Publish Date:Jul 15, 2014
Publish Date:Jul 12, 2014
Publish Date:Jul 10, 2014
Publish Date:Jul 8, 2014
Publish Date:Jul 5, 2014
Publish Date:Jun 25, 2014
Publish Date:Jun 23, 2014
Publish Date:May 20, 2014
Publish Date:May 14, 2014

LATEST NEWS
The parents of some students from Bangalore were shocked when they looked into the text book of their children. The text book named ‘Current School Essays and Letters’ by Purabi Chakraborty has a controversial chapter named `Modern Girl’. Well if you are wondering why this chapter has become controversial, have a look at some of the statement mentioned in the chapter- “a modern girl is a self-centred creature than a loving daughter or sympathetic sister... She loves to wear jeans, pants and hot pants. The colourful saree has no place in the modern girl’s stock of garments.”  “She is eager to enjoy life fully and so she does not want to miss any party, cinema show, concert, fashion parades and such outdoor activities. She talks and makes friendship with boys freely and easily.” The Central Board of Secondary Education (CBSE) had to step into the scene and issue a warning to the schools to be careful while selecting text books for the students.
  The flash floods in Kerala have caused a devastation that could only occur once in a hundred years. Hundreds of people have lost their lives and property worth thousands of crores has been destroyed. However here is an interesting allegation from Kerala. The state has filed an affidavit with the Supreme Court claiming that Tamil Nadu is solely responsible for these flash floods. It accused that sudden release of flood waters from the Mullaperiyar dam was a cause for the floods in the State. Kerala has further alleged that their neighbouring state has ignored their continuous requests to release the water in a step by step process. However, Tamil Nadu has denied these allegations and said that they have given enough warnings to Kerala regarding the release of water.
  Well! All these days we have a feeling that Andhra Pradesh has suffered a huge loss of bifurcation of the state. Nothing has gone in the favour of the new state since four years. But now... here is a reason for the people in AP to have a broad smile. The Mines and Geology department has found a huge treasure in Chigargunta and Bisanatham areas of Chittoor district. The government officials have estimated that 1.83 metric tonnes of gold ore is present in the area and 9.4 tonnes of gold can be produced from the ore. The government might grab more than thousand crores by auctioning the ore. And that’s not the end of the news. The government is planning to revive defunct gold mines present in Anantapur district.
ALSO ON TELUGUONE N E W S
                            మ్యారేజ్  త‌ర్వాత స‌మంత, త‌ను చేయ‌బోయే సినిమాల విష‌యంలో ఫుల్ క్లారిటీ ఉన్న‌ట్టు అర్థ‌మ‌వుతుంది. అంతేకాదు మ్యారేజ్ త‌ర్వాత స‌మంత కెరీర్ మూడు హిట్లు, ఆరు ఆఫ‌ర్లు అన్న‌ట్లు సాగిపోతుంది. ఒక‌పుడు గ్లామ‌ర్ పాత్ర‌ల‌కే ప‌రిమిత‌మైన సామ్. ఆ త‌ర్వాత న‌ట‌న‌కు అవ‌కాశం ఉన్న పాత్ర‌ల్లో త‌న స‌త్తా ఏందో చూపెడుతోంది. గ‌త యేడాది `రంగ‌స్థ‌లం`, `మ‌హాన‌టి`, `అభిమ న్యుడు`,  `యు ట‌ర్న్` చిత్రాల‌తో మంచి ఊపు మీదుంది స‌మంత‌. `యు ట‌ర్న్` సినిమాకు క్రిటిక్స్ ప్ర‌శంస‌లు ల‌భించిన క‌మ‌ర్షియ‌ల్ గా వ‌ర్క్ అవుట్ కాలేదు. ప్ర‌జంట్  స‌మంత, త‌న నిజ జీవిత భాగ‌స్వామి  నాగ‌చైత‌న్యతో `మ‌జిలీ` సినిమా చేస్తోంది. ఆ త‌ర్వాత స‌మంత  మిస్ గ్రానీ (2014) అనే కొరియ‌న్ ఫిల్మ్ రీమెక్ లో న‌టిస్తోంది. ఈ సినిమా పైకీ యంగ్ గా క‌నిపించేంద‌కు ఇష్ట‌ప‌డే ఓల్డ్ లేడీపాత్ర‌. ఈ సినిమాకు `ఓ బేబి` అనే టైటిల్ ప‌రిశీలిస్తున్న‌ట్టు స‌మాచారం. అంతేకాదు రంగ‌స్థ‌లంలో `ఎంత స‌క్కంగున్నావే` అనేది  ట్యాగ్ లైన్ గా అనుకుంటున్నారు.  ఇదిలా ఉంటే  ఈ సినిమాకు `ఓ బేబి` అనే పేరును కూడా ప‌రిశీలిస్తున్న‌ట్టు ఫిల్మ్ న‌గ‌ర్ వ‌ర్గాలు చెబుతున్నాయి. ఈ సినిమాలో నాగ‌శౌర్య‌తో పాటు మ‌రో ఇద్ద‌రు యంగ్ హీరోలు న‌టించే అవ‌కాశం ఉంది.
ప్రస్తుతం మ‌హేష్‌బాబు పొల్లాచ్చిలో ఉన్నారు. వంశీ పైడిపల్లి దర్శకత్వంలో నటిస్తున్న 'మహర్షి' చిత్రీకరణలో పాల్గొంటున్నారు. అందువల్ల, మొన్న మంగళవారం నమ్రత పుట్టినరోజుకు హైదరాబాద్ రాలేకపోయారు. పెళ్లైన 14 ఏళ్లలో శ్రీమతి పుట్టినరోజు నాడు ఆమె పక్కన మహేష్ లేకపోవడం ఇదే తొలిసారి అట! "మహేష్ కి మరో ఛాయిస్ లేదు. సినిమా విడుదల దగ్గర పడుతోంది. షూటింగ్ చివరిదశలో వుంది. తను ఇక్కడికి రావడం కుదరలేదు. నేను మహేష్ దగ్గరకు వెళదామని అనుకుంటే అబ్బాయికి పరీక్షలు జరుగుతున్నాయి. అందువల్ల, ఈసారి నా పుట్టినరోజు నాడు ఇద్దరం వేర్వేరు ప్రదేశాల్లో ఉండాల్సి వచ్చింది" అని నమ్రత అన్నారు. ఈసారి స్నేహితులతో కలిసి పుట్టినరోజును సెలెబ్రేట్ చేసుకున్నారామె. ముంబై నుంచి నమ్రత స్నేహితులు హైదరాబాద్ వచ్చారు. అందరూ కలిసి తాజ్ ఫలక్ నుమా ప్యాలెస్ కి వెళ్లి భోజనం చేశారు.
ప్రస్తుతం చిరంజీవి 'సైరా నరసింహారెడ్డి' సినిమా చేస్తున్నారు. ఇది థియేటర్లలోకి రావడానికి ముందే తన తదుపరి సినిమాను పట్టాలు ఎక్కించాలని ఆయన నిర్ణయించుకున్నారు. కొరటాల శివ దర్శకత్వంలో 'సైరా' తరవాత సినిమా ఉంటుందని ఇటీవల ప్రకటించిన సంగతి తెలిసిందే. ఈ సినిమా కోసం చిరంజీవి బరువు తగ్గాలని అనుకుంటున్నారట. ఆయన్ను బరువు తగ్గమని కొరటాల కోరారని సమాచారం. రాజకీయాల్లోకి వెళ్లిన తరవాత చిరంజీవి చాలా బరువు పెరిగాయి. అయితే మెగా రీ ఎంట్రీ 'ఖైదీ నంబర్ 150' కోసం ఆయన బరువు తగ్గారు. మళ్ళీ 'సైరా'లో పాత్ర కోసం కొంచెం పెరిగారు. కొరటాలతో చేయబోయేది కమర్షియల్ సినిమా కనుక కాస్త తగ్గితే బావుంటుందని చిరంజీవి మనసులో కూడా ఉందట. కొరటాల గత సినిమాల తరహాలో సామాజిక సందేశంతో, వాణిజ్య హంగులతో ఈ సినిమా ఉంటుందని టాక్. ఇందులో చిరంజీవి సరసన కథానాయికగా నటించబోయేది ఎవరు? అనే ఆసక్తి అందరిలో నెలకొంది. ఆమెతో పాటు ఇతర నటీనటులు, సాంకేతిక నిపుణులను త్వరలో ఎంపిక చేయనున్నారు.
