అజహర్ పై జీవితకాలం వేటును రద్దు చేసిన హైకోర్టు
posted on Nov 8, 2012 3:12PM
మాజీ క్రికెటర్ అజారుద్దీన్కు 12 ఏళ్ల తరువాత ఊరట లభించింది. ఆయనపై బీసీసీఐ విధించిన జీవితకాల నిషేధాన్ని రాష్ట్ర హైకోర్టు కొట్టివేసింది. మ్యాచ్ ఫిక్సింగ్ ఆరోపణలతో అజారుద్దీన్పై 2000లో బీసీసీఐ నిషేధం విధించిన విషయం తెలిసిందే. ఈ నిషేధాన్ని వ్యతిరేకిస్తూ అజారుద్దీన్ సిటీ సివిల్ కోర్టులో నాడు పిటీషన్ దాఖలు చేశారు. అయితే బీసీసీఐ నిర్ణయాన్ని సమర్థిస్తూ సిటీ సివిల్ కోర్టు నాడు తీర్పును ఇచ్చింది. ఈ తీర్పును సవాల్ చేస్తూ ఆయన హైకోర్టును ఆశ్రయించారు. ఈ కేసును సుధీర్ఘంగా హైకోర్టు విచారించింది. విచారణ అనంతరం అజారుద్దీన్పై బీసీసీఐ విధించిన జీవితకాల నిషేధాన్ని రద్దు చేస్తూ గురువారం తీర్పునిచ్చింది. ఈ తీర్పుతో అజారుద్దీన్ అభిమానులు, కాంగ్రెస్ కార్యకర్తలు హర్షం వ్యక్తం చేశారు. అజారుద్దీన్కు ఊరట లభించడంతో ఆయన కుటుంబీకులు, బంధువులు ఆనందం వ్యక్తం చేశారు.