మురారి ప్రేమ కోసం ముకుంద తపన!
on Apr 14, 2023
స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ గురువారం నాటి ఎపిసోడ్ -130 లో.. మురారికి ముకుంద మెసేజ్ చేసి రమ్మంటుంది. ఏంటీ ఈ టైంకి మెసేజ్ చేసి మాట్లాడాలి అంటుందని మురారి అనుకొని ముకుంద దగ్గరికి వెళ్తాడు. మురారి వెళ్ళేసరికి ముకుంద అందంగా ముస్తాబై ఉంటుంది. ఏంటి నందు పెళ్లి కోసం తీసుకున్న చీరని నువ్వు కట్టుకున్నావని మురారి అడుగుతాడు. నీకు చూపించాలని ఇలా కట్టుకొని రెడీ అయ్యానని ముకుంద అంటుంది. అలా అనగానే గదిలో నుండి బయటకు వస్తాడు మురారి. ఏంటి మురారి అలా వెళ్ళిపోతున్నావ్ అని ముకుంద అడుగుతుంది. నేను ఈ టైంలో నీ గదికి రావడమే తప్పని మురారి అంటాడు. నిన్ను ఈ టైంలో పిలవడం తప్పని కూడా తెలుసు కానీ నీ ప్రేమ కావాలని ముకుంద అంటుంది. నీపై నాకెప్పుడు సానుభూతి ఉంటుందని మురారి అనగానే.. "నాపై ఉండాల్సింది సానుభూతి కాదు ప్రేమ. నేను నిన్ను ఎప్పుడు కామంతో తాకాలనుకోలేదు. నాకు నీకు మధ్యలో ప్రేమ ఉండాలనుకున్నాను. నేను రోజు రోజుకు నీ దృష్టిలో దిగజారిపోతున్నాను. మన ప్రేమకి అడ్డుగా కృష్ణ ఉంది. నీ రూపం నా మనసులో నుండి పోయినప్పుడు.. ఈ ముకుంద నీకు కనిపించదు" అంటూ లోపలికి వెళ్ళి డోర్ వేసుకొని ఏడుస్తుంది ముకుంద. ఆ తర్వాత మురారి తన గదిలోకి వెళ్ళిపోతాడు.
మురారి తన గదిలోకి వెళ్ళి ఆలోచిస్తుంటాడు. ఒకవైపు గౌతమ్ పెళ్ళి.. మరోవైపు నందు పెళ్ళి.. రెండు ఒకే రోజు ఎలా మేనేజ్ చెయ్యాలని మురారి ఆలోచిస్తుండగా తన పక్కనే కృష్ణ నిద్రపోతుంటుంది. నిద్రలో ఏసీపీ సర్.. మీరు గౌతమ్ సర్ పెళ్లి చేస్తానని చెప్పి ఆ అమ్మాయి బ్యాక్ గ్రౌండ్ తెలిసి, ఇప్పుడు చెయ్యనని అంటున్నారా అని, అలాగే కాసేపు నిద్రలోనే మాట్లాడి పడుకుంటుంది. ఏంటి నేను ఏం చెప్పకుండానే కృష్ణ ఇలా చేస్తుందంటే.. చెప్తే ఇంకెలా ఉంటుందోనని మురారి అనుకుంటాడు. ఇక ఉదయం లేవగానే కృష్ణ ఎప్పటిలాగే గుడ్ మార్నింగ్ అని చెప్పి.. సారీ సర్ నాకు కల వచ్చింది.. మీరు మాట తప్పినట్లు నేను డ్రీంలో మీ కాలర్ పట్టుకున్న అని కృష్ణ చెప్తుంది. నువ్వు ఏం టెన్షన్ పడకు, గౌతమ్ పెళ్ళి నేను చేస్తానని మురారి అంటాడు.
మరోవైపు ముకుందని భవాని పిలిచి.. పెళ్లి పనులు ఎక్కడ వరకు వచ్చాయని అడుగుతుంది. అవుతున్నాయి అత్తయ్య.. కృష్ణకి తెలియకుండా, ఎవరికి తెలియకుండా చేస్తున్నాం కదా.. అందుకే మీకు పనుల గురించి తెలియట్లేదని ముకుంద అంటుంది. ఇంతలోనే కృష్ణ, మురారిలు వాళ్ళ రూం నుండి వస్తారు. అలా వస్తుండగా.. కృష్ణ కాలు స్లిప్ అయి పడిపోతుంటే.. మురారి తనని పట్టుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
