'హ్యాపీడేస్' చూసి నిఖిల్ కి అడ్వాన్స్ ఇచ్చాను!
on Dec 20, 2022
నిఖిల్ సిద్దార్థ, అనుపమ పరమేశ్వరన్ జంటగా నటించగా సూర్య ప్రతాప్ పల్నాటి దర్శకత్వంలో రూపొందిన చిత్రం '18 పేజెస్'. అల్లు అరవింద్ సమర్పణలో సుకుమార్ రైటింగ్స్ తో కలిసి జీఏ 2 పిక్చర్స్ బ్యానర్ పై బన్నీ వాసు నిర్మించారు. సుకుమార్ ఈ చిత్రానికి కథ అందించడం విశేషం. ఈ సినిమాను క్రిస్మస్ కానుకగా డిసంబర్ 23న రిలీజ్ చేయనున్నారు. ఇందులో భాగంగా ఈ చిత్ర ప్రీ రిలీజ్ ఈవెంట్ ను నిర్వహించారు. ఈ వేడుకకు ఐకాన్ స్టార్ అల్లు అర్జున్ ముఖ్య అతిధిగా హాజరయ్యారు.
ఈ వేడుకలో దర్శకుడు సూర్య ప్రతాప్ పల్నాటి మాట్లాడుతూ.. "అల్లు అర్జున్ గారికి ముందుగా కృతజ్ఞతలు చెప్పాలి. నా 'కుమారి 21ఎఫ్' సినిమాను వచ్చి బ్లెస్ చేసారు. ఇప్పుడు మా '18 పేజెస్' సినిమాను బ్లెస్ చేయడానికి వచ్చినందుకు థాంక్యూ సర్. నేను ఈ రోజు ఈ స్థాయిలో ఉండటానికి సుకుమార్ అన్నయ్య కారణం. సుకుమార్ గారు ఒక్కరికి సంబంధించిన వ్యక్తి కాదు మా టీం అందరికి సంబంధించిన వ్యక్తి. అన్నయ్య నాకు అవకాశం వచ్చింది కాబట్టి చెబుతున్నాను. అన్నయ్య మన టీం అందరి తరుపు నుంచి థాంక్యూ. నాకు ఈ అవకాశం ఇచ్చిన అరవింద్ గారికి, అలానే బన్ని వాసు అన్నయ్య కి థాంక్యూ. నేను ఈ సినిమా నేను చాలా ఈజీ గా చేసేసా దానికి కారణం బన్నీవాసు" అన్నారు.
నిర్మాత బన్నీవాసు మాట్లాడుతూ.. "ప్రతి సినిమా నాకు 5% నేర్పిస్తే ఈ సినిమా 25% నేర్పించింది. నిఖిల్ గారు చాలా థాంక్యూ ఎప్పుడు షూటింగ్ అన్న వచ్చేసేవారు, అలానే అనుపమ గారు కూడా. సుక్కు నా లైఫ్ లోకి ఎప్పుడు వచ్చినా మంచిగా డబ్బులు వస్తాయి. నాకు ఇష్టమైన ఇద్దరు వ్యక్తులు ఇక్కడ ఉన్నారు. నా లైఫ్ లో బన్ని 100% అయితే సుకుమార్ గారు 75% దిల్ రాజు గారు 25% ఇవన్నీ కలిపితే మా అరవింద్ గారు. గోపి సుందర్ తన మ్యూజిక్ తో మేజిక్ చేస్తాడు. బన్ని గారు గురించి ఏమి మాట్లాడిన తక్కువే అవుతుంది ఆయన లేకుండా నా ఫంక్షన్ జరగదు. థాంక్యూ సో మచ్." అన్నారు.
హీరోయిన్ అనుపమ పరమేశ్వరన్ మాట్లాడుతూ.. "సుకుమార్ గారు నందిని కేరక్టర్ ను నాకు రాసినందుకు థాంక్యూ. ఈ సినిమా డిసెంబర్ 23 న రిలీజ్ అవుతుంది, ఖచ్చితంగా చూడండి థాంక్యూ. బన్ని నువ్వు రావడం సహజం నేను థాంక్స్ చెప్పడం అంత బాగోదు." అన్నారు.
అల్లు అరవింద్ మాట్లాడుతూ.. "ఈ సినిమాను ముందుకు తీసుకెళ్తున్న మీడియాకి , మీమర్స్ చాలా థాంక్యూ. ఈ సినిమాను ఓటిటి లో అప్పుడే రిలీజ్ చెయ్యము. ఈ సినిమా చాలా బాగా వచ్చింది, థియేటర్ కి వచ్చి సినిమా చూడండి. సుకుమార్ గారు ఒక గొప్ప ఆలోచన మీకు వచ్చి.. ఈ సినిమాను గీతా ఆర్ట్స్ లో తియ్యాలి అని మీకు అనిపించి.. మా బన్నివాసు తో ఈ సినిమా తీసినందుకు సభాముఖంగా కృతజ్ఞతలు చెబుతున్నాను." అన్నారు.
