వ‌చ్చే సంక్రాంతి సీజ‌న్ సినీ ప్రియుల‌కు క‌నువిందు కానున్న‌ది. ఇప్ప‌టికే 'ఆర్ఆర్ఆర్‌', 'భీమ్లా నాయ‌'క్‌, 'రాధే శ్యామ్' సినిమాలు సంక్రాంతి బెర్తుల‌ను ఖ‌రారు చేసుకోగా, వాటితో పాటు నాగార్జున‌-నాగ‌చైత‌న్య సినిమా 'బంగార్రాజు' సైతం సంక్రాంతికి రావ‌డానికే నిశ్చ‌యించుకుంది. ఇదివ‌ర‌కు చెప్పిన‌విధంగానే 2022 జ‌న‌వ‌రి 15న 'బంగార్రాజు' విడుద‌ల కానున్న‌ది. ఈ మూవీలో నాగ్ స‌ర‌స‌న ర‌మ్య‌కృష్ణ‌, చైతూ జోడీగా కృతి శెట్టి క‌నిపించ‌నున్నారు. 

క‌ల్యాణ్‌కృష్ణ కుర‌సాల డైరెక్ట్ చేస్తోన్న ఈ మూవీకి అనూప్ రూబెన్స్ మ్యూజిక్ ఒక ఎస్సెట్ కానున్నదని ఇప్ప‌టికే విడుద‌లైన ఫ‌స్ట్ సాంగ్ తెలియ‌జేసింది. రెండో పాట "నా కోసం"ను డిసెంబ‌ర్ 1న విడుద‌ల చేయ‌నున్నారు. ఈ రొమాంటిక్ డ్యూయెట్‌ను చైతూ, కృతిపై చిత్రీక‌రించారు. అన్న‌పూర్ణ స్టూడియోస్‌, జీ స్టూడియోస్ సంయుక్తంగా నిర్మిస్తోన్న ఈ సినిమా షూటింగ్ చివ‌రి ద‌శ‌లో ఉంది.

Also read:  2022లో నాగ్ ట్రిపుల్ ధ‌మాకా!

కాగా, 'బంగార్రాజుకు' థియేట‌ర్లు ల‌భ్య‌మ‌వుతాయా అనే సందేహం అభిమానుల్లో వ్య‌క్త‌మ‌వుతోంది. జ‌న‌వ‌రి 7న రాజ‌మౌళి సినిమా 'ఆర్ఆర్ఆర్‌', జ‌న‌వ‌రి 12న ప‌వ‌న్ క‌ల్యాణ్ మూవీ 'భీమ్లా నాయ‌క్‌', జ‌న‌వ‌రి 14న ప్ర‌భాస్‌-పూజా హెగ్డే ఫిల్మ్ 'రాధే శ్యామ్' వ‌స్తున్నాయి. వీటిపై ఉన్న క్రేజీ అలాంటిలాంటిది కాదు. రెండు తెలుగు రాష్ట్రాల్లో అందుబాటులో ఉన్న థియేట‌ర్ల‌ను ఈ మూడు సినిమాల‌కు కేటాయించ‌డానికే ఇబ్బందులు ఎదుర‌వుతున్న సంద‌ర్భంలో వాటితో పోలిస్తే చిన్న సినిమా అయిన 'బంగార్రాజు'కు థియేట‌ర్లు కేటాయించ‌లేని ప‌రిస్థితి ఎదుర‌వుతుంద‌ని ట్రేడ్ వ‌ర్గాలు అంటున్నాయి.

Also read:  `బంగార్రాజు`పైనే `శివ‌గామి` ఆశ‌లు!

అయితే 'బంగార్రాజు'కు ఒరిజిన‌ల్ మూవీ అయిన 'సోగ్గాడే చిన్ని నాయ‌నా' 2016 జ‌న‌వ‌రి 15న వ‌చ్చి నాగార్జున కెరీర్‌లోనే బిగ్గెస్ట్ గ్రాస‌ర్‌గా నిల‌వ‌డంతో, 'బంగార్రాజు'ను కూడా సెంటిమెంట్‌గా అదే డేట్‌కు తీసుకురావాల‌ని నాగ్ డిసైడ్ అయ్యాడు. దానికి త‌గ్గ‌ట్లు ఆ సినిమాపై కూడా సినీ గోయ‌ర్స్ ఇంట్రెస్ట్ చూపిస్తున్నారు. మ‌రి అదే డేట్‌కు 'బంగార్రాజు' రావ‌డం అనివార్య‌మైతే థియేట‌ర్లను ఎలా స‌ర్దుబాటు చేస్తారో చూడాలి.