  ప్రముఖ నిర్మాత ఏయం రత్నం తనయుడు కథానాయకుడిగా పరిచయమైన సినిమా '7/జి బృందావన కాలనీ'. తెలుగు, తమిళ భాషల్లో సెల్వ రాఘవన్ దర్శకత్వంలో వచ్చిన ఈ సినిమా కన్నడ, బెంగాలీ, ఒరియా భాషల్లో రీమేక్ అయ్యింది. ప్రతి భాషలోనూ సినిమా విజయం సాధించింది. ఇదంతా పదిహేనేళ్ల క్రితం సంగతి. ఇప్పుడు రవికిషన్ హీరోగా లేడు. ఎప్పుడో ఫెడవుట్ అయ్యాడు. దర్శకుడు సెల్వ రాఘవన్ ప్లాప్ సినిమాలతో తన మార్కెట్, ఇమేజ్ పోగొట్టుకున్నాడు. కానీ, ఆయన తీసిన చక్కటి సినిమాల్లో '7/జి బృందావన కాలనీ' ఒకటిగా ఉంది. ఇప్పుడీ సినిమాను హిందీలో రీమేక్ చేస్తున్నారని బాలీవుడ్ టాక్. ప్రముఖ హిందీ దర్శకుడు సంజయ్ లీలా భన్సాలీ మేనకోడలు షర్మిన్ సెహగల్ కథానాయికగా, జావేద్ జాఫ్రి కుమారుడు మీజాన్ కథానాయకుడిగా పరిచయం చేస్తూ 'మలాల్' అని  ఓ సినిమా నిర్మిస్తున్నారు. మంగేష్ హడవాలె దర్శకత్వం వహిస్తున్న ఈ సినిమా '7/జి బృందావన కాలనీ'కి రీమేక్ అని టాక్. అయితే దర్శక నిర్మాతలు అధికారికంగా ఎక్కడా ఈ మాట చెప్పడం లేదు. '7/జి బృందావన కాలనీ' హిందీ రీమేక్ రైట్స్ టీ సిరీస్ సంస్థ, సంజయ్ లీలా భన్సాలీ సొంతం చేసుకున్నారు. ఆ కథతో 'మలాల్' తీస్తున్నారట. తెలుగు, తమిళ భాషల్లో పదిహేనేళ్ల క్రితం వచ్చిన సినిమాను ఇప్పుడు రీమేక్ చేయడం విశేషమే.
 దేశవ్యాప్తంగా సంచలనం రేపిన ‘ఒరు ఆడార్ ల‌వ్‌ ‘ ప్రచార చిత్రంలో కొంటెగా కంటి సైగతో మలయాళీ ముద్దుగుమ్మ ప్రియా ప్రకాశ్ వారియర్ వీడియో వైర‌ల్ అయింది.  ఓవర్ నైట్ స్టార్ హీరోయిన్‌గా మారిపోయింది.  ఆమె మ‌రోసారి గ‌న్ను ఎక్కు పెట్టి కాల్చేసిన వీడియో వైర‌ల్ అవుతోంది.  మ‌ల‌యాళం  ఒరు ఆడార్ ల‌వ్ చిత్రాన్ని తెలుగులో `ల‌వ‌ర్స్ డే` పేరుతో అనువ‌దిస్తున్నారు ఎ.గురురాజ్. ఈ చిత్రం ఆడియో ఫంక్ష‌న్ బుధ‌వారం హైద‌రాబాద్ లో ఘ‌నంగా జ‌రిగింది.  ఈ ఆడియో విడుద‌ల కార్య‌క్ర‌మానికి స్టైలిష్ స్టార్ అల్లు అర్జున్ ముఖ్య అతిథిగా విచ్చేసాడు.  ఈ కార్య‌క్ర‌మానికి విచ్చేసిన హీరోయిన్ ప్రియా ప్ర‌కాష్ వారియ‌ర్  కొంటెగా కంటి సైగ‌తో బ‌న్ని పై గ‌న్ ఎక్కు పె ట్టి  షూట్ చేసింది. ఈ స‌న్నివేశం ఆ కార్య‌క్ర‌మానికి విచ్చేసిన వారందిర్నీ అల‌రించ‌డ‌మే కాకుండా ప్ర‌స్తుతం దీనికి సంబంధించిన వీడియో సోష‌ల్ నెట్స్ వ‌ర్క్స్ లో హ‌ల్ చ‌ల్ చేస్తోంది. ఈ విధంగా ఈ సినిమాకు మంచి ప్ర‌మోష‌న్ వ‌స్తోంది. ఈ చిత్రాన్ని ల‌వ‌ర్స్ డే రోజు ఫిబ్ర‌వ‌రి 14న విడుద‌ల చేయ‌నున్నారు.
  వంగవీటి రంగా ఆశయ సాధన కోసమే వైసీపీలో చేరానని, కానీ అది అక్కడ సాధ్యం కాకపోవడంతో బయటకు వచ్చేశానని వంగవీటి రాధా తెలిపారు. విజయవాడలో ఈరోజు ఆయన మీడియాతో మాట్లాడుతూ... రంగా ఆశయం నెరవేరుస్తానని పార్టీలో చేరేటప్పుడు వైసీపీ అధినేత జగన్ మాటిచ్చారని.. సొంత తమ్ముడికన్నా ఎక్కువ అన్నారని రాధా చెప్పారు. 'తమ్ముడినే ఇలా చూస్తే.. సామాన్య ప్రజలను జగన్‌ ఎలా చూస్తారు' అని ప్రశ్నించారు.  'ఒక్క సీటు కోసం నాకు ఈ గొడవ అవసరం లేదు. నేను అభిమానం కోరుకున్నా.. మీరు జాలి చూపిస్తున్నారు. సీటు ఇవ్వనందుకు నాకు బాధ లేదు, సూటిపోటి మాటలు నన్ను బాధించాయి' అని రాధా అన్నారు. వైసీపీలో తనకు జరిగిన అవమానాలు మరొకరికి ఎదురుకాకూడదన్నారు రాధా. తన తండ్రి విగ్రహావిష్కరణకు వెళితే.. ఎందుకు వెళ్లావంటూ వైసీపీ నేతలు తనను మందలించారన్నారు. ఇదెక్కడి న్యాయమన్నారు. రంగా విగ్రహావిష్కరణకు అన్ని రకాల పార్టీల వాళ్లు వస్తారని... ఆయన అభిమానానికి హద్దులు లేవన్నారు. తన తండ్రి విగ్రహావిష్కరణకు ఎవరి అనుమతి అవసరం లేదని చెప్పారు. అభిమానంతో కొంతమంది భోజనాలు పెడితే.. అది కూడా పొరపాటైపోయిందన్నారు. లోకల్ ఇంఛార్జీకి చెప్పలేదని.. తనను ప్రశ్నించారన్నారు. తండ్రి లేనివాడినని చేరదీశానని.. చెప్పినట్లు వినాల్సిందేనంటూ జగన్‌ ఒత్తిడి చేసేవారని రాధా ఆరోపించారు. ఇప్పటికైనా జగన్‌ పద్ధతి మార్చుకోవాలని సూచించారు. వైసీపీని వీడిన తర్వాత సోషల్ మీడియాలో తనపై బెదిరింపులు పెరిగాయని వంగవీటి రాధా అన్నారు. ఒకవేళ తన చావు వారికి ఆనందం కలిగిస్తుందంటే చంపేయండని అన్నారు. తనకు ప్రాణం మీద ఆశ లేదని.. పేదల కోసం పోరాడి ప్రాణాలు కోల్పోయిన వ్యక్తి తన తండ్రి అని.. తాను కూడా అందుకు సిద్ధమేనని చెప్పారు. 'నన్ను బెదిరిస్తున్నవారి ఐపీ అడ్రస్‌ ద్వారా గుర్తించి పోలీసులకు ఫిర్యాదు చేయగలను. కానీ.. వైసీపీ నేతలు కింద వారిని బలి చేస్తారనే ఆగిపోయాను. ఏపీ పోలీసుల మీద నాకు నమ్మకం ఉంది' అని రాధా అన్నారు. అలాగే పార్టీ మారేందుకు వంద కోట్ల డీల్ కుదుర్చుకున్నారన్న వార్తలపై ఆగ్రహం వ్యక్తం చేశారు.
