సోనియాకు 'అపరిచితుడి' శిక్షలు
Published on: Mon Dec 30, 2013 11:17AM

విచిత్ర వేషధారణలతో 'సమైక్య' వాణి వినిపిస్తున్న తెలుగుదేశం ఎంపీ శివప్రసాద్.. ఆదివారం జరిగిన ప్రజా గర్జన సభలో'అపరిచితుడి' వేషం కట్టి అలరించారు. సంప్రదాయాలు తప్పి విభజన ప్రక్రియను నడిపిస్తున్నారంటూ సోనియాగాంధీకి శిక్షలు ప్రకటించాడు. ఏఐసీసీ అధ్యక్షురాలికి 'కుంభీపాకం' తప్పదని హెచ్చరించాడు. అంతేకాదు... 'భలే మంచి చిచ్చు పెడితివే... ఓ సోనియమ్మ! అన్నదమ్ముల వంటి తెలుగు ప్రజలమధ్య చిచ్చుపెట్టి చోద్యం చూస్తుంటివే! సీమాంధ్ర ప్రజలపై శఠగోపం పెట్టి చోద్యం చూస్తుంటివే! రెండుసార్లు గెలిపించిన రాష్ట్రాన్ని రెండు ముక్కలు చేయాలని యోచిస్తివే!' అంటూ పాట కూడా అందుకున్నారు.