హీరో నిఖిల్ మాట్లాడుతూ.. "ముందుగా ఇక్కడికి వచ్చిన పెద్దలకి మీడియా మిత్రులకు థాంక్యూ, మా సినిమాను బాగా ప్రోమోట్ చేసారు. నా కార్తికేయ 2 ను కూడా ప్రోమోట్ చేసి మంచి సక్సెస్ చేసారు. రాజమౌళి గారు , సుకుమార్ గారు వేసిన రోడ్ లో మా సినిమాను పాన్ ఇండియా లెవెల్లో తీసుకెళ్ళాం. నా ప్రీ రిలీజ్ ఈవెంట్ కి ఐకాన్ స్టార్ అటెండ్ అవ్వడం నాకు చాలా ఆనందంగా ఉంది. 2020 లో మా నాన్నగారిని కోల్పోయాను, అక్కడికి అల్లు అరవింద్ గారు వచ్చారు. అప్పుడు ఆయన చెప్పిన మాటలు నాకు ధైర్యాన్ని ఇచ్చాయి. బన్ని వాసు గారికి థాంక్యూ. సూర్యప్రతాప్ గారు ఒక చిన్న పాపల ఈ సినిమాను దాచారు. సుకుమార్ తీసిన సినిమాలు నాకు చాలా ఇష్టం. ఇప్పుడు ఆయన రాసిన పాత్రలో కనిపించడం నా అదృష్టం. గెట్ రెడీ ఫర్ డిసెంబర్ 23. ఇంత కాన్ఫిడెంట్ గా ఉన్నాను అంటే ఈ సినిమా రిజల్ట్ నాకు తెలుసు. అందరికీ థాంక్యూ." అన్నారు.
సుకుమార్ మాట్లాడుతూ.. "తండ్రి సమానులైన అరవింద్ గారికి కృతజ్ఞతలు, గీతా ఆర్ట్స్ లో అడుగుపెట్టి మీ ఎదురుగా కూర్చోవడమే గొప్ప విషయం అనుకున్నప్పుడు, ఇలా నా ప్రొడక్షన్ నేమ్ మీతో షేర్ చేసుకుంటున్నందుకు చాలా హ్యాపీ గా ఉంది. నేను ప్రొడ్యూసర్ అవుదామని జగడం అప్పుడే అనుకున్న, నేను హ్యాపీడేస్ సినిమా అప్పుడు నిఖిల్ ను పిలిచి 1 ల్యాక్ అడ్వాన్స్ ఇచ్చాను. నాకు అప్పుడే సక్సెస్ అవుతాడు అని అర్ధమైంది. నా జీవితంలో జరిగిన ప్రతి పరిస్థితిలో నాకు బన్నీవాసు తోడుగా ఉన్నాడు. తమ్ముడు ప్రతాప్ నా ప్రతికథలో భాగమే. నేను ఒక చిన్న లైన్ చెబితే మొత్తం వాడే రాసుకుని నాకు క్రెడిట్ ఇస్తున్నాడు. ఈ సినిమా సక్సెస్ అయ్యింది అంటే దానికి కారణం ప్రతాప్. పాటల రచయిత శ్రీమణిని నేను పరిచయం చేసినందుకు గర్వంగా ఫీల్ అవుతుంటాను. అనుపమ నా రంగస్థలం చెయ్యాల్సింది, కానీ కొన్ని కారణాలు వలన చెయ్యలేదు, కానీ ఖచ్చితంగా కలిసి పని చేస్తాం. నా రైటింగ్ లో వచ్చిన ప్రతి సినిమాకి బన్ని వచ్చినందుకు థాంక్యూ." అన్నారు.
అల్లు అర్జున్ మాట్లాడుతూ.. "ఈ ఫంక్షన్ కి వచ్చిన మీడియా వారికీ, నిఖిల్ ఫ్యాన్స్ కి, అనుపమ ఫ్యాన్స్ కి అలానే నా ఆర్మీకి థాంక్యూ. నా ఫేవరెట్ పీపుల్ ఈ సినిమా చేస్తున్నారు. నేనెప్పుడూ అనుకుంటాను, సుకుమార్ లేకపోతే నా లైఫ్ ఇలా ఉండేది కాదు థాంక్యూ సో మచ్ డార్లింగ్. నా క్లోజ్ పర్సన్ వాసు. వాసు నాకు ఎంత క్లోజ్ అంటే వాసు పేరు లో కూడా నా పేరు ఉంటుంది. మా నాన్నగారు సొంత ఓటిటి ఛానల్ ఉన్నా ఈ సినిమాను థియేటర్ లోనే రిలీజ్ చెయ్యాలి అనుకున్నారు. గోపి గారు మ్యూజిక్ చాలా బాగుంది, మనం త్వరలో కలిసి పనిచెయ్యాలనుకుంటున్నా, ఈ సినిమాకి పనిచేసిన టెక్నీషియన్స్ కి అల్ ది బెస్ట్. ప్రతాప్ ను ఆర్య సినిమా నుంచి చూస్తున్నా.. ఇస్తే మంచి సినిమానే ఇవ్వాలి అని వెయిట్ చేసి మరి సినిమా చేశాడు. ఈ సినిమా పెద్ద హిట్ అవ్వాలని కోరుకుంటున్నాను. కార్తికేయ తో హిట్ కొట్టిన నిఖిల్ కి కంగ్రాట్స్. నిఖిల్ మంచి కాన్సెప్ట్ సినిమాలు చేస్తాడు. అలానే నిఖిల్ చాలా పుస్తకాలు చదువుతాడు అది ఒక యాక్టర్ కి ఉండాల్సిన మంచి క్వాలిటీ. ఈ సినిమా మూడేళ్లు తరువాత రిలీజ్ అవుతుంది, ఈ సినిమాకి వీళ్ళు పెట్టిన ఎఫోర్ట్స్ మీ హార్ట్ కి టచ్ అవుతుంది. ఈ సినిమాను ఖచ్చితంగా చూడండి." అన్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