  ఎన్నికల్లో గెలిస్తే ప్రజల అండ మా పార్టీకి ఉంది కాబట్టే గెలిచామని, ఓడిపోతే ఈవీఎం ట్యాంపరింగ్ జరగడం వల్లే ఓడిపోయామని చెప్పుకోవడం కొన్ని పార్టీలకు అలవాటు. ఇప్పటికే విపక్షాలు బీజేపీ మీద ఇటువంటి ఆరోపణలు చేస్తున్న విషయం తెలిసిందే. అయితే ఇప్పుడు ఈ లిస్ట్ లోకి ఓ సైబర్ నిపుణుడు కూడా చేరిపోయాడు. 2014 నుంచి ఇప్పటివరకు బీజేపీ సాధించిన విజయాలన్నీ ఈవీఎంల ట్యాంపరింగ్ వల్లే సాధ్యమైందని పెద్ద బాంబు పేల్చాడు. అమెరికాలో తలదాచుకుంటున్న సయ్యద్‌ షుజా అనే భారతీయ హ్యాకర్‌ సంచలన ఆరోపణలు చేశారు. 2014 లోక్‌సభ ఎన్నికల్లో ఈవీఎంలు హ్యాక్‌ చేయడం ద్వారానే బీజేపీ విజయం సాధించిందని అన్నారు. ఇందుకు టెలికాం సంస్థ రిలయన్స్‌ జియో సహకరించిందని తెలిపారు. అయితే ఇక్కడో అర్థంకాని విషయం ఏంటంటే.. 2014లో జియో సేవలు ప్రారంభం కాలేదు. 2016 సెప్టెంబర్‌ నుంచే అవి ప్రారంభమయ్యాయి. ప్రస్తుతానికి ఆ లాజిక్ పక్కన పెట్టి మిగతా మేటర్ లోకి వెళ్దాం. సయ్యద్‌ షుజా సోమవారం లండన్‌లో భారత పాత్రికేయ సంఘం నిర్వహించిన విలేకరుల సమావేశంలో స్కైప్‌ ద్వారా మాట్లాడారు. అయితే ముఖం కనిపించకుండా మాస్క్‌ ధరించారు. 2014 సార్వత్రిక ఎన్నికల్లో వాడిన ఈవీఎంలను డిజైన్‌ చేసిన ఈసీఐఎల్‌ బృందంలో తాను కూడా సభ్యుడినని చెప్పారు. 2009 నుంచి 2014 వరకు తాను ఆ సంస్థలో పనిచేశానని పేర్కొన్నారు. ఈవీఎంలను హ్యాక్‌ చేయగలమా? ఎలా చేయగలం? అన్న విషయాన్ని పరిశీలించాలని ఈసీఐఎల్‌ మమ్మల్ని కోరిందన్నారు. వాటిని హ్యాక్‌ చేయవచ్చని తాము నిరూపించామని తెలిపారు. రిలయన్స్‌ జియో అందించిన ఓ మాడ్యులేటర్‌ ద్వారా మిలటరీ గ్రేడ్‌ లోఫ్రీక్వెన్సీ తరంగాలతో బీజేపీ ఈవీఎంలను హ్యాక్‌ చేసింది. తద్వారా 2014 లోక్‌సభ ఎన్నికల్లో రిగ్గింగ్‌కు పాల్పడింది. ఈ విషయం తెలుసుకున్నారు కాబట్టే బీజేపీ సీనియర్‌ నేత గోపీనాథ్‌ ముండేను లోక్‌సభ ఎన్నికలు జరిగిన కొద్దిరోజులకే చంపేశారు. ముండే మరణంపై దర్యాప్తు జరుపుతున్న ఎన్‌ఐఏ అధికారి తాంజిల్‌ అహ్మద్‌ ఎఫ్‌ఐఆర్‌ దాఖలు చేయాలనుకున్నారు. ఆలోగానే ఆయన ఆత్మహత్యకు పాల్పడ్డారు. 2015లో ఢిల్లీ అసెంబ్లీకి జరిగిన ఎన్నికల్లో ఈ సంకేత ప్రసారాలను మేం అడ్డుకున్నాం. ఫలితంగా మొత్తం 70 స్థానాల్లో 67 స్థానాలను ఆమ్‌ ఆద్మీ పార్టీ గెల్చుకుంది. లేకుంటే బీజేపీ స్వీప్‌ చేసి ఉండేది. రాజస్థాన్‌, ఛత్తీస్‌గఢ్‌, మధ్యప్రదేశ్‌ అసెంబ్లీలకు ఇటీవల జరిగిన ఎన్నికల్లోనూ సంకేత ప్రసారాలను మాబృందం అడ్డుకుంది. లేకుంటే ఆ రాష్ట్రాల్లోనూ బీజేపీ విజయం సాధించి ఉండేది.  గత లోక్‌సభ ఎన్నికల్లో ఉత్తర్‌ ప్రదేశ్‌, గుజరాత్‌, మధ్యప్రదేశ్‌, రాజస్థాన్‌, ఛత్తీస్‌గఢ్‌, ఢిల్లీకి సంబంధించి ఈవీఎంలలో రిగ్గింగ్‌ జరిగింది. 2014 ఏప్రిల్‌లో ఈవీఎంల నుంచి సంకేతాలు వెలువడుతున్నట్లు గుర్తించాం. మాకు తెలిసిన ఈ సమాచారంతో బీజేపీని బ్లాక్‌ మెయిల్‌ చేయాలనుకున్నాం. హైదరాబాద్‌ శివార్లలో బీజేపీ నేత ఒకరిని కలుసుకునేందుకు మా బృందం వెళ్లింది. అక్కడ మా బృందంపై కాల్పులు జరిగాయి. ఇందులో కొందరు చనిపోయారు. నేను తప్పించుకున్నా. ఈ ఘటనను వెలుగులోకి రాకుండా చూడటానికి హైదరాబాద్‌లోని కిషన్‌గఢ్‌లో మతకలహాలు జరిగినట్లు చిత్రీకరించారు. తన బృందంలోని కొందరు సభ్యులు హత్యకు గురికావడంతో 2014లో తాను భారత్‌ నుంచి పరారయ్యాయని చెప్పారు. అమెరికాలో రాజకీయ ఆశ్రయం కోరారన్నారు. ఈవీఎంల హ్యాకింగ్‌పై కథనం రాయడానికి పాత్రికేయురాలు గౌరీలంకేశ్‌ అంగీకరించారు.  ఆలోగానే ఆమె హత్యకు గురయ్యారు. ఈవీఎంలలో వాడిన వైర్లను ఎవరు తయారుచేశారన్నది తెలుసుకునేందుకు సమాచారం చట్టం కింద ఆమె దరఖాస్తు చేశారు. ఆ తర్వాతే ఆమె హత్య జరిగింది అన్నారు. నా ఆరోపణలకు ఆధారాలిస్తా. ఇటీవలి ఎన్నికల్లో వాడిన ఈవీఎంల ద్వారానే మీకు హ్యాకింగ్‌ తీరును వివరిస్తా. ఏయే ఎన్నికల్లో ట్యాంపరింగ్‌ జరిగిందో చెబుతా అని తెలిపారు. ఈ విలేకరుల సమావేశానికి ఎన్నికల సంఘాన్ని కూడా ఆహ్వానించాం. కానీ రాలేదు. రాజకీయ పార్టీలను ఆహ్వానించాం. అయితే కాంగ్రెస్‌ తరఫున కపిల్‌ సిబల్‌ ఒక్కరే వచ్చారు అన్నారు. హ్యాకర్‌ షుజా ఆరోపణలను కేంద్ర ఎన్నికల సంఘం ఖండించింది. బీఈఎల్, ఈసీఐఎల్‌ రూపొందించే ఈవీఎంలను ఎవ్వరూ హ్యాక్‌ చేయలేరని స్పష్టం చేసింది. కట్టుదిట్టమైన భద్రత మధ్య ఈవీఎంలను రూపొందిస్తామనీ, సాంకేతిక కమిటీ సమక్షంలో నిబంధనల మేరకు ఈ యంత్రాలను కఠినమైన పరీక్షలకు లోనుచేస్తామని వెల్లడించింది. ఈ విషయంలో చట్టపరమైన చర్యలు తీసుకునే అంశాన్ని పరిశీలిస్తున్నట్లు ఈసీ పేర్కొంది. మరోవైపు ఈ ఆరోపణలపై విచారణ జరిపించాలని కాంగ్రెస్‌ డిమాండ్‌ చేస్తుంది. అయితే బీజేపీ మాత్రం ఇదంతా కాంగ్రెస్ ఆడుతున్న గేమ్ అంటుంది. హ్యాకర్‌ షుజా ముఖానికి ఉన్న ముసుగు తీసి ఆధారాలు బయటపెడితేనే కానీ అసలు నిజాలు ఏంటో మనకి తెలియవు.
