మోడీ అమెరికా టూర్.. ఒబామా ఆసక్తి...

భారత ప్రధాని నరేంద్రమోడీ సెప్టెంబర్ 20, 30 తేదీల్లో అమెరికాలో పర్యటించనున్నారు. ఒకప్పుడు మోడీకి వీసా ఇవ్వడానికే నిక్కీ నీలిగిన అమెరికా ఇప్పుడు మోడీ అమెరికా రాక కోసం ఎదురుచూస్తోంది. అమెరికా అధ్యక్షుడు బరాక్ ఒబామా అయితే మోడీని ఎప్పుడు కలుస్తానా అని ఉవ్విళ్ళూరుతున్నారట. మోడీ పర్యటన షెడ్యూలు గురించి ఇప్పటి వరకు అధికారిక సమాచారం వెలువడకపోయినప్పటికీ సెప్టెంబర్ 29, 30 తేదీలలో మోడీ అమెరికా పర్యటన ఖాయమని తెలుస్తోంది. అమెరికా పర్యటన సందర్భంగా మోడీ బరాక్ ఒబామాతో సమావేశమవుతారు. ఇరు దేశాల మధ్య వ్యూహాత్మక భాగస్వామ్యాన్ని మరింత విస్తరించడానికి చర్చలు జరుపుతారు. సాధారణంగా ఏ దేశాధ్యక్షుడు అమెరికా వెళ్ళినా ఒకరోజు పర్యటన మాత్రమే వుంటుంది. నరేంద్ర మోడీకి మాత్రం రెండు రోజుల పర్యటన షెడ్యూలు కేటాయించడం మోడీ అంటే అమెరికాకి వున్న ఆసక్తి గురించి తెలియజేస్తోందని అమెరికా అధికారులు అంటున్నారు.