రేవంత్ రెడ్డికి నేడు ముగియనున్నకస్టడీ

రేవంత్ రెడ్డి నాలుగు రోజుల కస్టడీ నేటితో ముగియనుంది. ఈ రోజు నాలుగు గంటలకు కస్టడీ ముగుస్తోంది. ఈ నేపథ్యంలో ఏసీబీ అధికారులు నిందితులనుండి వీలైనంత సమాచారం రాబట్టేందుకు ప్రయత్నిస్తున్నారు. అసలు డబ్బు ఎక్కడినుండి వచ్చింది... ఆ బాస్ ఎవరు అనే విషయాలు రేవంత్ రెడ్డి ద్వారానే తెలుసుకోవడానికి ఏసీబీ గట్టి ప్రయత్నం చేస్తుంది. డబ్బు ఏ ఖాతానుండి వచ్చింది... ఏ బ్యాంకు ద్వారా డ్రా అయింది అనే విషయాలు విచారణలో తెలిసిపోయిందని నిజాలు చెపితే కేసు తీవ్రత తగ్గే అవకాశం ఉందని ఏసీబీ అధికారులు తెలుపగా రేవంత్ రెడ్డి మాత్రం తాను ఎమ్మెల్యేతో మాట్లాడేందుకే వెళ్లానని.. ఇంకే వివరాలు తనకు తెలియదని చెప్పినట్టు సమాచారం. మరోవైపు తనను ఏసీబీ కస్టడీ తరువాత చర్లపల్లి జైలుకు పంపించాలని రేవంత్ రెడ్డి పిటిషన్ దాఖలు చేయగా ఏసీబీ కోర్టు దానిని తోసిపుచ్చింది.