కేంద్ర మంత్రి మేనకా గాంధీ తనను కొట్టారని, తనపై దౌర్జన్యం చేసారని ఓ ఫారెస్ట్ గార్డు పోలీసులకు ఫిర్యాదు చేశాడు. వివరాల ప్రకారం... మేనకా గాంధీ ఫిలిబిత్ టైగర్ రిజర్వాయర్ ను సందర్శించారు. ఈ నేపథ్యంలో ఆమె అడవుల్లో తరచుగా మంటలు చెలరేగడం పై ఫారెస్ట్ అధికారుల్ని నిలదీశారు. దీంతో అక్కడున్నరాంగోపాల్ వర్మ అనే గార్డ్.. స్థానిక రైతులు గోధుమ పంటల్ని తగలబెట్టడం వల్లే మంటలు వ్యాపిస్తున్నాయని వివరణ ఇచ్చే ప్రయత్నం చేశాడు. దీంతో ఆమె.. తాను మాట్లాడుతుండగా మధ్యలో కల్పించుకున్నందుకు అతనిపై మండిపడి అసలు అడవులు తగలబడటానికి కారణం నువ్వే అంటూ అతని చెంప చెళ్లుమనిపించారు. దీంతో గార్టు తో పాటు అక్కడున్న ఫారెస్ట్ అధికారులు కూడా ఒక్కసారిగా అవాక్కయి కిక్కురుమనకుండా నిల్చుండిపోయారు. ఈ ఘటనపై ఫారెస్ట్ గార్డ్ మేనకా గాంధీ పై పురాణ్పూర్ పోలీసులకు ఫిర్యాదు చేశాడు.