  గవర్నర్‌ ప్రసంగంపై ధన్యవాద తీర్మానం సందర్భంగా చేపట్టిన చర్చలో వివిధ పార్టీల సభ్యులు మాట్లాడుతూ పలు సమస్యలను ప్రభుత్వం దృష్టికి తీసుకొచ్చారు. వీటికి సీఎం కేసీఆర్ సమాధానమిచ్చారు. పేదరికంతో పాటు నిర్లక్ష్యం వల్ల చాలామంది కంటి పరీక్షలు చేయించుకోవడం లేదని కేసీఆర్‌ చెప్పారు. ఎవరూ కోరకుండానే మంచి ఉద్దేశంతో కంటివెలుగు ప్రవేశపెట్టామన్నారు. కంటివెలుగు పథకం కింద ఇప్పటి వరకు 1.32 కోట్ల మందికి పరీక్షలు జరిగాయని చెప్పారు. తెలంగాణ ప్రభుత్వం అమలు చేస్తున్న కంటివెలుగు పథకాన్ని ఇతర రాష్ట్రాలు అమలు చేసేందుకు ప్రయత్నాలు చేస్తున్నాయన్నారు. త్వరలో చెవి, ముక్కు, గొంతు పరీక్షల శిబిరాలు కూడా నిర్వహిస్తామని కేసీఆర్‌ స్పష్టం చేశారు. గత ప్రభుత్వాలు రైతులను నిర్లక్ష్యంగా వదిలేశాయని కేసీఆర్‌ అన్నారు. టీఆర్ఎస్ ప్రభుత్వం నిజంగా రుణమాఫీ చేయకపోతే ప్రజలు మళ్లీ తమకు ఎందుకు ఓటు వేశారని విపక్ష సభ్యులను ప్రశ్నించారు. రైతే రాజు అయ్యే పరిస్థితులు వచ్చాయని ఇప్పటికే కొందరు ప్రశంసిచారని, రైతుబీమా పరిహారం బాధిత కుటుంబాలకు కేవలం 10 రోజుల్లో అందుతోందని చెప్పారు. కార్యాలయాలు తిరగకుండా, పైరవీలు చేయకుండానే బాధిత కుటుంబం ఖాతాలో పరిహారం సొమ్ము జమ అవుతోందన్నారు. కాంగ్రెస్‌ ప్రభుత్వం వ్యవసాయ అధికారులను కూడా నియమించలేదని సీఎం మండిపడ్డారు. కాంగ్రెస్‌ ప్రభుత్వ విధానాల వల్లే పోడు భూముల సమస్య పరిష్కారం కాకుండా పోయిందన్నారు. పొరుగు రాష్ట్రాల నుంచి కోయలు వలస రావడం కూడా పోడు భూముల విషయంలో సమస్యగా మారిందని.. ఎన్నికల్లో ఇచ్చిన హామీ మేరకు ఆ సమస్యను తప్పకుండా పరిష్కారిస్తామని చెప్పారు. ఇళ్ల నిర్మాణాల విషయంలో ప్రభుత్వం సాహసం చేయబోతోందని కేసీఆర్‌ చెప్పారు. గతంలో సర్వే ప్రకారం 8 లక్షల ఇళ్లు నిర్మిస్తే సరిపోతుందని తేలిందన్నారు. ఇల్లు అవసరమైనవాళ్లు ఎంతమంది ఉన్నారో కచ్చితమైన లెక్కలను త్వరలో తీస్తామని చెప్పారు. కాంగ్రెస్‌ హయాంలో ఇళ్ల పేరుతో కుంభకోణం జరిగిందని ఆరోపించారు. కొంచెం ఆలస్యమైనా తాము డబుల్‌ బెడ్‌రూమ్ ఇళ్లు నాణ్యంగా నిర్మిస్తామని స్పష్టం చేశారు. డబుల్‌ బెడ్ రూమ్‌ ఇళ్ల లబ్ధిదారులను లాటరీ ద్వారా ఎంపిక చేస్తామన్నారు. పేదవాళ్ల పేర్లను లాటరీలో వేసి లబ్ధిదారులను ఎంపిక చేస్తామని చెప్పారు. ముఖ్యమంత్రి నియోజకవర్గంలోనూ లాటరీ విధానానికి మినహాయింపు లేదని కేసీఆర్‌ స్పష్టం చేశారు. హైదరాబాద్‌లో 30వేల ఇళ్ల నిర్మాణాలు జరుగుతున్నాయని పేర్కొన్నారు. సొంత స్థలం ఉన్నవారికి ఇంటి నిర్మాణానికి రూ.6 లక్షలు ఇస్తామని ప్రకటించారు. మంచి పథకాలు ఎవరు తెచ్చినా మెచ్చుకోవాల్సిందేనని కేసీఆర్‌ అన్నారు. దివంగత ముఖ్యమంత్రి వైఎస్‌ రాజశేఖర్ రెడ్డి ప్రారంభించిన ఆరోగ్యశ్రీ చాలా మంచి పథకమని చెప్పారు. అందుకే ఎలాంటి మార్పులు లేకుండా టీఆర్ఎస్ కూడా ఆరోగ్యశ్రీని అమలు చేసిందన్నారు. ఆరోగ్యశ్రీ బాగున్నందునే కేంద్రం అమలు చేస్తున్నఆరోగ్య పథకంలో తెలంగాణ చేరలేదని తెలిపారు. ఆయుష్మాన్‌భవ కంటే ఆరోగ్యశ్రీ పథకంతోనే ప్రజలకు మేలు జరుగుతుందని కేసీఆర్‌ అభిప్రాయం వ్యక్తం చేశారు. కేసీఆర్‌ కిట్‌ పథకంలో కేంద్రం వాటా పైసా కూడా లేదని స్పష్టం చేశారు. కేంద్రంలో అనుకూల ప్రభుత్వం లేదని, తెలంగాణకు ఒక్క రూపాయి కూడా అదనంగా ఇవ్వలేదని కేసీఆర్‌ విమర్శించారు. మిషన్‌ కాకతీయ, భగీరథకు రూ. 24 వేల కోట్లు ఇవ్వాలని నీతి ఆయోగ్ చెప్పినా.. కేంద్రం 24 రూపాయిలు కూడా ఇవ్వలేదని విమర్శించారు. రాజ్యాంగబద్దంగా రావాల్సిన పన్నువాటా తప్ప నిధులు రాలేదని అన్నారు. వచ్చే ఐదేళ్లలో ఆదాయ, వ్యయాల అంచానా రూ.10 లక్షల కోట్లని కేసీఆర్‌ పేర్కొన్నారు. ఐదేళ్లలో ప్రభుత్వం చెల్లించాల్సిన అప్పు రూ.2 లక్షల 40 వేల కోట్లని, అప్పు చెల్లిస్తే మళ్లీ రూ.లక్షా 30వేల కోట్లు తెచ్చుకునే అవకాశం ఉందన్నారు. సాగునీటి ప్రాజెక్టులపై దాదాపు రూ.లక్షా 20 వేల కోట్ల ఖర్చు చేసినట్లు కేసీఆర్‌ తెలిపారు. సంక్షేమం, వ్యవసాయం, ప్రాజెక్టుల తర్వాత రహదారులకే ఎక్కువ ప్రాధాన్యత ఇచ్చామని కేసీఆర్ అన్నారు. 12,751 గ్రామ పంచాయతీల్లో బీటీ రోడ్ల నిర్మాణం జరిగిందని చెప్పారు. వచ్చే ఆర్థిక సంవత్సరం నుంచి పెంచిన పెన్షన్లు, రైతు బంధు, నిరుద్యోగ భృతి అమలు చేస్తామని అన్నారు. మార్చి నాటికి మిషన్‌ భగీరథ ద్వారా అన్ని గ్రామాలకు తాగునీరు అందజేస్తామని కేసీఆర్‌ హామీ ఇచ్చారు.
  ఎన్టీఆర్ వర్థంతి సందర్భంగా గుంటూరు జిల్లాలో ఏర్పాటు చేసిన పలు కార్యక్రమాల్లో సీఎం చంద్రబాబు పాల్గొన్నారు. సత్తెనపల్లిలో ఎన్టీఆర్‌ పార్కు, వావిలాల ఘాట్‌ ప్రారంభించారు. సత్తెనపల్లిలో 36 అడుగుల ఎన్టీఆర్‌ విగ్రహాన్ని ఆవిష్కరించిన అనంతరం ఆయన మాట్లాడారు. ఎన్టీఆర్‌ ఒక మహానాయకుడు, యుగపురుషుడు అని కొనియాడారు. సత్తెనపల్లికి వన్నె తెచ్చేలా తారకరామసాగర్‌ ఏర్పాటు చేస్తామని హామీ ఇచ్చారు. హైదరాబాద్‌ హుస్సేన్‌సాగర్‌లో ఎన్టీఆర్‌ హయాంలో బుద్ధుడి విగ్రహం ఏర్పాటు చేశారని గుర్తుచేశారు. ఇప్పుడు అదే తరహాలో సత్తెనపల్లిలో ఎన్టీఆర్‌ విగ్రహం ఏర్పాటైందన్నారు. ఎన్టీఆర్‌ భారీ విగ్రహం ఏర్పాటు ఒక చరిత్రని, చరిత్రలో మళ్లీ అలాంటి యుగపురుషుడు పుట్టడని చంద్రబాబు పేర్కొన్నారు. ఆయనతో ఎవరూ పోటీ పడలేరు.. ఆయనకు ఆయనే సాటి అని అన్నారు. తెలుగుజాతి ఆత్మగౌరవం కోసం పోరాడిన వ్యక్తి ఎన్టీఆర్‌ అని, సమాజమే దేవాలయం.. పేదలే దేవుళ్లని నిర్వచించిన వ్యక్తి ఎన్టీఆర్‌ అని చంద్రబాబు కొనియాడారు. రాష్ట్ర విభజన తర్వాత ప్రజలు ఎంతో నమ్మకంతో తనను గెలిపించారని, రాష్ట్రానికి బీజేపీ మేలు చేస్తుందని భావించామన్నారు. కానీ, బీజేపీ ఆంధ్రప్రదేశ్‌కు నమ్మకద్రోహం చేసిందని మండిపడ్డారు. ఆత్మవిశ్వాసంతో ముందుకెళ్తే తెలుగుజాతి తిరుగులేని శక్తిగా ఆవిర్భవిస్తుందని చెప్పారు. కేంద్రం సహకరించక పోయినా ప్రాజెక్టులకు ఇబ్బందులు లేకుండా ముందుకెళ్తున్నామని అన్నారు. ప్రపంచం మొత్తం ఆహారపు అలవాట్లు మారాయని, దానికి అనుగుణంగా వ్యవసాయంలో మార్పులు చేస్తున్నామన్నారు. ప్రపంచానికి ఆదర్శంగా 8శాతం సేద్యంలో వృద్ధిరేటు సాధించిన ఏకైక ప్రభుత్వం మనదేనని అన్నారు. రైతులకు రూ. 24 వేల కోట్ల రుణ విముక్తి చేసిన ప్రభుత్వం టీడీపీయేనని అన్నారు. కేంద్ర హోంమంత్రి ఈ రోజు కడపలో పర్యటిస్తున్నారని, హోదా విషయంలో మోసం చేసి మళ్లీ ఎందుకు వచ్చారని చంద్రబాబు ప్రశ్నించారు. తుపాన్ వస్తే, రైతులు ఇబ్బందులు పడుతుంటే ఇక్కడికి రారని, గుంటూరులో పార్టీ ఆఫీస్‌ ప్రారంభోత్సవానికి మాత్రం వస్తారని చంద్రబాబు కేంద్రంపై మండిపడ్డారు. పుండు మీద కారం చల్లి సంతోషిస్తున్నారని, విభజన చట్టంలో పేర్కొన్న హామీలు అమలయి ఉంటే తమకు ఇబ్బందులు ఉండేవి కావన్నారు. రాష్ట్రంలో కష్టాలకు, ఇబ్బందులకు ప్రధాని మోదీయే కారణమని అన్నారు. ఇప్పటికైనా ఆంధ్రప్రదేశ్‌కు ప్రత్యేక హోదా ప్రకటించాలని చంద్రబాబు కేంద్రాన్ని కోరారు. వందమంది కేసిఆర్, జగన్ లు కలిసినా ఆంధ్రప్రదేశ్ ను ఏమీ చేయలేరని చంద్రబాబు అన్నారు. నాకేదో గిప్ట్ ఇస్తానని కేసిఆర్ బెదిరిస్తున్నాడని.. కేసిఆర్ ఒక్క గిప్ట్ ఇస్తే తెలుగు ప్రజలు మూడు గిప్ట్ లు ఇస్తారన్నారు. కేసిఆర్ కు అవినీతి తమ్ముడు జగన్ తోడయ్యాడని విమర్శించారు.
