గీతా ఆర్ట్స్ బ్యానర్లో కిరణ్ అబ్బవరం.. లక్కీ ఛాన్స్ కొట్టేసిన యంగ్ హీరో!
on Jan 6, 2022
'రాజావారు రాణివారు', 'SR కళ్యాణ మండపం' వంటి సినిమాలతో మంచి గుర్తింపు తెచ్చుకున్న యంగ్ హీరో కిరణ్ అబ్బవరం లక్కీ ఛాన్స్ కొట్టేశాడు. ప్రముఖ నిర్మాణ సంస్థ గీతా ఆర్ట్స్ 2 బ్యానర్ లో నటించే అవకాశాన్ని దక్కించుకున్నాడు.
భలే భలే మగాడివోయ్, గీత గోవిందం, మోస్ట్ ఎలిజిబుల్ బ్యాచ్లర్ వంటి సూపర్ హిట్స్ ని అందుకున్న గీతా ఆర్ట్స్ 2 .. ప్రొడక్షన్ నెం 7గా కిరణ్ అబ్బవరం హీరోగా ఓ సినిమాను నిర్మించనుంది. కిరణ్ అబ్బవరంకు కూడా ఇది 7వ సినిమా కావడం గమనార్హం. మెగా నిర్మాత అల్లు అరవింద్ సమర్పణలో వస్తున్న ఈ సినిమా ముహూర్త కార్యక్రమాలు జనవరి 7 ఉదయం 10.19 నిమిషాలకు ఫిల్మ్ నగర్ దైవ సన్నిధానంలో జరగనున్నాయి. ఈ సినిమా డైరెక్టర్, టైటిల్ తో పాటు మరికొన్ని వివరాలను కూడా రేపు(శుక్రవారం) ప్రకటించనున్నారు.
కిరణ్ అబ్బవరం చేతిలో 'సెబాస్టియన్', 'సమ్మతమే' తో పాటు మరో రెండు సినిమాలు ఉన్నాయి. ఇప్పుడు ఏకంగా గీతా ఆర్ట్స్ లో నటించే ఛాన్స్ కొట్టేశాడు. ఈ సినిమాతో కిరణ్ అబ్బవరం ఏ స్థాయిలో అలరిస్తాడో చూడాలి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
