వెనక్కి తగ్గిన విశ్వక్ సేన్
on Feb 7, 2023
ఫిబ్రవరి 17న విడుదల కావాల్సిన 'దాస్ కా ధమ్కీ' మూవీ వాయిదా పడే అవకాశముందని కొద్దిరోజులుగా వార్తలొస్తున్నాయి. ఆ వార్తలను నిజం చేస్తూ ఈ మూవీ వాయిదా పడింది. ఈ చిత్రాన్ని వాయిదా వేస్తున్నట్లు తాజాగా మూవీ టీమ్ ప్రకటించింది.
'ఫలక్నుమాదాస్' తర్వాత విశ్వక్ సేన్ నటిస్తూ దర్శకత్వం వహిస్తున్న చిత్రం 'దాస్ కా ధమ్కీ'. ఇప్పటికే విడుదలైన ట్రైలర్-1 కి మంచి రెస్పాన్స్ వచ్చింది. అయితే విడుదల తేదీ(ఫిబ్రవరి 17) దగ్గర పడుతున్నా ప్రమోషన్స్ ఊపందుకోకపోవడంతో ఈ చిత్ర విడుదల తేదీ మారనుందని ప్రచారం జరిగింది. తాజాగా ఈ విషయంపై మూవీ టీమ్ కూడా క్లారిటీ ఇచ్చేసింది. సీజీ వర్క్ పూర్తికాకపోవడంతో ఫిబ్రవరి 17న విడుదల చేయలేకపోతున్నామని, కొత్త విడుదల తేదీని త్వరలోనే ప్రకటిస్తామని తెలిపారు. ఈ చిత్రం మార్చి రెండో వారంలో విడుదలయ్యే అవకాశముందని తెలుస్తోంది.
వన్మయే క్రియేషన్స్ బ్యానర్ పై రూపొందుతోన్న ఈ చిత్రానికి కరాటే రాజు నిర్మాత. నివేథ పేతురాజ్ హీరోయిన్ కాగా రావు రమేష్, తరుణ్ భాస్కర్ తదితరులు ముఖ్య పాత్రలు పోషిస్తున్నారు. ప్రసన్న కుమార్ బెజవాడ కథ అందించిన ఈ చిత్రానికి లియోన్ జేమ్స్ సంగీత దర్శకుడిగా వ్యవహరిస్తున్నాడు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
