది ఆశించిన ఫలితాన్ని ఇవ్వలేదు. ఎంతో ఆలోచించి ఆలోచించి విక్రమ్ కుమార్ దర్శకత్వంలో 'హలో' చేశారు. కాస్త పర్వాలేదు అనే పేరు వచ్చింది. ప్రస్తుతం 'తొలిప్రేమ' ఫేమ్ వెంకీ అట్లూరి దర్శకత్వంలో 'మిస్టర్ మజ్ను' చేస్తున్నాడు. ఇది పూర్తిగా ప్రేమకథా చిత్రం. అందుకని దీని తరవాత పూర్తి మాస్ సినిమా చేయాలని అఖిల్ నిర్ణయించుకున్నాడని సమాచారం. 'సరైనోడు'తో బన్నీని మాస్ హీరోగా చూపించిన బోయపాటి అందుకు సరైన దర్శకుడు అని ఫిక్స్ అయ్యాడట!! 'మిస్టర్ మజ్ను' తరవాత బోయపాటి సినిమా స్టార్ట్ అయ్యే సూచనలు కనిపిస్తున్నాయి.
  చిరంజీవి..తెలుగు చిత్ర సీమలో ఓ వెలుగు వెలిగి మెగా స్టార్ గా ప్రేక్షకాదరణ పొందిన నటుడు.నటుడుగా తనదైన ముద్ర వేసిన చిరంజీవి రాజకీయాలవైపు అడుగులు వేశాడు.2008 లో ప్రజా రాజ్యం పార్టీ స్థాపించారు.2009 ఎన్నికల్లో ప్రజా రాజ్యం పార్టీ బరిలోకి దిగగా అప్పటి ఉమ్మడి ఆంధ్ర ప్రదేశ్ లోని 294 అసెంబ్లీ స్థానాలకు గాను 18 స్థానాలను మాత్రమే పార్టీ గెలుచుకోగలిగింది.తిరుపతి,పాలకొల్లు అసెంబ్లీ స్థానాల నుంచి చిరంజీవి పోటీ చేయగా సొంత నియోజక వర్గం అయిన పాలకొల్లులో పరాజయం చవి చూశారు.తిరుపతి స్థానం లో గెలుపొందారు.రాజకీయాల్లో ప్రభంజనం సృష్టించాలి అనుకున్న చిరంజీవికి ఈ ఫలితాలు నిరాశనే మిగిల్చాయి.ఆశించిన స్థాయిలో ఫలితం లేకపోవటంతో కొంత కాలానికి పార్టీని 2011 లో  కాంగ్రెస్ పార్టీలో విలీనం చేశారు.కాంగ్రెస్ పార్టీ లో చేరటంతో 2012 ఏప్రిల్ లో ఆ పార్టీ రాజ్య సభ పదవి కట్టబెట్టింది.అదే సంవత్సరం అక్టోబర్ లో కేంద్ర మంత్రిగా ప్రమాణ స్వీకారం చేశారు. 2014 లో పరిస్థితులు తారుమారు అయ్యాయి.అప్పటికే తెలంగాణ ఉద్యమం ఉపందుకోవటంతో కాంగ్రెస్ పార్టీ తెలంగాణని ప్రత్యేక రాష్ట్రంగా ప్రకటించింది.చిరంజీవికి కాంగ్రెస్ పార్టీ ఆంధ్ర ప్రదేశ్ లో ప్రచార కమీటీ చైర్మన్ గా భాద్యతలు అప్పగించింది.కానీ చిరంజీవి ప్రచారంలో పాల్గొన్నప్పటికీ అది నామమాత్రమే అని చెప్పుకోవాలి.ఎందుకంటే రాష్ట్రము విడిపోవటం తో ఆంధ్ర ప్రదేశ్ లో టీడీపీ విజయం కాయం అని అందరు ఉహిచిందే.దీనికితోడు చిరంజీవి తమ్ముడు పవన్ కళ్యాణ్ పార్టీ పెట్టి టీడీపీ కి మద్దతు ఇవ్వటం,కాంగ్రెస్ పార్టీకి వ్యతిరేకంగా ప్రచారం చేయటం చిరంజీవిని విస్మయానికి గురిచేశాయి.2018 ఏప్రిల్ లో చిరంజీవి రాజ్య సభ సభ్యత్వం ముగిసింది.మళ్ళీ కాంగ్రెస్ పార్టీ తరుపున ఏదైనా పదవి వచ్చే పరిస్థితులు ప్రస్తుతం లేవు.దీంతో గత కొంత కాలంగా క్రీయాశీల రాజకీయాలకు చిరంజీవి దూరంగా ఉంటున్నారు. ప్రస్తుత పరిస్థితులను గమనిస్తే చిరంజీవి కాంగ్రెస్ పార్టీకి దూరం అయ్యే పరిణామాలే కనిపిస్తున్నాయి.తాజాగా చిరంజీవి కాంగ్రెస్‌ పార్టీ సభ్యత్వ కాలపరిమితి ముగియగా దాన్ని పునరుద్ధరించుకోలేదు.దీంతో ఆయన ఆ పార్టీకి దూరమైనట్లేనని తెలుస్తోంది.సార్వత్రిక ఎన్నికలు సమీపిస్తున్నందున పార్టీలో క్రియాశీలకంగా ఉండాలని ఇటీవల రాహుల్‌గాంధీ చిరంజీవిని కోరినట్లు తెలుస్తోంది. దీనికి ఆయన నుంచి స్పందన లేనట్లు సమాచారం.దీంతో ఆయన కాంగ్రెస్‌ పార్టీకి ఇక దూరమైనట్లేనని భావిస్తున్నారు.అంతేకాకుండా పవన్ కళ్యాణ్ వచ్చే ఎన్నికల్లో పోటీ చేయటం కూడా చిరంజీవి పార్టీకి దూరం అవ్వటానికి కారణంగా తెలుస్తోంది.గత ఎన్నికల్లో టీడీపీ కి మద్దతు ఇచ్చిన పవన్ రానున్న ఎన్నికల్లో స్వతహాగా పోటీ చేస్తున్నది తెలిసిందే.అయితే ప్రస్తుతం కాంగ్రెస్,టీడీపీ పార్టీలు కాస్త సాన్నిహిత్యంగా ఉన్న నేపథ్యంలో కాంగ్రెస్ పార్టీ తరుపున ప్రచారం చేయవలిసి వస్తే తమ్ముడు పవన్ పై విమర్శలు గుప్పించక తప్పదు.అది ఇష్టపడని చిరంజీవి యాక్టీవ్ పాలిటిక్స్ కి దూరంగా ఉంటున్నారని సమాచారం. రాజకీయాలకు దూరం అవుతూవస్తున్న చిరంజీవి ప్రస్తుతం సినిమాలతో బిజీగా ఉన్నారు.150వ చిత్రం ‘ఖైదీ నం.150’తో ప్రేక్షకుల ముందుకొచ్చిన చిరంజీవి ప్రస్తుతం స్వాతంత్ర్య సమరయోధుడు సైరా నరసింహారెడ్డి బయోపిక్‌ ‘సైరా’లో నటిస్తున్నారు. ఆ తర్వాత కూడా ఆయన మరిన్ని సినిమాల్లో నటించనున్నట్లు తెలుస్తోంది.  
