యం.యం.కీరవాణి ‘ఇండియా ఫైల్స్’ ఆడియో రిలీజ్
on Jul 11, 2024
బొమ్మకు క్రియేషన్స్ బ్యానర్పై బొమ్మకు హిమమాల సమర్పణలో డాక్టర్ బొమ్మకు మురళి దర్శకత్వంలో తెరకెక్కిన సినిమా ‘ఇండియా ఫైల్స్’. మన దేశంలో కల్చరల్ డిఏన్ఏ మీద తెరకెక్కుతున్న తొలి సినిమా ఇదే. ప్రముఖ రాజకీయ నాయకుడు అద్దంకి దయాకర్ ముఖ్యపాత్రలో నటిస్తుండగా, ఇంద్రజ, సుమన్, శుభలేక సుధాకర్, సితార, మక్రంద్ దేశ్ పాండే, రవి ప్రకాష్, హిమజ, జీవన్ కుమార్, సహస్ర వంటి తదితరులు ఇతర పాత్రలు పోషించారు. ఆస్కార్ అవార్డు విజేత యం.యం.కీరవాణి ఈ సినిమాకు సంగీతం అందించారు. కాగా ఈ సినిమా ఆడియో వేడుకను హైదరాబాద్లోని ప్రసాద్ ల్యాబ్స్లో బుధవారం రాత్రి ఘనంగా నిర్వహించారు. ఈ వేడుకకు తెలంగాణరాష్ట్ర సినిమాటోగ్రఫి మినిస్టర్ కోమటిరెడ్డి వెంకటరెడ్డి ముఖ్య అతిథిగా హాజరయ్యారు.
మంత్రి కోమటిరెడ్డి వెంకటరెడ్డి మాట్లాడుతూ - మా అద్దంకి దయాకర్ వచ్చి 10వ తేదీ నువ్వు ప్రసాద్ ల్యాబ్కి రావాలి అని చెప్పగానే ఒకే అని చెప్పా.. కీరవాణి సార్ గారు కూడా వస్తున్నారు అని చెప్పగానే ఇంకా సంతోషించాం అని అన్నారు. ప్రజాగాయకుడు గద్దర్ అన్న కుమార్తె వెన్నలగారితో తన ఆప్యాయతను పంచుకొని గద్దర్గారి పోరాట పటిమ గురించి కొనియాడారు. ఇండియా ఫైల్స్ లాంటి గొప్ప సినిమా రిలీజ్కి ఎటువంటి సహాయం కావాలి అని అడిగిన నేను ముందు ఉండి సహాయం చేస్తా అని హామీ ఇచ్చారు
సంగీత దర్శకుడు యం యం కీరవాణి గారు మాట్లాడుతూ బొమ్మకు క్రియేషన్స్ వారి స్టూడియో విశేషాల గురించి చర్చించారు. బొమ్మకు క్రియేషన్స్తో వారికి గల అనుబంధాన్ని గూర్చి మాట్లాడారు. తిరిగి చూడు పాట యొక్క గొప్పదనాన్ని, గద్దర్ గారితో తన పరిచయం మరియు సినిమాలో తనకి కలిగిన సరదా అనుభవాల గురించి మాట్లాడుతూ.. గద్దర్ గారు పాడి ఆడి నటించిన పాటకి తాను మ్యూజిక్ అందించడం చాలా సంతోషంగా ఉందని, ఈ సందర్భంగా తన సంతోషాన్ని వెలిబుచ్చారు.
