స్మార్ట్ ఫోన్లు ఉపయోగించే వారికి వాట్స్ యాప్ గురించి ప్రత్యేకంగా చెప్పక్కర్లేదు. ఇప్పటికే పలు అప్ డేట్స్ ముందుకొచ్చిన వాట్స్ యాప్ ఇప్పుడు మరిన్ని సరికొత్త మార్పులతో అందుబాటులోకి రానున్నట్టు తెలుస్తోంది. వాట్స్ యాప్ ద్వారా వచ్చిన కాల్స్ ను లిఫ్ట్ చేయలేని పరిస్థితిలో  ఆటోమేటిక్ వాయిస్ మెయిల్ ను వారికి పంపే ఫీచర్ ను తీసుకురానున్నారు. ఇందులో పర్సనలైజ్ చేయబడ్డ వాయిస్ మెయిల్స్ ఉంటాయి. అంతేకాదు ఇప్పటివరకూ కొత్త కాంటాక్ట్ లతో చాట్ చేయాలంటే వారి నెంబరును సేవ్ చేసుకోవాల్సి ఉండేది. ఇప్పుడు సేవ్ చేసుకునే అవసరమూ తప్పిపోనుంది. ఇంకా గ్రూప్ చాట్ చేస్తున్నప్పుడు లేటెస్ట్ మెసేజ్ కి తీసుకెళ్లే బటన్ కూడా వాట్స్ యాప్ కు జత కానుంది. అయితే ప్రస్తుతం ఈ ఫీచర్లన్నీ పరీక్షా దశలో ఉండగా.. త్వరలో వచ్చే కొత్త వర్షన్ లో ఉంటాయని అధికారులు తెలుపుతున్నారు.