కేసీఆర్ సంచలన నిర్ణయాలకు పెట్టింది పేరు. ఎన్నికలకు 8 నెలలముందే అసెంబ్లీని రద్దు చేసి ముందస్తుకు సిద్ధమయ్యారు. తొలివిడతగా ఒకేసారి 105 మంది అభ్యర్థులను ప్రకటించారు. ఇలా దూకుడు మీదున్న కేసీఆర్ మరో సంచలన నిర్ణయం తీసుకున్నట్టు తెలుస్తోంది. అదే మేడ్చల్ నుండి పోటీకి సిద్దమవ్వడం. అసెంబ్లీ రద్దుకి ముందు వరకు కేసీఆర్ మళ్ళీ అధికారం తమదేనని ధీమాగా ఉన్నారు. కానీ ఎప్పుడైతే మహాకూటమి ఏర్పడిందో.. ఒక్కసారిగా పరిస్థితులు మారిపోయాయి. మహాకూటమి నుండి బలమైన పోటీ తప్పదని కేసీఆర్ కి అర్థమైంది. అందుకే కేసీఆర్ వ్యూహాత్మకంగా వ్యవహరిస్తున్నారు.     టీడీపీకి తెలంగాణలో ఓటుబ్యాంకు బాగానే ఉంది. ముఖ్యంగా హైదరాబాద్ నగరంతో పాటు నగర శివార్లలోని నియోజక వర్గాల్లో బలంగా ఉంది. అదే కాంగ్రెస్ పార్టీ టీడీపీతో దోస్తీ చేయడానికి ముఖ్యకారణం. కాంగ్రెస్ తెలంగాణలో బలంగానే ఉంది కాని ఒంటరిగా బరిలోకి దిగి అధికారాన్ని పొందే అంత బలమైతే లేదనే చెప్పాలి. అందుకే కాంగ్రెస్ మహాకూటమి వైపు అడుగులు వేసింది. దీంతో కాంగ్రెస్, తెరాసకు ధీటైన ప్రత్యర్థిగా మారింది. ముఖ్యంగా హైదరాబాద్ చుట్టుపక్కల టీడీపీ ఓటుబ్యాంకు బాగా ప్రభావం చూపే అవకాశం ఉంది. అంతెందుకు గత గ్రేటర్ ఎన్నికల్లో టీడీపీ రెండో స్థానంలో నిలిచింది. అందుకే కేసీఆర్ ఆ దిశగా ప్రత్యేక దృష్టి పెట్టినట్టు తెలుస్తోంది.     కాంగ్రెస్ కి టీడీపీ బలం తోడైంది. ఈ బలాన్ని తట్టుకొని హైదరాబాద్ చుట్టుపక్కల అధిక స్థానాలు గెలవాలంటే తాను ఏదైనా స్థానం నుండి బరిలోకి దిగడం కరెక్ట్ అని కేసీఆర్ భావిస్తున్నారట. కేసీఆర్ లాంటి బలమైన నేత, సీఎం అభ్యర్థి బరిలోకి దిగితే ఆ చుట్టుపక్కల స్థానాల మీద ఆ ప్రభావం ఉంటుంది. అది తెరాసకు బోలెడంత మైలేజీ తీసుకొస్తుంది. అందుకే కేసీఆర్ ప్రస్తుతం ఆయన ప్రాతినిద్యం వ‌హిస్తున్న గజ్వేల్ నియోజ‌కవ‌ర్గంతో పాటు మేడ్చ‌ల్ నుంచి కూడా పోటీ చేసే ఆలోచ‌న‌లో ఉన్న‌ట్టు తెలుస్తోంది. మరి కేసీఆర్ నిజంగానే మేడ్చల్ నుండి బరిలోకి దిగుతారా? ఒకవేళ దిగి.. అనుకున్నట్టే మహాకూటమి జోరుకి చెక్ పెడతారా? తెలియాలంటే కొంతకాలం వేచి చూడాల్సిందే.
  తెలంగాణ రాష్ట్రంలో ఉమ్మడి ఖమ్మం జిల్లా రాజకీయాలు ప్రత్యేకంగా ఉంటాయి. ఇక్కడ మొదటి నుండి కాంగ్రెస్, టీడీపీ, వామపక్షాలు బలంగా ఉన్నాయి. ప్రధానంగా కాంగ్రెస్, టీడీపీల మధ్య నువ్వా నేనా అన్నట్టు పోటీ సాగేది.. ఒకసారి కాంగ్రెస్ పైచేయి సాధిస్తే మరోసారి టీడీపీ పైచేయి సాధించేది. అయితే ఇప్పుడు పరిస్థితి పూర్తిగా మారిపోయింది. కాంగ్రెస్, టీడీపీ, సిపిఐ పార్టీలు మహాకూటమితో దగ్గరయ్యాయి. అసలే జిల్లాలో బలమైన పార్టీలు. ఈ మూడు పార్టీలు మహాకూటమితో దగ్గరవడం.. ఖమ్మంలో ఎలాగైనా పాగా వేయాలని చూస్తున్న తెరాసను కలవెరపెడుతుంది. తెరాసకు ముందు నుండి ఖమ్మం సమస్య ఉంది. గత ఎన్నికల్లో దాదాపు అన్ని జిల్లాల్లో తెరాస ఎంతో కొంత తన మార్క్ చూపింది కానీ.. ఖమ్మంలో మాత్రం ప్రభావం చూపలేకపోయింది. ఎన్నికల అనంతరం టీడీపీ నుండి సీనియర్ నేత తుమ్మల, కాంగ్రెస్ నుండి ఖమ్మం ఎమ్మెల్యేగా గెలిచిన పువ్వాడ అజయ్, సిపిఎం మద్దతుతో వైసీపీ నుండి ఎంపీగా గెలిచిన పొంగులేటి శ్రీనివాస్ రెడ్డి.. ఇలా పలువురు నేతలు తెరాసలో చేరారు. తెరాస నాయకులతో కళకళలాడింది కానీ కాంగ్రెస్, టీడీపీ కేడర్ మాత్రం అలాగే ఉంది. కాంగ్రెస్ లో రేణుక చౌదరి, భట్టి లాంటి సీనియర్ నేతలున్నారు. ఇక టీడీపీలో కూడా మాజీ ఎంపీ నామా, సత్తుపల్లి తాజా మాజీ ఎమ్మెల్యే సండ్ర లాంటి సీనియర్ నేతలున్నారు. ఇప్పుడు ఈ రెండు పార్టీలు దగ్గరయ్యాయి. ఓవైపు సీనియర్ నేతలు, మరోవైపు బలమైన కేడర్.. దీంతో ఖమ్మంలో మహాకూటమిని తట్టుకొని తెరాస నిలబడటం కష్టమనే అభిప్రాయం వ్యక్తమవుతోంది.     తెరాస మళ్ళీ అధికారం తమదే అనే ధీమాతో ముందస్తుకు సిద్ధమైంది. అయితే ఆ ఆశలకు మహాకూటమి ఆనకట్టలా మారింది. మొన్నటివరకు తెరాస వందకి పైగా సీట్లు వస్తాయి.. ఖమ్మంలో కూడా పాగా వేస్తామంటూ ధీమాగా ఉంది. అయితే మహాకూటమితో పరిస్థితి మారిపోయింది. నిన్నటిమొన్నటి దాకా తెలంగాణలో ఇంకా టీడీపీ ఎక్కడుంది? అన్నవాళ్ళే ముక్కున వేలేసుకుంటున్నారు. ఖమ్మంలో కూడా టీడీపీ ఒకప్పటిలా బలంగా లేదన్న వాళ్ళకి మొన్న బాలకృష్ణ పర్యటనతో కళ్ళుతెరుచుకున్నాయి. స్వచ్చందంగా కార్యకర్తలు కదిలొచ్చారు.. బాలయ్య వెంటనడిచి ఖమ్మంలో పసుపుదళం బలంగా ఉందని నిరూపించారు. దీంతో తెరాస నేతలు ఆలోచనలో పడ్డారు. ఖమ్మంలో మహాకూటమిని తట్టుకొని తెరాస నిలబడుతుందా? అని అనుమానం మొదలైంది. మిగతా స్థానాల్లో ఎలా ఉన్న మంత్రి తుమ్మల ప్రాతినిధ్యం వహించిన పాలేరులో అయినా తెరాస జెండా ఎగురుతుంది అనుకున్నారు. కానీ ఇప్పుడు పాలేరులో కూడా పరిస్థితి మారిపోయినట్టు తెలుస్తోంది. అక్కడ సర్వేలు కూడా మహాకూటమికే అనుకూలంగా వస్తున్నాయట. నిజానికి తుమ్మల ఖమ్మం అసెంబ్లీ స్థానం నుండి పోటీచేసి పువ్వాడ అజయ్ చేతిలో ఓడిపోయారు. తరువాత తెరాసలో చేరి మంత్రి పదవి పొందారు. అయితే అప్పుడు పాలేరులో ప్రాతినిధ్యం వహిస్తున్న కాంగ్రెస్ ఎమ్మెల్యే రాంరెడ్డి వెంకటరెడ్డి మరణించడంతో అక్కడ ఉపఎన్నికలు జరిగి తుమ్మల గెలుపొందారు. సిట్టింగ్ ఎమ్మెల్యే చనిపోయినా ఆ స్థానాన్ని కాంగ్రెస్ ఉపఎన్నికల్లో నిలబెట్టుకోలేకపోయింది. అయితే 2014 ఎన్నికల్లో పాలేరులో కాంగ్రెస్, టీడీపీ పార్టీలు మొదటి రెండు స్థానాల్లో నిలిచాయి. ఉపఎన్నికల్లో తుమ్మల విజయం సాధించినా ఈ రెండు ఏళ్లలో పరిస్థితులు మారిపోయాయి. తాజా సర్వేల ప్రకారం పాలేరులో మహాకూటమే ముందుందట. దీనిబట్టి చూస్తుంటే ఖమ్మంలో పాగా వేయాలని చూస్తున్న తెరాస అసలు బోణి అయినా చేస్తుందా అనే అభిప్రాయం వ్యక్తమవుతోంది. మరి ఈ అంచనాలను తారుమారు చేస్తూ తెరాస మహాకూటమిని మట్టి కరిపిస్తుందో లేదో చూడాలి.
