అల్ల‌రి న‌రేశ్ ఉగ్రావ‌తారం!

అల్ల‌రి న‌రేశ్‌, డైరెక్ట‌ర్ విజ‌య్ క‌న‌క‌మేడ‌ల కాంబినేష‌న్‌లో ఇదివ‌ర‌కు వ‌చ్చిన 'నాంది' సినిమా మంచి విజ‌యం సాధించింది. న‌టునిగా న‌రేశ్‌లోని మ‌రో కోణాన్ని ఆ చిత్రం ఆవిష్క‌రించింది. కేవ‌లం కామెడీ హీరో క్యారెక్ట‌ర్ల‌కే తాను ప‌రిమితం కాద‌నీ, సీరియ‌స్ క్యారెక్ట‌ర్స్‌ను కూడా తాను సునాయాసంగా చేస్తాన‌ని ఆ సినిమాతో ప్రూవ్ చేశాడు న‌రేశ్‌. ఇప్పుడు అదే కాంబినేష‌న్‌తో మ‌రో సినిమా రూపొందుతోంది. ఆ చిత్రానికి 'ఉగ్రం' అనే టైటిల్ ఖ‌రారు చేశారు.

సోమ‌వారం రిలీజ్ చేసిన‌ టైటిల్ లోగో పోస్ట‌ర్ సోష‌ల్ మీడియాలో వైర‌ల్ అయ్యింది. ఆ పోస్ట‌ర్‌లో ఒళ్లంతా ర‌క్తం ఓడుతున్న న‌రేశ్ పెద్ద‌గా కేక‌వేస్తూ క‌నిపిస్తున్నాడు. అత‌ని వీపుపై ఎవ‌రో క‌త్తితో పొడిచిన‌ట్లుగా ఉంది. ఈ పోస్ట‌ర్ రిలీజ్ చేయ‌డం ఆల‌స్యం, ట్విట్ట‌ర్‌లో నంబ‌ర్ వ‌న్ ప్లేస్‌లో ట్రెండింగ్‌లోకి వెళ్లింది. షైన్ స్క్రీన్స్ బ్యాన‌ర్‌పై సాహు గార‌పాటి, హ‌రీశ్ పెద్ది సంయుక్తంగా ఈ చిత్రాన్ని నిర్మిస్తున్నారు.

శ్రీ‌చ‌ర‌ణ్ పాకాల సంగీతం స‌మ‌కూరుస్తున్న 'ఉగ్రం' చిత్రానికి సిద్ సినిమాటోగ్రాఫ‌ర్‌గా, చోటా కె. ప్ర‌సాద్ ఎడిట‌ర్‌గా, బ్ర‌హ్మ క‌డ‌లి ఆర్ట్ డైరెక్ట‌ర్‌గా వ‌ర్క్ చేస్తున్నారు.

అల్ల‌రి న‌రేశ్ ఉగ్రావ‌తారం!

Also Read

ఇది భార‌త త్రివ‌ర్ణ ప‌తాకం.. ఎన్న‌టికీ త‌గ్గేదే లే!

పూజా కార్య‌క్ర‌మాల‌తో మొద‌లైన 'పుష్ప 2'

Cinema Galleries

Latest News

Video-Gossips

TeluguOne Service

Customer Service

Live Help 24/7Customer Care

Send your Queries to

Follow Us Here

Disclaimer:

All content on this website—including text, images, videos, graphics, and audio—is the property of ObjectOne Information Systems Ltd. or its associates. Unauthorized reproduction, distribution, modification, or publication of any material is strictly prohibited without prior written consent.