కోడిపుంజును అరెస్ట్ చేసిన పోలీసులు..

ఈ మధ్యకాలంలో మనుషులనే కాదు జంతువులను కూడా అరెస్ట్ చేస్తున్నారు. ఇటీవలే గుజరాత్ లో మనుషులను చంపి తిన్నందుకు సింహాలను అరెస్ట్ చేసిన సంగతి తెలిసిందే. ఇప్పుడు ఏకంగా కోడిపుంజును అరెస్ట్ చేసి లాకప్‌లో వేశారు. ఈ విచిత్రమైన ఘటన ఖమ్మంలో జరిగింది. ఇంతకీ ఆ కోడిపెట్ట అంత నేరం ఏం చేసిందబ్బా అనుకుంటున్నారా..వివరాల ప్రకారం..ఖమ్మం నగర శివారులో కోడి పందెలు నిర్వహించారు. అయితే సమాచారం అందుకున్న పోలీసులు అక్కడికి చేరుకొని.. ఆ స్థావరంపై దాడి చేశారు. పాపం అక్కడ అందరూ తప్పించుకున్నా ఒక్క కోడిపుంజు మాత్రం పోలీసుల కంటపడింది. అంతే దానిని తీసుకొచ్చి మన పోలీసులు లాకప్‌లో వేసేశారు. మరి దానికి ఏం శిక్ష విధిస్తారో పోలీసులు చూడాలి.