  కాంగ్రెస్, టీడీపీల మధ్య పొత్తు షరమ్‌ లేని పొత్తు అని తెరాస సీనియర్ నేత హరీష్ రావు విమర్శించిన సంగతి తెలిసిందే. అంతేకాదు అసలు టీడీపీతో పొత్తు ఎందుకు పెట్టుకున్నారో చెప్పాలని డిమాండ్ చేస్తూ.. టీపీసీసీ చీఫ్‌ ఉత్తమ్‌కుమార్‌రెడ్డికి 12 ప్రశ్నలు సంధించారు. ఉత్తమ్ దీనికి అంతే ధీటుగా బదులిస్తూ కేసీఆర్‌కు బహిరంగ లేఖ రాశారు. హరీష్ రావు నాకు రాసిన లేఖలో కాంగ్రెస్‌ పార్టీ అధికారంలోకి వస్తుందంటూ తేల్చేశారు.. హరీష్ రావు లేఖతో ఇప్పటివరకూ కేసీఆర్‌ చెబుతున్న వందసీట్ల కల చెదిరిపోయింది. తెలంగాణలో కాంగ్రెస్‌ గెలుపు, తెరాస ఓటమిని ముందుగానే అంగీకరించినందుకు ధన్యవాదాలు తెలుపుకొంటున్నానన్నారు.   కాంగ్రెస్‌ పొత్తుపై హరీశ్‌రావు సంధించిన 12 ప్రశ్నల్లో ఒక్కటీ తెలంగాణ సమాజానికి పనికొచ్చేది లేదని.. అవన్నీ తెరాస ప్రభుత్వం చేతగానితనాన్ని, పాలనా వైఫల్యాన్ని బయటపెడుతున్నాయని విమర్శించారు. తమ పొత్తు గురించి తెరాస పడుతున్న ఆందోళన చూస్తుంటే వారి పాలన పట్ల ప్రజల్లో ఎంత వ్యతిరేకత ఉందో అర్థమవుతోందన్నారు. వారి పాలనే బాగుంటే తాము ఎవరితో పొత్తు పెట్టుకుంటామన్న ఆందోళన ఎందుకని ప్రశ్నించారు. కాంగ్రెస్ తో 2004లో, టీడీపీతో 2009లో తెరాస పొత్తు పెట్టుకోలేదా? అని ప్రశ్నించారు. టీడీపీతో 2009లో పొత్తు పెట్టుకున్నప్పడు ఆ పార్టీ తెలంగాణకు అనుకూలంగా లేఖ ఇచ్చిందని తేల్చిచెప్పిన తర్వాత.. ఆ పార్టీ తెలంగాణ వ్యతిరేక పార్టీ ఎలా అయిందని ప్రశ్నించారు. కాంగ్రెస్‌ పార్టీవి షరమ్‌ లేని పొత్తులు కావని, తెరాసే షరమ్‌లేని పొత్తులు పెట్టుకుందని ఉత్తమ్‌ విమర్శించారు. తెలంగాణను వ్యతిరేకించి.. రాయల తెలంగాణ డిమాండ్‌ చేసిన ఎంఐఎంతో తెరాస స్నేహమెలా చేస్తోందని నిలదీశారు. ఒంటరిగా పోటీ చేసి కూడా తెరాసను చిత్తుగా ఓడించే సత్తా కాంగ్రెస్ కి ఉందని, అయినా.. తెలంగాణను రక్షించుకోవడం కోసం సిద్ధాంత సారూప్యం ఉన్న పార్టీలతో పొత్తులు పెట్టుకుంటున్నామని పేర్కొన్నారు. కాంగ్రెస్ వారు ఎవరితో పొత్తు పెట్టుకుంటే మాకేంటి? అంటూ గతంలో కేసీఆర్‌ అన్నారు. మరి మేం ఎవరితో పొత్తు పెట్టుకుంటే వారికేంటి. ప్రజలకే మేం జవాబుదారులం. ప్రజలకు జవాబు చెప్పుకొనే శక్తి మాకు ఉంది. మా పొత్తుల విషయంలో ఎందుకు అంతగా భయపడుతున్నారు? అని ఉత్తమ్‌ ప్రశ్నించారు. ఉత్తమ్ లేఖలోని ముఖ్యాంశాలు: చంద్రబాబు తెలంగాణ అభివృద్ధిని అడ్డుకుంటున్నారని అనడం మీ ప్రభుత్వం చేతకానితనానికి పరాకాష్ఠ. చంద్రబాబులో మార్పు వచ్చిందా అని అంటున్నారు.. మరి ఏ మార్పు వచ్చిందని ఆయనను చండీయాగానికి ఆహ్వానించి సన్మానించారు? అమరావతికి వెళ్లి ఆయనింట్లో చేపల పులుసు తిన్నారు? పరిటాల రవి కొడుకు పెళ్లికి వెళ్లి మంతనాలు చేశారు. మీరు చేస్తే సక్రమం మేం పొత్తు పెట్టుకుంటే ద్రోహం అవుతుందా?  సాగునీటి ప్రాజెక్టులు, ఉద్యోగుల విభజన, విద్యుత్‌, పోలవరం, ప్రభుత్వ సంస్థల విభజన, హైకోర్టు విభజన లాంటి అంశాలన్నీ కేంద్ర ప్రభుత్వం పరిధిలో ఉండేవని కూడా తెలీదా? ప్రధానమంత్రి మోదీ భజనలో మునిగి తేలుతున్నపుడు ఆ పనులన్నీ ఎందుకు చేయించలేకపోయారు?  ఖమ్మంలోని ఏడు మండలాలను చంద్రబాబు గుంజుకున్నారని సిగ్గులేకుండా చెబుతున్నారు. రాష్ట్రం సాధించామని గొప్పులు చెప్పుకొంటున్న మీరు.. ఏడు మండలాలు పోతుంటే పోరాటాలు చేయలేరా? చేతగాని దద్దమ్మల్లా చేతులు ముడుచుకు కూర్చున్నారా? సీలేరు విద్యుత్‌ ప్రాజెక్టు, లక్షలాది ఎకరాల భూములు ఆంధ్రాలో కలుస్తుంటే నిద్రపోయారా? మోదీని ఒక్కసారైనా సీలేరు ప్రాజెక్టు గురించి అడిగారా? పాలమూరు-రంగారెడ్డి ప్రాజెక్ట్ నిర్మాణాన్ని ఆపాలంటూ చంద్రబాబు 30 లేఖలు రాశారని అంటున్నారు. ఎగువ రాష్ట్రమైన మనం ప్రాజెక్టు కడుతుంటే చంద్రబాబు ఎలా ఆపుతారో చెప్పగలరా? ప్రాజెక్టులు కట్టడం చేతకాక చంద్రబాబు అడ్డుకున్నారని వంక పెడుతున్న మీ వైఖరిని తెలంగాణ ప్రజలు అర్థ చేసుకోగలరు. పోలవరం కడితే ఎగువ రాష్ట్రాలకు రావల్సిన 80 టీఎంసీల్లో 45 టీఎంసీలు తెలంగాణకు రావాలని.. దీన్ని చంద్రబాబు అడ్డుకుంటున్నారని అనడం చేతకానితనం. తెలంగాణ నీటిని వదిలితేనే ఆంధ్రప్రదేశ్‌కు పోతాయని గుర్తించాలి. కాంగ్రెస్‌ హయాంలో ఉమ్మడి రాష్ట్రంలో కృష్ణా, గోదావరిపై 86 ప్రాజెక్టులు నిర్మించాం. వాటిని ప్రారంభించినప్పుడు పైన ఉన్న రాష్ట్రాలు ఫిర్యాదులు చేశాయి. చిత్తశుద్ధి ఉన్నప్పుడు ఫిర్యాదులు చేసినా ఆపుతామా? కేంద్రం వద్ద పోరాడి ప్రాజెక్టుల నిర్మాణం చేపట్టాలి. చేతకాకపోతే క్షమాపణ చెప్పి తప్పుకోవాలి. మిషన్‌ భగీరథపై చంద్రబాబు ఏమని ఫిర్యాదు చేశారో తెలియదు. కమీషన్ల కోసం చేపట్టిన ప్రాజెక్టు అది. బ్యాంకుల నుంచి వేల కోట్లు అప్పులు తెచ్చి కమీషన్లు కొల్లగొట్టారు. ఇంటింటికి నీళ్లు ఇవ్వకపోతే ఓట్లడిగేది లేదన్నారు.. ఇప్పుడు ఇంటింటికీ నీరు వచ్చిందా? పోలవరం ప్రాజెక్టు 150 మీటర్ల ఎత్తులో కడుతున్నారని, 50 లక్షల క్యుసెక్కుల ప్రవాహ నీటి సామర్థ్యంతో డ్యామ్‌ నిర్మించాలని ప్రతిపాదించారని అంటున్నారు. మీరు సీఎంగా ఉండి ఏం చేస్తున్నారు? అఖిలపక్షాన్ని ఢిల్లీకి తీసుకెళ్లి పోరాడాలి కదా? సమాఖ్య స్ఫూర్తితో కేంద్రం వద్ద పంచాయితీ పెట్టి ఒప్పించాలి కదా? మహారాష్ట్రతో ఒప్పందాలు చేసుకున్నామంటూ.. గొప్పలు చెప్పుకొన్న మీరు.. పక్కనున్న తెలుగు రాష్ట్రంతో ఒప్పందాలు చేసుకోలేరా? ఇదేనా మీ తెలివి? ఆయన ఒక సీఎం, మీరూ ఒక సీఎం. ఆయన గుంజుకున్నారని అంటున్నారంటే.. సీఎంగా మీరు ఏమీ చేయలేని దద్దమ్మ అని ఒప్పుకొన్నట్లేగా? టీడీపీ నుంచి గెలిచిన తలసానికి, తెలంగాణ ద్రోహులుగా ముద్ర పడ్డ మహేందర్‌రెడ్డి, తుమ్మల నాగేశ్వరరావుకు మంత్రి పదవులిచ్చినప్పుడు షరమ్‌ గుర్తుకురాలేదా? తెలంగాణ వాదులను తరిమికొట్టిన మైనంపల్లి హన్మంతరావు, దానం నాగేందర్‌, తీగల కృష్ణారెడ్డి తదితరులను పార్టీలో చేర్చుకున్నప్పుడు సిగ్గనిపించలేదా? తెలంగాణను వ్యతిరేకించి రాయల తెలంగాణ కావాలని డిమాండ్‌ చేసిన ఎంఐఎంను మిత్రపక్షమని మీరు చెప్పుకుంటున్నప్పుడు షరమ్‌ లేదా? అని ప్రశ్నించారు. టీడీపీతో తాము ఎందుకు పొత్తు పెట్టుకుంటున్నామో అడిగే హక్కు కేసీఆర్‌కు లేదని ఉత్తమ్‌ అన్నారు.