చిత్ర కథానాయకుడు డాక్టర్ అద్దంకి దయాకర్ మాట్లాడుతూ.. నేను ఈ సినిమాకు హీరో చేయడానికి అవకాశం కల్పించిన బొమ్మకు మురళి గారికి ప్రత్యేకంగా కృతజ్ఞతలు తెలుపుకుంటున్నా అని అన్నారు. ఈ సినిమాకు ముఖ్య అతిధిగా వచ్చిన కోమటిరెడ్డి వెంకట్ రెడ్డి గారికి చాలా థాంక్స్ అని అన్నారు. ఈ సినిమాలో ఉన్న పాటలు కోమటిరెడ్డి గారికి బాగా నచ్చాయి. నేను కోమటిరెడ్డి అన్న గురించి ఒక తప్పుడు మాట మాట్లాడిన రోజు మా గద్దర్ అన్న వెంటనే నన్ను తీసుకోని కోమటిరెడ్డి వెంకట్ రెడ్డి అన్న ఇంటికి తీసుకెళ్లి నీ పెద్దన్న లాంటోడు అని చెప్పిన గద్దర్ అన్నను గుర్తుచేసుకున్నారు. మన ఇరు రాష్ట్రాల సినిమా ఇండస్ట్రీ ని ఇంకో మెట్టు ఎక్కించాలి అనే తాపత్రయంతో ఉన్నారు మన కోమటిరెడ్డి అన్న అని తెలిపారు. యాక్టింగ్ అంటే ఏంటో తెలియని నన్ను 40 రోజులు ప్రత్యేకంగా ట్రైనింగ్ ఇచ్చి, ఇంత మంచి కంటెంట్ ఉన్న సినిమాలో నటించే అవకాశం కల్పించారు అని తెలిపారు.
హీరో సుమన్ మాట్లాడుతూ.. బొమ్మకు మురళి గారు సినిమా కోసమే బ్రతుకుతున్నారు. ఈ సినిమాలో తనకు మురళి గారు చాలా డిఫరెంట్ రోల్ ఇచ్చినందుకు థాంక్స్ చెప్పారు. సినిమా పెద్ద ఘనవిజయం సాధిస్తుంది అని ఆశాభావం వ్యక్తం చేసారు.
గద్దర్ కూతురు వెన్నల మాట్లాడుతూ, ఇండియా ఫైల్స్ అనేది సినిమా కాదు, ఇది మన జీవితం అని కొనియాడారు. గద్దర్ గారు మన మధ్య లేకున్నా ఆయన మనలో నింపిన స్ఫూర్తి, పోరాట పటిమ మనలో ఎప్పటికి ఉంటాయి అని అన్నారు.
ఈ సినిమా దర్శకులు డాక్టర్ బొమ్మకు మురళి గారు మాట్లాడుతూ నేను మీ అందరి కోసం తెరకెక్కించిన ఈ సినిమాకు సంగీతం అందించిన కీరవాణి గారి గురించి ముందుగా మాట్లాడాలి. ఆయన మా సినిమాకు బాహుబలి సినిమా స్థాయి మ్యూజిక్ అందించారు. ప్రపంచంలో ప్రతి మూలకు వెళ్లగలిగే శక్తి ఒక్క సినిమాకు మాత్రమే ఉంది. ఈ ఇండియా ఫైల్స్ అనే సినిమాకు ముందుగా బీజం వేసింది గద్దర్ అన్ననే అని అన్నారు. గద్దర్ అన్న ఎప్పుడూ అంటుండేవారు సాంస్కృతిక విప్లవం అండ్ కల్చరల్ ఇన్వెన్షన్ మన దేశంలో ఇన్ని వేల దేవుళ్ళు, ఇన్ని లక్షల ఆచారాలు, ఇన్ని కోట్ల దేవుళ్లను సృష్టించింది అని. ఈ సినిమాలో గద్దర్ అన్న చాలా ఇంపార్టెంట్ రోల్ ప్లే చేసారు, సినిమా కథ విషయంలో నాకు ఎంతో హెల్ప్ చేసారు. ఈ కథ కోసం ఒక రియల్ టైమ్ హీరో కావాలి, ఒక రియల్ టైమ్ రాజకీయ నాయకుడు కావాలి, లీడర్ మాత్రమే మన సమాజాన్ని ప్రభావితం చేయగలడు అని నమ్మి అద్దంకి దయాకర్ గారిని హీరోగా అనుకోని ఇండస్ట్రీ కి పరిచయం చేస్తున్నాం అన్నారు. కీరవాణి గారు మేము బ్రతికున్నంత కాలం గుర్తుపెట్టుకొని, ఈ సాంగ్స్ మేము చేసాం అనే గర్వంగా ఫీల్ అయ్యే పాటలు ఇచ్చారు కీరవాణి సార్.. మీకు మా ప్రత్యేక కృతజ్ఞతలు అంటూ ఆయన పై తనకున్న అభిమానాన్ని చాటుకున్నారు డాక్టర్ బొమ్మకు మురళి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
