జపాన్ లో 'ఆర్ఆర్ఆర్' కలెక్షన్ల సునామీ.. 'బాహుబలి-2' రికార్డుకి ఎసరు!
on Nov 8, 2022
ప్రపంచవ్యాప్తంగా ఇప్పటికే ఎన్నో సంచలనాలు సృష్టించిన 'ఆర్ఆర్ఆర్' జపాన్ లోనూ సరికొత్త రికార్డులతో దూసుకుపోతుంది. మరే ఇండియన్ సినిమాకి సాధ్యం కాని విధంగా తక్కువ రోజుల్లో ఎక్కువ కలెక్షన్స్ రాబడుతూ.. 17 రోజుల్లోనే జపాన్ లో అత్యధిక కలెక్షన్లు రాబట్టిన ఇండియన్ సినిమాలలో మూడో స్థానంలో నిలిచింది.
జపాన్ లో అక్టోబర్ 21న 'ఆర్ఆర్ఆర్' విడుదలైన సంగతి తెలిసిందే. హీరోలు జూనియర్ ఎన్టీఆర్, రామ్ చరణ్, దర్శకుడు రాజమౌళి విడుదలకు ముందు జపాన్ వెళ్లి బాగా ప్రమోట్ చేశారు. అందుకు తగ్గట్టే ఓపెనింగ్స్ భారీగానే వచ్చాయి. అంతేకాదు జపాన్ లో మొదటి వారం అత్యధిక కలెక్షన్లు రాబట్టిన ఇండియన్ చిత్రంగా 'ఆర్ఆర్ఆర్' సంచలనం సృష్టించింది. జపాన్ లోని 44 నగరాల్లో 200 కి పైగా స్క్రీన్స్ లో విడుదలైన 'ఆర్ఆర్ఆర్' మొదటి వారంలోనే 73 మిలియన్ యెన్స్(జపాన్ కరెన్సీ) వసూలు చేసింది. ఆ తర్వాత కూడా అదే జోరు కొనసాగిస్తూ మూడో వారాంతం పూర్తి చేసుకున్న ఈ మూవీ.. 17 రోజుల్లో 185 మిలియన్ యెన్స్ రాబట్టింది. జపాన్ లో వేగంగా ఇన్ని మిలియన్ యెన్స్ కలెక్షన్స్ రాబట్టిన ఇండియన్ సినిమా 'ఆర్ఆర్ఆర్' కావడం విశేషం. జపాన్ లో 17 రోజుల్లో ఈ చిత్రాన్ని 1,22,727 మంది వీక్షించారు.
జపాన్ లో ఫుల్ రన్ లో అత్యధిక కలెక్షన్లు రాబట్టిన ఇండియన్ సినిమాలలో రజినీకాంత్ 'ముత్తు' మొదటి స్థానంలో ఉంది. 24 ఏళ్ళ క్రితం విడుదలైన ఈ చిత్రం ఏకంగా 400 మిలియన్ యెన్స్ తో సత్తా చాటింది. ఆ తర్వాతి స్థానాల్లో 300 మిలియన్ యెన్స్ తో 'బాహుబలి-2', 170 మిలియన్ యెన్స్తో '3 ఇడియట్స్' ఉన్నాయి. 17 రోజుల్లోనే '3 ఇడియట్స్'ని దాటేసి ఇప్పుడు మూడో స్థానంలోకి వచ్చేసింది 'ఆర్ఆర్ఆర్'. ఫుల్ రన్ లో 'బాహుబలి-2'ని దాటేసి రెండో స్థానానికి వెళ్ళినా ఆశ్చర్యంలేదు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