కాంగ్రెస్-టీడీపీ పొత్తుపై టీఆర్ఎస్ నేత హరీష్ రావు తీవ్ర విమర్శలు చేశారు. హైదరాబాద్‌లోని తెలంగాణ శాసనసభాపక్ష కార్యాలయంలో ఆయన మీడియాతో మాట్లాడారు. టీడీపీతొ పొత్తు ఏ ప్రాతిపదికన చేసుకున్నారంటూ 12 ప్రశ్నలతో కూడిన లేఖాస్త్రాన్ని టీపీసీసీ చీఫ్ ఉత్తమ్‌ కుమార్ రెడ్డికి సంధించారు. చంద్రబాబు ఎప్పటికీ ఆంధ్రా బాబేనని.. తెలంగాణ పక్షం ఆయనెప్పుడూ ఉండరన్నది జగమెరిగిన సత్యమన్నారు. చంద్రబాబుతో కాంగ్రెస్‌ది షరతులతో కూడిన పొత్తా?.. బేషరతు పొత్తా?.. అధికారం కోసం శరం లేని పొత్తు పెట్టుకున్నారా? అంటూ ఘాటైన ప్రశ్నలు వేశారు. కాంగ్రెస్ తన స్వప్రయోజనం కోసం పొత్తు పెట్టుకుందా? లేక రాష్ట్ర ప్రయోజనం కోసం పొత్తు పెట్టుకుందా అనే దానిపై తన వైఖరి చెప్పాలన్నారు.     అదేవిధంగా గతంలో కాంగ్రెస్, టీడీపీతో టీఆర్ఎస్ పొత్తు పెట్టుకోవడానికి గల కారణాలను వివరించారు. ప్రత్యేక తెలంగాణకు ఒప్పుకున్నందునే గతంలో ఆ పార్టీలతో పొత్తు పెట్టుకున్నామని చెప్పారు. నాడు టీఆర్ఎస్.. వందశాతం తెలంగాణ కోసం షరతులతో కూడిన పొత్తులు పెట్టుకుందని వివరించారు. షరతులు ఉల్లంఘించినప్పుడు పొత్తులు తెగదెంపులు చేసుకుని.. మంత్రి పదవులు సైతం వదిలేశామని గుర్తుచేశారు. ఇప్పుడు ఏ ప్రాతిపదికన టీడీపీతో పొత్తు పెట్టుకున్నారో కాంగ్రెస్ చెప్పాలని హరీష్ రావు డిమాండ్ చేశారు. హరీష్ రావు చంద్రబాబుని టార్గెట్ చేస్తూ.. ఉత్తమ్‌ కుమార్ రెడ్డికి 12 ప్రశ్నలు సంధించారు. తెలంగాణ రాష్ట్రం ఏర్పడకుండా చంద్రబాబు గారు చివరి నిమిషం వరకు ప్రయత్నం చేసారు. రాష్ట్రం ఏర్పడ్డాక కూడా తెలంగాణ అభివృద్ధికి అడ్డుపడే ప్రయత్నాలు చేసారు.. చేస్తూనే ఉన్నారు. మరి చంద్రబాబు గారు ఇప్పుడు ఏమన్నా నాకు తెలంగాణ పట్ల ఉండే వ్యతిరేక వైఖరిని మార్చుకున్నాను. భవిష్యత్తులో ఇలాంటి వ్యతిరేక వైఖరిని తెలంగాణ పట్ల ప్రదర్శించనని టీడీపీ పొలిట్ బ్యూరోలో చర్చించి ఏమన్నా తీర్మానం చేసారా? ఆ తీర్మానం కాపీ ఉంటే ప్రజల ముందు పెట్టండి. సాగునీటి ప్రాజెక్టులు, ఉద్యోగుల విభజన, పోలవరం, ప్రభుత్వరంగ సంస్థల విభజన, హైకోర్టు, నదీజలాల పంపిణీ ఇలా అనేక విషయాల్లో చంద్రబాబు గారు తెలంగాణకు వ్యతిరేకంగా వాదనలు వినిపిస్తున్నారు. అలాంటి తెలంగాణ వ్యతిరేక వైఖరిని విడనాటతానని చంద్రబాబు నుంచి మీరేమన్నా హామీ తీసుకున్నారా?  విభజన హక్కు చట్టంలో లేకపోయినా ప్రభుత్వం ఏర్పడ్డ తొలినాళ్లలోనే రాత్రికి రాత్రి కేంద్ర ప్రభుత్వాన్ని బ్లాక్ మెయిల్ చేసి ఏడు మండలాలను ఆంధ్రాలో కలుపుకోవడం జరిగింది. ఆ ఏడు మండలాలను తిరిగి తెలంగాణలో కలుపుతానని చంద్రబాబుతో కాంగ్రెస్ పార్టీ ఏమైనా అంగీకారం కుదుర్చుకుందా? 150 మీటర్ల ఎత్తులో పోలవరం ప్రాజెక్ట్ కట్టి.. 50 లక్షల క్యూసిక్కుల నీటి ప్రవాహంతో పోలవరం డ్యాంను ప్రతిపాదించారు. దీనివల్ల భద్రాచలం పట్టణం, రామాలయం మునిగిపోతాయని, తెలంగాణలోని లక్షల ఎకరాలు మునిగిపోతాయని.. దాని ప్రభావం ఎంత ఉంటుందో ఇంకా అంచనా వేయలేదు గనుక డిజైన్ లో మార్పు కావాలని తెలంగాణ ప్రభుత్వం కోరుతుంది. తెలంగాణ ఇంజినీర్లు కోరుతున్నారు. కాంగ్రెస్ పార్టీకి చెందిన ఎమ్మెల్సీ సుధాకర్ రెడ్డి గారు కూడా డిజైన్ మార్చాలని కోర్టులో కేసు వేశారు. మరి డిజైన్ మార్చడానికి చంద్రబాబు ఒప్పుకున్నారా? చంద్రబాబు వైఖరి ఏంటి? కాంగ్రెస్ స్పష్టం చేయాలి. చంద్రబాబు గారు పాలమూరు- రంగారెడ్డి ప్రాజెక్ట్ ను ఎట్టి పరిస్థితుల్లో కట్టకూడదు.. ఇది అక్రమ ప్రాజెక్ట్.. కొత్త ప్రాజెక్ట్ అని దాదాపు 30 లేఖలు కేంద్రానికి రాసారు. స్వయంగా ఆయనే ఢిల్లీ వెళ్లి గడ్కరీకి, ప్రధానికి ఫిర్యాదు చేసారు. మరి ఇప్పుడు చంద్రబాబు తన వైఖరి మార్చుకొని ఇది అక్రమ ప్రాజెక్ట్ కాదు సక్రమ ప్రాజెక్ట్ అని అంగీకరించారా? పోలవరం ప్రాజెక్టు నిర్మాణం కారణంగా కృష్ణా నీటిలో తెలంగాణకు రావాల్సిన 45 టీఎంసీల వాటా కేటాయించడానికి తమకు అభ్యంతరం లేదని చంద్రబాబుతో చెప్పించగలరా? కాళేశ్వరం, తమ్మిడిహట్టి, సీతారామ, తుపాకుల గూడెం, దేవాదుల, పెన్‌ గంగ, రామప్ప-పాకాల లింకేజీ తదితర ప్రాజెక్టులపై చంద్రబాబు కేంద్రానికి ఫిర్యాదు చేశారు. ఆ ఫిర్యాదులను చంద్రబాబు వెనక్కి తీసుకోవడానికి ఒప్పుకున్నారా? ఆ ప్రాజెక్టులు నిర్మిస్తే తమకు అభ్యంతరం లేదని చంద్రబాబు చెప్పగలరా? తెలుగు జాతి అని మాట్లాడే చంద్రబాబు.. హైదరాబాద్ సహా తెలంగాణలోని అన్ని ప్రాంతాలకు మంచినీళ్లు ఇవ్వడానికి తీసుకువచ్చిన మిషన్ భగీరథ పథకంపై కేంద్రానికి ఫిర్యాదు చేశారని, అలా తాను ఫిర్యాదు చేయడం తప్పే అని చంద్రబాబు ఏమైనా పశ్చాతాపం వ్యక్తం చేశారా? 