ఇండియన్ ఫిల్మ్ ఇండస్ట్రీలోనే శ్రీలీల పెద్ద స్టార్ కాబోతోంది!
on Dec 30, 2022
'పెళ్లి సందడి' మూవీతో హీరోయిన్గా రాఘవేంద్రరావు పరిచయం చేసిన కన్నడ భామ శ్రీలీల, తన రెండో సినిమా 'ధమాకా'తో ఆడియెన్స్ను మరింతగా అలరించి, తన అభిమానుల సంఖ్యను పెంచేసుకుంది. 'ధమాకా'లో హీరో రవితేజ వయసులో సగం కూడా లేని ఆమె, తెరపై ఆయనతో చక్కని కెమిస్ట్రీ పండించింది. పాటల్లో ఆ ఇద్దరి జోడీ ఆడియెన్స్ను రంజింపజేసిందనేది నిజం. రవితేజ సైతం శ్రీలీల పర్ఫార్మెన్స్, ఆమె డాన్సులకు ఫిదా అయిపోయాడు. ఈ విషయం ఆ మూవీ మాస్ మీట్లో వెల్లడైంది.
ఆ మీట్లో రవితేజ మాట్లాడుతూ.. "ధమాకాలో పని చేసిన టెక్నిషియన్స్ అందరికీ కంగ్రాట్స్. ఎడిటర్ ప్రవీణ్ పూడి, ఆర్ట్ డైరెక్టర్ నాగేంద్ర, ఫైట్ మాస్టర్ రామ్ లక్ష్మణ్ మాస్టర్స్ కి థాంక్స్. అద్భుతమైన వర్క్ చేశారు. డీవోపీ కార్తిక్ ఘట్టమనేని ఎక్సలెంట్ విజువల్స్ ఇచ్చారు. సినిమాలో అందరం అందంగా వున్నామంటే దానికి ప్రధాన కారణం కార్తిక్ కెమరా పనితనం. ఈ సినిమా విజయానికి మొట్టమొదటి కారణం.. మా మ్యూజిక్ డైరెక్టర్ భీమ్స్ సెసిరోలియో. సాలిడ్ సౌండ్ ఇచ్చాడు. ఈ సినిమాతో నెక్స్ట్ లెవల్ కి వెళ్తాడు. ధమాకా సక్సెస్ కి రెండో కారణం.. పీపుల్స్ మీడియా మీడియా ఫ్యాక్టరీ. వాళ్ళు ప్రమోట్ చేసిన విధానం, వారి పాజిటివిటీ చాలా ఆనందాన్ని ఇచ్చింది. విశ్వప్రసాద్ గారు, వివేక్ గారు అద్భుతమైన వ్యక్తులు. చాలా పాజిటివ్ గా వుంటారు. ఈ బ్యానర్ లో చాలా సినిమాలు రావాలి, సూపర్ హిట్లు కావాలి. నేను కూడా ఈ బ్యానర్ లో వరుసగా సినిమాలు చేస్తాను. బ్యానర్ అంత నచ్చింది." అన్నాడు.
యాక్టర్ల విషయం ప్రస్తావిస్తూ "భరణి గారు, తులసి గారు, చమ్మక్ చంద్ర, జయరాం గారు, చిరాగ్ అందరూ అద్భుతంగా చేశారు. రావు రమేష్, ఆది ధమాకాలో మరో హైలెట్. పాత సినిమాల్లో రావుగోపాల రావు, రామలింగయ్య గారిలా అద్భుతంగా వినోదం పంచారు." అని చెప్పాడు.
ఆ తర్వాత శ్రీలీల గురించి మాట్లాడాడు రవితేజ. "ఈ సినిమాకి మరో ఆకర్షణ మా అందమైన హీరోయిన్ శ్రీలీల. అందం, ప్రతిభ, అభినయం అన్నీ వున్నాయి. ఇక డ్యాన్స్ ఐతే సూపర్. ఇండియన్ ఫిల్మ్ ఇండస్ట్రీలోనే తను పెద్ద స్టార్ కాబోతుంది. అని ప్రశంసల జల్లు కురిపించాడు.
"ఈ విజయానికి మరో కారణం డైలాగ్ రైటర్ ప్రసన్న కుమార్. డైలాగులు అద్భుతంగా ఎంజాయ్ చేస్తున్నారు. అలాగే ఇంద్ర సినిమా స్పూఫ్, పల్సర్ బైక్ పాట ఐడియా కూడా ప్రసన్నదే. రామజోగయ్య శాస్త్రి గారు, కాసర్ల శ్యామ్ చాల మంచి సాహిత్యాన్ని అందించారు. లాస్ట్ బట్ నాట్ లీస్ట్.. ధమాకా సినిమాకి డ్రైవర్ దర్శకుడు త్రినాథరావు, నేను కండక్టర్ ని(నవ్వుతూ). త్రినాథరావు, ప్రసన్న కాంబో ఎప్పుడూ హిట్టే. సెకెండ్ హ్యాట్రిక్ లోకి ఎంటర్ అయ్యారు. అదీ కొట్టేయాలి. అందరినీ ఇలానే ఎంటర్ టైన్ చేయాలి. ధమాకాకి అభిమానులు చేసిన హడావిడి ఇంతా అంతా కాదు. పండగ చేసుకొని రెండేళ్ళు అయ్యింది. మళ్ళీ ఇప్పుడు పండగ. ఇకపై పండక్కి గ్యాప్ ఇవ్వొద్దు. పండగమీద పండగ చేసుకోవాలి. మీ సపోర్ట్ ఇలానే కొనసాగాలి. అందరికీ కృతజ్ఞతలు" అని చెప్పుకొచ్చాడు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
