వర్మ పట్టపగలు ఫస్ట్ లుక్
on Apr 5, 2014
రాజశేఖర్ ప్రధాన పాత్రలో నటిస్తున్న తాజా చిత్రం "పట్టపగలు". రాంగోపాల్ వర్మ దర్శకత్వంలో తెరకెక్కుతున్న ఈ చిత్ర షూటింగ్ దాదాపు పూర్తయ్యింది. ప్రస్తుతం పోస్ట్ ప్రొడక్షన్స్ పనులు జరుగుతున్నాయి. ఇటీవలే వర్మ తీసిన "రౌడీ" మంచి టాక్ ను సొంతం చేసుకోవడంతో... ఇదే సమయంలో తన మరో చిత్ర ఫస్ట్ లుక్ ను విడుదల చేసి జనాల్లో అంచనాలను పెంచడానికి ప్రయత్నిస్తున్నారు. అందుకే "పట్టపగలు" ఫస్ట్ లుక్ ను తాజాగా విడుదల చేసారు. కూతురుని పట్టి పీడిస్తున్న క్షుద్ర శక్తులతో ఒక తండ్రి ఎలా పోరాడాడు? దానికోసం అతను ఏం చేసాడు? అనే కథాంశంతో ఈ చిత్రం తెరకెక్కినట్లు తెలుస్తోంది. సినిమాను మే నెలలో విడుదల చేయడానికి సన్నాహాలు చేస్తున్నట్లు తెలిసింది. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.