365 రోజులు విద్యుత్ విడుదల చేసే సీలేరు ప్రాజెక్టు లాక్కున్నారు. దీనివల్ల తెలంగాణ రాష్ట్రం రోజుకి ఒక కోటి నష్టపోతోంది. సీలేరు ప్రాజెక్టు వెనక్కి ఇవ్వడానికి చంద్రబాబు ఏమైనా ఒప్పుకున్నారా? ప్రాజెక్టుకు బదులుగా తెలంగాణకు నష్ట పరిహారం ఏమైనా ఇచ్చేందుకు చంద్రబాబుతో ఏమైనా ఒప్పందం చేసుకున్నారా? విద్యుత్ శాఖలోని 1200 మంది ఆంధ్రా ఉద్యోగులను విధుల్లో చేర్చుకుంటామని, తెలంగాణపై ఆర్థిక భారం తొలగిస్తామని చంద్రబాబుతో చెప్పిస్తారా? కోర్టు కేసులను ఉపసంహరింపచేస్తారా? నిజాం కాలం నాటి ఆస్తులు తెలంగాణకే తప్ప. ఆంధ్రప్రదేశ్‌కు ఉండదనే సత్యాన్ని చంద్రబాబు అంగీకరించారా? ఈ విషయంలో వేసిన కేసులను ఉపసంహరించుకుంటామని ఒప్పందం ఏమైనా చేసుకున్నారా? హైకోర్టు సత్వర విభజన సహా, ప్రభుత్వ సంస్థల విభజనలో స్తంభన తొలగించడానికి చంద్రబాబు నుంచి ఏమైనా హామీ తీసుకున్నారా? ఈ అంశాలన్నింటిపై తెలంగాణ ప్రజలకు ఉత్తమ్ స్పష్టతనివ్వాలని, ప్రజల్లోని భయాందోళనలను తొలగించాలని డిమాండ్ చేశారు. కేవలం అధికారం కోసమే పొత్తులు పెట్టుకుంటాం.. రాష్ట్ర ప్రయోజనాలు అవసరం లేదు అనే భావన ఉంటే ప్రజలను వంచించడమేనని పేర్కొన్నారు. దీనికి ప్రజలే బుద్ధి చెబుతారని వ్యాఖ్యానించారు.
సినిమా వాళ్ళు రాజకీయాల్లోకి రావడం సహజం. అలా అని సినిమాల్లో రాణించిన వారందరూ రాజకీయాల్లో రాణించాలని రూల్ లేదు. తెలుగు రాష్ట్రాల విషయానికి వస్తే అటు సినిమాల్లోనూ, ఇటు రాజకీయాల్లోనూ రాణించిన వ్యక్తి అంటే గుర్తొచ్చే పేరు ఎన్టీఆర్. సినిమాల్లో ఓ వెలుగు వెలిగిన ఆయన.. తెలుగువారి ఆత్మగౌరవం అంటూ తెలుగుదేశం పార్టీని స్థాపించారు. ఘన విజయం సాధించి ఉమ్మడి తెలుగు రాష్ట్రానికి ముఖ్యమంత్రిగా పనిచేసారు. సినిమాల్లో ఎన్నో దేవుడి పాత్రల్లో కనిపించి కనువిందు చేసిన ఆయన.. రాజకీయాల్లోకి వచ్చిన తరువాత ఎందరో పేదప్రజల చేత దేవుడి అనిపించుకున్నారు. ఒకరకంగా సినిమా వాళ్ళు రాజకీయాల్లో కూడా రాణించొచ్చని రుజువు చేసింది ఆయనే. ఆయన తరువాత కూడా ఎందరో సినిమా వాళ్ళు రాజకీయాల్లోకి వచ్చారు. కానీ ఎన్టీఆర్ స్థాయికి చేరుకోలేకపోయారు.     ఎన్టీఆర్ తరువాత సినిమాల్లో ఆ స్థాయిలో పేరు తెచ్చుకొని మెగాస్టార్ గా ఎదిగిన చిరంజీవి.. రాజకీయాల్లో మాత్రం అంచనాలను అందుకోలేకపోయారు. ప్రజారాజ్యం పార్టీని స్థాపించిన చిరంజీవి.. 2009 ఎన్నికల్లో కేవలం 18 సీట్లు మాత్రమే కైవసం చేసుకున్నారు. తరువాత పార్టీని కాంగ్రెస్ లో విలీనం చేసిన ఆయన కేంద్ర మంత్రిగా కూడా పనిచేసారు. ఆ తరువాత ప్రత్యక్ష రాజకీయాలకు కొద్దికొద్దిగా దూరం జరుగుతూ వచ్చిన ఆయన.. ప్రస్తుతం సినిమాల మీద ఎక్కువ దృష్టి పెడుతున్నారు. ఇక సినిమాల్లో బాగా పేరుతెచ్చుకొని రాజకీయాల్లోకి వచ్చిన మరోవ్యక్తి పవన్ కళ్యాణ్. చిరంజీవి తమ్ముడిగా వెండితెరకు పరిచయమైన పవన్.. తక్కువ సమయంలోనే ఎక్కువ ఫ్యాన్స్ ని సంపాదించుకొని పవర్ స్టార్ రేంజ్ కి ఎదిగారు. అయితే స్టార్ హీరోగా పీక్స్ లో ఉన్న టైంలో అనూహ్యంగా జనసేన పార్టీ స్థాపించి రాజకీయాల్లోకి ఎంట్రీ ఇచ్చారు. 2014 లోనే జనసేనను స్థాపించారు కానీ ఆ ఎన్నికల్లో బరిలోకి దిగకుండా టీడీపీ, బీజేపీలకు మద్దతిచ్చారు. అయితే ఇప్పుడు రాజకీయాలు పూర్తిగా మారిపోయాయి. పవన్ టీడీపీని తీవ్రంగా వ్యక్తిరేకిస్తూ విమర్శిస్తున్నారు. వచ్చే ఎన్నికల్లో టీడీపీ ఓడించడమే లక్ష్యంగా అడుగులు వేస్తున్నారు.     నిన్నమొన్నటి వరకు పవన్ సీఎం అవ్వగలరా? అంటూ చర్చలు జరిగాయి. ఇప్పుడు చంద్రబాబుని సీఎం అవ్వకుండా పవన్ ఆపగలరా? అంటూ చర్చలు మొదలవుతున్నాయి. అయితే పవన్ మాత్రం సీఎం అవ్వాలన్న ఆలోచన కంటే ముందు పార్టీని బలోపేతం చేయాలనే ఆలోచనలోనే ఉన్నట్టు తెలుస్తోంది. పవన్ దృష్టంతా ప్రస్తుతం ఏపీ మీదే ఉంది. తెలంగాణలో ఎన్నికల వేడి మొదలైనా పవన్ మాత్రం ఆ వైపు చూడట్లేదు. దీనిబట్టి పవన్ వచ్చే ఏపీ ఎన్నికల మీదే తన దృష్టంతా పెట్టినట్టు అర్ధమవుతోంది. అయితే పవన్ 2009 లో ప్రజారాజ్యం గెలిచిన సీట్లను బట్టి వచ్చే ఎన్నికల వ్యూహాలు రచిస్తున్నట్టు తెలుస్తోంది. 2009 ఎన్నికల్లో ప్రజారాజ్యం విజయం సాధించిన, అదే విధంగా రెండో స్థానంలో నిలిచిన నియోజకవర్గాలను పవన్ టార్గెట్ గా పెట్టుకున్నారట. వాటిల్లో విజయం మీద సాధిస్తే పార్టీని బలోపేతం చేసుకొనే అవకాశం వస్తుంది అలానే కర్ణాటకలో జేడీఎస్ లాగా కింగ్ మేకర్ అయ్యే అవకాశం వస్తుందని ఆలోచిస్తున్నారట. మొత్తం 175 స్థానాల్లో 30 నుంచి 40 స్థానాలు గెలిచినా చాలు.. టీడీపీ అధికారానికి కొద్ది దూరంలో ఆగిపోయే అవకాశముంది. అలాంటి సమయంలో కర్ణాటకలో కుమారస్వామిలా కింగ్ మేకర్ అవుతారు. ఇప్పటికే పవన్, వైసీపీతో పొత్తుకు సిద్ధమంటూ గుసగుసలు వినిపిస్తున్నాయి. మరి పవన్ అనూహ్యంగా ఎన్నికల తరువాత వైసీపీతో చేతులు కలిపి ట్విస్ట్ ఇస్తారా?. చూద్దాం మరి పవన్ ఏం చేస్తారో.