  ఎలక్షన్‌ మిషన్‌ 2019పై టీడీపీ నేతలతో ఏపీ సీఎం, టీడీపీ అధినేత చంద్రబాబు గురువారం ఉదయం టెలికాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ.. రాష్ట్రాభివృద్ధి, సంక్షేమ కార్యక్రమాలను ప్రజల్లోకి తీసుకెళ్లాలని సూచించారు. 'ఏపీ అంటే మోదీకి అసూయ. గుజరాత్‌కన్నా ఏపీ మించిపోతుందనే భయం. ఏపీ అభివృద్ధి చెందకూడదని కేసీఆర్‌ పంతం. తన చేతగాని తనం భయటపడుతుందని కేసీఆర్‌కు భయం. తన కేసుల్లో జైలుకు వెళ్లాల్సి వస్తుందని జగన్‌కు భయం. అసూయపరులంతా ఏకమయ్యారు. అక్కసుతోనే బీజేపీ, టీఆర్ఎస్, వైసీపీ ఒకే చోటుకు చేరి ఏపీపై కుట్రలు చేస్తున్నాయి' అని ఆరోపించారు. 'గద్దల మాదిరిగా ఏపీపై వాలి కులాల మధ్య చిచ్చు పెడుతున్నారు. మతాల మధ్య ఉద్రిక్తతలు రెచ్చగొడుతున్నారు. తెలంగాణలో సెంటిమెంట్‌ రెచ్చగొట్టారు.. ఇప్పుడు ఏపీలో కులాల మధ్య చిచ్చు రగిలిస్తున్నారు. రాజకీయ లబ్ధి కోసం ఎంతకైనా తెగిస్తున్నారు. కేసీఆర్‌ ఫెడరల్‌ ఫ్రంట్‌కు స్పందనలేదు. హడావుడిగా నిన్న జగన్‌తో కేటీఆర్‌ భేటీ అయ్యారు. ఈ భేటీతో టీఆర్ఎస్, వైసీపీ ముసుగు తొలగిపోయింది' అని విమర్శించారు.బీజేపీ వ్యతిరేక ఓట్లను చీల్చాలని కుట్ర జరుగుతుందని అన్నారు. బీజేపీ వ్యతిరేక శక్తులు ఏకం కాకుండా కుట్రలు చేస్తున్నారని మండిపడ్డారు. బీజేపీ అజెండా అమలుకే ఫెడరల్‌ ఫ్రంట్‌ అని విమర్శించారు. పార్టీలను గందరోగళ పరిచి.. ప్రజల్లో  అయోమయం పెంచడం వీరి లక్ష్యం అని ఆరోపించారు.  ఏపీకి హోదా ఇస్తే తమకూ ఇవ్వాలని కేసీఆర్ అన్నారని గుర్తుచేశారు. షెడ్యూల్ 9, షెడ్యూల్ 10 సంస్థల విభజనకు అడ్డంకులు పెట్టారన్నారు. చివరికి సుప్రీంకోర్టు తీర్పును అమలు చేయనివ్వలేదని ఆగ్రహం వ్యక్తం చేశారు. ‘తెలంగాణలో 26 కులాలను బీసీ జాబితా నుంచి తొలగించారు. 26 కులాలకు అన్యాయం చేసిన వారితో జగన్‌ అంటకాగుతున్నారు. టీఆర్ఎస్ తో జట్టుకట్టిన వైసీపీకి 26 కులాల బీసీలే బుద్ధి చెప్పాలి' అని పిలుపునిచ్చారు. అవినీతి గొంగళి పురుగును కేసీఆర్‌ కౌగిలించుకున్నారు. అవినీతి గొంగళిపురుగుతో స్నేహం తెలంగాణ కోసమేనా? ప్రజలకు కేసీఆర్‌, కేటీఆర్‌ జవాబు చెప్పాలి’ అని చంద్రబాబు డిమాండ్ చేసారు.
  శాసనసభ పక్ష నాయకునిగా టీఆర్ఎస్ పార్టీ నేతలు కేసీఆర్‌ను ఏకపక్షంగా ఎన్నుకున్నారు. ఈ సందర్బంగా ఆయన మీడియాతో మాట్లాడుతూ.. కేంద్ర ప్రభుత్వం తాను చేయాల్సిన పనిచేయకుండా అధికారాలు పెట్టుకొని రాష్ట్రాలపై పెత్తనం చేస్తోందని, ఇదే అభిప్రాయం చాలా రాష్ట్రాలు, పార్టీల్లో ఉందని విమర్శించారు. రూరల్‌, అర్బన్‌ డెవలప్‌మెంట్‌, వైద్యం, విద్య కేంద్రం తన దగ్గర ఉంచుకోవాల్సిన అవసరం లేదని అన్నారు. దేశానికి కొత్త ఆర్థిక విధానం, కొత్త వ్యవసాయం విధానం అవసరమని, మూస వ్యవసాయ విధానం పోవాలని ఆయన అభిప్రాయపడ్డారు. కాంగ్రెస్‌ జాతీయ పార్టీ అని చెప్పుకుంటుంది.. కానీ రాష్ట్రానికో పాలసీ ఉంటుందని ఎద్దేవా చేశారు. కాంగ్రెస్‌, బీజేపీది పచ్చి రాజకీయ అవకాశం వాదమని ఆరో్పించారు. బీజేపీ, కాంగ్రెస్‌ లకు తేడా లేదని.. దొందూ దొందేనని ఎద్దేవా చేశారు. కొత్త మోడల్ దేశానికి అవసరం ఉందని అభిప్రాయపడ్డారు. ఆ ప్రయత్నం దేశ రైతాంగం తరపున తాను చేస్తానని అన్నారు. వీలైనంత త్వరగా జర్నలిస్టులకు ఇళ్ల స్థలాలు ఇస్తామన్నారు. జర్నలిస్టులకు అన్ని రకాలుగా మేలు చేస్తామని కేసీఆర్ హామీ ఇచ్చారు. తెలంగాణ కోసం కొట్లాడిన పార్టీగా టీఆర్‌ఎస్‌ను ప్రజలు ఆదరించారని కేసీఆర్ అన్నారు. నాలుగేళ్ల పాలన మమ్మల్ని తిరిగి గెలిపించిందని అన్నారు. చేసిన పని సిన్సియర్‌గా చేశామని, దేశంలో ఎక్కడా లేని విధంగా సంక్షేమ పథకాలు తీసుకొచ్చామన్నారు. రాష్ట్రంలో కోటి మందికి కంటి వెలుగు పరీక్షలు నిర్వహించామని చెప్పారు. ప్రభుత్వం మమ్మల్ని పట్టించుకుంటుదన్న భావన ప్రజల్లో వచ్చిందని, పేదలకు కేసీఆర్‌ కిట్‌, కళ్యాణలక్ష్మి పథకాలు ఎంతో ఉపయోగపడ్డాయని కేసీఆర్ పేర్కొన్నారు. తెలంగాణలో బాల్య వివాహాలు జరగడం లేదన్నారు. అన్ని వర్గాల ప్రజల్లో సమానమైన ఆదరణ కనిపించిందని కేసీఆర్ అన్నారు. మేనిఫెస్టోలో ప్రకటించిన అంశాలను వందకు వంద శాతం అమలుపరిచిన ప్రభుత్వం టీఆర్‌ఎస్ ప్రభుత్వమేనని కేసీఆర్ పేర్కొన్నారు. ఈ విషయంలో తాము ఎవరితోనైనా, ఏ ఛాలెంజ్‌కైనా సిద్ధమేనని సవాల్ విసిరారు. తాము ఎన్నికల మేనిఫెస్టోలో భాగంగా ఏం చేస్తామని చెప్పామో వంద శాతం అది చేశామని, మేనిఫెస్టోలో లేని ప్రజలకు ఉపయోగపడే 76 అంశాలను కూడా అమలుపరిచిన ఘనత తమ ప్రభుత్వానికే దక్కుతుందని అన్నారు. బీడీ కార్మికుల పెన్షన్ తమ మేనిఫెస్టోలో లేదని, కానీ మంజూరు చేశామని తెలిపారు. ఎన్నికల ముందు రైతుబంధు