మధ్యం మత్తులో కారు నడిపిన కేసులో బాలీవుడ్ కండలవీరుడు సల్మాన్ ఖాన్ కు తీవ్ర నిరాశ ఎదురైంది. ఎప్పటినుంచో విచారణలో ఉన్న ఈ కేసు అనేక మలుపులు తిరిగింది. కానీ ఈ హిట్ అండ్ రన్ కేసులో సల్మాన్ పై ఉన్న ఆరోపణలు నిజమే అని, ఆరోజు మద్యం తాగి కారు నడిపింది సల్మాన్ ఖాన్ అని ముంబై సెషన్స్ కోర్టు స్పష్టం చేసింది. దీంతో సల్మాన్ పై ఉన్న నేరం రుజువు కావడంతో ఆయనకు జైలు శిక్ష పడనుంది. సెషన్స్ కోర్టు న్యాయమూర్తి డీడబ్ల్యూ దేశ్ పాండే సల్మాన్ శిక్ష కాలాన్ని ప్రకటించనున్నారు. ఈ తీర్పుతో ఒక్కసారిగా సల్మాన్ కుటుంబసభ్యులు, అభిమానులు, సినీ పరిశ్రమ వర్గాలు నిరాశకు గురయ్యారు. మరోవైపు ఈ తీర్పుతో బాలీవుడ్ నిర్మాతలు ఆందోళన చెందుతున్నారు. సల్మాన్ హీరోగా రూ. 200 కోట్ల ప్రాజెక్టులు ఆయనపై ఆధారపడి ఉండటంతో వాటి పరిస్థితి ఏంటా అని భయపడుతున్నారు. అయితే ఈ కేసుపై సల్మాన్ హైకోర్టులో అప్పీలు చేసుకోవచ్చు.