  ఒకప్పుడు అందరూ సంతోషంగా ఉండేవారట. ప్రపంచమంతా నిత్యం ఆనందడోలికల్లో తేలిపోతుండేది. సంతోషంగా ఉండీ ఉండీ జనాలకి మొహం మొత్తేసింది. దాని విలువే తెలియకుండా పోయింది. ఎంతటి నీచులైనా, పనికిమాలినవారైనా హాయిగా సంతోషంగా ఉండసాగారు. ఈ పరిస్థితిని చక్కదిద్దేందుకు సృష్టికర్త ఒక సభను ఏర్పాటుచేశాడు.   ‘సంతోషం మరీ తేలిగ్గా దొరుకుతోంది. కాబట్టి దానికోసం ప్రజలు తపించిపోయేలా... దాన్ని ఎక్కడన్నా భద్రపరచాలి. ఎక్కడ భద్రపరచాలో మీమీ ఉపాయాలు చెప్పండి,’ అన్నాడు సృష్టికర్త.   ‘ఇందులో చెప్పేదేముంది. సంతోషాన్ని సముద్రగర్భంలో దాచిపెడితే సరి,’ అని సూచించాడో దేవత.   ‘అబ్బే! మనిషి అసమాన్యుడు. అతను సముద్రగర్భాన్ని సైతం చేరుకోగలడు. మరో మార్గం ఏదన్నా చెప్పండి,’ అని సూచించాడు సృష్టికర్త.   ‘హిమాలయ పర్వతాలలోని అడవుల మధ్య ఓ చిన్న పెట్టెలో దాచిపెడితే ఎలా ఉంటుంది,’ అని సూచించాడు మరో దేవత.   ‘అహా! మనిషి అక్కడకి కూడా తేలికగా చేరుకోగలడు. మరో మార్గాన్ని సూచించండి,’ అని పెదవి విరిచాడు సృష్టికర్త.   ఆ తరువాత చాలా సలహాలే వినిపించాయి. అగ్నిపర్వతంలో దాచమనీ, కొండల కింద పాతిపెట్టమనీ, ఆకాశంలో వేలాడదీయమనీ... ఇలా సంతోషాన్ని దాచేందుకు రకరకాల ఉపాయాలు సూచించారు దేవతలు. కానీ అవేవీ సృష్టికర్తకు తృప్తినివ్వలేదు. చివరికి ఒక యువదేవత లేని నిలబడ్డాడు...   ‘మీరంతా ఏమనుకోకపోతే నాది ఒక చిన్న విన్నపం. మనిషి ఈ ప్రపంచాన్నంతా శోధించే ప్రయత్నం చేస్తాడు కానీ తన మనసులో ఏముందో తెలుసుకునే ప్రయత్నమే చేయడు. కాబట్టి మనిషి మనసులోనే సంతోషాన్ని దాచిపెట్టేస్తే సరి! అతను ఎప్పటికీ తనలో ఉన్న సంతోషాన్ని కనిపెట్టలేడు,’ అని సూచించాడు.   ‘అద్భుతమైన ప్రతిపాదన. నిత్యం భౌతికమైన విషయాలలో మునిగితేలే మనిషి ఎప్పటికీ తనలో ఉన్న సంతోషాన్ని కనిపెట్టలేడు. తన విచక్షణకు విలువనిచ్చేవాడు మాత్రమే తనలోని సంతోషాన్ని పొందగలడు,’ అంటూ దేవతలంతా ఆ ప్రతిపాదనను ఏకాభిప్రాయంతో అంగీకరించారు.   అప్పటి నుంచి సంతోషం మన మనసులోనే ఉండిపోయింది. దాని కోసం ఎక్కడెక్కడో వెతుకుతున్నాం.   (ప్రచారంలో ఉన్న కథ ఆధారంగా) - నిర్జర.  
  తెలుసుకోవాలని ఉంది ఒక్కసారి ఒకే ఒక్కసారి విలువ దేనికి అనేది తెలుసుకోవాలని ఉంది. ప్రేమకా, ప్రాణానికా, మనిషికా, మనసుకా, డబ్బుకా, బలానికా, దేనికి విలువ..? ప్రపంచంలో అన్నీ మనకే కావాలనిపిస్తుంది. అన్నీ ఉన్నాక కొన్నే లేవు అన్నీ తప్ప అనిపిస్తుంది. ఇదే జీవితం! నిండా మునగాలనుంది- అలా మునిగిపోతూ పక్కన ఒడ్డున నిలబడి చూడాలనీ ఉంది.. సాధ్యంకాదు..! పోగొట్టుకుంటే రాబట్టుకోలేం... అదీ తెలుసు..! ఆశ- వెధవ మానవ జీవితం కదండీ అలానే అనిపిస్తుంది మరి. కట్టప్ప చంపింది కేవలం బాహుబలి పాత్రని మాత్రమే అని తెలుసు..? అయినా చిత్రాన్ని చూస్తుంటే దు.ఖం ఆగలేదండి ఈ చిన్ని ప్రాణానికి అలాంటిది మన ప్రాణమే పోయాక లోకంతో మనకింక పనేంటీ అంటారా..! ఉందండీ.. * ఒక్కసారి నువ్వంటే ప్రాణం, నువ్వు లేకపోతే నేను లేను బంగారం అనే భర్త మాటల విలువ ప్రేమదా..? అదే భర్త.. భార్య జీతం డబ్బులు ఓ నెల తక్కువ తెస్తే నీతో యిలా అయితే కష్టం అన్నాడంటే ఆ మాటల విలువ దేనిది..? * నా పిల్లలే నా ప్రాణాలు అంటాం..! వాళ్లకోసమే ఈ ప్రాణాలు అంటుంటాం.. ఖరీదైన ఫోన్లు, కార్లు కొని చేతిలో పెట్టి love you కన్నా అన్నారంటే ఆ మాటల విలువ బంధానిదా..? అదే నాన్న... పిల్లల చేతిలో జారిపోయిన ఖరీదైన ఫోన్ కోసం చావదెబ్బలు కొడితే ఆ విలువ దేనికంటారు..? * గోరు ముద్దలు తింటూ, లాలి పాటలు వింటూ చిట్టి కథలు వింటూ పెంచి పెద్ద చేసిన అమ్మ నాది మాత్రమే అనే ఆ మాట విలువ బంధానిదా..? అదే అమ్మ వయసు పైబడ్డాక అనారోగ్యం బారిన పడ్డాక కొడుకులు అమ్మ నీదంటే నీది అని అంటే ఆ విలువ దేనికంటారు..? * మనం నవ్వితే నవ్వుతాడు.. ఏడుస్తుంటే ఓదారుస్తూ, గెలిస్తే భుజం తట్టి ప్రోత్సహించి ఓటమిలో ధైర్యాన్ని పంచే స్నేహితుల విలువ మనిషికా.. మనసుకా..? ఇలా అలోచిస్తే ప్రతీ బంధం విలువా తెలుసుకోవాలనే అనిపిస్తుంది. మనకి మన వాళ్లు ఇచ్చే విలువేంటో తెలుసుకోవాలనిపిస్తుంది. ఒక్కసారి చచ్చి మళ్ళీ బతకాలనిపిస్తుంది. నేనేంటో, నా విలువేంటో తెలుసుకోవాలనిపిస్తుంది. చేసిన తప్పులేంటో, బాధ పెట్టిన క్షణాలెన్నో, క్షమించాల్సిన మనసులెన్నో అన్నీ చూడాలని, వినాలని ఉంది. సాధ్యం కాదు అని తెలిసినా.. ఆ ఊహ వినడానికి బాగుంది..! * డాలర్ రేటు రాదు పడితే లేపడానికి మనిషి విలువ * సినిమా రివ్యూ కాదు రేటింగ్ యివ్వడానికి మనిషి విలువ * facebook posting కాదు like, comments ఇచ్చేందుకు మనిషి విలువ * Real estate, gold rate, IT boom కాదు మనిషి విలువ ఒక సినిమా లాంటిది మనిషి విలువ. మున్నాళ్ల జీవితం మూడు గంటల సినిమాలో ఒక పాత్రలాగా పాత్రని పోషించి, నవ్వించి, కవ్వించి, ఏడిపించి, అలరించి వెళ్లిపోతుంది. అందుకే సాటి మనిషిని ప్రేమిద్దాం.. ప్రేమను  పంచుదాం..