చెప్పలేదని.. ఆయినా చేశామన్నారు. కొంతమంది కావాలనే ఇంటికో ఉద్యోగం ఇస్తామని తాము చెప్పినట్లు ప్రచారం చేశారని.. తాను కానీ, తమ పార్టీ కానీ ఆ మాట అనలేదని కేసీఆర్ చెప్పారు. ఉద్యోగాలు కల్పిస్తామని మాత్రమే చెప్పామని, ఆంధ్రా వాళ్లు వెళ్లిపోతే వచ్చే ఖాళీలు మనకొస్తాయని చెప్పామని కేసీఆర్ తెలిపారు. కోర్టు ఆదేశాల ప్రకారం పంచాయతీ ఎన్నికలు నిర్వహిస్తాం. రానున్న పంచాయతీ ఎన్నికలకు సమాయత్తం కావాలని ఎమ్మెల్యేలకు సూచించాం అని తెలిపారు. ఫెడరల్‌ ఫ్రంట్ వస్తే దేశవ్యాప్తంగా రైతుబంధు పథకాన్ని అమలు చేస్తాం అన్నారు. దీనికోసం మూడున్నర లక్షల కోట్లు ఖర్చవుతుంది. తాము వచ్చాక కచ్చితంగా చేస్తాం అని హామీ ఇచ్చారు. రాష్ట్రంలో 29.9శాతం ఆర్థికవృద్ధి ఉంది. దేశంలో ఏ రాష్ట్రమూ తెలంగాణకు దరిదాపుల్లో లేదు. రూ.70వేల కోట్లతో రాష్ట్రంలోని ప్రాజెక్టులు పూర్తవుతాయి. అప్పులు చేశామని ప్రతిపక్షాలు విమర్శిస్తున్నాయి. పూర్తి అవగాహనతోనే ప్రాజెక్టులకు ఖర్చు చేస్తున్నాం అని స్పష్టం చేశారు. తమకంటే ముందు 60 ఏళ్లు పాలించిన కాంగ్రెస్‌, టీడీపీలు ఎన్ని ఉద్యోగాలిచ్చాయి? నిరుద్యోగులను మోసం చేసి కనీసం ఐదులక్షల ఉద్యోగాలు కూడా భర్తీ చేయలేకపోయారు అని విమర్శించారు. ఎన్ని ప్రభుత్వ ఉద్యోగాలు ఖాళీగా ఉన్నాయో.. వాటిని త్వరలోనే భర్తీ చేస్తాం అని స్పష్టం చేశారు. ఏపీ ప్రత్యేక హోదాపై చంద్రబాబుకే క్లారిటీ లేదని కేసీఆర్‌ విమర్శించారు. ప్రత్యేక హోదాతో వచ్చేది ఏముందని పెద్ద పెద్ద డైలాగులు కొట్టారని, హోదా విషయంలో బాబు మూర్ఖంగా మాట్లాడుతున్నారని ఆరోపించారు. ప్రత్యేక హోదా అడిగేవాళ్లు మూర్ఖులని చంద్రబాబు అన్నారని, ఇప్పుడు ఆయనే హోదా అడుగుతున్నారని వ్యాఖ్యానించారు. ఆంధ్రాకు రమ్మని తనను పిలుస్తున్నారని.. వందలు, వేల సంఖ్యలో ఆహ్వానాలు అందుతున్నాయని అన్నారు. త్వరలోనే ఆంధ్రప్రదేశ్‌కు వందకు వంద శాతం వెళ్తానని కేసీఆర్ స్పష్టం చేశారు.
  ఎవరన్నా పెద్దవారు చురుగ్గా ఉంటే ‘అరవైలో ఇరవై’ ఏళ్లవాడిలా ఉన్నారంటూ పొగిడేస్తాము. కానీ ఇప్పటి తరాన్ని కనుక పరిశీలిస్తే ఇరవైలో అరవై ఏళ్లవాడిలా నిస్సారంగా మారిపోతున్నారని గుండెలు బాదుకోక తప్పదు. వైద్యరంగంలో ప్రతిష్టాత్మకమైన Johns Hopkins University పరిశోధనలో వెలుగు చూసిన విషయమిది...   ఏ పనీ చేయకుండా ఉండటం, ఒకవేళ పనిచేసినా కూడా ఒళ్లు అలవకుండా ఉండటం ఇప్పటి జీవనశైలి. దానినే మనం sedentary lifestyle అంటున్నాము. పోనీ ఒళ్లు అలవడం లేదు కదా అని వ్యాయామం అన్నా చేస్తున్నామా అంటే అదీ లేదు కదా! కాబట్టి వయసుని బట్టి మనుషుల శారీరిక శ్రమ ఏ తీరున ఉందో తెలుసుకోవాలనుకున్నారు. ఇందుకోసం 12,529 మంది అభ్యర్థులను ఎన్నుకొన్నారు. వీరందరినీ వయసుల వారీగా ఐదు విభాగాలుగా విభజించారు. 6- 11 ఏళ్లు, 12- 19 ఏళ్లు, 20- 29 ఏళ్లు, 31- 59 ఏళ్లు, 60- 84 ఏళ్లు అన్నవే ఆ విభాగాలు. వీరంతా రోజూ ఎన్ని కేలొరీలు ఖర్చు చేస్తున్నారో తెలుసుకొనేందుకు ఓ పరికరాన్ని అమర్చారు.   ఒక వారంరోజుల పాటు అభ్యర్థుల జీవనశైలిని గమనించిన పరిశోధకులకు ఆశ్చర్యకరమైన విషయాలు బోధపడ్డాయి. 60 ఏళ్లు పైబడినవారు ఒళ్లు కదపకుండా ఎంత బద్ధకంగా జీవిస్తున్నారో, 19 ఏళ్లవారు కూడా అంతే నిస్సారంగా ఉన్నారట. 20 నుంచి 29 ఏళ్లలోపు ఏదో కాస్త ఒంటిని కష్టపెట్టడం కనిపించింది. కానీ ఆ తర్వాత నుంచీ ఒంటికి అసలు శ్రమ అన్నదే తెలియకుండా జీవిచేస్తున్నారట. ఇక 35 ఏళ్లు దాటినవారి గురించైతే అసలు చెప్పనే అక్కర్లేదు! సాధారణంగా ఆడవారికంటే మగవారు ఎక్కువ శ్రమ చేస్తారని అనుకుంటాం. కానీ ఒక వయసు దాటిన తర్వాత అటు ఆడా, ఇటు మగా కూడా ఒంటికి ఎలాంటి పనీ కల్పించడం లేదనీ తేలింది.   పెద్దవారైన తర్వాత పని ఒత్తిడి వల్లనో, అలసట చేతనో, ఆనారోగ్యంతోనో శారీరిక శ్రమకి దూరంగా ఉంటున్నారే అనుకుందాం. కానీ 5 ఏళ్ల నుంచి 17 ఏళ్లలోపు వారు కూడా ఒంటికి అలవనియ్యకపోవడం ఆశ్చర్యకరం. ప్రపంచ ఆరోగ్యం సంస్థ 5 – 17 ఏళ్ల పిల్లలు రోజులో కనీసం ఓ గంటపాటైనా బాగా అలసట కలిగేలా శ్రమించాలని పేర్కొంటోంది. కానీ 19 ఏళ్లు వచ్చేసరికి... మగపిల్లలలో 50 శాతం మంది, ఆడపిల్లలలో 75 శాతం మంది ఎలాంటి శ్రమా లేకుండా గడిపేస్తున్నారట.   ఈ రీసెర్చిలో అమెరికాకు చెందిన వ్యక్తులే పాల్గొన్నప్పటికీ, ప్రపంచవ్యాప్తంగా బహుశా ఇలాంటి గణాంకాలే నమోదయ్యే అవకాశం ఉంది. ముఖ్యంగా మన దేశంలో ఆటలకి సమయాన్ని కేటాయించకుండా, కేవలం చదువుకి మాత్రం ప్రాధాన్యత ఇవ్వడాన్ని గమనిస్తే.... 19 ఏళ్లు ఏం ఖర్మ! బహశా పదేళ్ల వయసులోనే మన పిల్లలు వృద్ధులతో సమానంగా నిస్తేజంగా మారిపోతూ ఉండవచ్చు. - నిర్జర.  
