రకుల్ ప్రీత్ కు ఆ ఒక్కటీ సరిపోదట..!
on Apr 27, 2016
పని చేసిన తర్వాత చాలా మంది అలిసిపోయి విశ్రాంతి కోరుకుంటారు. తర్వాత పని అలసట తీరిన తర్వాత చేద్దాంలే అనుకుంటారు. కానీ రకుల్ ప్రీత్ సింగ్ మాత్రం అలా కాదట. రెస్ట్ తీసుకోవడమంటే తనకు చిరాకు అని చెబుతోందీ అమ్మడు. ప్రస్తుతం టాలీవుడ్ లో టాప్ హీరోల సినిమాల్లో వరసగా సినిమాలు చేసుకుంటూ వెళ్తున్న రకుల్ భామకు, ఒక్క నిముషం ఖాళీ దొరికినా ఇష్టం ఉండదంటోంది. " ఒకేసారి హీరోయిన్ గా రెండేసి మూడేసి సినిమాలు చేసుకుంటూ వెళ్లిపోతున్నా, ఇంకా ఏదో చేయాలనే ఉంటుందట. అందుకే ఫిట్ నెస్ ఛైన్ ను కూడా స్టార్ట్ చేసింది. చిన్నప్పటి నుంచి మా అమ్మానాన్నలు నన్ను ఇలాగే పెంచారు. రోజుకు ఐదారు గంటలకు మించి నిద్రపోను. రోజంతా బిజీగా ఉండాలని ఆలోచిస్తుంటాను. ఫిట్ నెస్ వ్యాపారంలోకి ప్రారంభించి జిమ్ ను స్టార్ట్ చేశాను. ఇదే కాక, భవిష్యత్తులో మరిన్ని వెంచర్స్ స్టార్ట్ చేస్తాను. ఏం చేసినా, రోజంతా బిజీగా ఉండటం నాకు చాలా ఇష్టం " అని చెబుతోందీ భామ. మొన్నే సరైనోడుగా ప్రేక్షకుల్ని పలకరించిన రకుల్, రామ్ చరణ్ తర్వాతి సినిమా థ్రువలో మెరవనుంది. బెల్లంకొండ శ్రీనివాస్ బోయపాటి కాంబోలో రాబోతున్న సినిమాకు కూడా రకుల్ సైన్ చేసిందని సమాచారం.
Also Read