  We all say Matrudevo Bhava. But we hardly say Pitrudevo Bhava. What is the role of a father? Dr.Purnima Nagaraja explains.....  https://www.youtube.com/watch?v=n7fwHyI3zzo    
  తెలంగాణలో 9 నెలల ముందే కేసీఆర్‌ అసెంబ్లీ రద్దు చేసి ముందస్తు ఎన్నికలకు వెళ్తున్నది తెలిసిందే.అలాగే ఆజన్మ శత్రువులుగా ఉన్న టీడీపీ,కాంగ్రెస్ పార్టీలు తెరాస ని గద్దె దింపాలనే లక్ష్యంతో పొత్తులో భాగంగా మహాకూటమిగా ఏర్పడినది కూడా విదితమే.మహాకూటమిలోని పార్టీలు , తెరాస పరస్పరం విమర్శలు చేసుకుంటున్నాయి.అధికార,ప్రతిపక్ష పార్టీలు కాబట్టి విమర్శలు చేసుకోటంలో కొత్త ఏం లేదు.కానీ అనూహ్యంగా మావోయిస్టులు ముందస్తు ఎన్నికలు,పొత్తుపై బహిరంగ లేఖ విడుదలచేసి సంచలనం రేపారు. బూటకపు ఎన్నికలను బహిష్కరించాలని తెలంగాణ మావోయిస్టు రాష్ట్ర కమిటీ కార్యదర్శి హరిభూషణ్‌ పేరుతో లేఖ విడుదలైంది.కేసీఆర్‌ సర్కార్‌ దోపిడీ, అణిచివేతకు వ్యతిరేకంగా పోరాడాలన్నారు. టీఆర్‌ఎస్‌ ప్రభుత్వం నాలుగేళ్ల పాలనలో హామీలు నెరవేర్చలేదని, తెలంగాణ జన సమితి చేస్తున్న అవకాశవాద రాజకీయాలను నిరసించాలని లేఖలో పేర్కొన్నారు. తెలంగాణ ఉద్యమాన్ని వ్యతిరేకించిన రాజకీయపార్టీలతో కాంగ్రెస్‌ పొత్తా? అని ప్రశ్నించారు. ప్రజాస్వామిక తెలంగాణ లక్ష్యంగా పోరాటం కొనసాగిస్తామని లేఖలో హరిభూషణ్ స్పష్టం చేశారు.కుల వివక్ష, పరువు హత్యలకు వ్యతిరేకంగా పోరాడాలని ప్రజలకు పిలుపునిచ్చారు.ధర్నాచౌక్ ను పునరుద్ధరించి ప్రజల ప్రాథమిక హక్కులను అమలు చేయాలని ఆయన డిమాండ్ చేశారు.
  బీజేపీ ప్రభుత్వం మీద విమర్శలు చేయడానికి కాంగ్రెస్ కి దొరికిన అస్త్రం రాఫెల్ డీల్. కాంగ్రెస్ పార్టీ అవకాశం దొరికినప్పుడల్లా రాఫెల్ స్కాం అంటూ బీజేపీ మీద విమర్శలు చేస్తోంది. ఇక కాంగ్రెస్ అధ్యక్షుడు రాహుల్ గాంధీ అయితే ఈమధ్య కాలంలో రాఫెల్ అనే పదం లేకుండా స్పీచ్ ఇచ్చిన సందర్భాలు లేవనే చెప్పాలి. కాంగ్రెస్ రాఫెల్ తో బీజేపీని అంతలా టార్గెట్ చేసింది మరి. దానికి తగ్గట్టే రాఫెల్‌ యుద్ధవిమానాల స్కాం రోజుకో మలుపు తిరుగుతోంది. బీజేపీని ఇరుకున పెట్టే ప్రయత్నం చేస్తోంది. రాఫెల్స్‌ను తయారుచేసే సంస్థ డసో ఏవియేషన్‌ తన ఉద్యోగ సంఘాలతో జరిపిన అంతర్గత సమావేశ వివరాలను వెల్లడించే మరో రెండు పత్రాలు తాజాగా లీకయ్యాయి. పోర్టెయిల్‌ ఏవియేషన్‌ అనే ఫ్రెంచి వెబ్‌సైట్‌ వీటిని బయటపెట్టింది. అనిల్‌ అంబానీ సారథ్యంలోని రిలయన్స్‌ డిఫెన్స్‌ లిమిటెడ్‌ను ఎందుకు తాము భాగస్వామిగా ఎంచుకోవాల్సి వచ్చిందో డసో ఏవియేషన్‌ డిప్యూటీ సీఈవో లోయిక్‌ సెగాలెన్‌ ఇచ్చిన వివరణ ఈ పత్రాల్లో ఉంది. సీఎఫ్‌డీటీ, సీజీటీ అనే రెండు ట్రేడ్‌ యూనియన్లతో సెగాలెన్‌ 2017 మే 11న జరిపిన సమావేశపు మినిట్స్‌ను పోర్టెయిల్‌ ఏవియేషన్‌ ప్రచురించింది. 'డసో రిలయన్స్‌ ఏరోస్పేస్‌ పేరుతో నాగ్‌పుర్‌లో ఒక సంస్థను ఏర్పాటు చేయడాన్ని వివరిస్తూ.. భారత్‌కు రాఫెల్ యుద్ధవిమానాల ఎగుమతి కాంట్రాక్టును పొందడం కోసం ఈ పరిహారాన్ని డసో ఏవియేషన్‌ ఆమోదించడం తప్పనిసరైంది’ అని పేర్కొంది. భారత్‌లో తయారీని ప్రస్తావిస్తూ.. ఒప్పందంలో భాగంగా ఇది భారత్‌ విధించిన తప్పనిసరి పరిణామం అని పేర్కొన్నారు. ఈ లక్ష్యాన్ని అందుకోవడం కోసం రిలయన్స్‌తో భాగస్వామ్య సంస్థను ఏర్పాటు చేసినట్లు తెలిపారు.
  నేరస్తులను పట్టుకోడానికి పోలీసులు మఫ్టీలో తిరుగుతుంటారు.కానీ అన్ని రోజులు ఒకేలా ఉండవు. మఫ్టీలో ఓ నిందితుడిని పట్టుకొనేందుకు తమిళనాడుకు వెళ్లిన ఆంధ్ర పోలీసులను దొంగలుగా భావించిన అక్కడి గ్రామస్తులు వారిని పట్టుకుని ఇంట్లో పెట్టి తాళాలు వేసారు. సత్తువాచేరి మేలకుప్పం కొండ ప్రాంతంలోని ఇలవన్‌తోపుకు చెందిన రామకృష్ణన్‌ పై  ఆంధ్ర రాష్ట్రం అనంతపురం జిల్లా ధర్మవరం పోలీస్‌స్టేషన్‌లో 40కి పైగా దోపిడీ కేసులున్నాయి. అతడి కోసం గాలిస్తున్న పోలీసులకు ఇలవన్‌తోపులో రామకృష్ణ తల దాచుకున్నట్లు సమాచారం అందింది. దీంతో ధర్మవరం ఎస్‌ఐ సిరిహర్ష నేతృత్వంలో ఐదుగురు పోలీసులు రాత్రి వేళలో మఫ్టీలో ఇళవన్‌తోపుకు చేరుకుని రామకృష్ణన్‌ను అదుపులోకి తీసుకున్నారు. ఇంతలో, అక్కడకు చేరుకున్న గ్రామస్తులు మఫ్టీలో వచ్చిన ఆంధ్ర పోలీసులను దొంగలుగా భావించి ఓ ఇంట్లో తాళం వేశారు. సమాచారం అందుకున్న రత్నగిరి పోలీసులు అక్కడకు వెళ్లి వారు ఆంధ్ర పోలీసులని నిర్ధారించారు. ఇంతలో రామకృష్ణన్‌ పరారయ్యాడు. మరుసటి రోజు ఉదయం అక్కడే రామకృష్ణన్‌ ని  అరెస్ట్‌ చేసిన ఆంధ్ర పోలీసులు అతడిని చిత్తూరుకు తీసుకెళ్లారు.