వయసు మీదపడే కొద్దీ మన శరీరంలోని అవయవాలు ఒకొక్కటిగా బలహీనపడిపోతుంటాయి. ఇక మెదడు సంగతి చెప్పనే అక్కర్లేదు. మెదడులో కొత్త న్యూరాన్లు ఏర్పడకపోగా, పాత కణాలు నశించిపోతుంటాయి. ఫలితంగా మతిమరపు దగ్గర నుంచి అల్జీమర్స్ వరకు నానారకాల సమస్యలు చుట్టుముడతాయి. కానీ నాట్యం చేసేవారిలో ఈ సమస్య దరిచేరదని చెబుతున్నారు పరిశోధకులు.   శరీరిక వ్యాయమం వల్ల మన మెదడులోని ‘హిప్పో క్యాంపస్’ అనే భాగం బలపడుతుందని ఎప్పటినుంచో చెబుతున్నారు. మన జ్ఞాపకశక్తిని, నేర్పునీ, నిలకడనీ ఈ హిప్పో క్యాంపస్ ప్రభావితం చేస్తుంది. అయితే ఎలాంటి వ్యాయామం వల్ల అధిక ప్రయోజం ఉందో తెలుసుకోవాలనుకున్నారు జర్మనీకి చెందిన శాస్త్రవేత్తలు. ఇందుకోసం 68 ఏళ్ల సగటు వయసు ఉన్న కొందరు వృద్ధులను ఎన్నుకొన్నారు.   పరిశోధనలో భాగంగా అభ్యర్థులందరికీ 18 నెలల పాటు శారీరిక వ్యాయామం కలిగించే ప్రణాళికను రూపొందించారు. వీటిలో నడక, సైక్లింగ్‌తో పాటుగా నాట్యం చేయడం కూడా ఉంది. ఊహించినట్లుగా వీరందరిలోనూ ‘హిప్పోక్యాంపస్’ భాగం బలపడింది. కానీ నాట్యం చేసేవారిలో ఈ ఫలితం మరింత స్పష్టంగా కనిపించింది.   డాన్స్‌ చేసేవారు ఏ వారానికి ఆ వారం కొత్త భంగిమలను నేర్చుకోవాల్సి ఉంటుంది. ఒకవేళ భంగిమలన్నీ పూర్తయిపోతే, మరో తరహా నృత్యం నేర్చుకోవడానికి సిద్ధంగా ఉంటుంది. ఇవన్నీ గుర్తుంచుకునేందుకు మెదడు మరింత శక్తిమంతంగా మారిపోతుంది.   ఒక పక్క భంగిమలను గుర్తుంచుకోవాలి, మరో పక్క దానికి అనుగుణంగా శరీరంలోని నిలకడని కూడా దారికి తెచ్చుకోవాలి. అంటే శరీరమూ, మెదడూ రెండూ చురుగ్గా పనిచేయాల్సి ఉంటుందన్నమాట. ఈ కారణంగానే ఇతర వ్యాయామాలతో పోలిస్తే, నాట్యం చేయడం వల్ల మరింత లాభం ఉంటుందని తేలింది. మరెందుకాలస్యం! హిప్‌హాప్ దగ్గర నుంచి కూచిపూడిదాకా ఏదో ఒక నాట్యం నేర్చుకునే ప్రయత్నం చేయండి. మీ వయసుని తగ్గించేసుకోండి.
చాలారోజుల క్రితం ఇద్దరు అన్నదమ్ములు ఉండేవారు. వాళ్లిద్దరూ మొదట్లో బాగానే ఉండేవారు. కానీ ఏం జరిగిందో ఏమో కానీ అన్నయ్య తీరు మారిపోయింది. మనిషి చాలా కఠినంగా తయారయ్యాడు. లోకం తీరు చూసీ చూసీ అతని మనసే చెదిరిపోయిందో, పరాజయాలు అతని ఆత్మవిశ్వాసాన్నే దెబ్బతీసాయో... కారణం ఏదైతేనేం, అన్నయ్య చాలా ముభావంగా మారిపోయాడు. అన్నయ్య తీరు చూసి తమ్ముడికి చాలా కష్టంగా తోచింది. ఇదివరకులా అతను తన అన్నయ్యతో మనసు విప్పి మట్లాడలేకపోతున్నాడు, చనువుగా ఉండలేకపోతున్నాడు. అలాగని తనని చిన్నప్పటి నుంచి తండ్రిలా కాచుకుని ఉన్న అన్నయ్యకి దూరంగానూ ఉండలేకపోతున్నాడు. దీనికి పరిష్కారం ఏమిటా అని తమ్ముడు తెగ ఆలోచించాడు. చివరికి తన ఊరి చివర ఉన్న ఒక స్వామీజీ దగ్గరకు వెళ్లాడు. స్వామీజీతో తన గోడంతా చెప్పుకొన్నాడు తమ్ముడు. ‘స్వామీ! తమరు మందే ఇస్తారో, మంత్రమే వేస్తారో, తాయత్తే కడతారో... ఏదో ఒకటి చేసి మా అన్నదమ్ములు ఇరువురి మధ్యా బంధం బలపడేలా చేయండి స్వామీ!’ అని వేడుకున్నాడు. తమ్ముడి మాటలను సావధానంగా విన్నారు స్వామీజీ. ఆ తర్వాత కాసేపు ఏదో ఆలోచించారు. చివరికి- ‘మీ అన్నయ్య మనసు గెల్చుకునేందుకు ఒక ప్రత్యేకమైన తాయత్తుని రూపొందించాలి. ఆ తాయెత్తుని చేసేందుకు కావల్సిన వస్తువుని తేవడం నీ వల్ల కాదు,’ అన్నారు.  ‘అంతమాట అనకండి. మా అన్నయ్య అభిమానాన్ని తిరిగి పొందడానికి నేను ఏం చేయడానికైనా సిద్ధమే!’ అన్నాడు తమ్ముడు. ‘సరే! అయితే నాకు ఆ తాయెత్తులోకి, బతికి ఉన్న పులి మీసాన్ని తీసుకురావాలి. తేగలవా!’ అని అడిగాడు స్వామీజీ. ‘ప్రయత్నించి చూస్తాను!’ అంటూ ఇంటికి బయల్దేరాడు తమ్ముడు. కానీ పులి మీసం అంటే మామూలు విషయమా! ఆలోచించగా ఆలోచించగా అతనికి ఒక ఉపాయం తట్టింది. వెంటనే కోడి కూర వండుకుని సమీపంలోని అడవికి వెళ్లాడు. అక్కడ ఒక గుహలో ఎప్పటినుంచో పులి నివసిస్తోందని అతను వింటూ వస్తున్నాడు. నిదానంగా ఆ గుహ సమీపానికి వెళ్లి, తాను తెచ్చిన ఆహారాన్ని అక్కడ ఉంచాడు. తమ్ముడు పొదల్లో దాక్కొని చూస్తుండగా, గుహలోని పులి బయటకు వచ్చి సుష్టుగా ఆ ఆహారాన్ని తినేసి లోపలకి వెళ్లిపోయింది. దాంతో తమ్ముడు మర్నాడు కూడా కోడికూర వండుకుని అక్కడకు చేరుకున్నాడు. ఇలా ఒకో రోజూ గడిచేకొద్దీ పులి అతని ఆహారానికి అలవాటు పడింది. కొన్నాళ్లకి అతని అడుగుల చప్పుడుకే బయటకి వచ్చి కూర్చోవడం మొదలుపెట్టింది. మరికొన్నాళ్లకి కాస్త ముందుగానే బయటకి వచ్చి అతని కోసం ఎదురుచూడసాగింది. ఇలా ఓ మూడు నెలలు గడిచేసరికి అతనికి పులి దగ్గరకి వెళ్లి దాని ముందర ఆహారాన్ని ఉంచేంత ధైర్యం కలిగింది. నిదానంగా అతను చేయి వేసి నిమిరినా కూడా సహించేంత చనువు ఏర్పడింది. ఇలా మరో మూడు నెలలు గడిచిపోయాయి. ఇక తన పథకాన్ని అమలు చేయాలసిన రోజు వచ్చేసిందనుకున్నాడు తమ్ముడు. ఆ రోజు ఎప్పటిలాగే పులిని నిమురుతూ చటుక్కున దాని మీసాన్ని ఒకటి కత్తిరించేశాడు. పులి మీసాన్ని సాధించిన గర్వంతో తమ్ముడు పరుగుపరుగున స్వామీజీ దగ్గరకు చేరుకున్నాడు. ‘స్వామీజీ మీరు కోరిన వస్తువుని సాధించాను. మరీ నేను అడిగిన తాయత్తుని వెంటనే ఇస్తారా!’ అని అడిగాడు. స్వామీజీ, తమ్ముడు తీసుకువచ్చిన పులి మీసాన్ని ఎగాదిగా చూశాడు. వెంటనే చటుక్కున దాన్ని అగ్నిగుండంలో పడేసి- ‘ఇక దీని ఉపయోగం లేదులే!’ అనేశాడు. స్వామీజీ చేష్టలకు తమ్ముడు మ్రాన్పడిపోయాడు. ‘అదేంటి స్వామీ! మీరు అడిగారని నేను ఎంతో శ్రమకి ఓర్చి ఈ పని చేశాను. చివరికి నా ప్రయత్నాన్ని బూడిదచేసిపారేశారే!’ అని బాధగా అడిగాడు. ‘నేను అడిగానని ఒక క్రూర జంతువునే నువ్వు మచ్చిక చేసుకున్నావు. దాని ఇష్టాఇష్టాలను గమనిస్తూ, ఒకో అడుగే ముందుకు వేస్తూ.... దాని మనసు గెలుచుకున్నావు. అలాంటిది ఒక మనిషి మనసుని గెల్చుకోలేవా. నీ అహాన్ని కాస్త పక్కన పెట్టి నేర్పుగా నీ అన్నయ్య మనసుని గెల్చుకోలేవా! మనసుని గెల్చుకునేందుకు కావల్సిన ఓర్పు, పట్టుదల నీకు ఉన్నాయి. నీ అన్నయ్యని గెల్చుకునే మందు నీలోనే ఉంది. ప్రయత్నించి చూడు!’ అని చిరునవ్వుతో బదులిచ్చారు స్వామీజీ! (ప్రచారంలో ఉన్న కథ ఆధారంగా)   - నిర్జర.
