' రాజా చెయ్యి వేస్తే ' సెన్సార్ రిపోర్ట్..!
on Apr 23, 2016
ప్రస్తుతం తెలుగు యువహీరోల్లో అత్యంత బిజీగా ఉన్నాడు నారారోహిత్. ఇప్పటికే ఈ ఏడాది తుంటరి, సావిత్రి సినిమాలతో ప్రేక్షకుల్ని పలకరించిన నారావారబ్బాయి, రాజా చెయ్యి వేస్తే తో మళ్లీ బాక్సాఫీస్ ను అటాక్ చేయడానికి రంగం సిద్ధం చేసుకుంటున్నాడు. నారా రోహిత్ హీరోగా చేస్తున్న ఈ సినిమాలో, నందమూరి తారకరత్న విలన్ గా చేయడం విశేషం. ఏప్రిల్ 29న థియేటర్లలో ఎంటర్ అవనున్న ' రాజా చెయ్యి వేస్తే ' సెన్సార్ ఫార్మాలిటీస్ కంప్లీట్ చేసుకుంది. సెన్సార్ బోర్డ్ ఈ మూవీకి యుబైఏ సర్టిఫికెట్ ఇచ్చింది. కొద్దిగా యాక్షన్ డోస్ ఎక్కువ కావడంతోనే ఈ సర్టిఫికెట్ అని చెబుతున్నారు. స్టైలిష్ యాక్షన్ ఎంటర్ టైనర్ గా రూపొందిన రాజా చెయ్యి వేస్తే ట్రైలర్, బ్యాగ్రౌండ్ మ్యూజక్ కు ఇప్పటికే మంచి రెస్పాన్స్ వస్తోంది. తారకరత్న పాత్ర సినిమాకు హైలెట్ గా ఉంటుందని చెబుతున్నారు. గుండె జారి గల్లంతయ్యిందే ఫేమ్ ఇషా తల్వార్ హీరోయిన్ గా చేస్తున్న ఈ సినిమాతో ప్రదీప్ చిలుకూరి అనే కొత్త దర్శకుడు పరిచయమౌతున్నాడు. వారాహి చలనచిత్రం బ్యానర్ పై సాయి కొర్రపాటి నిర్మిస్తున్నారు.