  Banana: Bananas are loaded with Potassium and magnesium which are essential in increasing bone density. They are also good source of arthritis fighting vitamin B6, folate and Vitamin C. So eating bananas may help to solve this problem.   Blue berries: Blue berries are high content of antioxidants. Research shows regular consumption of berries can help decrease the inflammation of the joints.   Grapes: Grapes are nutrient-dense, high in anti-oxidants and possess anti-inflammatory properties. Resveratrol is an antioxidant present in the skin of grapes, which help to reduce joint pains.   Walnuts: Walnuts are nutrient dense, and loaded with compounds that may help reduce the inflammation associated with joint disease. Walnuts are especially high in omega 3 fatty acids, which have been shown to decrease the symptoms of arthritis.   Cheese: Cheese is an excellent source of calcium for bones and protein for muscles and joint supporting tissues. Eating cheese regularly to prevent arthritis.   - TeluguOne Team
చెవిలో ఇయర్‌ బడ్‌ పెట్టుకోవడం చాలామందికి అలవాటు. వారానికి ఓసారన్నా ఇయర్‌బడ్‌తో ప్రయోగాలు చేయనిదే మరికొందరికి నిద్రేపట్టదు. దీంతో నష్టం ఏముంది? మేము ఏ పెన్నో, పిన్నీసో చెవిలో పెట్టుకోవడం లేదు కదా! అంటారేమో. ఇయర్‌బడ్‌ కూడా చాలా ప్రమాదకరం అని చెబుతున్నారు వైద్యులు.   చెవిలో గుబిలి (ear wax) ఉండటం సహజమే! చెవిలో ఉండే సెబమ్‌, మృతకణాలతో ఈ పదార్థం ఏర్పడుతుంది. అది పనికిరాని పదార్థం అని మనకి అనిపించవచ్చు. కానీ ear wax వల్ల చాలా లాభాలే ఉంటాయంటారు వైద్యులు. చెవిలోకి తడి చేరకుండా, సూక్ష్మక్రిములు దాడిచేయకుండా ఇది కాపాడుతుంది. క్రమేపీ దానంతట అదే శరీరం నుంచి బయటకు వచ్చేసి ఎప్పటికప్పుడు కొత్తగా ear wax ఏర్పడుతూ ఉంటుంది.   చెవిని శుభ్రం చేసే ప్రయత్నంలో ఇయర్‌ బడ్స్‌ని తెగ వాడేస్తుంటాం. కానీ పొడవాటి ఇయర్‌ బడ్స్ వల్ల చెవిలోని మురికి మరింత లోపలకి చేరడమే కాదు, నేరుగా చెవిలోని సున్నితమైన భాగాలకు తగిలే ప్రమాదం ఉంది. దీంతో కర్ణభేరి దెబ్బతినడం, పుండు పడటం, సున్నితమైన భాగాలు గీరుకుపోవడం వంటి సమస్యలు ఏర్పడవచ్చు. టైం బాగోకపోతే వినికిడిని కలిగించే చిన్నచిన్న ఎముకలు కూడా దెబ్బతినిపోతాయి. అంతేకాదు! మన శరీరాన్ని బ్యాలెన్స్‌డ్‌గా ఉంచే వ్యవస్థ కూడా మన చెవిలోనే ఉంటుంది. దాంతో చెవిలోకి ఇయర్‌ బడ్‌ చేరినప్పుడు... తూలిపోవడం, స్పృహ తప్పి పడిపోవడం వంటి సమస్యలూ ఏర్పడవచ్చు.   ఇయర్‌బడ్స్‌తో చెవిలో గుబిలిని తీసే ప్రయత్నంలో... ఒక్క అమెరికాలోనే రోజుకి 34 మంది పిల్లలు తీవ్రమైన గాయాలతో ఎమర్జన్సీ వార్డులలో చేరుతున్నారట. వీరిలో మూడింటి రెండు వంతుల మంది ఎనిమిదేళ్ల లోపువారే కావడం గమనార్హం. తెలిసీ తెలియని వయసు, ఆపై ఇయర్‌బడ్‌ని వాడాలన్నా కుతూహలంతో వీరంత గాయాలపాలవుతున్నారు. చిన్నగా, సున్నితంగా ఉండే వీరి కర్ణభేరీలను ఇయర్‌బడ్స్ ఛిద్రం చేసేస్తున్నాయి.   ఇయర్‌బడ్స్‌కి వీలైనంత దూరంగా ఉండాలనీ, కనీసం పిల్లలకన్నా అవి అందుబాటులో లేకుండా చూసుకోవాలనీ చెబుతున్నారు. చెవిలో గుబిలి ఏర్పడిపోయి చిరాగ్గా ఉంటే వైద్యుడిని సంప్రదించడమే మేలని అంటున్నారు. ఇయర్‌బడ్స్‌తో మేకప్‌ వేసుకోవడం, గాయాలను శభ్రం చేసుకోవడం, వస్తువులను తుడుచుకోవడం... వంటి పనులు నిరభ్యంతరంగా చేయవచ్చు కానీ.... చెవులకు మాత్రం వాటిని దూరంగా ఉంచాలన్నమాట!   - నిర్జర. 
  చిన్నా పెద్దా ధనిక పేదా అన్న తేడా లేకుండా ప్రతి ఒక్కరినీ కనికరం లేకుండా కబళిస్తోన్న వ్యాధి క్యాన్సర్. దీన్ని అరికట్టడం చేతకాక ప్రపంచం దేశాలన్నీ పరిశోధనల్లో మునిగి తేలుతున్నాయి. ఎందుకు వస్తుందో ఎవరికి వస్తుందో ఎలా వస్తుందో అర్థం కాని మహమ్మారి క్యాన్సర్. అయితే కొన్ని రకాల ఆహార పదార్థాల జోకిలి పోకుండా ఉంటే క్యాన్సర్ వచ్చే అవకాశాలను తగ్గించుకోవచ్చు అన్నది మాత్రం సత్యం.    బిస్కట్లు, కేకులు వంటి వాటి దగ్గర్నుంచి బొబ్బట్లు వంటి సంప్రదాయ వంటకాలన్నిటికీ ప్రధాన దినుసు మైదాపిండి. ఇది పాంక్రియాస్ మీద తీవ్ర ఒత్తిడి కలిగించి ఇన్సులిన్ లెవెల్స్ ని అస్తవ్యస్తం చేస్తుంది. అదే విధంగా చక్కెర కూడా ఎక్కువ తీసుకోకూడదు. స్థూలకాయం, మధుమేహాలకు కారణమయ్యే చక్కెర పాంక్రియాస్, కాలేయాలతో పాటు జీర్ణవ్యవస్థను కూడా పాడు చేస్తుంది. అందుకే పండ్లు, తేనె వంటి వాటి ద్వారా అందే సహజ చక్కెర తప్ప నేరుగా చక్కెరను తీసుకోవడం మంచిది కాదు.    పాలు తాగితే ఎముకలు గట్టి పడతాయని అందరూ అంటారు. అయితే వయసు పెరిగేకొద్దీ పాలలో ఉండే ల్యాక్టోజ్ ను అరాయించుకునే శక్తి తగ్గిపోతుంది. కాబట్టి వయసు పెరిగేకొద్దీ పాలు మోతాదు దాటి తాగడం ఆరోగ్యానికి హానికరం అంటున్నారు ప్రముఖ న్యూట్రిషనిస్ట్ ప్యాట్రిక్ హాఫార్డ్.    వీటితో పాటు సరిగ్గా ఉడికించకుండా క్షణాల్లో తయారుచేసే జంక్ ఫుడ్... చక్కెరతో పాటు కెమికల్స్ ఎక్కువగా ఉండే సోడాలు...  మైదా, పాలు, చక్కెర కలిపి తయారు చేసే డోనట్స్ కూడా  ఎంతో కీడు చేస్తాయి. ఒకేసారి పది చెంచాల చక్కెరని కడుపులోకి పంపించే ఏ ఆహార పదార్థమైనా ప్రమాదకరమేనంటారు న్యూయార్క్ టైమ్స్ సృష్టికర్త, ప్రముఖ వైద్యులు అయిన డాక్టర్ జోసెఫ్ మెర్కోలా.   ఇక సోడియం, నైట్రేట్ ఎక్కువగా ఉండే మాంస పదార్థాలని ముట్టవద్దనేది అమెరికన్ క్యాన్సర్ ఇన్ స్టిట్యూట్ సూచన. ఉప్పు ఎక్కువ వేసి, నూనెలో వేయించే బంగాళాదుంప చిప్స్ జోలికి పోవద్దంటున్నారు మసాచుసెట్స్ లోని క్లార్క్ యూనివర్శిటీ ప్రొఫెసర్ డాక్టర్ డేల్ హ్యాటిస్. ఉప్పు ఎక్కువగా ఉండే ఆహారం తరచుగా తీసుకుంటే ఉదర క్యాన్సర్ వచ్చే ప్రమాదం ఉందని 2005లొ క్యాన్సర్ సైన్స్ మ్యాగజైన్ చేసిన పరిశోధనలో సైతం వెల్లడైంది. అదే విధంగా క్యాన్స్ లో నిల్వ చేసి అమ్మే ఆహార పదార్థాలు,  మార్గరీన్ చీజ్ వంటివి కూడా ఎక్కువ తీసుకోకూడదనేది నిపుణుల సూచన.   కాబట్టి వీలైనంత వరకూ వీటి జోలికి పోకుండా జాగ్రత్తపడండి. క్యాన్సర్ ని మీ దరిదాపుల్లోకి కూడా రాకుండా చూసుకోండి.  - sameeranj
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.