  లోక్‌సభ ఎన్నికలు అంటే ముందుగా గుర్తొచ్చే రాష్ట్రం యూపీ. ఎందుకంటే యూపీలో అత్యధికంగా 80 ఎంపీ స్థానాలు ఉన్నాయి. అందుకే ప్రధాన పార్టీలు యూపీ మీద ప్రత్యేక దృష్టి పెడుతూ ఉంటాయి. గత ఎన్నికల్లో యూపీ ప్రజలు బీజేపీకి పట్టంగట్టారు. అయితే వచ్చే లోక్‌సభ ఎన్నికల్లో మాత్రం బీజేపీకి ముచ్చెమటలు తప్పవట. ఇప్పటికిప్పుడు సాధారణ ఎన్నికలు జరిగితే.. యూపీలోని ఎస్పీ, బీఎస్పీ, ఆర్‌ఎల్‌డీ కూటమి 58 సీట్లు గెలుచుకుంటుందని ఇండియాటుడే- కార్వీ ఇన్‌సైట్స్‌ తాజాగా నిర్వహించిన ‘మూడ్‌ ఆఫ్‌ ద నేషన్‌ సర్వే’ పేర్కొంది. బీజేపీ, దాని మిత్రపక్షం అప్నాదళ్‌ కలిసి 18 సీట్లకే పరిమితమవుతాయని, కాంగ్రెస్‌ 4 సీట్లు గెలుచుకుంటుందని వెల్లడించింది. కాంగ్రెస్ పార్టీ కూడా జతకడితే కూటమి మరింత బలపడి 75 స్థానాలు గెలుచుకుంటుందని, అప్పుడు బీజేపీకి కేవలం 5 స్థానాలే వస్తాయని అంచనా వేసింది.  యూపీలో మొత్తం 80 లోక్‌సభ స్థానాలకు 2014లో బీజేపీ 71, అప్నాదళ్‌ 2 స్థానాలను గెలుచుకున్నాయి. వీటికి 43% ఓట్లు వచ్చాయి. కాంగ్రెస్‌-2 (7.53% ఓట్లు), ఎస్పీ-5 (22.4%) స్థానాలను గెలుచుకున్నాయి. 19.6% ఓట్లు సాధించిన బీఎస్పీ, 1% ఓట్లు సాధించిన ఆర్‌ఎల్‌డీలు మాత్రం ఖాతా తెరవలేదు. అయితే, ఈసారి ఫలితాలు భిన్నంగా ఉంటాయని తాజా సర్వే పేర్కొంది. బీజేపీ, అప్నాదళ్‌కు ఉమ్మడిగా 36%, ఎస్పీ, బీఎస్పీ, ఆర్‌ఎల్‌డీ కూటమికి 46%, కాంగ్రెస్‌కు 12% ఓట్లు వస్తాయని లెక్కగట్టింది. చూద్దాం మరి ఈ సర్వే నిజమవుతుందో లేదో.
  సాధారణంగా మనం మాట్లేడేటప్పుడు తడబడటం, టంగ్ స్లిప్ అవ్వటం సహజం. అది సాధారణ వ్యక్తులకైతే పెద్దగా ఎవరు పట్టించుకోరు. కానీ ఎవరైనా ప్రముఖులు టంగ్ స్లిప్ అయితే మాత్రం వాళ్ళని మాములుగా ఆడుకోరు సుమీ. పాపం ఇలా బలి అయిన వాళ్లలో ఏపీ ముఖ్యమంత్రి తనయుడు, మంత్రి లోకేష్ ప్రముఖులు. మంత్రి అయ్యాక ఆయన ఇచ్చిన ప్రసంగాల్లో చాలా సార్లు టంగ్ స్లిప్ అయ్యారు. అలా అనటం ఇలా వైరల్ అవ్వటం. ఎన్నో విమర్శలు, ఎన్నో సెటైర్లు ఎదుర్కొన్నారు. ఎమ్మెల్సీగా ప్రమాణ స్వీకారం చేసే సమయంలో శ్రద్ధాపూర్వకంగా అనే బదులు శ్రద్ధాంజలి అంటూ లోకేశ్‌ తడబడ్డారు. ఓ టీడీపీ కార్యక్రమంలో బంధుప్రీతి, మతపిచ్చి, కులపిచ్చి ఉన్న పార్టీ ఈ రాష్ట్రంలో ఏదైనా ఉందంటే అది తెలుగుదేశం పార్టీయే అంటూ టంగ్‌ స్లిప్ అయ్యారు. పొరపాటున కూడా సైకిల్‌ గుర్తుకు ఓటేస్తే మనల్ని మనం ఉరి తీసుకున్నట్టే అంటూ నోరుజారారు. అయితే ఇప్పుడు ఆయనకి తగ్గ శిష్యుడు దొరికారు. తాజాగా లోకేశ్‌ పుట్టిన రోజు సందర్భంగా టీడీపీ నాయకులు కేక్‌ కట్‌ చేసి సంబరాలు చేసుకున్నారు. అయితే ఓ టీడీపీ నాయకుడు మాట్లాడుతూ.. నారా లోకేశ్‌ గారికి 36వ వర్ధంతి శుభాకాంక్షలు అని ఆ తర్వాత వెంటనే పక్కన వాళ్లు అందిస్తే సవరించుకున్నాడు. దీంతో అక్కడున్న వారందరూ ఒక్కసారిగా బిగ్గరగా నవ్వారు. ఈ వీడియో సామాజిక మాధ్యమాల్లో వైరల్‌ అవ్వడంతో.. అంబేద్కర్‌ జయంతినాడు వర్ధంతి శుభాకాంక్షలు చెప్పిన లోకేశ్‌ను గుర్తు చేసుకుని గురువుకు తగ్గ శిష్యుడు అంటూ నెటిజన్లు ఓ ఆట ఆడుకుంటున్నారు.
  ఎస్సీ, ఎస్టీ అట్రాసిటీ చట్టంలో తీసుకొచ్చిన సవరణలపై స్టే విధించేందుకు సుప్రీంకోర్టు నిరాకరించింది. ఎస్సీ,ఎస్టీ వేధింపుల కేసులో నిందితుడికి బెయిల్‌ లభించకుండా కేంద్రం తీసుకొచ్చిన చట్ట సవరణను సవాలు చేస్తూ దాఖలు చేసిన పిటిషన్‌పై విచారణ చేపట్టిన కోర్టు స్టే ఇచ్చేందుకు అంగీకరించలేదు. ఎస్సీ, ఎస్టీ చట్టాన్ని కొందరు దుర్వినియోగం చేస్తున్నారని, ప్రభుత్వ ఉద్యోగులను వేధిస్తున్నారని.. అందువల్ల ఈ చట్టం కింద కేసు నమోదు చేయగానే వెంటనే అరెస్టులు చేయకూడదని, పోలీసులు విచారించాలని, ముందస్తు బెయిలు కూడా ఇవ్వాలని గత ఏడాది మార్చి 20న సుప్రీంకోర్టు తీర్పు చెప్పింది. దీన్ని దళిత సంఘాలు తీవ్రంగా వ్యతిరేకించాయి. దీంతో ఎస్సీ, ఎస్టీ అట్రాసిటీ చట్టాన్ని యథావిధిగా ఉంచుతూ కేంద్రం లోక్‌సభలో బిల్లు ప్రవేశపెట్టగా ఏకగ్రీవంగా ఆమోదం పొందింది. ఎస్సీ, ఎస్టీ చట్ట సవరణ 2018 ప్రకారం నిందితుడికి ముందస్తు బెయిలు ఇవ్వరు. ఈ చట్టానికి సంబంధించి గత ఏడాది మార్చి 20న సుప్రీంకోర్టు ఇచ్చిన తీర్పుపై కేంద్రం దాఖలు చేసిన రివ్యూ పిటిషన్‌ను, సవరణలను సవాలు చేస్తూ దాఖలైన ఇతర పిటిషన్లను కలిపి ఒకేసారి విచారణ చేపడతామని జస్టిస్‌ ఏకే సిక్రీ నేతృత్వంలోని న్యాయస్థానం వెల్లడించింది. అలాగే ధర్మాసనం ఈ అంశాన్ని సర్వోన్నత న్యాయస్థానం ప్రధాన న్యాయమూర్తి పరిశీలనకు పంపింది. ఈ పిటిషన్లపై విచారణకు జస్టిస్‌ లలిత్‌ను చేర్చి తిరిగి ధర్మాసనం ఏర్పాటు చేయాలని కోరింది. గత ఏడాది ఎస్సీ, ఎస్టీ చట్టంపై తీర్పు ఇచ్చిన ధర్మాసనంలో జస్టిస్‌ లలిత్‌ భాగమైనందున ఆయన్ను ఈ ధర్మాసనంలో చేర్చాలని కోరింది.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.